الطموح و العمل والمثابرة والالتزام وقليل من المشاغبة تكون الحياة ناجحة

Friday, March 10, 2006

افكار

لما اقعد بروحى وهالشى يمثل لى متعة ان اقعد بروحى تبدى الافكار تاخذنى وافكر باشياء وايدة ابى اكتبها على السريع بنقاط وباشوف شنو
اطلع فيه هل نظرتى عامة ام شخصية هل طموحاتى محدودة ام واسعة
انا انسان عنيد جدا لكن عندى قناعة بان للصح اكثر من وجه
احترم الرأى الاخر بشرط ان ما يكون قبيح فى الطرح
الكويت بلد جميل جدا لكن الناس فيه وايد تغيرت الى الاسوأ
الناس تزعل وتعتقد انك تبالغ فى عرض مشكلة لان تعودنا على اسلوب التخدير
ودى اكمل دراستى بسرعة او بالاصح لان ابى اقعد ثلاث سنين برة الكويت تعبت من اللى قاعد اشوفه والناس تاخذه بشكل عادى
الموت دايما ادعى ان يكون جدام عينى علشان ما اغلط
عندى متعة بمساعدة الناس دون انتظار رد
شخصيا تاذيت من ناس وايد لكن علمتنى الدنيا ان اخذ حقى وانا ساكت وهذا سر النجاح
الحمدالله احس ان وصلت حق مرحلة متقدمة بسن صغير علميا ووظيفيا وهذا من رضى الله ومن ثم الوالدة
مشكلتى ادور الحب بالعيون كنت قبل القاه بس الحين نادر جدا ما المحه لان اغلب العيون صارت خبيثة او مستحية تظهر الحب العفيف
اكثر الناس تفهمنى غلط لجرأتى الزايدة لكن انفعتنى بالشغل وخلتينى اسبق جيلى
وايد احب اعيش البساطة واكره التكلف جدا واموت علىالبحر
ما اعتقد فى انسان كثرى يحب يشرب القهوة بشغف
اكره مرات وايدة الشاب الكويتى بسبب السطحية
ظهور انصاف مثقفين قارى كتابين وياى يتفلسف واذا قبل اسمه لقب لا يحوشك هذا يكهرب عند نفسه
الحالة السياسية الداخلية والخارجية وايد تخلينى افكر بالوضع الحالى
مشكلة شباب الكويت اذا وحدة وياه بالدوام ويبيها بس تلف يقعد يخز مقفاها
استمتع بالشعر
اتعذب لما اسمع صوت شخص مظلوم
بس تعبت هذى كانت افكار طايرة بمخى
وما ابى اسلم على كل مرة

8 comments:

Яeema said...

هونها و إهي تهون

المشكلة إنك تبي تصلح الكل
و هذا غلط
عيل ليش فيه جنة و نار

الكل عارف شنو قاعد يسوي
بس الانسان دايما يعاند و يتكبر و يتمرد

خلك لين عشان ما تنكسر

البعض يبي يسوي الغلط عشان يحس بطعم النجاح


في نوعية من الناس اتحب تتكلم لمجرد الكلام

لا تحرمها من هالحق


خلك مستمع و منصت جيد

و بعدين لا فيه أحد يشرب قهوة بشغف
أنا و توني شاربة قهوة تركية بدون سكر و بحط راسي و أنام

أقول؟
أشونة الأفكار طارت
مشكلة إذا لما ألحين موجودة

3ateeja said...

تبي تصلح الكون شعار الى الآن احاول اطبقه
بس تعلمت شغله ان الاصلاح يبدأ بالنفس اولا
ومن راقب الناس ماتت امه
احب القهوه والجاي ولو يطوف يوم ما اشربهم راسي ينفجر
لاتهد ديرتك ....نصيحه تبي تصلح اصلح ديرتك
فخيركم خيركم لأهله ..وانا خيركم لأهلي :)

Unknown said...

ريما: المسألة مو مسألة اصلاح على كثر ما اهيا مسألة نقد وعدم اعجاب باللى قاعد يدور حوالينا

عتيجة : المثل يقول من راقب الناس مات هما مو ماتت امه :)وديرتى بهدها فترة علشان ابى اخذ الدكتوراة انشاء الله اذا الله كاتبلى

نادية : انا كنت اشرب باليوم 16 لى 20 فنجان قهوة تركية سادة بس الحين خففت :)والعرج اللى فيج احبه وما احبه احب اللبنانين ملوت اول وما احب لبنانين ستار اكاديمى ودمتى عزيزة وغالية وقولج هالمرة بالتسعين

Яeema said...

90 zawya 90
يعنب بالقائم 90

وهو أصعب قول إتحطينة


صح مشاري؟

Unknown said...

ريما: صح :)
نادية :اذا جذى لازم اعزمج على يوم على قهوة بكفتيريا نادى الاهلى المصرى
الديتسن:مشكورة على التعليق وحياج القهوة ما تكون بدونج

Unknown said...

احسن ناس يضيطون القهوة بماى و صخ اهم اللبناين قهوتهم من غير وش ومغليه ما احبها
بس عليهم حلو مو طبيعى خصوصا اذا كان من نص القمر

Unknown said...

مشكورة مقدما بس شكلى انا سابقج قريبااا :)

Anonymous said...

Best regards from NY! Tcimoving company klonopin slot machines