الطموح و العمل والمثابرة والالتزام وقليل من المشاغبة تكون الحياة ناجحة

Sunday, July 02, 2006


يعنى هال-- ما نى ساب انا ارفع من انى اسب واحد جذى اسلوبه
تكفون اقروا وعلقوا عليه بضميركم يوم القيامة الواحد يقول يالله السلامة والنجاة والاخ يقولولى انتخابات
click


_ _ _ _ _ _ _ _ _ _ _ __ __ __ __ _ _ _ _ _ _ _ _ _ _ _ _ _ _ _ _

موضوع غير متصل

ما أتذكر يوم بحياتى انى سويت عيد ميلاد يعنى مو نفس باجى الصغار

ما كان يشدنى ان اسوى هالشى وانا صغير ما ادرى ليش

لكن اتذكر ان كان ودى وما كان ودى شعور غريب خليط

اللى اتذكره بحياتى ان انا حبيت مرة اسويلى عيد ميلاد بروحى قبل الغزو وكان عمرى ما يتجاوز 13 سنة

رحت يمكن شريت كيكة او الوالدة الله يطول بعمرها شرتها ما اتذكر بالضبط

وناديت ربعى وقتلهم عيد ميلادى على السماط

اى على السماط مزاجى

واقعدهم على الارض واقعد اقص الكيكة

فى ناس وايد تستحى من اشياء بحياتها ودايما تتفاخر انها كانت تسافر وتروح وتحط وتشترى وتييب ولكن هالشى ما هو مدعاة للفخر وناس وايد عايشة على عرق غيرها

بكل بساطة شنو فايدة الشى اذا ما احس بقيمته وتعبى وانا ايبه بجهدى

وشنو الحياة غير الم وفرحة من بعد صبر

ما أستحي من القول أنى انسان بدى من تحت الصفر بالعكس هذا فخر لى شديد جدا لانى حققت بسنوات قليلة

ما لم يحققه غيرى طول عمره

4\7 من كل عام اى شخص عيد ميلاده بهاليوم يحتفل ويستانس لكن بحياتى انا هاليوم فعلا هو يوم عيد ميلادى ولكن يوم اجدد فيه قوتي علشان ابتدى مرة ثانية من جديد

وكل عام وأنا بخير

وسلمولى على اللى يهوهو ولا يتحرك يسوى شى


18 comments:

NewMe said...

كل عاااااااااااااااااااام وأنت بألف خييييييييييييييييييييييير وصحة وسلامة
لازم تسوي عيدميلاد السنه وتحتفل
it is never tooo late ;)

أطيب تحياتي

sOulvOice said...

looolالثقة الزايدة وماتسوي


عموما هذي نهاية كل متاجر بالعمامة


====



كل عام ونت بخير

نتمنالك سنة حلوة

ReLaaaX said...

الحمدلله الذي عافانا مما ابتلاهم به وفضلنا على كثيراً ممن خلق تفضيلاً ... !


صراحه ماعندي تعليق ، غير اني شكيت بقدراته العقليه !!!!


ياربي لاتجعل الدنيا اكبر همنا ولا مبلغ علمنا


_________________



بالنسبة للبساطه والسماط بالعكس حلاة الشي يكون غير متكلف --> مادري مثل يديد ;)


((وشنوالحياةغير الم وفرحة من بعد صبر))


صاااج والله صاج .. والله يبارك ويزيد بالناس الطموحه

NewMe said...

!!!!!!الموعد معكم على الصراط المستقيم يوم القيامة

من صجة ذي
لووووووووول
توني قريت المقالة

بس وهاذلين ما عندهم
غير التهديد والوعيد

تلاقي اللحين العشرات بل المئات راحت تستغفر
وتغسل اذنوبها

اللعب بعواطف الناس
مو اول ولن تكون المره الاخيره

اطيب تحية

الكويتي الحر said...

عن السيد .. جاه ما كفاه عقب تصريحاته النارية والثقة الزايده

عن ميلادك
كل عام وانت بخير وهو بالمناسبة نفس تاريخ زواجي
:)

White Wings said...

كل عام وانت بخير
ولك الحق أن تفتخر بعصاميتك، والدي بنى نفسه من تحت الصفر، أسرته كانت فقيرة جداً لكنه وصل وحقق الكثير، وأنا فخورة جداً بتاريخه وأذكره دائما
أحييك

bo9ali7 said...

يا معود هذا ما عليه شرهه..الشرهه على اللي نجحه المرة اللي طافت
====
كل عام وانت بخير..بس شكله خوش عيدميلاد مال السماط
:)

لمياء الحالمة said...

مشاري

كل عام وإنت بألف خير, وعقبال مية سنة

يالله حالاً حالاً بالاً حيّوا أبو الفصاد
حيكون عيد ميلادو الليلة اجمل الاعياد
فليحيا ابو الفصاد

:)

Unknown said...

لمياء الحالمة : وانتى بالف خير واتفاءل لوجودج :) فى مدونتى فعلا

kitty : عيل الله يعينكم على بنت خالتج اذا نفس شخصيتى :)

القلاف الله يهدينا ويهديه ضرب بالمواضيع كلها بالطوفة


bo9ali7: ماكو على البساطة بعدين على قولتهم هلاقة بارتى :))


White Wings: اشكرج اختى العزيزة والرجل العصامى اى كان تظل بصمته اقوى وخلينى اتشرف ان والدج يكون مثلى الاعلى



الكويتي الحر: اهو ياه ما كفاه صج ياله ما كفاه

وبعدين عيد زواجك المفروض الكيكة عليك عيل :)
تحياتى ومبروك وعقبال 100 سنة انشاء الله

NewMe : اللعب مو بالعواطف اللعب بالدين خطر هذا مختصرى له

ReLaaaX: وايد شجعتينى :))
بس الصراحة الواحد ما يقول الا يالله السلامة والاخ يتفزلق


sarah: الله يقويج :)
و الحياة بدون تعب مالهاطعم ;)


soulvoice-misso: العمامة ان لم يحترمها حاملها صارت وصمة عار وليست شرف وعلم :)

ومشكورة

NewMe : وانتى بالف خير /:)

nOOna : انتى تغطين وتطلعين فجأة :) وتكونين اول وحدة
وانتى بخير وصحة وسلامة
وكل عام وانتى بخير باجر :)

الاء سعود المجيبل said...

كل عام وانت بخير...^___^

ما ادري ليش تذكرت يوم امي تسولف لنا عن عيد ميلاد اختي الكبيرة وانها يابت لها عايشة المرطى تغني لها ههههههههههههه


استمتع ابيومك...:)

layal said...

وخرووا سنفور وصل بس مو معصب فرحان
كل عام وانت بخير
وسلموا لي علي اللي ايبب ويلولش وله يسوي لنا عيد ميلاد

تدري شكانوا يحطون لي بعيد ميلادي
يحطون لي الكيكه في صينيه معدن ويمها صحن برتقال وصحن موز وصحن تفاح
وكل ما انشوف الصور -صج ايام حلوه
:-)

Anonymous said...

كل عااااااام وانت بخير وسعاده ان شاء الله =)

الله يرزقك بالحياه السعيده والانجازات الي ما لها نهايه ان شاءا لله ^_^

شنو امنياتك للسنه الجديده الي تدخل فيها ؟

الله يحفظك ..

الحجيه said...

السلام عليكم جميعا

لسيد : ردي عليه بحكمه جميله

إياك وأن يضرب لسانك عنقك

لسان الفتى عن عقله ترجمانه متى زل عقل المرء
زل لسانه
=========
يوم الميلاد : في اعتقادي أهميته أن أحاسب نفسي على السنة التي مضت ما أنجزت وما هي عثراتي
حتى أحاول أن انضم أوراقي وأتقدم للأفضل

يا أخ مشاري البداية من الصفر ما تعيب الإنسان ولا البداية بدون تعب تعيب الإنسان ولأكن الذي يعيب الإنسان أخلاقه أوأهمال دينه

4\7 كل عام وأنت بألف خير يا خوي مشاري وتوفيق والى الأمام بأذن الله وهديتك في مدونتي المقال الأخير أنشاء الله تعم الفائدة للجميع

لحول لين الحين يهوهو ولا يتحرك جود الله يهداه ويتحرك

tweety said...

هالقلاف اظاهر الصدمة أثرت عليه وخلته يقط خيط وخيط
...................
كل عام وانت بخير أنا معاك انه أعياد الميلاد قبل ببساطتها وفوضتها لها طعم خاص مع اني بصراحة انغث من عيد ميلادي واحس أنه الزمن يستفزني ويقولي ترا كبرتي وبتشدقين وتصيرين عيوز . تعظيم سلام انك مفتخر بنفسك انك بديت من الصفر لأن عمر مقياس التفاضل ما كان على المظاهر والجذب , أول مرة أمر على بلوجك سوري على اللقافة

Unknown said...

tweety :حياج الله بزيارتج الاولى وانشاء الله اكون ما غثيتج بشخابيطى

وعلى قولتج الصدمة تسوى عمايل

وانتى بخير وصحة وسلامة :)
مشكورة
الحجيه : الاخ شكله قام يخورها وايد الله يعنيه على نفسه
وبالفعل السنة لما تمر لازم الواحد يحاسب نفسه ويطورها

FatmaQatar: وانتى بخير:) امنياتى وايد مالها حدود ولكن بعقل :)

layal: الظاهر عيد الميلاد عندكم كان صحى :)
وانتى بخير و صحة وسلامة :)

Q8ya : عاد عايشة المرطة :) الله يهداها الوالدة شكلها استانست على حساب اختج :)
وانتى بخير وصحة وسلامة مشكورة :)

Q8Lioness said...

لوووووووووووول ضحكني كلام القلاف مصدق نفسه

وكل عااااااام وانت بخير وصحه يارب
وعقباال مليونتعش سنه :)

neelaah said...

اوووووووووووووف
والله عيب علي
انا اسفه
على التأخير

بس كل عام و انت بالف خير
و بصحه
و بهدوء

ويخلي لك كل اللي تحبهم حواليك

Unknown said...

Q8Lioness : اهو يضحك الا يفقد بس الواحد يقول الله يهديه
ومليونتعش سنة شسوى فيهم :)) وايد جنه صح ؟

neeleah :ماكو بينا اسف :)
مشكورة على هالتمنيات الحلوة لكن ما اعتقد شخصياتنا فيها هدوء كل لويه احنا:)
مشكورة