مشكلتنا

مشكلتنا ان بالكويت ما نؤمن بالوسطية يا الولد منقز الشعر او واحد يمشى ويكفر خلق الله

مشكلتنا ان ما فى احد يبى يتعب ويبى كل شى جاهز حتى باكلنا يا مطعم او سخن و اكل

مشكلتنا ان صار التوجه عندنا حتى سايق التاكسى بدون علم او دراية يبى بشتغل بالبورصة ويتفلسف

مشكلتنا ان طلبة المدارس صار عندهم مدرس المدرسة اهو والسايق واحد 24 ساعه بالبيت

مشكلتنا ان الاخفاق وصل حق كل شى حتى الرياضة والفن اللى كنا سابقين فيهم العالم الحين صار الفن مطنزة وبس

مشكلتنا ان الكويت حسب اخر الاحصاائيات اهيا من اخر الدول اللى تنفق على التطوير

مشكلتنا ان العنوسة زادت ومعا تزايد طردى بالقعدة بالكوفى شوبات

مشكلتنا ان الكويتى ما عنده قناعه بشى يسويه الهبة شنو اليوم معاهم يعنى بالمختصر مع الخيل يا شقرة

مشكلتنا ان غابت القيم وغابت الاهتمام بالتعليم والتربية وزاد الاعتماد على الخدامة

مشكلتنا ان عندنا ازمة بطالة ولما نشوف القطاع الخاص نلقاه اغلبه هنود

مشكلتنا ان اغلب البطالة من اصحاب الشهادات الاقل من الدبلوم والاخ يتشرط ما يبى وظيفة بالقطاع الخاص

انا أقول الله يحفظنا بهالبلد اللى كل ما خطط فيها واحد حبطوه

وسلامى حق اللى بس يهوهو بدون ما يتحرك