ودى اليوم اتكلم عن جدول انتشر برمضان وهالجدول يضحك وايد تدرون شنو اهو هالجدول اللى أعد باحكام عسكرى ونفس تمارين الصباح هذا جدول المسلسلات اليومية برمضان اللى محيرنى ان شنو هالمزاج على اللى قاعد يتفنتك بهالجدول يمكن البعض يقول هذا شى عادى وليش محبكها انا بامشى معاكم واقول ماشى بس مو المفروض بالوقت اللى الواحد قعد يسوى هالجدول كان ممكن يسوى شى من فايدة احسن مع احترامى لك الاهتمامات بس هل هالشى راح يضيفلى شى لما اسويه ياريت احد ينصحنى علشان يمكن اخذ جائزة احسن جدول مسلسلات برمضان الياى
فقرة ثانية
المرأة من أجمل مخلوقات الكون لو
التزمت -عرفت شنو معنى نفسها- تمسكت بمعايير جمالها ايها مو راحت قلدت ابله هيفاء والاستاذة نانسى
المرأة أجمل مخلوق بالكون لو
طورت نفسها وصار عندها هوايه مفيدة
المرأة أجمل مخلوق بالكون لو
اهتمت بجسمها بدال ما نسبة السمنة بالكويت 75% من الحريم
فقرة ثالثة
ودى اشوف الكويت من احسن الدول بالعالم تدرون ليش لانا نملك اقوىالمقومات المادية وعندنا شباب ممكن يتأهلون بالعلم و يكونون قيادين وترجع الكويت مالت قبل كويت الخير والتطور
ودى اشوف الكويت مثقفة بشبابها منبر علم الواحد ممكن يستسقى منه وتكون الكويت مرجع حق كل العلوم
ودى اشوف الكويت فيها فن راقى ورياضة متطورة بدال ما يطلعون المسؤولين يتهاوشون بالتلفزيون
ودى اشوف جيل ياى الواحد يقدر يعتمد عليه بدال ما اشوف واحد تلوع جبدى منه والاخ مطلعلى ملابسه الداخلية والله يرحم مكسر المهارة
لا يخترب الصيام اكثر اشوفكم انشاء الله بوقت ثانى واحاول يكون موضوعى يضحك لان مليت من الانتقاد
التزام معنى وليس صورة
التزام ابتسامة بوجه الجار والفقير
التزام تفائل ان الدنيا بالاخير معروفة حق منو
التزام ان الخير ما يكون موجود الا اذا انعرفت قيمته
وسلامى على اللى يهوهو ولا يتحرك
3 comments:
kel mawtho3 yabela loya thanya
mo bas comments :)
mawathe3ik dasma ma negdar 3aleha gabel el fotor ;)
keep on the good work
ايه والله من ذا الفاضي قاعد يسوي جدول للمسلسلات...يروح يقرء قرآن افضله بالكثير
عندنا وعندك خير :P
الظاهر انه مرض في الجيل الجديد
nice blog keep up bro :)
مو ذاك الزود مع التلفزيون
اذا على كلامك الاخير عن الكويت
ابداها بنفسك او سولك موقع بالانترنت تدعم فيه الشباب معنويا
لا تحقر اي شغله صغيره تسويها
______
اسلوبك قوي ويمه منك الله يعين الحريم بس
:)
Post a Comment