يقولون ليش ما يتزوجون

البنت الكويتية صارت بحد ذاتها مشكلة لاسباب عديدة ومنها ان فى بعض البنات قاموا يعرفون اكثر ما اهم لازم يعرفون من معلومات فى الحياة بحيث ان المعلومة اللى عندها تخليها قليلة ادب وما تعرف تتكلم وكل شى يصير عندها عادى وراح احاول اعطى امثلة
البنت من سن 12 لى سن 15 تستخدم الموبايل والبلوتوث على اساس ان اداة وعادى محد يدرى شنو قاعدة اسوى من قبل جم يوم اسمع الربع يسولفون عن بنات بتقريب هالعمر من نوعية مامى وبابى وانا اروح لندن واسبانيا كل سنة ونوعية الناس كلهم هيلق واحنا السنع والا البنات اللهم كافى قاعدين شبه مفصخين وكل وحدة فوق الثانية وهات يابوس هذى التربية وهذا البلوتوث وهذا السنع اللى ماذينا فيه الله يحفظ الجيل الياى الواحد يقول
الفئة الثانية واهيا الاصعب لان فيها تشكيل الشخصية من سن 16 لى سن 21 والبنت بهالعمر بالكويت نادرا ما تلقى لها شخصية متميزة وكل هم يرجع حق التربية البنات بهالعمر اذا كانت بالثانوية تلقاها مسوية نفنوف المدرسة سترج جاسم يعقوب لو تكح ينشق من كثر ما اهو ضيج تدخل الجامعة البنت لا حول ولا قوة الا بالله ما تشوف عينك الا النور كل وحدة تحسب نفسها ناسى عجرم واليسا وهات تلطخ بالويه ماكو شخصيه هذا تلخيص هالنوعية من البنات تشوف البنت بس حمرة تمشى من الصبح حمرة حمرة تشب تقول ماكو مشكلة هالجيل ان مو عارف ياخذ اللى له ويخلى اللى حق غيره هذا ادمان ستار زفت والقنوات الفضائية
الفئة الثالثة واهيا من 21 لى 27 وتصير البنت اذا كانت مو متزوجة جنها هبلة من عرس لى عزاء ومن استقبال لى ولادة وروح واخر شى يمكن بعد قاموا يروحون دروس دينية يعنى تورى الحريم انا دينة وترجع البيت تكلم الصاحب
المتزوجة من هالعمر تلقيها اذا الله هاديها مدارية بيتها وتخاف عليه والله ساتر عليها واذا والله تلقاها لوية وريلها خبل ما تعور راسها على طول صار عندها بوى فريند شنو هالجرأة اللى احنا فيها ما ادرى
هالامور كلها صدقونى لان البنت مو بكيفها هالشى غصبن عليها قامت تشوف اكثر والشباب بكل بساطة وناسة عنده ان وحدة تعرف كل شى وجاهزة من كل الفئات العمرية
اخر الصيحات اللى تخلى الواحد يشيب راسه بالهديرة تخيلوا بنت ما تتعدى 22 سنة كويتية تفتح الكاميرا حق الشباب مقابل دينار ونص كرت تليفون صار شرف البنت بدينار ونص يابلاش والله
والله صدقونى ادرى ان فى نماذج ممتازة بهالبلد لكن الشر كبير والناس تستصغره الكل يعتقد ان احنا بخير لاوالله محنا بخير والدليل واضح مشاكل طلاق وقضايا زنا وبلاوى بهالديرة
وما اقدر اتكلم اكثر من جذى لان احس انى بانقمت خلاص
وسلمولى على يهوهو ولا يتحرك يسوى شى