الطموح و العمل والمثابرة والالتزام وقليل من المشاغبة تكون الحياة ناجحة

Tuesday, March 07, 2006

صج صارت

كنت داش الدوام وناسى موبايلى بالسيارة وكانت الساعة 8:30 الصبح نزلت واللى واحد من اعز ربعى متصل فينى واحنا العادة نسولف الصبح عن السوق والدوام لكن هالمرة ما كلمته الصبح المهم لقيت ان متصل مرتين قلت غريبة اهوا العادة يتصل مرة وحدة شسالفته متصل هالمرة مرتين قلت خل اتصل فيه وصارت حركة توم اند جيرى انا اتصل وما احصله واقوم انا اطلع باجتماع وارجع القاه متصل وجذى ما اطول عليكم
قالى فاضى قلتله اى فاضى شفيك وعلى فكرة الشخص هذا جدا مؤدب ومو لانه رفيجى انا شوى شيطان بس هذا قمةفى الادب المهم يقولى انا قاعد بالدوام واللى ايبون لى التليفون لان المكان اللى يشتغل فيه يستخدمون وايرلس يقول والا صوت وحدة بالتليفون قالت له فلان رد عليه اى نعم قالت على طول وبدون مقدمات ابيك فى موضوع شخصى ويا ريت تكون فاضى قاله تفضلى امرى واهو مستغرب لان عمره ما مرت عليه هالسوالف وحتى لما كان عزوبى كان على قولتهم فيرجن ما كلم بنات (برايى غلطان ) بس ادرى انا الغلط واهو الصح ميخالف شوية تناقض هذى الحياة
المهم قالتله انا ابيك وادرى انك متزوج وعندى يهال اثنينه اهو طقته البوهة رفيجى هذا مو جيكر بس تقسيمته غلط يعنى يحب ياكل فطلعله كرش كبيير واهو اصلا ضعيف زائد ان اصلع بس كل على بعض يعتبر من انظف الناس اللى قابلتهم بحياتى
قالها يا بنت الناس انا متزوج وما ابى اخرب بيتى بايدى ترد عليه بنت الستعش تقوله انا ادرى انك متزوج بس انا ما عندى مشكلة لانى ابيك والموضوع كله على قولتها اب تو يو
فى البوست اللى طاف باحد التعليقات كتبت وحدة من الخوات ان بما معناه الريايل يطالعون الحريم لكن اعتقد لان لان شعار كل ممنوع مرغوب داير عند البنات انزين انا باقول هذا الولد توه شباب
خالى يا ناس خالى ريال بو عيال من البيت لى المسجد وما عمره حط سيجارة بحلجة وقمة فى الادب والتقوى لاحظوا بالتقوى تتصل فيه وحدة وتقوله بما معناه مرتك كبرت وانت بعدك شباب استغرب الخال لان من الجيل القديم قالت يبه انا روحى عسى الله يهديج ويستر عليح
اللى قاعد يصير عندنا لا تقولون ان الغلط بس من الريايل الحريم مشكلتهم مو عارفين شنو يبون بالضبط اللى تبي ريل بس مجرد اسمه ذكر علشان جدام النا س متزوجة واللى بس تبى واحد تترزز فيه جدام الناس واللى تبي واحد شكل
وبنفس الوقت بنات الحلال وايد وهم بنفس الوقت الريايل لهم سلبيات بس رسالتى حق كل مرة مثل ما ذكرت احد الخوات ان لو البنت تحشم نفسها وتثقل تشوف الريال وراها ركضة بس اذا اكثرهم موكلهم علشان محد ياكلنى بلسانه خفيفة وسهلة لا وبعضهم اهيا تتحرش بالولد وتحسب ان غبى ما يدرى انها قاعدة يتحرش بس اتذكر المثل الكويتى القديم اللى يقول (كل مغطى مشفى )ومعناه كل وحدة مستورة وحاشمة نفسه يحاول الريال يشوفها والعكس صحيح وعلشان تطبيق هالمثل اقعد على طاولة الاكل وخل كل المواعين مكشوفة الا واحد شوف الناس تيى على طول على المسكر تبى تشوف شنو فيه طولت عليكم وايد
وسلمولى على اللى يهوهو ولا يتحرك يسوى شى

4 comments:

Яeema said...

الأخ العزيز مشاري
اشتبي توصله بالضبط انت؟

صراحة بقولك شي
المدنية ما خلت حق الحيا شي

فصارت وسيلة الاتصال أسهل و أسرع
فليش انضيع وقت في المكاتيب و النظرات

و بعدين المغريات بالدنيا وايد

و الرفاهيات زايت
و ما باقي الا انتمتع فيها ويا شريك الحياة و الدنيا قصيرة
ماكو وقت انضيعة ننطر النصيب
لازم انييب النصيب ليه عندنا

يقولك اسعى يا عبد و أنا أسعى وياك

بس أنا مو مع خراب البيت
المفروض تضرب لها علي واحد عزابي أو مطلق أو لعوب ما فيه طب

و انت بعد سلملي عليه
هاهاهاهاهاهاها

lawyer said...

مشاري طول عمرك 16 سالفه داشه في بعضها
600 قصه
60 الف عبره
وااااااااااااااااااااااااااااي مشاري انت تصلح ناظر و بس
الحين اعلق على نقطه البنات الي يدقدقون على رياييل متزوجين يطلبون منهم الزواج هذولا شر و خرابات بيووووووووت
البنات خفاف
الرياييل مفاجيع
المتزوجات مصلحجيات
العانسنات مطيورات
كل كلامك هذا صح
لكن برجع و بقولك
شي اذا كل يوم بتطرح مشكله و بتطلع عيوب و بعدين اتقول مو كل الناس جذي
ترا ما سويت شي
و انت تدور في مواضيعيك هذي حوالين دائره فاضيه و مفرغه بعد
اتصدق انا اذا بتزوج ماراح اعرف راي زوجي فيني

لانكم ما ادري شنو تفكرون بداخلكم

غريبيييييييين
ظاهركم شي و باطنكم شي

Unknown said...

ريما :شكراواتوقع انى اوافقج الراى بس لو كانت البنت ما تبى هالريال حق زواج؟
نونا : مشكورةواشوى ان فكرتى اوضحت عندج
لوير: ما شاء الله عليج تكتبين جريدة بثانية شكلج قراقة او تحبين جاى الضحى بنص الحريم واهم يسمعون سوالفج بس اللى ابى اوصلج اياه ان لو مثل ما قالت ريما القصد من هالشى الزواج يمكن تقولين هذا مو خراب بيوت بس لو كان المقصود شى ثانى
وبعدين لا تستخدمين الارقام شكلج مو شى فيها بالكتابة :p

lawyer said...

كلا زافني هالريال عمره ما قال شي يفتح النفس
لا كلشششششششششششششششششش ما اعرف ليش ما اتعلمني اشلون اكتب
اوووووووف نجره من الصبح