الطموح و العمل والمثابرة والالتزام وقليل من المشاغبة تكون الحياة ناجحة

Monday, March 27, 2006

ما رحلتى



مثل موت الكتاب بين الرفوف
حبيتك
واشهد ان الشوق هفوف
خلى القلب بلهفة
خفوق
وانتهى بين الاوراق ادور
سطر حبك
حرف عشقك
واستمتع باغانى فيروز
من رسمج
اشوف الدنيا كلها انتى
وانتى فى عينى الدنيا
تحت المطر فى وسط الضباب
وفى قيض الحقيقة والخيال
احبج
يا رسمة بين الحروف
ياكلام مرسوم من اعظم فنان
رحلتى
ما اعتقد باقية فى القلب من سنين
الناس تكبر وانتى فى عينى مثل ما انتى
اشتقت لهوى عطرج
اشتقت لنسايم انفاسج
ياه جم على البحر اختلينا
والف ياه جم على الريح هوينا
رحلتى
ما اعتقد باقية فى القلب من سنين
نسانى الشوق ونستنى الايام
وعلى تصارعت الايام
واشوف بنات حواء من حولى
ظلال
حتى حبى الجديد اشوفج فيه
حتى شوقى الجديد اشوفج فيه
كل عطر اشمه كنت اتحلى عليج فيه
رحلتى
ونسيتى
لكن باقية فى القلب من سنين
وكل حب ما ينسينى هواج
رحلتى
By Mishari 2006

9 comments:

3ateeja said...

حتى حبى الجديد اشوفج فيه
حتى شوقى الجديد اشوفج فيه
كل عطر اشمه كنت اتحلى عليج فيه

شنو هالشطر...حتى حبي الجديد اشوفج فيه
صعب هالموقف صعععععععب
توني افهم شغلات وايد ..

lawyer said...

انا ماسكه مسباحي و قاطه غترتي على جتفي و معلقه اعقالي بالسياره و اغني
رحلتي و تركتنيني شماته و حجوه في السان البشر

تران ترااان تراااان

Яeema said...

رحل .. إشتاق لجراحة .. رحل
رحل .. إشتاق لجراحي .. رحل
.. يحق لة .. طيبتي ماتحتمل
قليلة في وقتي الهموم
ما كنت أعاتب أو ألوم
يحق لة مايحتمل هذا الملل
أسدلت أيامي لعنادة
حبيتة في قربة وابعادة
متعبة هذي السعادة
.. رحل

.. اللي حصل .. كيف أفهمه
واللي رحل من علمة
من علمة يهجر إذا غطى الفرح كل الزوايا
من علمة يغدر إذا صار الوفا نبض وحنايا
من علمة يتلاعب بروحي
من علمة يمشي على جروحي
من علمة يقتل في أيامي الأمل
من علم اللي إشتاق لجراحه ورحل

ياسيدي
.. أقسى ما في اللي بيجي
.. كل الحكي والأسئلة
.. متى رحل .. لية رحل
واللا تعابير الأسى
على الوجوة الصامتة
واللا العيون الشامتة
واللا العذول اللى يقول
اللى حصل ماهو غريب
واللى يقول ..
ماكان يستاهل يكون أغلى حبيب
...ياسيدي
أقسى ما في اللي بيجي
إني أقول
.. هذا كل اللي حصل
.. هذا كل اللي حصل




--------------------------------

ماكان يستاهل يكون أغلى حبيب

ماكان يستاهل يكون أغلى حبيب

ماكان يستاهل يكون أغلى حبيب

;)

دايم تذكر هالكلام

Q8ya said...

معقوله في احد يحب جذي ليلحين ؟؟؟

تصير ليش لا...بس اكيد نادر جدا جدا...:)


احلى شيء عجبني


اشتقت لهوى عطرج
اشتقت لنسايم انفاسج
ياه جم على البحر اختلينا
والف ياه جم على الريح هوينا


يعطيك العافيه...:)

NaDiA AnZa7a said...

يا اجمل الحزن ؛؛. لدموعك سلام
مـن حـبيب ؛؛. بقى منه الكلام
ويـن انا منك ؛؛؛؛ غربني الزمان
وخانني النور ؛؛. وابعدني الظلام
لـو بـعزيك ؛؛. سـالت دمعتي
تـدري الدمع في حبك ؛؛. حرام
لـو بـواسيك ؛؛. مايكفي الهوى
ولـو ابي ؛؛. عذر مايكفي الغرام
اعـطنى مـن عـذابك يا البعيد
صـرخةٍ ؛؛. تجعل ظلوعي حطام
اااه ؛؛.لـو فـي يدي ابكي معاك
قـطـرةٍ مـادرى عـنها الـغمام
مـبخل الـوقت ؛؛. يحرمني البكا
وانـت لـجلك حـرمني الابتسام
يا اطهر الحزن ؛؛. لو كان القصيد
يـكشف الـغم عـن بـدر التمام
لـكتب الـشمس شـعرٍ في سناك
وامـحي امـن السما؛؛.عج وكتام
يـاعسي الـبدر نـوره مـايغيب
عـن حـبيبٍ بـقي مـنه الكلام

mishari said...

3ateeja:مشكورة وايد على اعجابج بالشطر وهذى كانت مشاعر وكتبتها

lawyer: هاللى تقولين عنهم هذيل اللى كانوا ريايل تدرين ليش لان كانوا يحبون من قلب ويفتر عن بيت اللى يحبها الفجر والحجية نايمة ما تدرين والصبح لما يشق النور تلقين راح خذى باكيت مارلبورو حمر وجاى حليب وجبات ورد خمد ودمعته على عينه مو الحين الله يلوع جبدوهم ماكو حب ولا شى مصالح وتفاهات

Reemaa : اختيار راقى جدا وعلى فكرة مرة كنت اسوق سيارتى وانا اسمع هالاغنية جان اسوى حادث مو من الاغنية من المطر وشكلى على ما اتذكر كنت باستعرض
q8ya:ليش ما يصير بس الزمن صار صعب مرات والله لما امشى بالشارع اقعد اطالع عيون الناس ما احس ان نفس قبل العيون جافة ما فيها لمعة حب صارت حياتى مادية وتضيق الخلق الله كريم يا بنت الحلال

aNza7a: دايما اختيارات راقية وجميله جدا تدل على رقتج وانسانيتج
شكرا لكم جميعا

ScarlO said...

Loved your use of one-word lines

It just shocks. Hurts, too

Keep posting

أنــــا said...

هذي الحياة
أكتأب لأفرح
لا يوجد مخارج
كل الأبواب مغلقه
اشعر بالخنق
اريد ان اتنفس...لكن ما زلت على قيد الحياة

Anonymous said...

الحب كلمه مفقوده في حياتنا00مع ان الكل محتاج لها00بس ليش مادري
ما عندي تعليق غير انها كلمات حلوه تلمس المشاعر لكنها أكيد سراب في زمن مثل زمنا
وشكرا على الأسلوب راقي