الطموح و العمل والمثابرة والالتزام وقليل من المشاغبة تكون الحياة ناجحة

Sunday, April 02, 2006

أصيل وبيسرى وسنى وشيعى وجناعى


منذ ظهور المجتمعات العربية بصورتها الحديثة كدول مستقلة التصقت بها مورثات اتت معها من تاسيس هذه الدول على اساس قبلى وعشائرى تم التخلص من بعضها الا ان البعض الاخر ظل موجود ملاصق لها
واحدة من اهم هذه العادات هى التفرقة العنصرية بين الاصول والجذور الموجودة على هذه الارض وبالرغم من قلة عدد السكان الا ان الكويت لها طابعها الخاص بوجود العديد من الاختلافات والاصول التى اسست هذا البلد
فهناك من اتى من المملكة العربية السعودية وهناك من اتى من العراق وهناك من اتى من ايران وكل من اتى على هذه الارض وحمل جنسيتها واسمها له يد فى تاسيس هذه الدولة

لكن ما يحدث فى وضعنا الحالى شئ مخجل ومؤسف يجعل من مجتمعنا بدلا من ان يتطور ويتقدم يجعل منا فى اخر الدور والسبب موروثات قديمة لا يمكن الخلاص منها وظهرت لدينا مشاكل اجتماعية وافات مبكية جعلت منا اضحوكة لباقى المجتمعات

فعلى سبيل المثال يتقدم الشاب لخطبة فتاة وهو متعلم ميسور الحال لديه امكانيات وطموح عالية وملتزم اخلاقيا ويتم رفضه والسبب (( مو اصيل))
مثال اخر البنت من اروع البنات متدينة مثقفة لها مستقبل وظيفى باهر من اسرة محترمة وترفض ام الولد بخطبتها والسبب انها (( مو اصيله))
هل السبب وراء هذا الرفض منطقى ؟ هل تم تحكيم الشرع عند الخطبة ام دخلت اهواء المجتمع وعاداته البالية فى الاختيار ؟
والذى يزيد الطين بله لو كانت على سبيل المثال ام الولد او البنت (( غير اصيلة)) يتم الرفض مباشرة لعدم كمال دم الولد او البنت من الاصل والفصل؟
هل حساب الاخرة لهذه الفئة راح يكون غير ؟ هل جيناتهم او الكرموموسوم الذى باجسامهم من ذهب؟ ومن قال ان كل من اتى من نجد اصيل ومن حدد هذا اللقب؟ وهل باقى الناس دون اصل ؟
اسئلة كثيرة تدور حول هذا الموضوع والمضحك ان لو تمت الخطبة من واحد من اصحاب الملايين لبنت (( اصيلة )) يتم التنازل عن هذا الشرط وتكون الاجابة (( احنا نشترى ريال)) على مين يا بابا
الكثير من الشباب ظلموا بسبب هذه الموروثات التى هى من اصول الجاهلية الاولى والتى رفضها الاسلام بشدة
اتذكر انسة كانت تعمل معاى فى مقر عملى وكانت صاحبة شخصية راقية متحدثة ومحترمة وهى مثل ما يقولون ((اصيلة )) ولكن بلغت سن 36 ولم تتزوج كنت امر على مكتبها بعض الاحيان اجدها تكلم نفسها؟؟
جلست مرة معاها قتلها فلانة عسى ما شر شفيج انا حسبت اخوج الصغير طالعتنى بنظرة (( حاقدة على)) جان تقولى لو ما ادرى انك خوش ريال ما اقولك تقولى مشارى تعبت اهلى كرهونى عيشتى انا ادرى انى مانى جميلة ولكن عند الاخلاق والتربية الزينة ياينى واحد بيخطبنى وانا وصلت بهالعمر ما اصدق واهلى مو راضين ينييت
انا ما اعارض والله اذا ناس اتفقوا من اصول وحدة عليهم بالف عافية بس اذا الولد او البنت ياهم نصيبهم ليش الناس توقف بويه عيالهم زوجوهم خلوهم يفرحون الناس بتتكلم سواء تزوجت امير والا غفير اذا تزوجت امير بيقولون حق فلوسه واذا غفير قالت مالقت الا طايح الحظ هذا لو كل واحد بيلتفت على الناس ما خلصنا

كافى الافات الاجتماعية اللى تطلع عندنا قريت قصة فى بلوق احد الاخوات الافاضل عن مجموعة حريم رايحين دبى والصراحة شى
يفشل ليش صار عندنا جذى لو كل وحدة عندها زوجها تحب ويحبها وعندهم عيالهم وعايلة ملمومة والله ساتر عليهم مو احسن
الناس قامت تسعى حق تزويج بناتها حق ناس معينين والشباب نفس الشى الام تدوره وحدة من (( مواخيذنا)) كلها امور والله يظلمون فيها الشباب والبنات

البنت اذا زينة ومتربية تربية محترمة شنو يضر اذا امها مصرية والا لبنانية والا سورية والا اى كانت والا اذا كويتية بس مو اصيلة شنو المشكلة ؟ الريال شنو يبى غير مرة تحفظه وتصونه وتصون بيته
والعكس صحيح الاب شنو يبى من الشاب اللى خاطب بنته غير ان يكون يخاف الله ويحافظ على بنته ويرعاها
حتى الزواج من مذهبين مختلفين ما فيه اشكال دينى حسب كلام الدكتور خالد المذكور وانا سامعه باذنى اللى بياكلهم الدود ولكن تكمن المشكلة ايضا اجتماعيا لان مشكلة الاولاد على اى مذهب يتربون وهالاشياء هذى

ياناس انا اتكلم ما اقصد المشاكل مع احد ولكن ابى احد يطلعلى من الدين سبب واحد يمنع او يوقف ضد هالامور محنا احسن من سلمان الفارسى ؟ ولا احنا احسن من بلال ؟
وياريت اذا فى تعليقات تكون فى صلب الموضوع وبدون تجريح اى فئه من الناس وجدا اسف على انى طولت

وسلمولى على اللى يهوهو ولا يتحرك يسوى شى

38 comments:

ScarlO said...

Hits the right cord, as most of your posts do :-)

I so much agree with you.

Keep up the good work

Яeema said...

أخوي مشاري
غللي محفور عالصخر من الصغر ما تقدر إتغيرة

الزواج عشان ينجح لازم يكون فيا التوافق

يعني
الطبقة الإجتماعية
المستوي الثقافي
الحالة المادية

برايي حلو دايما يكون الريال أعلا من المرا

يعني
عشان يصير نجاح
و أدري مو شرط

بس تدري كل عايلة لها سلكها

ما أقدر أزوج وحدة شبعانة حق واحد علي معاشة


ما أقدر أزوج واحد دكتور حق وحدة ما همها إلا فلان و علان و شنو حطو و شنو شالو


ما أقدر أزوج وحدة بيضة حق أسمر
الياهل بصيرلة كونفيوز

أنا تبع منو


الشيعي و السني

اليهال بيصيرون علي أي مذهب؟

غني و فقير
الريال المفروض أهو إللي يدفع عشان يحس برجولتة بالبيت

مشكلتي بهالموضوع إن عندي رايين
إذا البنت فيها مواصفات و صغيرة إشحادها تدخل في متاهات وياه و إتعصي أهلها

و أعتقد إنت عارف إذا الوالد مو راضي فالزواج باطل لو إهي بكر

الراي الثاني فيني:
أكو شي إسمه نصيب
إحنا مالنا دخل فيه
سواء ييه هالنصيب
هن طريقة قصة حب
أو
شافها بالدوام
أو ناعتينها له
أنا عن نفسي أوافق من مبدأ الغريزة الأمومية اللي بالمرا
يعني حرام يحرمونها من إن إتشوف عيالها

الفلوس شرا الأصل

فالمبدأ إهني مو سالفة أصيل و بيسيري


مشاري!
بعدين كيفنا إحنا إشتبي إتحرش
أدري رايك قاثك من زمان
بس حلاة الثوب رقعتة من و فيه

و الخيل الأصيل ليه خذا حمار
ياب جحش عقيم لا يحمل و لا يحمل

شوف حكمة ربك بخلط الأشياء

و إنت حاط صورة حصان عربي أصيل
;)

3ateeja said...

والله يا خوي يا مشاري كلامك عالعين والراس وكلام حلو والله
ولكنا بجمعيات النفع العام والحملات نحمل شعار ان المواطنين سواسيه ولا فرق بين فلان وفلنتان شعاااااااراااااات

الا اذا صارت حزة الزواج
عندي ربع من جميييييييييع الفئات اناث وذكوررر
واذا كنت تعتقد فقط الاصيل ما ياخذ الا من مواخيذه خلني افيدك اكثر
عندي صديق كندري ...حب وحده مو كندريه فيها شي ؟؟؟ ما اظن فيها شي
اهله شقو شقوق ما اتخيط يوم دروا
ليش البنت سنعه ومافيها وانا شخصا معاينتها من فوووق لي حدر ..حط خط تحت شخصيا
البنت ماتدري عن هوى داره
لكن اهله يقولون له شلووون تناسب ناس ما تعرفهم
وشلون وشلون
والله اللي صارله ولي الحين يصيرله ما صار حتى عندنا
من ناحيه اهلي قبل قبل ايام اول
ايام الف وتسعميه وحطبه
يدي رحمة الله عليه اي واحد ايودي يطق بابه ايوزه
لكن الحين صرنا وحووووووووش
صاروا في ناس تاخذ منه لأن فقارى ومساكين
فتدوس على بناتنا دوووس على بو ان مو من جماعتهم
حبوا الوالد العزيز والوالده العزيزه يكسروون حاجز الوحشيه
تيوزت اختي من واحد مو مثلنا << مؤدبه اكثر) على بو من ترضون خلقا ودينا عايله معروفه
وصار لها نفس الشي
انداست دووووس ...وقلبت فوق حدر وردت بيت ابوها اعز وارز لها
وبينت الصجيه عدل حزة الطلاق
الناس السنعه اما امساك بمعروف او تسريح بأحسان
الله وكيلك من محكمه لي محكمه
ومن قاضي لي قاضي
وشغل تحت المكتب شك وخيط
الى درجه وصل المباحث لي دوامها
وسالفة طويله عريضه ...صج جليل حيا لو كان ماخذ وحده من مواخيذه ما تجرأ يرفع عليها قضيه وحده ..
سالفه طويله وعندي غيرها وايد بالارشيف :)
اذا البنت والولد يحبون بعض ومتفاهمين انا معاك فالرسول عليه الصلاة والسلام يقول ليس للمتاحبين خير من النكاح
اما اذا مني والدرب صعبه شوي ..الحين الناس تاخذ من بيئات متشابهه ونفس الاصل وكل المواصفات ويالله نلحق راس من الطلاق
هالدور تروح تاخذ واحد غير عنها ..؟؟!!!
اذا سويت حمله انا معاك
وادزلك صور بطاقتي المدنيه على الفاكس بعد
لكن هالحمله محتاجه مشايخ
مشايخ يطمسووون كل معالم الجاهليه الأولى لكن للأسف اقولها لك بأعلى صوتي
مشايخنا
أصيل وبيسرى وسنى وشيعى وجناعى
يعني انفخ يا شريييييم
ما من برطم

ScarlO said...

أنا أشوف ان كل اللي قالوه ريما و عتيجه كلام عن المجتمع, مو على الزوجين.
إذا الريال و المره متفقين على الزواج, و لو فرضنا انهم من مذهب\طبقه\"سلاله" ثانيه, أكيد بيكونون متفقين على باجي تفاصيل حياتهم. مو معقوله أنا أتزوج واحد من مذهب ثاني عشان و أنا مو متفقه عيالنا شلون بنربيهم. غالباً من اللي أنا شايفته العيال يتبعون اللي يبون يتبعونه, أو يتمون بالوسط. و مثل ما خابينا هالأيام بالشوارع, "الوسطيه نور".
أغلب المشاكل تصير من تدخل الأهل. أم الزوجه من صوب, و ام الزوج من صوب, و كل وحده تترس راس زوجها, و كل يومين صايره سالفه. الأم و الأبو يعتبرونها مشكله, بس تلاقي الزوج و الزوجه مرتاحين و مو حاسين بوجود هالمشكله الا بعد ما "الكبار" يتكلمون. الرسول عليه و آله الصلاة و السلام ما كان يشوف أصل فلانه من وين, ولا ابو فلانه كان يسجد للصنم ولا لأ, ولا ابو فلانه كان يشرب خمر ولا لأ. احنا قاعدين نطالع فلانه بنت فلان, ابوها متزوج ثنتين و هاد زوجته الأوليه, لا لا مو خوش ريال, وحده من بناته تطلقت و الثانيه عمرها 24 و لما الحين مو متزوجه. شوفوا غيرهم

تخلف, حمدلله و الشكر, لو نطالع روحنا نشوف التخلف اللي فينا واصل القمر
(و اللي بيزعل صراحه خل يزعل ... )

NaDiA AnZa7a said...

والله يا اخ مشاري انت ضربت على الوتر الحساس :((
انا وحدة من الناس اللهي اهلهلا صعبين وايد من ناحية الاصل ودقيقين عندهم اعنس واموت ولا احد درى عني ولا اني اتزوج واحد مو من مواخيذنا
شقولك ناس وايد يخطبوني سنعين والنعم فيهم بس مو مواخيذنا ما يتجراون ايون بيتنا يخافون ينردون
بعدين انا اقولك شي انا تزوجت الاصيل اشسوالي غير ان مسح فيني الارض وحسر فيني وداس على كرامتي لين تطلقت وين الاصل وشنو مفهمومه عند الناس !!!!
لما اسال ابوي اقوله شنو يعني اصيل يقولي اشلج شغل بهالسولف تركي عنج هالخرابيط ولما احد يخطبني اول ما يسال عنه اصيل والا لأ
!! تناقض عجيب في هالمجتمع
وبعدين اشفيها البنانية ترى اهي بديرتها اصيلة .. لا تنسى ان والدتي لبنانية واللي مايبيني عشان امي لبنانية مايشوف شر ولا يشرفني اني اتزوجه
ريما:
انتي غلطتي غلطة كبيرة في المثال اللي قلتيه .. مثال فقير وعيب ان ينقال واذا ولو اني فاهمه قصدج لاني اعرفج زين بس في ناس وايد ابتفهمج غلط
الله يعينج على الحرب اللي بتييج

lawyer said...

مشاري طبعا لما كنا اصغار هالمواضيع ابدا ما تنفتح في بيتنا ممنوع
بس لما بغى يتزوج اخووي
تفاجأنا في موضوع شرط الاصيليه و الاصل و اطلعت نعره اخووووي بطريقه غير طبيعيه

المهم هذيك المره اخوي الصغير سأل امي قالها يما رفيجي بيت فلان الفلاني اصيلين؟؟
ما سمعت الا صراخ ابوي
شالمستوى في الحوار
شالاسلوب من وين ياييب هالكلام
عيب و ما عيب الناس سواسيه
و المهم
عند ابوي هالموضوع قمه في التخلف

لكن للاسف يا مشاري
ان احنا مهما ادعينا المثاليه
يبقى هالشي فينا خصوصا في مسأله الزواااااج

يعني انا ادري ابوي الي قال ان مجرد الحوار في هالموضوع ة تقييم الناس باصلهم تخلف
لو اخوي هذا نفسه طلب يتزوج وحده مو اصييله تتغير مفاهيم الوالد
للاسف

تخلف الناسسسسس
يعني الحين في مشكله اكبر
ان الاصيل يتزوج امريكيه مو مسلمه ميخاااالف بس ما يتزوج وحده مو من مواخيذهم
مدري متى صارت بنت ديفيد من مواخييييذ جميع شرايح المجتمع الكويتي

Яeema said...

scarlo :
ممكن أرد علي نقطة أساسية و حساسة بنفس الوقت

أصيل و بيسيري
بس يتداول في مجتمع الأصيلين

أرجو إني ما أفهم غلط بس هذا الواقع

أي إن محد قادر يحس بعظم الموضوع إلا إحنا الصراحة
كثير قاومناه بس إذا شدينة عليه بننكسر و بنخصر أهلنا بسبة ريال

و إهني نرزم إبريك
لأن كل شي بالدنيا إلا عصيان أهلنا

و أنا بيني و بين أمي 18 سنة يعني ماكو فرق بين الجيل و مثل ما إتعرفين إن كل جيل و جيل بينهم 32 سنة

فيمكن علي جيل بنتي يتغير الوضع
مع إن أبوها من أشد المعارضين للخلط بين الأنساب

لأني فتحت الموضوع وياه و قاللي شالكلام الفاضي!

طول عمرنا إمحافظين عليه بتيين إنتي ألحين و إتغيرينة

ما أقبله و غهي بنتي الوحيدة

و ريلي كبري

بس هذا مجتمعنا
سالفة الأصيل و البيسري مثل سالفة البوي فرند

موجود بس مو مقبول و يقابل بالرفض دائما

A3sab said...

reema, i disagree with you completely. If there were harmony,commitment and love between a man and his wife then no power in the world would bring them down.

lawyer, giltay kilshay kint bagoolah. I agree with you about your father. people always pretend and say that they are against descrimination but when the matter comes to the marriage of their daughter or son then their position changes 180 degrees.
A3arif nas itzawwij i3yalha khaleejyeen mo "a9eelin", bas matzawijhum kuwaiteen mo "a9eeleen" shiftaw ittanaquth


mishary, yibt-ha yaaaiiiib 3ala mawthoo3 il floos. If they got the money no need to check their asil and fasil. sorry 6awalt ibta3leeqi

Anonymous said...

ماشاءالله عليكم كلكم الحين اصايل؟



الفلوس ماتشتري اصل ولو في كم واحد زوج بنته واحد من ساير الناس عشان ال $$ فهذا استثناء وماهو قاعدة. وليش ماتفكرون بالموضوع من ناحية ثانية؟ عطه بنته لبيسري لانه "مثالي" نفسكم ومايهتم لسوالف الاصل والفصل؟

والاصل قبل لايكون مال سنع واخلاق وسمعه.وبالديرة ناس ماهم اصايل واقل منهم درجة بالاصل وينقال انهم اهل مذهب. مايقصدون المذهب الديني لكن القصد أن العايلة راكدة وسنعه وهذا نوع من التمييز عن ساير الناس والانواع الغريبة الى احتلت الديرة.

ومثل ماقال المثل: حلاة الثوب رقعته منه .... وفيه

جيل هالوقت يتكلم عن الاصل والفصل بكل حزة ووقت من فراغاته الزايدة وبعضهم من الواهي الّي بقلوبهم لكن الجيل الاكبر (+30) هذول صج فاهمين السالفة وتحز بخاطرهم .. والجيل الى قبله قول 50 هذول إلّي للحين يحز بخاطرهم ويعورهم قلبهم وينقرون! ولاوحدة من ساير الناس عمرها بالخمسينات زميلة بالدوام جايتني تقولي اصل كلمة بيسري: بلا راس! .. تكفين يدتي شسالفة شالطاري وليش خليتي كل الشباب الطريف الظريف بالشركة وجيتيني انا؟

بلاوي يبيلها صبر وعقد الله يفكنا منها



سؤال لمشاري تعطي اختك لواحد امه عربي ماتعرف تحجي ولا واحد ابوه يرعى بالبران (ولو كانت هالصورة تقليدية لكن غير حقيقية بالمجتمع الكويتي الحديث)

انتهى

we;oiru;tigjdg said...

سلام.. يا أخ مشاري هالكلام قوووله حق البياسر من بنات و شباب إللي إدورون الأصل دوارة!!! يعني البيسري صار بس يبي أصيلة بأي طريقة حتى لو إهيا جيكرة الجياكر و يشتريها بفلوسه.. ما يدري إنا الأصل ما ينشرى بالفلوس!!! الأصييل أصييل.. و البيسري بيسري.. و العييمي عييمي.. و الكندري كندري.. و هلم جرا.. و كلهم على العين و الراس.. اخواننا و حبايبنا و ربعنا.. إلا سالفة الزواج يا أخ مشاري.. مو عن شي و لا تفرقة عنصرية!! بس حلاته كل واحد ياخذ من مواخيذه!! أما من ناحية الشغل و المناصب فكل واحد ماخذ حقه في البلد.. و من ناحية الصداقة أنا رفييجاتي العيم و البياسر أكثر من الأصيلين و نحبهم و قايمين و قاعدين معاهم.. بس بالزواج سمحوولي يا جماعة لأ!! ما ينفع كلش كلش!! مو احتقار و لا تقليل من شأن أحد لا سمح الله.. بس كل واحد ياخذ من مواخيذه أحسن و أفضل للجميع
ألحين البياسر أهما إللي إمساوينها سالفة.. و البيسرية إتقول: إللا أخذ أصيل!! هذا إللي إخليينا نحتر الصراحة!! إذا الإصل شي تافه ليش إدّوروونه و تشترونه؟؟
الشرهة مو عليكم الشرهة على إللي عطاكم عشان فلوسكم.. بس ترى مو الكل يعطي بيسري علشان فلوسه!! ياما بياسر مليونيرية إنردّوا! ولاّ شرايكم يا جماعة؟؟

mishari said...

Scarlo: مشكورة على تعليقج وفيه كثير من الواقعية

Reema : لوير قالت كلمة حلوة ويا ريت تشوفينها بولدج لو فرضا على قولتج ان ولدج كبر وسافر يدرس بره وتزوج وحدة اجنبية شنو ردة فعلج بعدين لاحظى انا قلت الموضوع ابيه من جانب دينى لا تناقشينه من جانب اجتماعى لان الجانب الاجتماعى متفق عليه ان غلط غلط غلط
بعدين اختلاط الانساب يا ريما علشان تعرفين شنو هالمصطلح ينطلق عليه ينطلق على مفاهيم شرعية تجاه اولاد الزنا ؟
والله اعلم

anz7a: والله شقولج ما اقولج الا قلبى عندج يا اختى وانتى تعرفين معزتج كاخت اعتز فيها بس اللى قلتيه كفى ووفى

Lwayer: اول مرة اتفق معاج :)
يعنى شنو السر الا بالزواج ووين اختلاط الانساب
الموضوع كله خرابيط وتوافه مجتمع راح تنتهى مع مرور الزمن وتذكروا كلامى اذا الله عطانا عمر

A3sab: dear i gree with you 100% in each word you say it good luck

Anonymous : الاخ او الاخت اللى كتب هالكلام ما ادرى من وين ياب ان الناس قالت انهم اصيلين
بعدين كلمة الفلوس ما تشترى اصل ؟ منو اللى ماعنده اصل؟ كل انسان بهالدنيا له جذور ومنواللى حاط المعيار ان هالانسان راعى اصل ليش الاخ الثانى مثلا بطيخة ؟ فقعة؟
بعدين السؤال اللى طرحته ارد عليك واقولك لو كان الشخص المتقدم لاختى مع ان اختى متزوجة بس بارد عليك لو كان صاحب اخلاق ودين ويعيشها عيشه مسيرة وما اقول غنيه اقولها رايج انتى وبعدين رايى انا وعسى الله يوفق
بس يا ريت مرة ثانية تكتب نكك علشان نعرف منو نكلم ؟
بعدين على قولتك اللى عليه واهى يشب التكييف ويبرد على جبده بكلاص لبن
omnaser: والله شقولج يا اختى العزيزة الزواج قسمة ونصيب والامور بايد رب العالمين لو وحدة تبى تدور على قولتج اصيل من الحين لى باجر والله كاتبلها انها تتزوج اثيوبى راح يكون يوم عرسها مثل العسل عليها بس انتى كاتبه كلام وايد وايد وما اقدر اقولج الا ام ناصر اللسان طويل والحيل قاصر وسامحنى لانج نوعا ما تطاولتى على الناس
وارد واقولج كلمة اصل ما تنشرى بفلوس يعنى شنو ؟؟؟ الناس ما عندها اصل؟

mishari said...

3ateeja: انا اللى اقوله لج ان كلامج فى شى من الصح لكن حتى لو كان المشايخ فيهم هالنعرة مع انى ما اتفق معاج والدليل اللى صار مع الدكتور طارق سويدان
عزيزتى الدين اللى بيمشى على اهواء ناس ويخالف سنة الرسول عليه واله وصحبة السلام واللى كل واحد ما ادرى من وين يايب فتوه هذا ما ابيه انا ابى الدين اللى يرضى ربى العالمين ويخلينى احس انى لى مت ان مت واديت رسالتى بالدنيا وهذا سبب هالموضوع انا ليش كاتبه هالاسبوع شى مو مقتنع فيه وابى انتقده لان ضد الاسلام اللى كلنا نتمى له والاسلام اعم واشمل من اى مورثات سخيفة تسمح باشياء اصلا ضد الدين مثل ما يحدف عند اهل القبايل والسعودية شغلة الحجز البنت لولد عمها
نفس اللى صار عندنا مرة الولد شهادتها رابعة ابتدائى والبنت دكتورة زوجها ولد عمها بعد شهر يسأله رفيجه شلون الزواج يقول طلقتها يقوله ليش يرد عليه ((يا ولد ما تفهم))لا انت اللى تفهم يا ارسطو هذى موروثاتنا اللى دمرت مجتمعنا وخلت من الناس اشكال والوان وواحد يقول الاشكال اللى غزتنا ليش الاخ من وين ؟؟ شنو هالفكر وشنو هالكلام اللى كل واحد فينى اذا تعصب فيه راح يكون متمسك باحد مورثات الجاهليه الاولى وهالشى منهى عنه بالدين
وعسى الله يهدينى ويهدى الكل

3ateeja said...

السلام عليكم
اخوي مشاري لكل قاعده شواذ
سالفة طارق السويدان تعتبر من الشواذ ..من ناحيتي اكلمك عن بيئه بيئه كامله ..
حلو ان نسوي حمله على هالسوالف لكن هالشغله فينا فينا والله ودي من قلب اقولها ...
يمكن كون اهلي ولله الحمد من عمر الدنيا عندهم تعليم ودين فما ألاق هالشغله وايد تنقال عندنا
والدليل على هذا يدي الله يرحمه اللي قلت لك عنه ..ما يطق الباب ايودي الا عطاه
وكسرت الوالد والوالده للقاعده
قال صلى الله عليه وسلم
ثلاث في امتي من امر الجاهليه:
التفاخر بالاحساب
والطعن بالانساب
والنياحه ....يعني الظاهر ماكو فايده
اما بخصوص الاخت سوكارنو
فأختي الكريمه ...بالنسبه لي ومن وجهة نظري المتواضعه جدا
ان زواج المذهب جدا فاشل
امانة شفته بعيني ..
وحده من انسبانا قالت يا فلان يا انتحر
وهو نفس الشي كان وحيد امه
قال يا فلانه يا انتحر
جد جد قال يا انتحر
يوزوهم
واتفقوا على ادق ادق التفاصيل حتى على اسامي لعيال
واتفقوا ان البنات يربونهم تربيه سنيه و الأولاد تربيه شيعه
طبعا الحين لعيال كبروا
وبسن زواج
وبنتهم تزوجت
البنات كلهم سنه
الأولاد ايضا كلهم سنه
الا واحد بين حانه مانه
الحين شلون والاتفاق !!!!
مشاااااااكل صارت لي قبل
الأولاد حزت محرم ينحاشون من البيت
والزوجه اذا عندها مناسبه بمحرم ايي ويتهاوش معاها
وطبعا رمضان ...يوم قبل ولا يوم عقب
وفطور قبل ولا فطور عقب
احنا مسلمين ما نقدر نفصل الشعائر عن واقعنا
ووالله سوالف يشيب شعر راسج منها
الحين حاليا عندهم استقرار ولله الحمد
بعد 23 سنه زواج توه يصير الاستقرار
ومع هذا الاثنين امتحسفين
الزوج والزوجه
يعني اش هالحياة
بعد 23 سنه استقر ...شكثر باجي بالعمر


Anonymous said...
ماشاءالله عليكم كلكم الحين اصايل؟

!!!!!!!!!!!!!!!!!!!!!!!!!
اعتقد رد مشاري كافي

mishari said...

3ateeja : كاتبة شعر فى البلوق مالج ومو حاطه مكان نعلق عليه الشعر اكثر من موطبيعى ورائع وجدا راقى وحلو لدرجة ان صج اندمجت واللى حلاه اكثر ان بيوم عيد ميلادى مكتوب

Яeema said...

3ateeja : dam meshari yaab tary she3rich fa agolich!

ambeeeeeeeeeeeeeeeeeeeeeeeeeeeeh

كلماتج قمة بالرقي و الإحساس

و ليش خاشة عنا إنج تكتبين

طريقتج كإنها فايق العبدالجليل

إب كلمتين إتكلمين عن حدث



meshari: بس تعبت من مواضيعك الحساسة هذي
لو بتكلم عنها إبتكرهني
لأن المجتمع ما تقدر تفصلة عن الدين
و موجود هالشي قبل الرسالة

والا ليش قالو
( لا فرق بين عربي و عجمي الا بالتقوي و العمل الصالح


بس يا أخوك ما نقدر ، شي بالقلب

أنا أعرف وحدة صباحية خذت بيسري و يابت ولد واحد و طبعا بعد قصة حب عنيفة

الحين يوم تبي إتزوجا ما تبيلة الا أصيلة
ليش تغيرت ألحين؟

أنا عندي كل واحد يعتز بأصلة
و كل واحد أصيل عند أهلة

و أعرف واحد بيسيري ما يفكر ياخذ أصيلة
يقول إذا إحيا إبتسكت فنظرات أهلها و خواتها مو ساكتة

و جواب عل سالفة ولدي
أنا الولد عادي

البنت مالك أمل
و بس مشاري لا إتييب هالموضوع
أخاف الله يعاقبي و إتصيري حوبة و تاخذ أسباني

we;oiru;tigjdg said...

أنا ما قلت إنا البياسر ما عندهم أصل.. بس فيه أصول عريقة و أصول غير معروفة.. يا أخي عيال الحمايل غير لا تقووللي ولا أقووللك
;)
hehe just kidding "ba6afrek";)
bye

mishari said...

reema: ما راح اوصل معاج حق حل لانى اعرف مخج التعليم والثقافة المفروض تغير افكاركم وتوريكم الصح من الغلظ وانتوا لى الحين على طمام المرحوم

umnaser:اول مرة بحياتى اسمع فى شى اسمه اصول غير معروفة ؟ وبعدين شنو الغير على قولتج بعيال الحمايل ولاحظى انى قاعد اناقش الموضوع من جانب دينى فاذا وانا ما ادرى شنو خلفيتج العلمية او الثقافية علشان اعرف شنو المنطلق اللى تتكلمين منه بس صدقينى يا اختى العزيزة الاخلاق والتربية والدين والالتزام والخوف من الله واحد ماله شغل بولد حمايل وولد واحد على قولتج من اصول غير معروفة واذا فى ناس مثلج نظرتها حق الناس انا اقول الله يعنيكم على نفسكم وخل نشوف عيالكم شنو بياخذون

ZORT said...

اولاً اكرر سؤال مشاري: اصيلين بالنسبة لمن؟

ثانياً

عندما فتحت موضوع الزواج مع والدَيّ مؤخراً فرحوا جداً

عندما ذكرت اسم البنت...صمتوا

انفعلت فسردت لهم المحاضرة التي كانوا يتلوها علي و انا اصغر سناً

انتما من قال لي ان عبارة "مو من مواخيذن" ليست في قاموس ثقافتنا و انها تعبر عن تخلف فكري و حضاري

أجاباني بأني قد أسأت فهمهما و أكدا لي انهما لم يشمئزا من موضوع الاصل و الفصل و لن يشمئزا ان كانت المسألة مذهب او دين، فالانسان انسان، انما المانع كان اختلاف البيئة الأسرية و الثقافية و الاجتماعية

هل هذا الطرح (و هو منطقي برأيي) يعتبر طبقي؟

ZORT said...
This comment has been removed by a blog administrator.
ZORT said...

نسيت عريب دار و جعيبري و معيدي و صلبي و كاولي

ان كنت تقصد بالدين دين الاسلام، فليس فيه ما يمنع تداخل الاعراق او الاديان عن طريق الزواج رغم ان الاسلام فيه شيء من العنصرية بمفاهيمنا الانسانية

فهو اولا انزل باللغة العربية و ثانيا وصف العرب دون غيرهم بأنهم خير أمة


zort.blogspot.com

Anonymous said...

:)


اعجبتني كلمة lawyer
صراحة

يعني ألحين لما الأصيل يبي يتزوج شقرة وحمره
من بلاد العم سام اتصير الأصيلة ومحد يبطل حلجة ويقول مو من مواخيذنا
بس اذا فكر يتزوج كويتية بيسرية ولا عيمية ولا نيادة ولا سورية ولا مصرية ولا كاين ما تكون
تصير مو أصيلة ويقعدون يتحططون لها على الأصل والفصل
فعلاً أكو تناقض وتنااقض كبير بعد وهذا دليل على ان اكو شي غلط


اخوي الكبير قبل خمستعش سنة يوم بغى يتزوج زوجته الحالية
قامت الدنيا واقعدت عليه ليش انها من جنسية عربية
مع ان البنيه محترمة وخلوقة ومثقفة وفوق كل هذا جميلة
بس امي وابوي ما رضوا على هالسالفة الخايسة
ورضى بالأمر الواقع وماحب يكسر كلام والدينه
اخرتها تزوج الأصيلة اللي من مواخيذه
نهايتها كانت الطلاق بعد اربع سنوات مع طفل عمره سنتين


حاليا أهو متزوج انسانه مو أصيلة من وجهة نظر كثيرين
ولديه منهاطفلين


على فكرة الغير أصيلة هذه سورية ويرجع أصلها إلى قبيلة جهينة
العربية

:))

we;oiru;tigjdg said...

ما أدري يا أخ مشاري شقووللك!! بس يمكن لو إنت أصيل جان فهمتني... و جان إشتطيت على الأصل مثل ما إنت مشتط ضد الأصل.. لا و يمكن أكثر بعد!! أما بالنسبة حق عيالي الله أعلم الله منو كاتب لهم ياخذون؟ أنا ما أملك لهم إلا النصيحة و الدعاء.. بس إذا أصرّوا ياخذون من برّه أهما لازم يتحملون نتيجة اختيارهم.. لأن هذي حياتهم.. أما أنا الحمدالله خذيت إللي من مواخيذي علشان لا يعايرني و لا أعايره.. و راح أربي عيالي على تربيتي
:)

BatterY_Low said...

قال الرسول علية الصلاة والسلام:" لا فرق بين عربي واعجمي الا بالتقوى"

ZORT said...

Um Nasser,

الله يعين عيالج على نفسهم اذا بيطلعون معقدين

و الله يعينج على نفسج و كراكيب العقد اللي تحاولين تفججينها لي قعدتي بروحج

تثقفي شوي و ترفّعي عنها و صدقيني بترتاحين نفسياً و تطخين شوي و يخف عنج هالتوتر

و الله يوفقج

Zort

lawyer said...

كلولوولووووووووووووووووووووووووووووووووووووششششششششششششششششششششششششششششششششششش

سجل يا تاريخ مشاري اتفق معاي في شي !!

i_live_in_Q8 said...

عفوًا اخوي الكريم.. الجناعات شكو بالموضوع؟..
ما اعتقد له داعي تذكر اسم عايلة لتضرب فيها مثل.

mishari said...

الى الجميع :شكرا لمشاركتكم واعتقد ان فى مشاركة من battry low
اختصرت كل الموضوع لافرق بين اعجمى واعرابى الا بالتقوى
واللى اصيل اصيل باخلاقه وادبه وتربيته لان هذى اهيا الواجهة وعكس هالشى راح يكون شى يفشل الاهل سواء ولد امير او ولد غفير
ابتعدوا عن الجاهلية الاولى وعيشوا حياة مطمئنة وابتعدوا عن تفاهات العصر اللى راح تكون جزء من تكوين عيالكم ويكفى عقد

sarah said...

مشاري انت جيت على الجرح
والله انا اعاني من هالموضوع كثير مع الوالد الله يحرسه انا الحمدلله ماوصلت سن العنوسة لكن فيه ناس كثير ينشرون بالذهب تقدمولي وانا كنت موافقة لكن طبعا ان قبيلتهم ماتناسب قبيلتنا بنظر ابوي وتم الرفض احيانا اقول ان كل شي قسمة ونصيب واحيانا اقول انا ضيعت على نفسي الفرصة...
بس حرام البنت تكون عندها الرغبة في الزواج وتكوين اسرة والحياة باستقرار في الحلال ومع واحد يحبها وتحبه والستر للبنت زين لكن من يفهم....
وانا جالسة انتظر سعيد الحظ من قبيلتنا يتلحلح ويتقدم
من زينــــة
:(((((

Zaydoun said...

DNA testing will expose all your so-called أصل for what it is...

That you are all just regular people, not better or worse than anyone else

وما فيكم زود على أحد

Zaydoun said...

الأخ مشاري... هذه أول زيارة لي لموقعكم الكريم، ولي عندك طلب بسيط بالنسبة للتعليقات

ياريت يا عزيزي مشاري تغير الستنجز وتخلي التعليقات بصفحتها كاملة بروحها بدال الويندو المعلق هذا، علشان نقدر نكبر الخط على الشاشة وانا اخوك

Zaydoun said...

بعدين شنو شالفة الجناعات حاطهم بروحهم بالعنوان كأنهم من كوكب ثاني؟

أكيد أم ناصر لها رأي

Zaydoun said...

الحين راح أتفرغ لكم

اللي يسمع أصيلين يقول ماشاءالله من سلالة رومانوف ولا هابسبورغ ولا حتى محمد علي باشا... كلنا كنا حفاي نحوس في نجد لين صكنا الفقر والجوع وجينا الكويت وجاورنا البحر نترزق الله...بس اللي الله أنعم عليه قام ما يناسب جاره الفقير اللي واصل الكويت قبله بخمسين سنة

وشفيهم زود اللي يسمون نفسهم اصيلين؟ فيهم الزين وفيهم الشين، فيهم النظيف وفيهم الحرامي، وفيهم الكشخة وفيهم الهتلي.. ماحدش احسن من حد

أم ناصر أتمنى انك ما تنحطين بموقف محرج اذا كبرت بنتك وجاها عريس ولد حمايل على قولتك ودزيتيها عليه غصباً عنها ويبهذلها ويردها بيت ابوها منهارة

we;oiru;tigjdg said...

zaydoun:
أنا ما عندي بنات ليلحين.. الله يسمع منك إن شاء الله واييب ابنييّة
;)
و بالنسبة حق الأصل فأهوا من أيام الرسول صلى الله عليه و سلم.. و الله سبحانه اختار الرسول من خير أنساب مكة.. فالأحسن إنك ما تعيب على الأصل لأنه تاريخ و عراقة
;p
zort:
أنا الحمد لله ما عندي عقد علشان أفججها.. و ربعي من جميع الأجناس ولا أترفع على أحد و العياذ بالله.. بس الزواج أفضل إنّه يكون من نفس المواخيذ لأنه أفضل .. و يسبق الأصل اعتبارات أخرى إهي الدين و الأخلاق و الشهادة و الطموح و .. الأصل
;)

3afoor said...

Mishari

اضم صوتي لكل من زيدون و i live in q8

الجناعات ليش امخلهم بالموضوع؟

Anonymous said...

بدون مقدمات سالفة الاصيل والبيسري هي عبارة عن وجهة نظر كل عايلة او مجموعة من العوايل تكون متقاربة وتتفق في تحديد شنو اهي العوايل الي من موخيذها والعوايل الي اقل منها
وبعدين الاصل ينشرى بالفلوس عندك خير تنحط على الراس وروح عند أكبرها واسمنها واتفل على ويهي ان ردوك ..واذا منتف فكر مليون مرة قبل لا حتى تخطب بنت عمك المليونيرة
وهذي الكوييتتتت وصل على النبي
واي صح فجأة امدخلين الجناعات بالموضوع شكوو @@

Anonymous said...

انا اقولكم ليش مدخلين الجناعات بالموضوع .. لان كلمة الجناعي اتسوي أكشن قوي وتحرك الموضوع وتنعشه ..

Anonymous said...

Enjoyed a lot! Adipex c o d shipping barcode scanner xp Rj tech karaoke dvd player Tswassen paintballing dogs rain coats Isuzu truck repair san jose california

Anonymous said...

والله يا اخ مشاري الاصل يفرق والعرق دساس ..