الطموح و العمل والمثابرة والالتزام وقليل من المشاغبة تكون الحياة ناجحة

Monday, June 12, 2006

علشان محد يزعل من الكلام اللى كان مكتوب ولانى شخصيتى ما احب ازعل احد
تبون تشوفون تخلف التعليم بالكويت ؟ وشلون الفرد يبدى مصلحته الشخصية على مصلحة العمل
مواقف جميع نواب مجلس الامة من ظهوره حتى الان ومعلومات مفيدة جدا

32 comments:

neelaah said...

مشاري
اتخانق و الا لأ؟

ما في شك انه هذي ابله ثووووووله
و ربيتها ناقصه
وحماره
و اللي احمر منها الناظره
لان وزارة التربيه مصدر ه قرار
انه ما في سقوط ونجاح في مادة العربي و الدين في المرحله الابتدائية

بس انا زعلانه عليك
لان انت نسبت تصرف الابله
الى المرأة بالعموم

تبون تشوفون تخلف المرأة

حط يا اخي بعض الحريم

انا صحو الا غلط؟

sarah said...

:O

مشاري
بصراحة انا متفاجأة
معقولة الجملة هذي تطلع منك
واحنا حسينا انك نصير المرأة
وانك عادل دايما
طيب
اهي متخلفة فعلا وغبية وحاقدة
وكلنا معترفين بهالشيء
بس مو تعم بتخلف المرأة
بالعكس
المرأة امك
اختك
حبيبتك
زوجتك

برايك هم متخلفات ياريت ترجع تعدلها
ويكون
ابي تشوفون تخلف البعض من النساء

يمكن تكون اهون من انك تعم
صح
!!!!

Яeema said...

mishari !!!!
إحنا شاكو!؛
لييش إتعمم ، إذا وحدة ناقصة عقل تنسبها حق الحريم
ديير بالك هذا قذف عمد

و بعدين لكل قاعدة شواذ
ولو هالشي عادي جان ما حطوها بالجريدة


ما إبردت حرتي بعد
غير العنوان لو سمحت و إلا أحلف ما أطب البلوق عندك مرة ثانية

لا تخزني!؛

( قاعدة أتدرب أتهاوش - أنفع؟ )
هاهاهاهاهاهاها

مشكور علي المعلومات المفيدة

ordinary girl said...

Are you kidding me!!

FatmaQatar said...

أفجعني الموضوع صراحةً ومانتبهت حق الكلمه الي وايد نرفزت الكل

هني بس أقول وين الإنسانية المعدومه في بلد الحريه .. :(

مشاري ^_^ يعطيك العافيه

bazoon said...

الموضوع الاول :

ناقصين عقل ودين ؟؟؟؟؟؟؟؟!!!!!!!!

الموضوع الثاني :

من جذي دايما الاوربين والاميكان احسن منا ايفكرون ليجدام الله يرحم حالنا احنا حتى ما نفكر حق بعد ساعة ؟

layal said...
This comment has been removed by a blog administrator.
NewMe said...
This comment has been removed by a blog administrator.
NewMe said...

مشاري
هل إختزلت كل النساء في إمعه؟
شكراً لك!

دم بخير

NewMe said...
This comment has been removed by a blog administrator.
>>Sama Oman said...

عذرا
بس القصة مو منطقية أبدا
ما دام المعلمة انهارت و اعترفت بفعلتها و استغلالها منصبها لضرب المشتبه به ظناً منها أنه طليقها و ابنه ، المفروض مباشرة تفتح قضية و يتم تعديل شهادة الولد ، المدرسة نفسها تكون مسئولة عن هالامر و ترفع الأمر للوزارة ، هذا حسب ما أرى من منظور شخصي ، مستحيل كل هذا يصل إلى أعلى المناصب و لا يحدث شيء ، و زي ما قال الأخ هناك ودي أصدق بس قوية ، قوية و مبالغ فيها كثير. هناك أمور كثيرة تنشر على النت ما لها أي أساس من الصحة ، و بعضها مبالغ فيه كثيرا ، وبعضها ما له شغل إلا الضرب من تحت لتحت. وأنا أحس الكويت و الكويتيين ناس واعين و فاهمين كثير ... و ما بسهولة ممكن أحد يسبب بينهم أي خلافات و نزاعات. الله يوحدكم و يوحدنا ونصير يد واحدة ضد الخبثاء الساعين للفساد و النزاع و الخلاف.

mishari said...

neelaah: هذا مو تعميم تخلف المرأة جزء وليس تعميم والتخلف موجود بين الرياييل والحريم

sarah : اول شى مبروك على الصورة اليديدة بعدين انا لى الحين ارد واقول هذا الشئ خاص بهالحالة وهذا النوع موجود بين الحريم وانا ما قلت الحريم متخلفين قلن تخلف المرأة وهذا ارد واقول مو تعميم


Яeema : بكلمج بالمصرى
اش اش اش اى ده الكتاكيت طلع له اسنان والا ريما الخوافة ياية تطلع عضلاتها اهنى روحى لا اناديلج ام الشفر الاسود :))

ordinary girl: no comment

FatmaQatar: مو المشكلة لو البنى ادم يفصل حياته الخاصة عن العمل جان احنا بخير

bazoon : عين العقل واشوى انج فهمتينى
الموضوع الثانى تصدقين هذا دكتور امريكى واحنا ربعنا بس يتناطحون على الفاضى


NewMe : هو لا اختزال ولا اكسدة
الموضوع متعلق بهذه الحالة

>>Sama Oman<< : وهل الامور الغير منطقية تكون من غير الواعين على شاكلة الاستاذة

3ateeja said...

مشاري ما حبيتها منك انك تكتب تخلف المرأه طبعا هالشي راجعلك وخاص فيك
ومثل ما قلت حضرتك التخلف موجود عند المره والريال
كنت تقدر تقول تخلف معلمه
او ما آل اليه التعليم
طبعا قريت المكتوب كلا ..وشلون معلمه تخاف قرارات ولوائح ..الكلام غير معقول من ناحيه قانونيه ..
وخاصة ان اهلي ضليعيين في العمليه التعليميه ..هذي المعلمه من ناحيه قانونيه تعرض للفصل من الوظيفه او لمجلس تأديبي .و و و و اذا كان هالحجي صج والاجراءات ما عندي علم تام فيها حيال هذا الموضوع
وعسى الله يهديها ويهدي الجميع ريايل وحريم

cuteya said...
This comment has been removed by a blog administrator.
cuteya said...

توقعتك أكبر من انك تنسب خطأ فرد لكافة الجماعة
ا
أصابع ايدك مو سوى

لكن على فكرة انا مدرسة لغة عربية بالمرحلة الابتدائية!!!! وانا ابيك تفكر معاي
وين الاداره
وين المشرفه
وين مربية الفصل والي مهمتها مراجعة درجات الطلاب في كل موادهم اكيد كانوا راح يكتشفون انه اكو شي غلط
ترى احنا ولاد كار ونعرف هالسوالف اعتقد الي كتب هالمقال يتبلى او ان المدرسه الي ولده فيها رايحه فيها

layal said...

اعتقد من الافضل الانسحاب

layal said...
This comment has been removed by a blog administrator.
mishari said...

للجميع : تم التغير لانى انسان ما احب ازعل احد منى واحترم الكل سواء ذكر او انثى تحياتى للجميع واخركم ابله العربى
واعتذر ان كان قد فهم كلامى بشكل خاطئ
تحياتى العطرة

NewMe said...

:)
----<---@

هذي الأكسدة حلت الإشكال
تحياتي

sarah said...

مشاري

شكرا لتعاونك وتفهمك
ولا عاد تعودها
ونحاول نسامحك
:)

مسموح ياللي تعذرت
مسموح لو ما تعذرت

Q8ya said...

متعودين على سخافة التربيه...:)

يعطيك لعافيه...:)

neelaah said...

مشاري
مشكووووووووووووور
على التعديل

اثبت انك انسان متميز

وما عندك مشكله معاياه

cuteya said...

التعديل دليل على رقي فكرك يا مشاري
تسلم ويعطيك العافيه :)

لمياء الحالمة said...

مشاري

إشصاير عندك هني؟ , أشم ريحة دخنة وعطاب, وقبل لا ادخل شفت سيارة الإسعاف طالعة من المدونة

طافني شي؟

:)

>>Sama Oman said...

أحسنت يا مشاري
:)

Яeema said...

أمد إييدي و أحييك علي رقي روحك
صج إنك رياضي
مشكور و ما قصرت
سحبت البلاغ من المخفر خلاص

;)

أقول ترا 99.9 % من رواد مدونتك حريم
باجر إذا زعلتنا ترا حدك كومنت واحد
لا و إنت إللي حاطة بعد

زعلنا أقشر بو عبدالله

kitty said...

السلام عليكم بقول شى ترى الى ينظلم فى هالديره عليه السلام ما يقدر يقول الا حسبى الله ونعم الوكييييييييييييييل وربى سبحانه اهوه الى يرد حقه ويوريه بالى اظلمه ما راح يفلت من رب العالمين ... يعنى هالفقير الولد اشذنبببببببببه والله مت حره !!

وغيره وغيره وخصوصا الظلم بالقطاع الحكومى وااااى وااى ماسااااااااه ماساه الله يعلم فى هالوزارات شكو لو بكتب عن المظلومين فى هالاماكن ما اخلص وانا اولهم بس شنقول غير حسبى الله ونعم الوكيل ، للاسف اكتشفت انه فى الوزارات شبكات وعصابات واحد يقطك على الثانى والى يحرك انا انت المظلوم هههه يخلونك تشك ابنفسك ويسوونك انت الجانى !!! بس عورنى قلبى ظرورى اكتب عن هالموضوع انشاءالله لما ارجع الديره واتفرغ

mishari said...

الى الجميع : صدقونى انا من الاساس ما كنت اقصد بشى عن المرأة ولكن فهمتوا المعنى خطأ وانا قلت اغيره علشان ما يصير زعل

لمياء الحالمة: تدراكت الموقف وتحركت تحرك سريع لجمع الاصوات فى الانتخابات القادمة ;)

Kitty :ترجعين بالسلامة وهالله هالله بالصوغة :)

reema:بعد الحين اضمن صندوق الحريم وانجح ;)

Cutuy: ابله افا عليج انتوا خواتى واحترامكم موجود :)

neelah :اشوة يامعودة هاليومين غبار ومالى خلق هواش حتى النادى صارلى يومين مو رايح سكتى

sarah: ما نقدر نزعلكم ;)

new me:الاكسدة مشكلة يايكم البحرين الاسبوع الياى ضبطينى بالحلوى ترى صارلى فترة مو ماكلها :)


q8ya:هذى الكويت صل على النبى :)

sama oman :يا اهلا وسهلا وحاضرين

3ateeja said...

مشاري اخوي الفاضل اشكرك عالتغيير بالبدايه
وثانيا
الطعون اللي على انور الخرافي لم تثبت صحتها لأفتقاد زيدان للأدله الصحيحه ..وانرفضت الدعوى واحتمال كبير ان انور الخرافي يحاكم زيدان
مجرد تنويه :)

mishari said...

3atooja: ابوى اكو اشاعةيقولج بيفتحون باب الترشيح مرة ثانية لان بينزل رونالدينو بالشامية لان الوحيد اللى يقدر يطيح الخرافى

Qaneema & her husband said...

elta3meem Wrong

bas tara elsalfa 9ijiya !
we asked Dr 3i9am 3an maqalta o he said ena Sure 100%

I don't agree with him fee ta3leeqa But why niz3al min thikir 7adtha waqe3eya ?

o thanks Mshari Cause 3adalt eljomla

Anonymous said...

This is very interesting site... Feb 5 2006 cell phone hoax chevrolet tahoe radio problem Nokia 83108390 mobile phone dealers http://www.child-hair-loss.info/Northeast_incentive_summary_chrysler.html free cell phone collections call centers buy modafinil uk 2 watt gsm cell phone viagra for sale in uk Vardenafil prescription medication cellular+phones+with+no+credit+checks business opportunity designer home 26 garden party