الطموح و العمل والمثابرة والالتزام وقليل من المشاغبة تكون الحياة ناجحة

Saturday, July 01, 2006

%

نسبة وتناسب


بلغت نسبة التغير فى مجلس الامة ما يقارب 38%

نسبة المشاركة فى التصويت هى 65% اجمالى الذكور والاناث مما يدل على وعى جيد فى المشاركة فى الانتخابات الكويتية

بلغت نسبة تصويت السيدات 35% وهى نسبة متدنية نوعا ما

15 الف سيدة لم يستطيعوا التصويت وذلك لعدم تسجيليهن من قبل وزارة الداخلية مما عمل على عدم مشاركتهن

بلغت نسبة الاسلامين فى مجلس الامة ما يقارب 36%

انخفاض التمثيل الشيعى من 5 نواب الى 4

ارتفاع عدد النواب العوازم ليصل الى 7 عوازم وهى من الارقام العالية

ارتفاع نسبة كتله 29 من 54% الى 57% وهى نسبة مرتفعة تعبر عن قوة المجلس فى اتجاه الاصلاح وبلغ عددهم 31

لم تصل اى سيدة الى المجلس وكانت السيدة الدكتورة رولا دشتى صاحبة اكبر رقم نسائى فى الدائرة العاشرة

بلغ 1550

نسبة التمثيل الليبرالى هى 4 نواب بما يعكس 8.75%

اكبر رقم فائز حصل عليه النائب مسلم البراك 8095

الحركة الدستورية صاحبة اعلى تمثيل ضمن التيارات الاسلامية حيث وصل لها 6 نواب من ستة دوائر

مجلس عبر عن ارادة الشعب بالاصلاح ووجوه جديدة جيدة وعودة لبعض الاشخاص المشهود بكفائتهم

بكل امانة لم ارد فوز كل من عبدالواحد العوضى – جمال العمر – مرزوق الغانم

وفرحت لما خسر عصام الدبوس وحسين القلاف

والى الامام يا كويت

وسلمولى على اللى هوهو يوم الانتخابات وطاح حضه

22 comments:

a7La eNG said...

النتائج طيبة

لكن خيبة املي كانت كبيرة لفوز اللي ما احب اقول اسمه

من التعب نمت و حلمت انه باسل خسر

اول ما فتحت عيني السيرفر تعبان

سألت ابوي قالي فرق 23 صوت

انا عبالي باسل
!!

وادعي و عساه يا ربي و عساه يا ربي

فتحت الجريدة الا صورة الويه الودر

قلت وييييييي غلطانين بالصوورة
!!

تخيل صدمتي لما عرفت الحقيقة

راسي صكني من الحرررررررررة

بس لازم يطعن باسل لازم لازم لازم


يالا كتبت بووست هههههه

ان شالله يا رب مرزوق يبيض الويه و تغير نظرتك له

اميييييييييييييييين

اذا مو عشانه عشاني
;D

Яeema said...

تحليل الزبدة أنا بسميه

يا مشاري النتايج إطلعت الحين فمالاه داعي الحكم علي أشخاص جدد بالمجلس

مثل مرزوق الغانم
سوا شي الريال و أهله إدعموه

ما أبررله إللي سواه
بس كل مرة أقول هالكلمة

الناس إللي تحته يطلبون المساعدة

و بسنا أسامي

عسى أن تكرهو شيئا فهو خير لكم


---------------------
قشيت من الضحك علي جملتك الأخيرة

و طاح حضة

ناس طاحوا و ناس إرتفع حضهم

Qaneema & her husband said...

خوش تحليل يا مشاري
و انضيف على اللي ما عجبنا فوزهم
خلف دميثير

صج الشيعة قل تمثيلهم
بس ترى عدنان عبدالصمد يسوى خورشيد و الزلزلة اللي ما يعرفون غير كلمة
الشيوخ أبخص

neelaah said...

للتعليق فقط على تدني نسبه تصويت المرأة

انا اعتقد انه هذي النسبه مجحفه بحق المرأة اذا مو قورنت بالرجل

لان فر رجال وايد ما يصوتو بالتالي مو اما اللي مسجلين فبالتأكيد سجلوا علشان يصوتون لذلك النسبه عاليه

بينما الحريم تم تسجيل الكل بلا استثناء

يعني لو حريم كان لهم خيار انها تسجل اكيد النسبه كانت راح تكون اعلى

kitty said...

مساء الخير :) اتصدق وايد الى تفاجأو ان اسمهم مو مقيد !! مو مسجلين وتلاقيهم مساكين ناطرين بالحر والشمس والنهايه ردوا البيت بدون تصويت !! مساكين بس من عليه هالغلط ؟؟

وبالنسبه للى اول مره يدخلون المجلس اى اقصد الاعضاء الجدد ليش قبل ما نحكم عليهم نشوف شبسوون ! يمكن من وراهم مصلحه الكويت

موتتنى ضحك سلمولى على الى هوهو يوم الانتخابات وطاح حضه هههههههههه حارااام :))))))))))

sOulvOice said...

-صالح عاشور- عبدالواحد العوضى – جمال العمر –

ماكان ودي يفوزون بس يالله هذا اللي صار


كنت اتمنى وصول مرزوق ولكن عقب حركة كواليتي نت وحجب موقع "عسل" تمنيت خسارته


"وفرحت لما خسر عصام الدبوس وحسين القلاف"

وزيد عليهم صلاح خورشيد


اكثر دائرتين اثبتو روحهم الوطنية وعدم طائفيتهم ال12"الرميثية" و ال8 "مشرف وبيان"

برافو عليكم والله بيضتو ويوهنا



مشكور مشاري والله يوفق الجميع

FatmaQatar said...

mabroooook tstahlooon wallah ^_^

inshallah aly sharktoo fee int7'abhm tmam =)

NewMe said...

مبرووووووووووك
شكلكم فرحانين بالنتيجه

ما ادري بس هذا اللي فهمته

اطيب التمنيات

الحجيه said...

السلام عليكم جميعا
يا خوي مشاري النتايج ولله الحمد أكثر من جيده خلنا نتفاءل ونترك التعليق بعد فتره حتى نشوف شبسون وعقب نعلق والضمير مرتاح وفي الختام
اتمنى التوفيق والصلاح للجميع وربي يهدي النفوس

والله مع اللويه نسيت الي يهوهو فقير تفتفت من كثر التهوهو :|

wwwwwww said...

افا مشاري ليش ما كنت تبي مرزوق يفوز؟
بسم الله توّه الريّال ما دخل المجلس ما شفتوا خيره من شرّه!!
ما أدري هذا شسمّيه هل أهو حقد هل أهو حسد!!
شلون قارنت مرزوق بهالأشكال الوصخة أمثال جمال العمر و العوضي!!!
مرزوق فاز باكتساح
و أهل الضاحية كلهم فرحانين
و إن شاء الله الأيام راح تثبت لك عكس اللي في راسك

PearL said...

بالنسبة لي المجلس كان صدمة

وايد ناس ما كنت ابيهم يفوزون وفازوا

ومو عاجبني ان نواب الحركة الدستورية ردوا وبقوة

كان ودي تفوز رولا دشتي
كان ودي يفوز الزلزلة
وعصام الدبوس

واستانست ان عبدالواحد العوضي فاز و مرزوق الغانم بعد

ونسبة الاسلاميين حيل كبيرة ومو عاجبتني :)

ولا عاجبني الاقبال الضعيف من حريم الكويت عالانتخابات

يمكن الحر لعب دور كبير اضافة الى الزحمة وعدم التنظيم في بعض اللجان


بس انشالله يحسون النواب شوي على دمهم
ويحطون الكويت جدام عينهم بكل شي

شكرا مشاري عالبوست

mishari said...

راح ابتدى باالتعليقات من فوق لى تحت
pearl: غريبة عندج خليط افكار غريب

رولا دشتى من تيار والزلزلة من تيار ومرزوق من تيار وعصام شاقح الطوفة تبين هذيل يوصولون المجلس جان المجلس صار فيلم عن قصة تجار شنطة :))

سنع و منع: الله يسامحج :) المسألة لا حسد ولا حقد ولكن انت قلت العوضى من الاشكال الوصخه صح ؟
والمرء على دين خليله صح ؟
مرزوق قبل الانتخابات باسبوع ايد بايد مع العوضى ويفترون بدواوين الشعب بعد ما دروا ان فى جم دوانية مسجلين بالضاحية من سكان الشعب
الواحد ما يظلم احد انشاء الله بس وهذا الميدان ياحميدان
ومن شابه اباها ما ظلم
فما بالج الابو والخال
تحياتى المزركشة


الحجيه : من قالج انا مو متفائل وانا كاتب اصلا ان النتائج ممتازة بنظرى وكتله الاصلاحين زادت من 29 الى 31 وناس زادت على هالرقم ولكن فى اشخاص واضحه نوايهم والقاعه راح تتكلم بالايام الياية


NewMe : الله يبارك فيج النتائج عكست ارادة الشعب اللى يبى الاصلاح

FatmaQatar : الله يبارك فيج والله من ناحية تمام تمام يكفى انهم الاغلبية داعمين للحريات


soulvoice-misso : كلامج عدل 100% لان فعلا هالدائرتين عكسوا روح الوطنية وتناسوا كل الامور الطائفية السخيفة اللى ما يفكر فيها الا كل ناقص عقل
تحياتى :)
وحلوين يالدائرتين :)

kitty : طال عمرج هذا خطأ مشترك بين الداخلية والناخبة لان كان من المفروض الناخبات يتأكدون من قيدهم لان مو نفس الرياييل الحريم تم تسجيليهم الكترونيا واللى كانوا مغيرين بطاقاتهم المدنية بعنوان او شى راح عليهم القيد

neelah: فعلا وجهة نظر تستحق الاحترام
لكن كان من باب اولى ان يكون تشجيع للمرأة اكثر للتصويت وانشاء الله ترتفع بالانتخابات الياية

Qaneema & her husband: صح نسيت خلف الدايخ
بس انا معاج 100% فعلا وصل نائب شيعى عن 4 نواب عدنان عبدالصمد الانسان يستاهل .

Reeemaa: تصدقين انا اول مرة اشوف وحدة تدور الطلايب الحين انتى قاعدة بلبنان روحى يبه استانسى شلج بهالسوالف احنا قاعدين نسلى نفسنا بالحر شوية :))
بس شقول على قلتيه ما اعتقد ان اهل الضاحية يطلبون شى والفرق الكبير المفروض يخلى الواحد يخاف اذا ما اثبت جدارته
وعسى الله يوفق الجميع لخير الكويت

a7La eNG : شانج على عينى وراسى بس هذى قناعات بعدين اللى يبى يبيض الويه مو علشانه علشان الكويت
واتمنى ان باسل يطعن وخصوصا ان الفرق فقط 23 صوت وفى مجال كبير للاعادة
وانشاء الله ما يوصل جمال ويتعرجب عند باب المجلس

Яeema said...

mishari :
أول شي صباح الخير
ثاني شي ، إللي يسمعك علي لبنان يقول أول مرة أروح
يبا لبنان بلا صغرة جنها الشاليه

ملييت منها
هاهاهاهاها

ولهت على الأكشن بالكويت
و بعدين لبنان يبيلها ريال

والله مكانك كبير يا بويوسف
:(

الصبح مالك أمل أطلع وين أروح؟
أنا أحب الليل

قاعدة أكتب و بنتي لما ألحين نايمة
هاهاهاهاهاها
سوق
مليت

أصلا زايد وزني حدي جواتي و جناط
بس بقولك سر
ما أفكر أروح لبنان هالحزة
إللي يشوف لبنان في الشتا
يكرها بالصيف

أو تقعد إتنقع بالبحر

Q8LoVeR said...

عله وعسى مجلس خير دام فيه وجوه خيره وزادت بعد هالانتخبات
في الحقيقه كنت متخوف من هالمجلس لانه على قولتهم مفترق طرق
وتحديد مصير يايصير فساد لي اخر العمر يا يتصلح كل شي
والحين الحمد لله راح نفسيه بعد النتايج
عسى الله يكتب فيه الخير
تسلم على الملخص
والحركه الدسترويه تستاهل وفيهم الخير والبركه
اما من ناحيه مرزوق فهو جديد ماله سوابق سياسه
او يمكن انا مالحظت انه له سوابق سياسيه
وان شاء الله يجعل الله فيه خير فماتدري ربك يخرج من الصخر اليابس انهار يفجرها تفجير
تحياتي

PearL said...

مشاري
انا ما امشي ورا تيار

انا اشوف الموقف ككل
كان ودي رولا تطلع مو عشان شي
بس لانها مراة ومواقفها قوية

وودي الزلزلة يطلع لانه احسين من عاشور ولاري بنظري

والمرزوق لانه شاب وشاطر
على الاقل يصير في دم يديد بالمجلس
ملينا من الاشكال الودرة اللي كل مجلس تطلع

واللي ابيهم احسن من الناس اللي يطلع منها كلام بذيء بندوة حريم و تطلع المركز الاول
ولا واحد شغله بالمجلس بس يصارخ وماخذ اعلى نسبة تصويت

a7La eNG said...

الله يعز شانك
عاد انت لا تاخذ كل كلمة بالحرف
!!

كلامي كان واضح ان شالله يبيض الويه
و تتغير نظرتك تجاهه اذا مو على شانه على شاني

يعني اشيمك تخلي الحكم بعد المداولة
و كل شي نسويه للكويت ما فيه شك

اللي يشتغل حق نفسه و حق تبيض ويه عمره يطيح و الناس ما ترحم


المسجات شغالة لحث باسل على الطعن
الله يقدم اللي فيه خيييييييير

mishari said...

Яeema : ماكو اسهل من خط لبنان الكويت

PearL: محد قال امشى ورى التيار لكن الزلزلة اثبت فشله هذى وحدة
اوافقج على رولا دشتى والناس ماسكين تتحجى لبنانى ووتحجى لبنانى خل تتحجى
مو احسن من الهرج اللى يقطونه بالمجلس
مرزوق شاب امنا بالله شاطر؟ من اى ناحية ؟ ما عنده اى تجارب سياسية والواحد يتمنى ان يكون عضو مؤثر مو علشان علشان البلد

a7La eNG : لا حرف ولا همزة وانشاء الله يقدم باسل الطعن وافتك من ويه جمال العمر

White Wings said...

ما أشوفه مجلس يأمل منه خير
لكن على قولة بلا ونيلة
الي في الجدر يطلعه الملاس

Яeema said...

راجعة إنشاء الله الأربعا
بنحاش من عيد ميلادك عشان ما أييب هدايا

هاهاهاها

مع إنك موثق عيد ميلادك عندي بالبلوق

بس هم ماني يايبة
عيد ميلاد سعيد مقدما

sOulvOice said...

pearl :**


اسمحلي مشاري ودي ارد على تعليق بيرل بعد اذنك

يمكن تناقشت وياج بهالسالفة عالخفيف بس ودي توضحيلي رايج اكثر بخصوص النقاط اللي ذكرتيها



زلزلة لو تقارنينه بلاااااري بتظلمين لاري لسببين:

تيار لاري اللي ينتميله واعتقد اهو "الجمعيه الثقافيه" تيار معروف عنه مواقفه الثابتة والوطنية ويكفينا فخر ان هالتيار انتج لنا نائب وطني مشهودله من الجميع بالكفاءة واهو سيد عدنان عبدالصمد

فهذا شي مبدئيا مطمئن



ثانيا:

احمد لاري كان رئيس مجلس البلدي والجميع يشهدله بالنزاهة ومثلج عارف ان اصعب مكان بالديرة البلدية اللي حتى الفراش يبوق فيها ولكن الرجل دخل نظيف وطلع نظيف +ما
سمعنا اي شبهة تحوم حوالينه بهالانتخابات لا نقل اصوات ولارشاوي

ف بصراحه انا"مبدئيا" متفاءلة بهالرجل


د.يوسف فعلا شخص مهذب بالتعامل واستاذ ممتاز
ولكنه كنائب فشل للاسف مع اني كنت متوسمة فيه الخير ولكن لو تلقين نظرة بسيطة على سجل الدكتور من خلال سايت المجلس بتعرفين ليش امعارضين د يوسف خاصة بعد رفضه التوقيع على طلب التحقيق بقضية فساد واذا نوابنا ينسوون صدقيني الشعب ماينسى اللي يخذولونه


نيي الحين لمرزوق

بدون الخوض بالنوايا وظلم للريال,,
اللي بيثبت لنا صدق مرزوق ووطنيته اهي سالفة "رئاسة المجلس"


اذا اختار الخال فلاطبنا ولا غدا الشر واذا اختار غير الخال ففعلا الرجل جاد وحيادي


فيه شغله الفتت انتباهي من الجنس الناعم بالذات,,وايد متحمسين لمرزوق وكأن قبل هالمرة مادش المجلس شاب ,,المطير دش قبله والعصيمي مع تحفظي على هالاسماء بس ماحسينا بهالحماس والتشجيعhehehe




وسامحوونا عالطوالة:)

bo9ali7 said...

تحليل موضوعي و جميل
واضيف على النواب الغير مرغوب فيهم
الخرينج
العيار
سعدون حماد

Smile said...

دووووم ان شاء الله
عمااار يا كويت ان شاء الله