الطموح و العمل والمثابرة والالتزام وقليل من المشاغبة تكون الحياة ناجحة

Monday, July 10, 2006


ماكدونالدز -برجر كينج - بيتزا - كنتاكى

فى بداية الابيض والاسود كانت الممثلات السمينات هن من يقمن بدور الاغراء الانثوى فى السينما
ومن ثم جاءت موضة القوام الممشوق والطول الساحر ليغزو الشاشة
وبعد سنوات معدودة عادت الموضة لذات القوام المملوء
واشتهرت العديد من الممثلات العربيات بالقوامين من ايام الابيض والاسود وحتى ظهور الممثلات اللاتى سال لعاب الرجال عليهن فى سينما الاندلس وبدأوا برسم فتاة الاحلام على غرارها وظلت حتى وقت متأخر فى بداية التسيعنيات بأن هذا هو الدراج
والان تعود موجة النحافة بجنون بأن تكون الفتاة ممشوقة القوام لا تعتريها اى شحوم او زوائد فى خواصرها مما يجعل جنون النحافة مصاحبا لجنون البقر فى عصرنا الحالى
شنو رأيكم
منو الاحلى حق بنات مجتمعاتنا وليش بالذات وهل الخليجيات ينسخون اللى تسويه اللبنانية ؟
موضوع ابى اكسر فيه الوضع

21 comments:

layal said...

الفضائيات يننت الناس
واعتقد اللي يصير اينون
والينون فنون وقلة العقل مصيبه
عساك علي القوة

ReLaaaX said...

loool


ايه صح الحين بنات هالوقت كلهم بدون استثناء يانادي يارجيم يانادي ورجيم ..فجأة كل من يبي يهتم بشكله

^_^


ويعني ماتدري ان اهل الخليج اهل هبّه.. وبدون مااخصص دوله معينه :)

>>Sama Oman said...

هذا صحيح
كلنا أصبح لدينا هوس الرشاقة و النحافة
والسبب ما يروجه لنا الاعلام وطبعا كل واحد يعلن حسب مصلحتة.
ونحن نتابع بلا وعي
لكن الانسان لازم يكون عنده لياقة واهتمام بصحتة
بس مو عشان متابعة اخر الصرعات

Q8LoVeR said...

المربربه زينه ترا
;p

sOulvOice said...

كله من روتانااااا اللي زغللت عيون الرياييل hehehe



صعب نحكم ونقول شنو الاحلى حق بناتنا
وشالجسم المفضل لانها مسألة تعتمد على ذوق ومزاج +امكانيات الجسم نفسه ,هل نقدر انشكله بقالب معين وحسب ررغباتنا!!!


فتلقى عادة اذا سألت وحده شالوزن المناسب بنظرج? غاااااالبا بتختار الجسم والوزن القريب من جسمها الحالي

اذا اهي بطوطة بتقول ابي اكون مثل هيفا اومادلين مطر واذا ضعيفة بتقول نانسي ولاوحده من هالضعاف فكل واحد يطالع من زاوية سايزه وبينتقد الشي اللي موقادر يوصله ;))

شخصيا احب ستايل العارضات الاجانب والظهرالمشدود والمشية الرشيقه بالذاات للبنت المومتزوجة نظرا للتغيرات اللي قد تطرأ علي الجسم بعد الزواج اللي تخرب خريطة البدي كله


بعض الحريم يقلدون اللبنانيات باللبس والميك اب اكثررر شي اما التقليد بالجسم فأتمنىى ى ى ى نقلدهم بس شوي صعب لان نظام حياتهم هناك غير عنا والنظام الغذائي مثل مايقولون المختصين لايف ستايل مو شغل شهر شهرين تالي اندبه عيوش ;p

فالسالفة يبيلها
ارادة

الاهم الاهم من هذاا كلللللله ان الوحده تكون مقتنعه بنفسها حتى لو ماكانت عالمقاييس الجسمية السائدة

وبالنهاية كل جسم سواء متين ولاضعيف له عشاقه ومحبيه


يتهيألي انا الوحيده اللي جاوبت على اسئلتك بالتفصيل الممل:p


يعطيك العافيه موضوع حيوي

tweety said...

انت مجرم ! حاط لي أسامي مطاعمي المفضلة على موضوع عن الرشاقة حرام عليك لوووووووووووووول
أنا عندي والله احنا أحلى ألف مرة من بنات لبنان بشهادة شبابهم ومافي داعي للمقارنات يامشاري ترى مولصالحكم شبابهم حدهم زوغة بس للأمانه ورغم أني ما أؤمن بقياسات مثالية تحدد الجمال فكل وحده تختلف عن الثانيه وما يناسب وحده ما يناسب غيرها بس المتان اللي أوزانهم 100 وفوق وايد يكسرون خاطري خاصة اذا كانوا صغار لأن المجتمع و بعض الناس ما تتعدى النظر لشخصياتهم وتكتفي بالشكل الخارجي والبعض يكون جارح في التعليق هذيله انصحهم بالتخفيف حفاظا على الصحة وعشان نفسهم مو عشان يعجبون أحد لأن الجمال والجاذبية هي جاذبية الروح بالدرجة الأولى . أنا أكثر وحده عاشقة نظر بس مهما عجبني أحد اذا أسلوبه ظيم أو دمه ثقيل أو سخيف ومليق أو غبي او شايف روحه على طول أسويله دليت من حياتي ..انا ناقصة علل

a7La eNG said...

اول شي .. احتج على الطعن في استقلال شخصي و ذوقي و ستايلي

لا قلدت لبنانية و لا قالها الله

اصلا .. رحت لبنان و رديت ما شريت كله خماجيييييل الا هااا هااا شي بسيط
;D

بعدين .. سالفة هبة الرشاقة القصوى

عالمية .. لان الوعي الصحي زاد .. و اخطار السمنة صارت حقائق كلنا نعرفها

انا ادري البوست خفيف دم .. بس ما احب لما يعطون ناس اكبر من حجمهم

مع اني احب لبنان و اللي فيها ههه

بس من كثر ما يقولون عن عمرهم صدقنا
;Ppp

انا افضل .. وسط مائل الى النحافة

خاصة البنت .. وراها كليوات وايدة

فا تبدي بالحد الادنى ههه ثم تنطلق
;D

Chai-7aleeb said...

البنت المتروسه طبعاً اللى عندها شوية أرداف وصدر محترم

bo9ali7 said...

بالنسبة حق البنات .. في بعض البنات مو صاحين..وبالنسبة لي اشوف ان الشكل ما يمثل لي اي شي

mishari said...

layal:انا معاج صح الفضائيات اهيا اللى اثرت بالدرجة الاولى على البنت وخلتها شكل بلا عقل مو الكل طبعا
ويا اهلا وسهلا بسنفورتنا :)

ReLaaaX : تدرين شنو اللى يضحكنى تلقينهم قاعدين الحريم يسولفون عن جميع انواع الريجيم وقاعدين ياكلون كنافة ويشربون جاى وعلى صوب الحب
جان زين هالهبة تطبق


>>Sama Oman<< : الاهتمام بالصحة شى واللى قاعد يصير شى جان زين الامور عندنا صحية فى حريم يدخلون بمشاكل صحية بسبب استخدامهم لطرق خاطئة فى الريجيم


Q8LoVeR : لالا ما تقطها وتمشى جذى
كل شى له وقته وانا اخوك ;)

mishari said...

sOulvOice-misso : تصدقينى والا لا اكره كل البنات اللى يطلعون بالتلفزويون ما تدوخنى الا خليجية ويكون لها اهيا ستايلها الخاص
وصح كلامج البنت قبل الزواج لازم تكون محافظة عدل مو تيى بالزواج وتخربط الدنيا
واخر شى قلتيه كل جسم وله محبيه هذى مقولة منطقية علمية فلسفية اخلاقية روحانية 100% بس بالنسبة لى عندى كل شى وله وقته :))

tweety : انا نهائيا ما اقارن لان اصلا هالجنسية لا من ريايلهم ولا من حريمهم كلهم يلوعون جبدى الا ما ندر منهم وبعدين لج منى كوبون بقيمة 10 دنانير ماكدونالدز وتوصيل بيتزا للبيت مجانا:))

a7laeng: اقول لا حد طعن ولا ذبح ولا علق على استقلاليتكم لكن بناتنا الله يهادهم سولى قبل يقولون سولى شعرى نفس سعاد حسنى
وسولى مكياجى نفس ما ادرى منو
الحين الناس تتكلم اعضاء الجسم
ابى شفايفى نفس نانسى وجسمى نفس هيفياء
يعنى تبدع والاساس بناتنا الله يهديهم ماكو ثقة بنفسهم ولا اكو اهتمام الا لما يطيح الفاس بالراس
وانا مقتنع فيج يبه بس انتى زهبى جنطتج وانا مجهزلج حارس عمارة مو طبيعى :))))

Chai-7aleeb : اقول حجى جنك دشيت بالمختصر المفيد فكيت عمرك :))

bo9ali7 : عمرى بوصالح تدرى ليش تقول جذى لان كل اللى حواليك شماحيط واللى بعمرك نفس الشى بس من توصل 26 سنة تبدى الافرازات حولك
تحياتى :)

a7La eNG said...

ليش كم ؟؟

انا .. تج مو كم .. كنت اتكلم عن نفسي

افاا وين الدقة يا دقيق .. الكبر شين
;D

انا كنت ابي راعي البقالة بس قبست و شالوا البقالات ههههههههه


يا ربي ليش تغار مني هااا؟؟

شوف ربي خذا منك الزين و عطاك

امممم .. امممم .. خفة الطينة يمكن

يالا الله كريم .. ما ضرك سم الله عليك

;PppPPppp

BaLqEeS said...

انا من رايي
احب الضعف طبعا

ستايللي احب اجسام الاجانب
من طقة ميشييل فايفر

لا احب هيفا ولا باميلا اندرسون ولا ايشكل من اشكال الاغراء اللي الرياييل يحبونه طبعا

حلاته الوحده تصير خفيفه.... وياحلو الجينز والتي شيرت على الضعاف
طبعا مع الطول المناسب

mishari said...

a7la eng: قل اعوذ برب الفلق :))
اقول لا بقالة ولا عمارة شغلج عندى:)
وبعدين اقول لا تسويلى ما ضرك وما ادرى شنو :)
باجر اربعاء والوعد عند حديقة الشيراتون :P

balqees :الصراحة صج ماكو احلى من الجينز والتى شيرت بالنسبة لى يعطينى احساس ان البنت خفيفة وعملية مو متكلفة وفى بنات من كثر الهدوم وتخشش الشحوم تقول خيمة تمشى متروسة خرفان

Bloo said...

if ur gonna see the girls with their cloths on. then chubby in

if cloths off, less than chubby more than skinny is in.

neelaah said...
This comment has been removed by a blog administrator.
sarah said...

مشاري موضوعك هذا حديث المجالس على قولتهم
وفهلا احنا عندنا هستيريا اجسام
وخلصنا من موضة البرتقاله
وطبعا البرتقالة هي الجسم المفضل عند امي
المهم
المفروض البنت تهتم بجسمها وشنو تاكل
ومايهما اغراء برجر كنج والبيتزا
حلاة البنت خفيفة
والبنت المتينة تقدر بالرجيم تنحف وتتمتع بالرشاقة
واطن الجميع يحب الضعاف
وانا من ضمنهم
:)
لأن النحيفة كل شي تلبسه يناسبها
والمحلات الحين والموضة كله حق النحاف
:)

sarah said...

ودايما اهم شي اطباع البنت واخلاقها
ممكن البنت تكون ملكة جمال وجسم مثالي
وبس تكلمها وتعاشرها
تنقلب جيكرة
وبنفس الوقت تشوف وحدة متينة بس سبحان الله بخفة دمها واخلاقها
تشوفها ملكة جمال
اذن
الموضوع يعتمد
;)

neelaah said...

مشاري

على فكرة المرأة بالكويت وصلت حق مرحله انها تبي الرشاقه مو علشان تعجب الرجل بقدر ما هو تحدي و خوف من شماته النساء


العصاله حلو طبعا بالذات للبس

انا بالنسبه لي القالب له دور
بمعنى في متان جسمهم ملوم و موزع صح
وفي ضعاف شكلهم ودك تعطيهم كسرة خبز

الجمال ينبع من الداخل
اذا المرأة اقتنعت انها جميله راح تقنع وايد ناس حواليها

انا عن نفسي احب الاكل ما ابالغ فيه بس بنفس الوقت ما احب اعيش حاله من الفوبيا من السمنو او اخلي هاجس الرشاقه يسيطر عل كل تفكيري

متصالحه مع نفسي و مع شكل حتى لو ما عجب الاخرين

neelaah said...

ومن العنوان

اولا مطافي من كنتاكي

ثانيا تشيز برجر من ماك

ثالثا تشيكن رويال مع اكسترا تشيز

رابعا بيتزا مشروم

يم يم

و الله عندي ذوق

Anonymous said...

Greets to the webmaster of this wonderful site. Keep working. Thank you.
»