الطموح و العمل والمثابرة والالتزام وقليل من المشاغبة تكون الحياة ناجحة

Wednesday, August 23, 2006

مقتطفــــات نهـــاية الاسبــــوع

سياسة

انقطاع الكهرباء بالكويت بشكل عام – دراسة تشير الى ان اعلى نسبة رسوب فى الثانوية العامة فى العالم هى الكويت – خرق قانون وقف اطلاق النار من قبل اسرائيل – ايطاليا تستعد لقيادة قوة حفظ السلام فى لبنان – حزب الله يجدد رفضه بتسليم السلاح

الاقتصاد

البورصة ضمن تذبذب وسط عمليات شراء محدودة لاتتجاوز الاربعين مليون دينار – اليورو يرتفع الى اعلى مستوياته – التوجه السياحي يصب فى صالح مصر

الجو

حر والله العظيم حر

الحب

فى السابق الرجل ليحب زوجته يجب ان تدل مفتاح معدته وهي ترضى بالرعاية اليوم الرجل طاير فى السماء والمرأة ما تدرى وين تختار مكان للحوسة وكل من طاير بحياته

مدونة

لا أعرف ما اكتب ولكن طرى على بالى اثناء هذه الفترة من السنة قبل 10 سنوات تقريبا كانت الحياة مختلفية كليا وكانت حياتنا ابسط بكثير مما نحن ولكنها ايضا كانت معقدة لمن سبقونا

أخر القلم


كلك تعــــــــالي غلا ولا ارجعي كلك
بعـــض الغلا منك ما يستاهل الجيه

طالت وانــا في رجــــا ليتك ويا علك
اوراق بالـــــذكره و اوراق منسيه

ما بــل ثوبك مـــطر شـوقي ولا بلك
لو علتك من سحاب الـروح وسميه

ليه امشي الدرب دامـه ما يوصل لك
تخاف رمضا الضياع اقـــدام رجليه

يا بنت تو الهـــوى ما صرت انا خلك
للحين ما زالت الصـــــــوره رماديه

ومازال بعض الغموض الشره يحتلك
وشلون انا اعشقــك على الــــــــنيه

اشـــوفك هنــــاك قدامـــــي ولا ادلك
صعب الكتابه ليــا صــار الورق ميه

ان كان شـــمسك تساومني على ظلك
ما عــــاد ابي منك لا شمسٍ ولا فيه

امـــا تـــــعالي لــقلبٍ فـــــزلـك كــلك
ولا اتركيني ما ابـي لك بالهوى جيه
مساعد الرشيدي

واستمتعوا فى الويك اند مع الاهل والحبايب

أنغام (الاماكن ) Click

23 comments:

sOulvOice said...

انا ببدي من الااغنية اللي مختارها

يالله هالانغام حد الفننننننن

ماحب اغاني محمد عبده الا بصوتها وبصوت نوال

اختيار موفق

***********************


اعلى نسبة رسووب عندنا!!!


اخص علي اعيالنا

مادري شناقصهم اللي حتى النجاح موقادرين عليه


**********************




اممممم الاجيال القديمة دايما يتحلطمون وكل جيل ينتقد الجيل اللي عقبه ويظن ان زمنهم افضل

وهكذا دواليك

ياعيني علي وعلى دواليكي



مشكور عالملخص

Blue Ice Envy said...

Tuesday, August 15, 2006
A Bottle In The Sea!
I know that it's hopeless to write this down, but it would be so great to find what I'm looking for!
Here it goes;

I'm looking for an adult male pure breed West Highland White Terrier.

If you have one, or know someone who has one, or know someone who could help me to find one, I'll be interested in buying it!

So could you all please spread this?

I know that it's a rare breed in Kuwait, but I would love to have it, fix your price!

P.S In case you don't know how it looks like just Google it!

Chai-7aleeb said...

ليش ما قلت شىء عن قطع الكهرباء؟؟

kila ma6goog said...

اذكر ايام الغزو الكهربا كانت شغالة تمام لين الحرب الجوية انقطعت

فهل العراقيين كانوا ارحم من وزارة الطاقة الحين؟

سالفة قلب said...

ان كان شـــمسك تساومني على ظلك
ما عــــاد ابي منك لا شمسٍ ولا فيه


ابيات جميلة ...لامساومة على الكرامه

Яeema said...

شي غريب
والله العظيم صارلي أسبوع أسمع هالأغنية و بصوت أنغام و إسأل كيتي !!؛
أذيتها و أذيت لوير و كل مطقوق و ما باقي إلا أعلق إعلان عند بيتنا إنني هابة فيها

أمبييييييييييييييييييه

!!!!!!!!!!!!!!!!!!!!!!!!!!!!!!!

ReLaaaX said...

وعليه عليهم .. هم ماينجحونهم وهم مافيه مكان يقبلهم عقب ماينجحون بالدز .. والله كاسرين خاطري

mishari said...

sOulvOice :اخص بس؟ الا الف اخص بكل شى مفشلينا
مريت باحد الايام عند ثانوية والا مرسيدس وبورش وسيارات من هالنوعية قلت وين قاعدين صبيان الثانوية قاموا يركبون جذى ؟
شلون تكون المخرجات

Blue Ice Envy : am sorry dear i cant find u what you want but if german shephred is i can find u good one

mishari said...

Chai-7aleeb : اول خبر يا كرك
وعلشان ما تعب نفسك شنو كرك الكرك بالهندى يعنى جاى حليب:)

kila ma6goog : ما اقدر اضيف يا بوسلمى لان ان ضفت على كلامك سبيت بس ما اقول الا الله يصلح الحال

mishari said...

سالفة قلب : معاج حق ان كان الحب بدون احترام لكرامة الشخص المقابل فلا حاجة له لان يعتبر مذلة
:)

Яeema : بعيد عنج الشر هذا يسمونه توراد خواطر والله :)
حياج

mishari said...

ReLaaaX : الا والله من رداتهم طايرة عقولهم بس حق القز والمارينا الله يصلحنا ويصلحهم

Яeema said...

mishari :
الله يحييك و يبجيييك

kitty said...

والله فقاره مساكين مو منهم اعلا نسبه رسوب من الجو ترى

ترى الحراره مو قاعده تخف !! قاعدا تزييييييييييييييييييييييييد

كلشى اول له طعم مشارى الحين كلشى ماله طعم حتى الوناسه ماهى وناسة اول

الاماكن ينناتنا فيها ريمه صارلها سبوعين تطحن لما خلتنه كلنه اندش فى مود الاماكن


احله ويك اند السبت عطله :)

mishari said...

Яeema :اهلا
:)

kitty: الا والله من الاكل الخايس اللى ياكلونه والمخ اللى طاير
والا الحر اهو اهو ما تغير

انغام صوتها بدعة بالخليجى

استمتعى بالويك اند :)

Q8ya said...

انقطاع الكهرباء هالايام ذكرني بايام قبل يوم تنقطع الكهرباء وكلنا نتيمع بالفريج ونلعب مع غروب الشمس يكون الجو رهييييب ...:)


الجو ....اوففففففففف من صج حر حر


يعطيك العافيه على الاغنية....ذوق...:)

sugar free.. said...

انتهت حكمة مفتاح الرجل معدته عفى عليها الدهر وشرب .. 808080 ماتقصر والريال استغنى عن اكل البيت الا ما ندر .. والمرأه also كانت تطبخ لشخص والا اهيا مو مهم تطبخ حق روحها تدبر حالها .. عصر السرعه كلن استغنى عن الاخر ..

mishari said...

Q8ya : انتى غاطة من فترة الحمدالله على السلامة

بس صج الكهرباء راح تودينا بداهية اذا ما شافولنا حل فيها

حياج :)


sugar free: ماكو شى ينتهى صدقينى واغلب الرياييل لى الحين ودهم ياكلون من ايد حريمهم بس يا مقدر الظروف ان المرة ما تقدر تطبخ بكل وقت او يصرف نفسه باى شى
:) تحياتى لج والحمدالله على السلامة لان من زمان ما علقتى

tweety said...

الجو حر وعودة للرطوبة وبسبب انقطاع الكهربا نواجه خطر الانصهار والتبخر
بس يمكن الحكومة تبي تشجع الرومانسية وتخلينا ناكل على ضوء الشموع !؟

3ateeja said...
This comment has been removed by a blog administrator.
3ateeja said...

مادري شقول مادري شحجي
بس فعلا
الاماكن كلها تشتاقلك

a7laa7ob said...

خخخخ
انقطاع الكهربا صار شي طبيعي ولازم نتعود عليه
يذكروني في دوله سافرتلها وياريتني ماسافرت
--------------------------------
بالنسبه للبورصه مالي شغل فيها
اما السياحة اكيد بتنصب على مصر
لبنان حرب والدول المجاوره لها يخافون يسافرون لها
---------------------------------
الجو حده حده حده حررر
بس لازم نقول الحمدلله على كل حال
على الاقل اذا حر نقدر نقعد ببيوتنا
او حتى بالسياره فيها مكيف
والله انه في دول بافريقيا حررررر وماعندهم شي اسمه مكيف
الله يمون في عونهم
----------------------------------
حريم قبل غير
ومثل مايقول المثل عتيج الصوف ولا يدي البريسم
والله يعافي المطاعم
----------------------------------
صح كانت معقده بالنسبه لهم بس لما تقعد مع يدتك او يدك تلاقيهم يترحمون على هذيج الايام
----------------------------------
وصح لسانك
----------------------------------
واكيد استمتعنا بالويك اند لانه بنكون مع الاهل والحبايب
ومشكور
-----------------------------------
واخيرا وليس آخرا
احييك من اعماق اعماق قلبي على ذوقك الراقي في اختيار المطربه انغام
وهم لاختيارك لاغنيه الاماكن
----------------------------------
والله يعطيك الف الف الف عافيه

mishari said...

tweety : فكرة وخصوصا ان احنا نفتقد الرومانسية هاليومين فالحكومة ابخص :p

3ateeja: لا تقولين شى بس انا اقول
كنت اظن الريح جابت عطرك يسلم على :p

mishari said...

a7laa7ob : يا اهلا وسهلا :)
بس صدقينى بعلق على شى واحد عن الحر
الكويت مو نفس الدول الافريقية الكويت فيها خير وما نقارنها بهالدول
:)
بس اقولج مشكورة وايد وايد وايد على تحياتج :)