الطموح و العمل والمثابرة والالتزام وقليل من المشاغبة تكون الحياة ناجحة

Sunday, August 06, 2006


انفجار


قاعد اتغدى فى امان الله وتونى راجع من الدوام والا فجأة طاااااخ قلت يا حزب الله يا اسرائيل او غزو ثانى

ويهتز البيت فينا والتفت من مكان على طاولة الاكل على الشباك والا اعمدة دخان متصاعدة مثل ما يقولون بالاخبار

واتصل على الثلاث سبعات علشان ابلغ بثوانى ويردون على بصوت انثوى ان وصلنا البلاغ قلت بسم الله صج الكويتين فزعه وانا قاعد اطالع من الشباك والا صديقي اللى اهو جارى لقيته

طالع وقاط الويه علشان يروح

المهم قعدت اتغدى واتصل على رفيجى يقولى تعال خل نشوف

رديت عليه قتله من قالك حضرتى لى لازمة على الوقفة بصراحه ,ويوقولى تعال الصراحة خذانى الفضول وقمت لبست ورحت اشوف

اول ما وصلت والا شباب المطافى كسروا خاطرى ليش

اول شى اغلبهم صغار بالسن ما يتعدون الواحد وعشرين سنة اشكالهم

والا طلع محول الكهرباء من كثر الضغط منفجر والحمدالله ان محد تعور رديت والتفت حوالى والا الاخ اللى قاعد يطفى الحريق (بالفصحي) الاخ مو لابس لبس الاطفائى !!!! لماذا ؟

شوى والا واحد من الاطفائين الاخ لابس نعال

what are you doing stupid firemen

اطل بالسيارة مالت المطافى تقول سيارة مطافى فى بنغلادش المشكلة ليش واحنا عندنا هالخير ليش ما فى التزام بقواعد السلامة فى واحد ياى يطفى الحريجة وهى بمعنى حريق لغير الناطقين باللهجة الكويتية واهو لابس نعال

فى واحد يوقف مقابل النار واهو لابس تى شيرت وبنطلون ؟

ياناس شلون نتطور اذا ما فى التزام بالقوانين وسلامة معداتنا

واللى بط جبدى اكثر واكثر

الحبيب
انظر للصورة
الحبيب ماسك قيتار


خطاكم السو يا اهل منطقتى

وسلمولى على اللى يهوهو ولا يتحرك يسوى شى


27 comments:

Яeema said...

loooooooooooooooooooooooooooool
خطاكم السو جميعا

بدعا إعيالنا الله يحفظهم

إتلاقينهم مسويين قعدو و غذا طايح و أذيتوهم بهالقوايل

ليييش ما صبرتوا علي ما يخلصون

ترا الله حفظكم

إنزين الحين لا ماي و لا كهربا؟؟

مو جنه يبيلكم تحرير؟

tweety said...

الله يرحم أيام جريسو
أبي أبي لم لا اعمل في الاطفاء
:p
خطاكم السو

tweety said...

مشاري
انا بتبرع بتذكرتي حقك
عشان تروح تتطمن على ريما مكتبي
شفت اشلون قلبي عليك
:p

Яeema said...

أقول مشاري
ممكن إتزهب المداليات حق المراكز الأولي بالتعليق


أبي ميداليتي الماس لو سمحت

يقولون سوق لسهم مرتفع إشو

Яeema said...

tweety:
جان تبين تذكرتي بعد متبرعة فيها

إذا بيروح ويا مرافق

NewMe said...

خطاكم الشر
:(
يعني اللحين
عندكم كهرباء والا عايشين في الحر؟!
بل احس من غير ماي ممكن يتدبر حالي
بس من غير كهرباء أكيد أضيع
أموت
لا وشهر ثمانية بعد
يعينكم ربي
:)
أطيب تحياتي

Fuzzy said...

الله - الوطن - المطافي

ما أنسى دور عيالنا في المطافي أيام الغزو ما قصروا ترسوا الجليب اللي في بيتنا وكان يغذي الفريج كله بالماي .. وما أنسى دورهم بعد التحرير في اطفاء الآبار المحترقة

طبعا هالكلام قبل 16 سنه .. اعتقد الجيل الجديد من المطافي من جيل الام تي في ولا تستغرب يا مشاري ان واحد ماسك زقارة ولابس حشاكم نعال .. تلاقي الشعر بعد متروس جيل ومواد قابلة للاشتعال

عموما

خطاكم السو ما تشوفون شر

san3a_wa_laken said...

خطاكم الشر

nadeyah said...

الله الحافظ..... خطاكم السو

والحمدلله الله لطف

بالنسبه للمطافى ... عادى جدا .. رحمه ربى واسعه ولا جان اعلوم ثانيه من حرايج واصابات ..

Unknown said...

Яeema : بالله اذا شغلته جذى انا شكو فيه واصبر لما نحترق يعنى ؟؟؟؟؟
خطاج اللاش :)
يبيلنا اخر بير طفينا :P

tweety :ماادرى من وين طالعه جريسو صج عيووووز اشوة انى مواليد 86 :P
ابى ابى ماذا تريد ياولد اريد ان اعمل بالاطفاء هذا عمل فيه عناء :P

kitty : مو بالكويت قاعدين والله تقول قاعدين فى خرم شهر خليها على الله :)

Яeema :ما عمرى شفت وحدة حرشية مثلج خل ايى البرد على الاقل تطلع ينانوتج بالشارع

Unknown said...

NewMe :لا كل شى اوكى كهرباء وماى والوضع اوكى وقاعدين نفكر نصيف مع كل المدونين فى ماليزيا :)

خطاج اللاش

Fuzzy :الغزو مو مقياس لان الكل كان زين :)
تصدق ما يت على بالى سالفة الجل والا جان الواحد فيهم باق راسه علينا وتعال طفه :)))

san3a_wa_laken :خطاج اللاش :)

nadeyah : مو احنا لو ما رحمة الله جان ملح يا بنت الحلال خطاج اللاش

tweety said...

مشاري
صاج انت مواليد 86 + 10 سنين
:p

Яeema said...

etha gazzeeeeeeeeeet mo 3aaajib

o etha ga3adt bel beeeet haam mo 3ajib!


ahaaajeeer a7sanly!

:(

ReLaaaX said...

سلاماااااات .. الله حفظكم :)


يالله الحمدلله اهم شي كلكم بخير ماكو اصابات -->حسبي الله على الاخبار علمتنا هالمصطلحات

layal said...

الحمد علي سلامتكم
وهذي الامور تحتاج ناس خبره علي الاقل معاهم مو شباب صغار
تره غير الناطقين باللهجه الكويتيه يسمونها حريجه بعد :-)

Unknown said...

tweety :ماشى يالنحيسة ماكو فايدة :))

Яeema : قعدى الله يخليج بدون بوز وشقى الحلج :)

ReLaaaX : الله يسلمج الحمدالله تعلمنا شى يديد :)

layal: كان فى ناس خبرة بس يعنى الصغار ما ادرى شلون :)
انا اقصد لغير الناطقين الخليجية :P
والا انتوا اهلنا

Anonymous said...

حمدلله على سلامتكم
و خطاكم السوء!!

3ateeja said...

مثل انجليزي مؤمنه فيه ..لا يوجد فريق فاشل ..بل يوجد قائد فاشل وقيس على ذل
:)

3ateeja said...

على ذلك :O

الحجيه said...

السلام عليكم جميعا

ألف حمد وشكر لله آلي عداكم الشر مع الجيران والحمد لله على سلامة الجميع يحلوه أن اندفعت من الله وسلمكم وربي يحفظكم ويحفظ الشباب ألمطافي وعساهم على القوه

Яeema said...

أبي رضاوه
تذكرة
kuwait- NY-LV-NY-kuwait

first class law sama7t

مصروف جييب
و فندق بلاجيوو
و تذكرة الساحر ديفد كوبيرفيلد

تلا بستأذنك بحط بوست يخصك
إيي و إلا لأ؟

Unknown said...

NaDiA AnZa7a :شنو يقولون باللبنانى خطاك اللاش ؟ :P

One in a Million :خطاكم اللاش ومشكورين على التعليق:)

3ateeja :صح ويقول المثل مرد الجلب على القصاب :P
شكو مادارى

Princess :راعى القيتار شكله كان متأثر وايد بغيت اشيله واحذفه

Unknown said...

الحجية : خطاج اللاش ومشكورة وعسى الله يحفظج

Яeema : رضا ؟ ما اعرف واحد بهالاسم
؟؟؟
المتصل لايمكنه الرد حاليا :)

اخذى راحتج بالنسبة للسؤال :P

NouNoO : بعد شنسوى ان طاعك الزمان والا طيعه
صدام او غيره يمكن يعدل الوضع بعد ما يصير تحرير ثانى

3ateeja said...

ومن امن العقوبه اساء الادب ...

وايد وحده ما تصفق << شكومادري

Unknown said...

يا حيالله عتيجة :)

Alather said...

خطاكم السوو

صراحة كل يوم اكتشف شي يديد يبشر بالخير في ديرتي الحبيبة

اطفائي اخر موديل..الله يستر من القادم ..

Unknown said...

Alather خطاكم اللاش :)

cuteya : لا وانتى الصاجة العيون