الطموح و العمل والمثابرة والالتزام وقليل من المشاغبة تكون الحياة ناجحة

Wednesday, September 27, 2006

مقتطفــــات نهـــاية الاسبــــوع

سياسة

الدول الاسلامية تختلف فى بدء شهر رمضان – وزارة الصحة تكذب خبر سرطنة الاسماك – نفى سعودى عن لقاءان اسرائيلية – احتمالية لقطع المياه فى رمضان – نفى خبر موت بن لادن – تصريحات نارية لحسن نصرالله

ــــــــــــــــــــــــــــــــــــــــــــــــــــــ

الاقتصاد

انخفاض سعر البترول – ارتفاع ضئيل للبورصة بعد كسر حاجز 10000 – طرح زيادة على الرواتب فى رمضان بمبلغ 50 دينار

ــــــــــــــــــــــــــــــــــــــــــــــــــــــ

الجو

تحسن الجو بشكل ملحوظ

ــــــــــــــــــــــــــــــــــــــــــــــــــــــــ

رمضانية

شئ جميل امتلاء المساجد وسعى الناس لاداء الصلاة والذكر طول فترة اليوم دون توقف

ــــــــــــــــــــــــــــــــــــــــــــــــــــــــــــــ

مو رمضانية

سخافة شديدة جدا من المذيعة ثقيلة الدم حليمة ولا أعرف هل هى مقرر رمضانى ؟ام لازم كل رمضان تطلع لنا بملابس باربى ؟

فجر السعيد كل سنة تزيد تفسخا فى مسلسلاتها واعتقد ان يجب ان تتوقف عن الكتابة لان مسلسلاتها لا تصلح الا لفئتين المخرفين والتافهين

ــــــــــــــــــــــــــــــــــــــــــــــــــــــــــــــــ

.........مكارم الأخلاق ...........

عفوت ولم أحقـد على أحـد
ارحت نفسي من هم العدوات
إني أحيي عـدوي عند رؤيتـه
لأدفـع الشـر عني بالتحيـات

وأظهـر البٍِِشَر للإنسان أبغضـه
كما إن قد حشى قلبي محبـات

الامام الشافعي

36 comments:

Anonymous said...

ماشالله الجو وايد وايد تسنع


---------

حليمة مهي عارفة شتسوي بعمرها
الله يستر عليها


-----------


رمضان هالشهر امعقدني من شدة تناقض البشر فيه

-------------------

فجر السعيد

كنت بكتب بوست عنها بس حسيت ماتستحق بوست كامل عشانها

ولابذمتك مشاري منو الشخصية الكويتيه اللي حاط بودي قاردات في بيته وشهالتطبيل لأسد حولي والحكومة السنة اللي طافت اغنية للشيخ وهالسنة بلشت بأسد حولي

مسخرةة وارف تقول قاعدين بدولة بعثية

tweety said...

احم احم أنا ييت :p

طرح زيادة الرواتب هذي خوش بشارة انشالله هم ماراح أقصر بنشر الخبر وأقول مشاري ياب الخبر من الدوانية اللي عروقها بالماي :p
الجو تحسن : الحمدالله عشان نمشي رمضانيات : سؤال برئ ليش ملابس باربي برمضان ليش مو دراريع مثلا تتلائم مع الاجواء الرمضانية وما توضح تفاصيل قوام حليمة غير الممشوق !!؟
فجر السعيد : رجاءا يا مشاري انك تحكم بموضوعية على هذا العمل الكبير والمرشح للأوسكار كأفضل تأليف وأفضل أداء وأفضل ميك أب !
ياريت تذكر لنا متى الاوقات المناسبة للتسوق تحاشيا للزحمة
والاوقات المناسبة للطلوع للسطح :p
لوووووووووووول

bo9ali7 said...

صبحك الله بالخير..ومبارك عليك الشهر..والله اني اشتقت حق كتاباتك..وانصحك ان تمارس القطع المبرمج حق تلفزيون الكويت

enter-q8 said...

المشري

ليش ترفع ضغطك وانا اخوك

تبي تعيش صح

بهالشهر الفضيل

لا تطالع التلفزون

والله العظيم

وانا صاج لن رفع الضغط من التلفزون

شوف بهالشهر

اركز على عدة اشياء

الصلاة و محاولة ختم القرأن

و الديوانيات

و وراها الانترنت

و طبعا الدوام

بس بتفتك

يعني مثال ماكو شغل قلت خلني اريح بالصاله و يالاهل والا الاقي فجر الله يفجر مخها

كان اقول خلني اكمل كم جزء

و وراها

قلت خلني اقرى كم كتاب

و جاء وقت الفطور طبعا لازم ملاقة شبابيك

قلنا اوكي

وصلينا و راها قلت خلني اروح كم ديوانية

انتهى اليوم

طار

طبعا نسيت اقول شغله التوريث الفني محد لاحظه هاليومين بالهالمسلسلات

كل واحد جايب و لده و الا اخوه و الا ولد عمه و الا بنته و الا ولده


بس
كل هالاسباب تمنعنى اني اتابع التلفزون

بلاش قرف يا شيخ
دي حاجه تقرف

NewMe said...

عفوت ولم أحقـد على أحـد
ارحت نفسي من هم العداوات
إني أحيي عـدوي عند رؤيتـه
لأدفـع الشـر عني بالتحيـات

كلمات جميلة لها صدى عتيق
لم يعد لها مفعول يجدي فالعدو يظل وراك
يناكدك لو مهما تسوي
زادت الشرور في هذا الزمان

ويقول الشافعي ايضاً
نعيـب زماننـا والعيـب فينـا
ومـا لزماننـا عيـب سـوانا
ونهجـوا ذا الزمان بغير ذنـب
ولو نطـق الزمـان لنا هجـانا
وليـس الذئب يأكل لحم ذئـب
ويأكـل بعضـنا بعضـا عيـانا

نهاية أسبوع سعيدة
دمت بود
تحياتي

Яeema said...

أبشرك عن الماي
إنقطع أمس الساعة 12:30

و رد الصبح و تلف إهدومييييي
بطلت الحنفية بشوف في ماي حق اليهال و إلا الله وكياك تسبحت من التطشر

لو مو صايمة جان دعيت عليهم!؛
ما قلت إلا حسبنا الله و نعم الوكيل

رمضان و صيام و هم أفرش أسناني بماي فولفك!؛
ليييييش يعني!!؛


ممكن سؤال؟
إنت تدري مبدئيا إن مستوي المسلسلات بالقاع
لييش إتطالع و إتحلطم علينا؟
ههههههههههه



جابل الرياضة و الهوا الحلو هالأيام و إلا إرتاح

أقولك شي يحر؟

بالدوام عندنا مسويين لسسسته فيها كل مسلسل و الساعة إللي ينعرض فيها و الإعادة و في أي قنوات إتلاقيها

بذمتك هالشي ما يحر أزيد من المسلسل نفسه؟

في فضا أزيد من جذيه؟

وااااي الحمد الله لاهيه بالهواء الطلق و المشي و التمشي





من كلمات الأمام الشافعي و دايما الوالد يرددها لي


ماحك جلدك مثل ظفرك
فتول أنت جميع أمـرك


وإذا قصـدت لحاجـة
ٍفاقصد لمعترفٍ بقدرك



يا حلو أبوي والله

و أتذكر هالأبيات بعد




تعمدني بنصحك في انفـرادي
وجنبني النصيحة في الجماعة


فإن النصح بين النـاس نـوع
من التوبيخ لا أرضى استماعه


وإن حالفتني وعصين قولـي
فلا تجزع إذا لم تعط طاعـه


يا ريت الناس فعلا إتعرف معني هالكلام

Яeema said...

to your blog

Happy birthday !!

it's 1 years now


;)


بما إنك ما تحتفل بأعياد الميلاد فراح أنتهز هالفرصة و أعزم ربعي علي كيكة و نفرح و نستانس


هاهاهاهاها

إتحس نبي أي شي نحتفل فيه

الحجيه said...

السلام عليكم جميعا
السياسة : كنا نتمنى أن نتوحد برمضان والاتفاق على بدايته ولكن ما كل ما يتمناه المرء يدركهُ ؛ خبر تلوث السمك من فتره بعيده سمعنا عنه من العراق ومن الكويت وخبراء العراق يعزون سببه ما كان يلقيه زمرت الطاقية صدام مواد كيماويه سامه كي تموت الأسماك بالأهوار حتى السكان يترك المكان المنطقة قصرا والماء ينتقل من النهر إلى الخليج وبذلك انتقلت السموم للخليج وتلوثت الأسماك والنباتات البحرية حسبيا الله ونعمه الوكيل ؛أما
أخبار السياسية السعودية أو بن لادن أو نصر الله
كلها تعتبر سبق صحفي لجذب القُراء وجني الأرباح ؛ أما السياسة في زمننا هي التي تظهر غير ما تبطن والله هو المستعان اللهم أعزنا بدينك وأجعل رحمتك تجمعنا على ما تحبه وترضاه اللهم آمين ؛ الماء مشكلته مشكله الله يرحمنا برحمته

--------
الاقتصاد : مثل ما قلنا سابق البورصة والنفط مرتبط بالسياسة فحاله مد وجزر
--------
الجو : لله الحمد فعلا أصبح الجو أفضل
--------
رمضانيه : ربي يتقبل من الجميع ولا يضيع التعب
--------
مو رمضانيه : المشكلة منو ألي يقرر البرامج تتأكد أن ما في دراسة ولا خطط للبرامج اغلب البرامج تتلف القيم والمبادئ مثل بعض المسلسلات طريقه الحوار بين الأبناء والأمهات لا أخلاقي وبعيده كل البعد عن القيم والمبادئ الإسلامية
أما حليمه الله يعينا على بلوانا تخيل لو أن البرنامج بدون باربي واخذ شكل ثاني ثقافي علمي راح يستفيد الكل منه ويطلع بنتيجه عكس الحين مثل ما قلت بإربي ومياعه ولويه مالها معنا
--------
شعر الحكمة
هي القناعة فالزمها تعش ملكا ،،،،،،،،،،،،، لو لم يكن منك ألا راحة البدن
وانظر لمن ملك الدنيا بأجمعها ،،،،،،،،،،،،، هل راح منها بغير القطن والكفن


****
اذا حار أمرك في معينين ولم تدر أين الخطأ والصواب
فخالف هواك فان الهوى يقود النفوس إلى ما يعاب

(الشافعي)
------------
يرعاكم الله

سالفة قلب said...

بوست رائع مثل كل مرة

واختيارك لأبيات الشافعي رحمه الله اختيار جميل

شكرا مشاري

Mohammad Al-Yousifi said...

have a nice weekend

الاء سعود المجيبل said...

الجو صاير عجييييييب والاحلى ان برمضان...:)

الله يزيد ويبارك في ايمانا وذكرنا لله...:)

ما شفت حليمه بس سمعت البنات بالدوام يسولفون عنها يقولون وايد مزودتها..@@

فجر السعيد باختصار مسكينه وماخذه مقلب في نفسها


عطلة سعيده...:)

Nescafé said...

الحمدلله الجو وايد تعدل وتعدلت نفسيتنا معاه
ووالله شي حلو ويفرح لما نشوف المساجد متروسه من كل الفئات وكل الاعمار، وان شالله برمضان وبعد رمضان
حليمة الله يسامحها صج صج مبدعه بدنيتها ماادري ليش جذي تهول بعمرها، صج باربي .... ومسلسلات فجر السعيد وغيرها بصراحة ماكو شي يستاهل، بس بالنسبة لي مسلسل خالد بن الوليد شدني وايد والمسلسل الوحيد اللي اتابعه

اخيار موفق للابيات
&
have a nice weekend

Nora said...

السلااااااام عليكم

ودي اصارحك من زمان بشيء غبي
بما انك من متابعين البورصة

سمعت ابوي يسولف مرة من المرارير عن البورصة و انه شارين اسهم في الشركة اللي سوت مرينا موول
!!

الله وكيلك .. صار اسمه مولنا
!!

و تميت مدة هههههههه انه مالنا ابيه مساهمين فيه احنا شتبوون

طلع ابووي بايع و انا طلعت احم احم
;Ppp

بس لي الحين عندي حس تملكي فيه
!

---

انا جم مرررة بقوول خنسوي عريضة
!!!

واااي احد يسمعني نوقف هالمصخرة

انا بروح افرش عند (الراي) و بعترض

tweety said...

a7la eng
انا معاج بس قولي متي بتفرشين وعطيني خبر
في ناس رمضان اللي طاف عشان مثل قديم قاله ممثل كسروا الراي بكبرها وكفخوا الاوادم وعفسوا الدنيا وطالبوا باعتذار وهو كله مثل ينقال
على الاقل احنا اعتراضنا سلمي وحضاري

Fuzzy said...

والله حالة ! السمج فيه بكتيريا ويقولون يسبب كوليرا ! والدياي فيه سالمونيللا واللحم حايشة جنون بقر !!! شناكل بالله
ماكو اللا ناكل طيور ؟

ياج الموت تويتي لووووووول

Mamloo7a Q8ia said...

ما فيش فايده يا مشاري غير ممكن انهم يتفقون ولو بعد الف عام
حط بالك ترى وزارة الصحه ناويتلكم على نيه

الجو : هذا موسم الصفري موسم الامراض انتبهوا

الله يتقبل منا ومنهم ومن جميع المسلمين

ما اشوف تلفزيون الكويت علشان ما اشوف قثيثه بولند
والهابطه فجر ومسلسلاتها الاهبط
ونهاية اسبوع سعيده

ReLaaaX said...

السياسه

والله ربنا الحافظ .. ومسيجين ياشرمبي بيطيح حظك ;p


وهالبن لادن مايدرون شيسوون فيه looool


-----


رمضانية


اييي والله :)


-----


مورمضانيات


صراحه !!! حسافة يروح اجر صيامنا على ناس مثلهم !!!!؟


-----


مكارم الاخلاق


ياليت كل الناس عندهم مخزون من مكارم الاخلاق :)


-----


اييي صج سويت الكيكة وسميناها مشاريز كيك :p


بس خلاص صرت مشهور

3ateeja said...

محد يعرف علتك غيري
كل هذا عشان ام حصه ما ردت البيت ادري
لا ومتفطر اول يوم برا البيت
ومبين ان ك تسوي رجيم لأن اللبن قليل الدسم مادري خالي الدسم
فالعساره ما يبيله
يالله سترك بس
ههههههههه
زين طلعت راضي عن الجوو بس
وسلملي على اليهوهو

Unknown said...

kitty : افا عليج مشكلة وانا موجود
كتبى وانا حاضر قلبا وقالبا واذا تبين اييب صعايدة اذا لزم الامر ترى وقت الشدايد ما الك الا مشارى :)


sOulvOice : الجو مال تمشى الصراحة بعد الفطور :)

الشخصية قامت تخلى الناس تتكلم وملينا من الاسلوب كل سنة بهالسخافة فجأة ما عندنا شغلة الا هالسوالف اللى تكتبها كل سنة
ويعووو :)

Unknown said...

tweety : حلو حلو اهلا وسهلا :)
شلونج
انتى ناوية على بشى بس مو عارفة شنو حرام عليج يا بنت الحلال :)
حليمة كملتها خلاص لا لغة ولا لبس وبالاساس ويها ينفرزنى استغفر الله اللهم انى صائم
بس الواحد خلالالالاص طفح الكيل
انزين انتى شلونج لى الحين على ايو ان ناسية تاكلين بمحل الحلويات اللى بالجمعية :)))

bo9ali7 : انا مارست القطع عن التلفزيون بكبرة بس لما اقعد مع الاهل مرات بعد الفطور يكونون حاطين التلفزيون فتصير البراامج مفروضة
والفترة الوحيدة اللى اطالع فيها من 1 لى 3 الفجر حياك
:)
وينك غاط انت بالكويت والا بلندن ؟؟

Unknown said...

Enter-Q8 : يا بعد جبدى انت
انا جدولى بالرمضان
صلاة وقران وبيت ومرات كرة
التلفزيون مفروض على بعد الفطور
ومرات تكون عندى ساعة ميتة ما اسوى فيها شى فابطل الكمبيوتر الساعة 1 بالليل والتلفزيون يمى شغال
وانا كللللش مو راعى دواوين

بعدين صج كلامك شنو قصة كل واحد منطلع عياله وياه بمسلسل موضة يديدة هذى

Unknown said...

NewMe : دائما الاقوى فى حاليتنا يفرض مبادئه على الاخرين ففعلا قد يكون العفو ضعف لبعض الاشخاص ولكن استخدام القوة فيه يلزم
شلون البحرين صمتى ولا تنخشين بالمخزن تاكلين سمبوسة ؟؟ :)
اختيار موفق لكلمات الشافعى

Яeema : انتى حياتج صايرة فيلم كوميدى لازم تشوفين لج صرفة تبين اشوفلج واسطة بشركة الروضتين يمدولج هوز ؟؟
:)))

المسلسلات ما اطالعها بس فرض بعد الفطور ماكو شى اسويه اقعد بالحوش؟ لازم القنفة والانشكاح :)

انا اقول بيعوا بيتكم وتعالوا سكنوا يمى
اقول حق ريلج ونضبطه بموقع :)

Unknown said...

Яeema : سورى نسيت وانتى بخير وصحة وسلامة خلاص اليوم الفطور عليج :))
ابى عيد ميلاد بس فيه مجبوووس لحم ودقوووس ولبن ومعبوووج :)




الحجيه : وعليكم السلام حجية :) شلون المطبخ برمضان وياج
كل اللى كتبتيه بصووب ؟


(اذا حار أمرك في معينين ولم تدر أين الخطأ والصواب
فخالف هواك فان الهوى يقود النفوس إلى ما يعاب)


وهل بيتين بصوب
يعنى صج مخالفة الهوى هى النجاة من كل شى
تسلم ايدج

Unknown said...

سالفة قلب : شكرا اختى العزيزة
:)
والشافعى ما شاء الله ما خله شى ما كتب فيه
والشعر كان احد الفروع اللى ابدع فيها

kila ma6goog :same to you brother :)

Unknown said...

Q8ya : نصيحتى لج لا تسمعين ولا تشوفين ولا تشمينها بعد
والجو عجيييييييب
بس مو مال دوام كللللش:_(


Nescafé : بس الله يخليج لو تشيلين صورة القهوة :(
حليمة الله يعينها صج على نفسها مسكينةوالله صج تكسر خاطرى على اللى اهيا فيه

مشكورة :)

Unknown said...

a7La eNG: وعليك السلالالالالام
ضحكتينى والا مساهمين :)))
المالك مال المارينا زى الفريك ما يخلى حق عمره شريك :)
المهم انتى شلونج تصووومين والا كلاص الفيتمو رايح راد على الغرفة :)
مشكلتى معاج مشكلة يا بنت :))
واللى يرحم والديج لا تفرشين ولا شى تعالى سفطى سيارتج عند بيتنا وانا اطلعج بالجيب وطلعى راسج من الفتحة وصرخى :))



tweety : لا تحرضين البنت على التمرد اهيا شوى لاف راسه الصيام :)

Unknown said...

Fuzzy : تويتى من شاف الصورة من كثر اللوية بس عظم واظافر الواحد ماله الا يدوره بعاريييين :))
يقولك اللحم يبيله 12 ساعه طباخ
:) وخلك من تويتى


Mamloo7a Q8ia : اهلا اهلا:)
اقولج صج ناوين لنا نية مو بس الصحة والطاقة وهاليومين بعد الدفاع
وبعد مو بس تلفزيون الكويت اللى التلفزيون بكبره
مرات يحطون اوبريت قبل العسل فى فنون يونس بس:)

Unknown said...

ReLaaaX : يبتى مربط الفرس حرام صيامنا يروح على جذى اشياء
اختصرتى الطريج ؟؟
الصورة اللى حاطتها بتفهمينى انج شقرة :PP
قووووية بس الظاهر من تخرع الخال كشيتى :)))
وبعدين صحتين على الكيكة

3ateeja : والله جنج قاعدة يمى
صاجة هالسنة مخفف بالاكل مو مهتد نفس العام
محافظ
ثانى شى انا قتلج من قبل لازم الواحد يخلونى يتزوج اكثر من وحدة بامر اميرى علشان يسكتون الحريم وما يدوخونا:)
مو شى ياعتوج مو شى والله
الحمدالله على الصحة والعافية :))

Nora said...

tweety
ترى انا من صج صجي لازم ضروري نسوي شي نطري بس يبرد الجووو شوية هههه
;D



mishari
يا ربي ما احب الفيمتوووو ما احب ما احب

و صمت الحمدالله مع سائر المسلمين السبت
;Pp
ليش مشكلة انا بالعكس فيني روح المبادرة

;D

ما ابي مسيرة ابي احتج ليش ما تشجعني

san3a_wa_laken said...

تدري شنو يعجبنى في مدونك ويخلنة على طول اشوفها ...كلامك العجيب .. يعنى تيب من الاخر.. وبالصريح

لمن قلت عن حليمه السخيفه ..مو حارنى الا محمد لويس شلون يغزلها اشكره .. وين ريلها ما يحس ما يغار

مشكله محسوبه علينا جميله الكويت ودلوعه الكويت .. انيقه الكويت .. لووول اوكي خلاص بس فهمنا مو كل تصريح مكتوب فيه هل كلام . مو كل مقالبه ذاكرين في هل كلام

هذا بالنسبه حق حليمه

خلنا اللحين في فجر السعيد ؟؟؟ من بعد اسمها الف علامه تعجب و استفهام ؟؟؟؟ شنو هذا .. والله شى يضحك ويفشل في نفس الوقت .. تماثليه هل سنه بدون مبالغه قمه الملاقه ..

ما نشوف الا براطم متفخه وخشوم معداله .. والريالي اشعور اموقفه

tweety said...

لوووووووووووووووووووووووووووول
شوفوا عاد أنتوا الاثنين عبدالعال وحسب الله ( مشاري وفزي ) يوزوا عني
اعويذ الله من شركم
مشاري لا تطلع علي اشاعات محد يحوس عند الحلويات غيرك كله بسبة اول يوم اللي ما تفطرت عدل انزين انا شكو مو انا اللي محددة موعد الامتحان ! اهي لو رادة علي جان خليت الامتحان من الساعة 5:30 لي الساعة 4:10 الفير عشان ما تفطر الا اليوم اللي عقبه :p

وفزي انا طول هالمدة عبالي أليف !!! لا اختربت يا فزي انت من جابلت اللخمة ذاك اليوم وانت متغير مادري اشصاير فيك !مرة ثانية مادش بلوقك الا معاي حارس شخصي لوووول

a7la eng
ماعليج منهم انا من صجي معاج انتي بس قولتي متى وتلقيني عند ويهج

White Wings said...

في الواقع، حليمة تسبب لي الحارج كل ما طلعت في التلفزيون
لم ياترى يراها الرجال جميلة؟

Unknown said...

a7La eNG : خلاص احطلج شييف لحج بروحج يسويلج عصير مانجا وفرالة فرش:)
صح؟
شفتى شلون انا شاطر


san3a_wa_laken : ما عنده سالفة الا اللى يقول عنها احلى وحدة بالكويت وين راحوا البنات اللى تارسين الدنيا
انا عند الحلوة بسترها اللى فيها حيا مو اللى مو مخليه صبغ بالسوق مو حاطتها بويها
ومشكورة :)

Unknown said...

سارة مطر : اهلا وسهلا:)انا باقولج شى
ما عندج سالفة اذا تعتقدين ان فى احد يتوقع انكم بتغارون من حليمة لانها ماصخة ومالها لا طعم ولا لون ماسخة :) فاخذى راحتج

tweety : انا ما اطلع اشاعات ولا شى صورتج معلقينها بالجمعية وكاتبين ممنوع الدخول قبل الافطااااار

وبعدين شنو هالنحاسة اللى فيج :) ليش يعنى
اشوى انى افتكيت :)

Unknown said...

White Wings : بس حارج؟
تعرفين ابراهيم الصلال لما يوصف الساحر ودخلته فى مسلسل الاقدار
صخر يمشى حبال تطير
هذى قلبة الجبد انا بالنسبة لى النوعية من البنات اللى تعتمد على حذف الحروف من كلامها يعنى ناعمة هذى سخيفة
واللى تتوقع ان ماكو احلى منها هذى مسكينة ولازم تعالج عند طبيب نفسى

tweety said...

لووووووووووووووووووووووووووووووووول
على سالفة الساحر