الطموح و العمل والمثابرة والالتزام وقليل من المشاغبة تكون الحياة ناجحة

Sunday, September 24, 2006

أول يوم رمضان


يوم قالوا تلفزيون الكويت ان يوم السبت هو اول يوم رمضان صكت فينى الدنيا بتقولون ليش

لان يوم السبت كان عندى امتحان وهالامتحان لايمكن يتأجل لان مربوط مع باجى العالم قلت اذا الامتحان الصبح اوكى مو مشكلة

لكن الامتحان الساعة 6

يعنى الفطور مو بالبيت

اول يوم رمضان والفطور مو بالبيت

فكان الفطور بالسيارة مثل ما تشوفون

وانا قاعد انطر دورى علشان ادخل الامتحان

كانت هذى اللوحة معلقة ومكتوب عليها


No Food or Drinks are allowed in the test center مالت عليكم ) )

طبعا يوم رديت البيت الساعة 10 وبديت الاكل على مضض لان الاكل صار مو شى هالحزة

فكان اول يوم محروق على

ــــــــــــــــــــــــــــــــــــــــــــــــــــــــــــــــــــــــــــــــــ

منو فيهم كويتية ؟

كمية البدليات اللى تنقال فى المسلسلات الكويتية اللى ما شفت منها والا واحد بس اشوف الدعايات موطبيعية هذى الدعايات وجذى المسلسل نفسه شلون

ابى منو فيهم كويتية كل المسلسلات

الممثلة يا ايرانية

يا مصرية

يعنى بالله احنا شلون ومحسوبين علينا ينكتب لها الفنانة الكويتية

والله حالة

وسلمولى على اللى يهوهو ولا يتحرك يسوى شى

36 comments:

Nescafé said...

صج مايحلى الفطور الا بالبيت واليمعه الحلوه، الصورة ذكرتني برمضان اللي طاف كنت اصوم الست وعندي محاظرات متأخر لي الثمان وكنت اسوي نفس الشي

اما على المسلسلات صدقت والله يااااكثر بدلياااتهم، والمشكلة محسوبين علينا كويتيات

حكاية روح said...

وااااااي

متسلطين باول يوم عاد


ذكرتني بفطور الحرم :) مشتاقه له

ماعليه تعوض باجر ان شاء الله شكلك رح تصير اخر واحد يقوم من عالاكل



اما المسلسلات فلا تعليق

اوقاتك ذكر وطاعه باذن الله

Яeema said...

ويييييي خنت حيييلي والله
ميخالف أجر و عافية


المهم سوييت زيين بالإمتحان؟

الأكل ينشط المخ

بس بالصورة ناسي شي أساسي؟


بنادول إكسترا وياه
هاهاهاهاهاهاه

أنا همن محروق عليي

إمجابلة الواجبات و يدوب الله وأكبر و شوربة و قفشة هريس
و يالله يا مها فوووووووووووووق

إنكمل الواجبات عسان يمدينه إنفر ويا زوجي العزيز حق الأهل


باجر راحة
إللي عقبة الإستقبالات



المسلسلات
ما عمري من متابعين التلفزيون
عندي أنام وايد أبرك

فلا تعليق علي المسلسلات
أتابعهم من مناقشات الحريم الصبح بالدوام


شاربة
double espresso iced shake with caramel o e3yoony emfangela!

ya 7a9ret !

Nora said...

افااا عليك تبي من باجر نبدي رمضان
;PppP

جان سويت روحك ما تدري و لي قالك طلعه
خززززززززززززه خزززه من قلب

بعد خبري فيها الكويت ديرة اسلام
!!


مشاري انا بخاطري نسوي عريضة من زمان
لازم نحتج صج صج

ابي اطير عشر تعش وحدة منهم هالفنانات الراقيات الفذااااااااات

لازم رفضنا لهالاشكال يوصل لهم و الكل يدري

و شكرااااا

:)))

الحجيه said...

السلام عليكم جميعا
مبارك عليكم الشهر وتعودونا بالخير كله

مأجور أخ مشاري وإنشاء الله ربي ما يضيع التعب
وتكون النتيجة ممتازة بأذن الله

أما المسلسلات حدث ولا حرج أتعس من التعاسة نفسه الحمد لله ما أتابع مسلسلات ألا نادر

اعتقد لازم ترجع رقابه وزارة الأعلام مثل أول أفضل يمكن يتحسن مستوى المسلسلات

Anonymous said...

بالعافية
هذا هو الفطور الصحي
وبالتوفيج انشالله



الفنانات والفن الكويتي


بالثمانينات كانت موجة الفنانات العراقيات

زينب الضاحي-ميعاد عواد


الاخيرة الغالبية عارفه ليش راحت والاولى بسبة تعاونها ويه الجيش العراقي




التسعينات:


السوريات

سماح-رشا مصطفى




ال2000 وطالع ايرانيات ومصريات

مو اهني المشكلة المشكلة ان كذا اسم تكررت وياه اعمال مشينه وبكل سنة نلقاهم بأعمال رمضان

شي غريب من وزارة الاعلام مادري ليش متمسكة بهالنماذج المؤرفة المحسوبة علينا

Anonymous said...

تقبل الله اخوي مشاري صيامك والله ياجرك يا طالبنا المجتهد ^_*

وارجوكم انتو محشووووووووووووووووومين على الي يطلعون بالتلفزيون وأونه يقولون انهم منكم بليز يعني خلّ يصفون على جنب.. يا هل الكويت انتو أغلى وأحسن من هالأشكال =")

tweety said...

!!! امتحان شنو أنت ليلحين تدرس ؟
ياربي ما يوز من هاللقافة
ماعليه اول يوم راح عليك انشالله تعوض باجر الظاهر المدام درت انك بتزوج اربعة وياتك الدعوة الصح لووول
انشالله موفق بامتحانك وشغلك
وتقبل الله منك
على الممثلات صدقني عيزت وحنيت على اهلي اني اصير ممثلة ماعطوني ويه
انت خل ممثلينا الكويتيين يحجون عدل بدون بدليات وبعدين قول حق الباجي تعلموا منهم لا والمصيبة لي وحدة منهم سوت سالفة والا مصيبة فيها سواد ويه قالوا الفنانة الكويتية
لا تطوفك حليمة !! البدليات زادت الله وكيلك والتشخلع زاد الله يهديهم بس
حسبي الله على ابليسهم حتى برمضان

Nora said...

امتحان لغة تويتي
AMIDEST let's go and wait 4 him baraaaa ;D

تدرس ايطالي مشاري من ورااانااا

;Pp

لا يكون توفل ؟

اللقافة شلوون صايرة حمرررة خضررررة
برتقالية ؟؟

لا
اناااااااااااااااا

neelaah said...

اهم شي تكون سويت عدل بالامتحان
و انه اليوم عدى
و اليوم الفطوووور
اكيد عاااامر
واراح تعوض صح

بدليات الممثلات
اتفق معاك
بس اهم لقوا كويتيات يمثلون و قالوا
لأ

enter-q8 said...

مشاري

مبارك عليك ثاني يوم رمضان والشهر كله

والله يوفقك بامتحاناتك

اما بالنسبة للشق الثاني من موضوعك

ليش زعلان ياخوي

هذول قاعدين يقدمون اعمال جليله

و باكر يجنسونهم

يعني تبي الجنسية مثل بالتلفزون وخلاص

التمثيل يعتبر من الاعمال الجليله

لأنه يعجب البعض

ومثل ما قلت لك خلاص

راح يصيرون كويتيين انطر عاد سنه سنتين ثلاث شهر شهرين يمكن يعطونهم عيدية جنسية لكل ممثل

عادي

ابتسم انت في الكويت

ii said...

انا ما ينرفزني الا اللزمة اللي لازم كل رمضان يطلعون لنا وحده

الشهر عليك مبارك يا مشاري
:)

العين الساهرة said...

مبارك عليك الشهر ، وهارد لك ، بس تدرى عقب جم سنة راح تتذكر السالفة وتضحك

المهم عسى قدمت زين بالإمتحان

Unknown said...

Nescafé : اذا الفطور ما يكون بالويه والا ما منه فايدة :)


حكاية روح : انشاء الله الله يرزقنا عمره هالسنة :)
وبعدين صج صج تسلطوا على بس الحمدالله

وخوش دعوة مشكورة

Unknown said...

Яeema : الله يعيييييييينج
فطور ومجابل يهال مالج امل
انا بعد الفطور ساعة التخدير لاحد ايى يمى :)
وبعدين انا بطلت البندوول خلاص الا فى الاوقات العصيبة

a7La eNG : هلا هلا هلا :)

اقولج خلونى اقعد 4 ساعات تقريبا لالالاعت جبدى
والفنانات اهم شى علميات التجميل برطم طامر وويه بينشق شى يلوع الجبد اللهم كافى ماكو الا nutre:)

Unknown said...

الحجيه : اى رقابة انتى قاعدة تتكلمين عن تلفزيون الكويت اللى الرقابة فيه قولى ماشى حالها بس الفضائيات والممثلات الكويتيات اللى يطلعون فيها
الله يصلح الحال وشكرا على الدعاء :)


sOulvOice : على الاقل ميعاد عواد وزينب الضاحى ارحم محترمين الناس بالتلفزيون هذيل كلللللش ضاربين الناس بالطوفة
والله يعافيج :)

Unknown said...

FatmaQatar : مشكوووووووووورة وايد على الاطراء
وانشاء الله الصيف الياى اعزمج على الاسنكدرية :P

tweety : اى لى الحين ادرس بكمل باخذ الدكتوارة كلها ثلاث سنين
وتليقفى عادى:) تمونين
وبعدين بتصرين ممثلة ؟؟؟
اوكى حلو علشان كل ما ادش الجمعية واشوفج بالشاشة اللى داخل اشترى بصل :PPPP

Unknown said...

a7La eNG اول شى ابى ادرس اسبانى ودى اتعلم اسبانى :)
وبعدين تبين نبدى رمضان الاثنين ؟؟
ليش قاعدين بخرم شهر؟؟؟
ايران باجر يبدون
تليييييييييييييييقفى



neelaah : والله شقولج الكويتيات على الاقل يحفظون نفسهم من الوسط الفنى اللى اندمر

اليوم مو باعوض ؟؟؟ بس باعوض يمكن تسمعينى عنى بالاميرى ؟ :)

Unknown said...

Enter-Q8 : اى والله ابتسم انت بالكويت
بس يا اخى شى يحر جنا الكويت كلها قعدات وشرب ومصخرة وحريم مفاصيخ شكلنا صار يفشل جدام العربان يا خوى
حلوة العربان :)))
ابتسم انتى فى مدونتى
عجبتنى كلمة ابتسم قلت خل اجربها

Unknown said...

kitty : لا لا لا لا هذا عندج انتى ماكو شهوة انا الشهوة تبدى عندى من يقول يطق على الميكرفون ويكح المؤذن اتخيل خروف طاير واتخيل تشريبة تزحف :))

تصدقين عمرج طويل وانا اقرى تعليقج حاط التلفزيون على قطر حاطين خالد بن الوليد
لى الحين ما تابعت ولا مسلسل عدل ولا راح اتابع انشاء الله


الطارق: مبارك عليك الشهر واعاده الله علينا وعلى المسلمين بالخير والبركة
وصح كلامك بس وين اقعد على الارض وانا بالسيارة :)
بس اليوم مو اقعد على الارض الا انبطح يمكن :)

Unknown said...

~ se3loah ~ : علينا وعليج
مو لزمة الا مقرر صيفى طويل ومليق ويهد الحيل من كثر ثقل الطينة بس شنسوى ما نقول الا الله يهديهم ويحطون مسلسلات لها فايدة شوى او فيها فكرة


العين الساهرة : صاجة :) بس شسوى بعد خل نخلص كلها انشاء الله 3 سنوات ونحط حرف الدال قبل اسمى :)

enter-q8 said...

المشري

يعني المثل يقول كل إناء بما ملئ ينضح

يعني اللي يكتب عن القعدات و عن السرسره

بذمتك مو دليل على نفسه

وعن طبيعته اهو

بس القهر مو جذيه وانا اخوك القهر انهم يتكرمون و فوق هذا يسمونهم اصحاب اعمال جليله

يعني من السوالف اللي تقهر

بعد المجال الغنائي اعز الله القارئ و السامع

بذمتكم يا جماعه اغنية وطنية اسمها اغنية وطنية

تغنيها هدى حسين مع مطربين كويتيين

والا بالاذاعه تصبح على صوتها

انا ان شاء الله ولي العهد بدخله مدرسه فرنسية
علشان لايفهم لا عربي و لاانجليزي

USsin82 said...

هاي

مو كافي قلق الامتحان هل المرة صيام وفطور بالسيارة بعد
الله يعينك اهم شي انشاء الله النتيجة اتكون زينة

الفن بالكويت صار بدون تعليق

Fuzzy said...

ميخالف من طلب العلا سهر الليالي
:)

الله يوفقك ان شاء الله في مسيرتك العلمية

الكويتي الحر said...

ماجور ياخوي

وان شاء الله موفق باختبارك

وعقبال البكاري (مادري شنو يعني ) على قولة اخوانا المصريين

Anonymous said...

صججججججججججج ولد عمي =D
خلاص عيل زهبة جنطتي وجوازي
لوووووووووووووووووووووووووووووووول
ترى كيفك وهقتك ^_*

الاء سعود المجيبل said...

انا كويتيه...;PpPp

freeq8 said...

أن سبقتني بالتهنئه .. فهذا من فضلك وذوقك .. وأن سبقتك أنا فهو من علو قدرك

وعساك من عواده

والله يعينك في الغربه ويرجعك سالم .. ويوفقك ويحفظك ..ويرجعك سالم غانم .. أنشاء الله

layal said...

المهم قدمته وافتكيت
وما نيل المطالب بالتمني
لازم سهر ويوع
الله يوفقك ان شاء الله

Spontaneousnessity said...

lol ee walla we have the worst drama ever, ma3ani am not watching them bs ham, it's obvious, hope you did well in your exam.

Unknown said...

(enter q8) والله يقولك المدرسة الباكستانية عجيبة
بس استغفر الله الباجى ما ابى اعلق عليه لان اللى قلته صح


(Plastic Lips )
تعذيب وملل واحساس بالوحدة مو طبيعى بس الواحد يقول الله كريم
والفن مو بس لا تعليق الا عطه ظهرك وامش

Unknown said...

(Princess)
تركيز ":))) ضحكتينى تتنيح قصدج ما كان فينى حيل كلش يوم خلصت اصلا ما ادرى شلون خلصت :S


(Fuzzy)

الله يسلمك صج خوش مثل
مشكور وما قصرت :)

Unknown said...

( الكويتي الحر )
لووووول البكارى يعنى عقبال ما تييب يهال من فئة الاناث:)))

بس مقبولة وحلوة منك :)


(fatmaQatar)
خلاص بس انتى عطينى الوقت والتاريخ ونضبط الموعد انا امرج قطر ونروح مرة وحدة :P :P :P

Unknown said...

(Q8ya)
والنعم :)


(free q8)
اشكرك عزيزى وما قصرت وكل عام وانت بخير
بس انا موجود بالكويت ماكل هوى قاعد احضر حق على قولتهم الشهادة الكبيرة
حرف الدال صعب :(

Unknown said...

(layal)

اى والله بس لى الحين الهم طوييييل تو الناس :S


( Spontaneousnessity)

walaha i agree with you coz really we have the worst drama in the world
thnx for asking :)
by the way what is the meaning of your nicek ?

Anonymous said...

=D =D =D =D خلاص صار :P