الطموح و العمل والمثابرة والالتزام وقليل من المشاغبة تكون الحياة ناجحة

Wednesday, September 20, 2006

قريشي غير



اول شى بعطيكم وصفة الكيكة

المقادير

سارالى كيك ( حسب الكمية )

مختلف انواع الكاكو ( جلاجسى -اروو) احسن شى

وانواع كاكاو اخرى تقعطع وترمى فى الماعون

كريمة حمراء -كى دى دى


طريقة التحضير

سيح الكاكاو بماعون ويخلط مع الكريما الحمراء

ينصب على الكاكاو المقطع مع الكيك

ويمكن استخدام المارش ملو

ويجب ان يكون الكاكاو حار

وعليكم بالعافية

________________________________

انزين ودى اعرف شنو راح نسوى الاسبوع الياى فى ناس تنام مبجر برمضان وهالشى لا يمكن انا اسوي

ه لان النوم عندى برمضان بعد صلاة الفجر واروح الدوام بنص عين وانتاجيتى تنقص الى النص بس كله اضحك وشاق الحلج ومتنح لانى مدمن قهوة

________

المسلسلات صدقونى يا ناس ما انصحكم اتابعونها لسبب 90% منها سخيف وراح ينعرض بعد رمضان فالله يخليكم طيعونى كل واحد يحط هدف ان على الاقل يختم القران مرة او مرتين

_________

شباب وشابات استغلوا الفرصة الذهبية اللى موجودة هالوقت سألونى شلون ؟

صفوا النية اذا فى احد غلط عليك او حاقد على احد او احد ضرك سامح واتصل فيه وبيع الدنيا واشتر الحياة الثانية

__________

كل سنة الله قاعد يعطينا الفرصة ان نعيش رمضان وناس وايد ما يمر عليهم رمضان والدليل صفحة الوفيات والغفلة صعبة وادرى ان الدنيا حلوة لكن فكر حق باجر وما اقصد باجر حياة باجر بعد ما تغمض العين وما تفتح الا والواحد بين ايد رب العالمين

___________

القرقيعان الله يخليكم خلوه بسيط تعبنا من التفخفخ والتجمبز ورفعة الخشم حتى بالقرفيعان افتقدنا حلاوته وطبيعته ليش خليتوه جذى خلو اليهال على طبيعتهم خلوهم يعرفون الحياة بحلاوتها وبكل بسطاتها

___________

اللجان الخيرية تسوى افطار صائم اقل من دينار ما اعتقد ان 30 دينار راح تأثر وايد بميزانية موظف اتمنى لو على الاقل تتبروعون بالنص مو كله هالمبلغ

___________

الاخبار كانت وايد قوية هالاسبوع بس فضلت ان يكون القريش اليوم عندى

ما ادرى اخوانى الخليجين شنو يسمون القريش بس القريش هو تجمع يكون فيه ما لذ وطاب لتعبئة الكرش قبل رمضان

وكل عام وانتوا بخير ودعواتكم لى

49 comments:

Mamloo7a Q8ia said...

الله مشاري طلعت طباخ يا سلاااام
انا ولله الحمد عدوة النوم ومتعوده على قلة النوم فما راح يتغير علي شي
اما المسلسلات فان من العام بطلت هالسالفه وبديت اتفرغ اكثر للعباده وذلك لجميع الاسباب اللي ذكرتها وامي عندها كلمه دايما ترددها في رمضان كان لها التأثير
رمضان كل سنه يعود لكن احنا نعوده ولا لأ
صاجه احنا ضامنين باجر
اما القرقيعان فعلا صار بلا طعم والشحاطه زايده والتبذير اللي ماله سالفه كل ماله ويزيد
الله يتقبل منا يا رب

the tooth.fairy said...

الحين سؤال

الكاكاو نص انسيحه و نص انقطعه؟ ولا اشلون

مادري يعني وصفتك حيل مختصرة و شسمه

وبعدين بلا مسلسلات بلا بطيخ

و زهبوا كل واحد يدزلي طبق بالفد اكس لو سمحتوا يعني

:P

the tooth.fairy said...

الحين سؤال

الكاكاو نص انسيحه و نص انقطعه؟ ولا اشلون

مادري يعني وصفتك حيل مختصرة و شسمه

وبعدين بلا مسلسلات بلا بطيخ

و زهبوا كل واحد يدزلي طبق بالفد اكس لو سمحتوا يعني

:P

الحجيه said...

السلام عليكم جميعا
أنشاء لله يكون شهر خير وبركه وطاعة على الجميع الله يبلغنا رمضان ويعيننا وإياكم على صيامه وقيامه
صدقت والله يا أخ مشاري سبحان الله التلفزيون والفضائيات يتفننون بان يلهون الناس ويشتتون تركيزهم عن الطاعات في الشهر الفظيل بالمسلسلات والبرامج المختلفه ؛ اهو شهر واحد 30 يوم في الرحمة والمغفرة والآجر يتضاعف والواحد منى ما يدري بكمل الشهراو بعود عليه الشهر السنة القادمة ولا لا يا ريت وأتمنى من الله أن يهدينا جميعا لاستغلال الشهر الفظيل لمراجعه النفس والتقرب لله بالطاعات وقراءة القران بتمعن والعمل به ( اقرؤوا القرآن فإنه يأتي يوم القيامة شفيعا لأصحابه) مسلم (804). وتقويم النفس لما يحبه الله ويرضاه ( سئل رسول الله صلى الله عليه وسلم عن أكثر ما يدخل الناس الجنة؟ فقال: تقوى الله وحسن الخلق) الترمذي (2003). وأوصي نفسي وأوصيكم بالوصل بين الأهل صلة الرحم: ( الرحم معلقة بالعرش تقول من وصلني وصله الله، ومن قطعني قطعه الله) البخاري (10/350) مسلم (2555). بر الوالدين: (رغم أنفه ثم رغم أنفه ثم رغم أنفه) قيل: من يا رسول الله؟ قال: (من أدرك والديه عند الكبر أحدهما أو كلاهما ثم لم يدخل الجنة) مسلم (2551). يعني وجود والديك طريق إلى الجنة .

معنى كلامه صلى الله عليه وسلم إذا أدركت والديك أو أحدهما ولم تدخل الجنة بسبب برك بوالديك فيرغم أنفك يعني تستحق أن يلصق بالتراب لأنك لم تستغل هذا العمل الصالح الذي يوصلك إلى الجنة.

قال الله تبارك وتعالى: (وَقَضى رَبُّكَ أَلّا تَعبُدُوا إِلّا إِيّاهُ وَبِالوَلِدَينِ إِحساناً إِمّا يَبلُغَنَّ عِندَكَ الكِبَرَ أَحَدُهُما أَو كِلاهُما فَلا تَقُل لَهُما أُفٍّ وَلا تَنهَرهُما وَقُل لَهُما قَولاً كَريماً وَاِخفِض لَهُما جَناحَ الذُلِّ مِنَ الرَحمَةِ وَقُل رَبِّ اِرحَمهُما كَما رَبَّياني صَغيراً).

أنشاء الله يكون عليكم الشهر بركه وطاعة للرحمن ويغفر لنا ولكم ما تقدم من ذنب اللهم آمين

Anonymous said...

بالايام العادية وسهاري للفير هالدور برمضان!!

مايبيله بعد ماكو نوم الاعقب الاذان واحلى مافي رمضان انك ماتحس بيوم اليمعه



بخصوص المسلسلات

من السنة اللي طافت قمت اركز على مسلسلين ثلاث لنفس السبب اللي تفضلت فيه

نقطة ثانية دربالكم بالطريج وعن المشاخط قبل الفطور لوول



لمحبي المشي


احسنو اختيار الممشى الخالي من الشسمه عقب بوست بلانيلة الواحد المفروض يفكر قبل المشي



يعطيك العافية على هالنصايح والله يجعلها بميزان حسناتك

الاء سعود المجيبل said...

اااااااالله احب كيك سارا لي...^___^ يعطيك العافيه....:)

والله صاج بسالفه المسلسلات اول ما يخص رمضان طول السنه يعرضونهم ويعيديونهم ....


تصفية النيه شيء زين ومفيد ...:)


كل عام وانت بخير...^___^

Anonymous said...

كيتي

:( ضبطت سالفة التعليقات ومشت ويه الكل تقريبا

اخاف اتعلقين كبلوقرز؟؟ اذا كبلوقرز وماكنتي بيتا مايطلع تعليقج


جربي اتعلقين من others

وانشالله تنجح المحاولة



بانتظارج:)

سالفة قلب said...

مشاري..

نصايحك وايد حلوة مشكور وسالفة القرقيعان توني اعرف وحده قبل رمضان بشهرين امسويه طلب كاكاو من لندن بروحه الكاكاو كلفها 1000 دينار

كل شي صار موضه يامشاري

MAKSOFA said...

كل سنه وانت طيب

Яeema said...

أنا وحدة أحب النقصه
لو سمحت أخوي مشاري إذا سويت الكيكة راح أطرش السايق بالعنوان ياخذ الكيكة

و حطلي إياها بقصدير عشان ما أتوهق بالماعون تالي


_____________________________________________

قلدتك بالخط

_____________________________________________


رمضان و القهوة و أنا

أصير وحدة كوووووووول
ما أناقش
ما أرد
و كل إنشاء الله


علي قولتهم الحمل الوديع
و من ألحين قلت حق رئيسي
لا تستشيري!؛

لأن كل بقول زييين و خوش راي و كلامك عين الصح

أبتعد إبتعاد كلي عن المهاترات بالكلام

________________________________________

المسلسلات ما أتابعهم لسبب

إتقيد حريتي

لا أقدر أنام عدل
و لا راح يخلص شغلي

______________________________________

صفاء النيه
الحمد الله مصفيه النيه طول السنه

ما عندي مشاكل



___________________________

الموت
لا اله إلا الله عليك يا مشاري


_____________________
القرقيعان

بطلت عنه من زمان لأن
دوخة و عوار راس و الزعلان أكثر من الراضي

سويت مرة حق بنتي
و حلفت ماكو مرة ثانيه من الدوخة و لما إتوزعة علي لبيوت

بما إني بنت وحيدة و محد يعابل وياي

فقررت
ماكو قرقيعان


سؤال؟
إشلون حاط خط بولد و ملون؟

و لا إتصير نحيس و ما إتعلم!!!!؛

الحجيه said...

السلام عليكم جميعا

يتبع القرقيعان:
أي صدقت يا اخ مشاري القرقيعان صار ماله طعم مثل أول صار بس (هيوو) بمعنى للمفاخر الهدف من القرقيعان الوصل واليمعه بين أهل الفريج أو العائلة يتجمعون ويلتقون والعيال يتعارفون ويستانسون وكل واحد معاه الكيسه ويترسه بشطارته وأهني تكون متعت اليهال و وناستهم وإحنا والله نستأنس على وناستهم الله يحفظهم ويحفظ عيال المسلمين وإنشاء الله يرجع مثل اول ببساطته

وأما عن إفطار الصائم فعلن هال مبلغ مع انه قيمته قليله ألا أن أجره عند الله عظيم يكون أجره مثل اجر الذي فطره دون أن ينقص شيء من اجر الصائم المستفيد ؛ و جزآك الله الخير كله أخ مشاري على هل الموضوع وأنشاء الله يكون في ميزان حسناتك

albandry said...

ياي مشور حركات

بتعلمني انك تدش المطبخ وبتعمل الحاجات دي؟!!
وصاج ياخوي المسلسلات لا تييب ولا تودي

رمضان مرة كل سنة والعمل فيه اجره اضعاف مضاعف

حرام يضيع كله على مسلسلات
وتفاهة
خلكم مسلسل واحد ثبتوه والباجي عقب رمضان او سجلوهم حق عقب

والله حرام هالتسلط
يعني طووول السنة ماكو ولاحتى نص مسلسل يديد ايشهالعالم


والله ياحبايبي مشاري على حق تهادو تحابو
واللي مايتحاجون
خيركم من يبدأ بالسلام

وتذكروا وحطو هالشي امام عيونكم
ان من قرا اية ن القران في رمضان كمن قرا القران كله

تخيلو الاجر

وبلغنا وايكم رمضان القادم باتم الصحة والخير

واعمل لاخرتك كانك تموت غدا

Nora said...

الصورة خاصة بالصالون
؟

وييي قصدي الصورة تخص الشيف مشاري؟
شكلها يشوووق

---

الوالدة طلعت قرار الفطور وراا العشاا

تقول سامعه دكتور باذاعة القران الكريم

تمر و شوربة و ماي .. واللي يبي كبيب و هالسوالف .. نصلي العشا و نتعشى

فاااا احس صحيا احسن

---

اناهالسنة هدفي مختلف
و التلفزيون احس قناة الرسالة مستعدة بقوة
بس هم راح اتابع عادي .. بدون استماتة
;PppPp

حلووو نسعى للخير بهالشهر لكن في غلط بالنظام
!!

يا زين قريشك والله صج ناشف حتى ماكو قلاس ماي بس حسرت فيني على هالكاكاو
;))

مبارك عليكم الشهر

Unknown said...

Mamloo7a Q8ia : اى والله رمضان يعود بس احنا نعود ؟
ما يندرى وعسى الله يعطينا ويعطيكم طولة العمر بالخير:)

بعدين لا ادش المطبخ ابددع


B u t t e r f l y
الكاكاو نص تسيحينه ونص تقطعينه اللى تقطعينه خليه مع الكيك وصبى فوقهم الكاكاو المسيح
وسميها مشارى كيك :)

صحتين

Unknown said...

الحجيه:التلفزيون والفضائيات المشكلة مو بس يتفنون الادهى والامر انهم يحطون المشاهد الخليعة بالرمضان الله يهديهم


soulvoice : انتى من قروبى السهيييرة :)
نشوفلنا ممشى انشاء الله
:)

Unknown said...

kitty : الله يخليج حطى بوستاتج بعد الفطور لان وانا يوعان عادى اكل اللاب توب :)
هالله هالله جابلى الريل برمضان
:)
مدام رومانسية


Q8ya : عليج بالعافية :)
انشاء الله تاكلونها بالهنا والشفا :)

Unknown said...

سالفة قلب : لو يايب انشتاين ما اسويلها قرقيعان بالف دينار
:)
هذا اختصار وعسى الله يتقبل منا ومنج

MAKSOFA : وانتى طيبة انشاء الله والمسلمين اجمعين

Unknown said...

Яeema : حاضر توصلج الكيكة لى عندج بس لا تحنين

وبعدين انا مثلى مثلج القهوة بعد الفطور تخليني جنى مدمن مخدرات طايح بالصالة ومبطل ربع عين
بس رمضان هذا قايل ماكو خراب اكل ابى احاول اضبط نفسى

والموت حق يا ريما:)

Unknown said...

الحجيه: بس هبة اصلا صار عيب عند الناس ان ما اسوى قرقيعان حق عيالى وحالتهم حالة ويختبون
عادات غريبة وعجيبة دخلت علينا
الله الهادى

albandry : انا ما ادش المطبخ
وبعدين اذا دشيت بدعت :) بس ما احب ادش اذكر ايام العزوبية سويت صحن بيض وحطيت على طرف الصحن افندية يعنى زينة حق نفسى :))

وبعدين عجبتنى ياي مشور
حسبت نانسى عجرم مو البندرى
يازينج :)

Unknown said...

a7La eNG : هذى الشيخة وصلت
يا اهلا وسهلا :)
شلونج بنية شخبارج
انا قايلج من زمان لازم اقعد عندكم الصراحة الوالدة صح 100% لان هذا الوضع الصحى
تاخذونى عندكم برمضان ؟؟
تبنونى وانام بالديوانية عندكم عادى :)

يا صبى مطااااااااارة فيتمو مثلج حق الشيخة :)

Яeema said...

شهدوا و الله ليي يااب الكيكة بحطها بوست

حلفت يا مشاري

العين الساهرة said...

مبارك عليك الشهر

الكيكه عذاااااااااب

الله إنشاء الله يجعلنا من التائبين المستغفرين العابدين في رمضان
اللهم آمين

albandry said...

نسوي مشور قالولنا احنا يالخليجيات جلفين وناشفين ويبيلكم شوية دلع لبنانيات وحليميات

عاد شوي شوي علينا


وعسى نعجب بعد

سؤال يطرح نفسه
الصورة صجية؟

ReLaaaX said...

الكيكه انضمت الى الحلويات اللي بسويها برمضان ;p


صارلي جم يوم اكتب مقادير وحاله .. وشريت جم كتاب غير المطاحن .. يالله من فضلك بصير الشيف/ريلاكس .. يعني رمزيووه احسن مني مع مقاديره الكحيانه ولا طبق ضبط وياي



:) اكركمكم الله


ومبارك عليكم الشهر

ReLaaaX said...

** تصحيح


أكرمكم الله :) مشكله التركيز

Nescafé said...

شكلها خوش كيكة، خلاص ان شالله نذوقها من ايد اختي الشيف ريلاكس
الله يااني بفقد كوب النسكافيه الصبح

النومه احنا من غير شي سهر، هالنوبه رمضان الله يعينا
يسولفون عن العشر الاواخر بيسونها عطله، صج ولا حجي؟ لو تصير عطله مثل الناس والله نعمه.. عالاقل ما نطق روس بالدوام الصبح

شكراً على النصايح، انا ان شالله قايله رمضان هذا بيكون عندي غير.. بحط لي اهداف وان شالله الله يقدرنا ونسويها كلها هالسنه رمضان ما يتطوف

والله صاج جم دينار ماراح يفرق، اعرف وحده اهيا واختها مشالله عليهم صارلهم جم سنه برمضان.. واهما طالعين من بيتهم رايحين بيت يدهم حق الفطور
ماقبل الاذان وقت اللي الاوادم يشخطون بالشارع.. يوزعون على هالعمال اللي بالشوارع تمر وماي
ومرات تكون في حطه من اهلهم فيعطونهم وجبه كامله من كافتيريا الجمعية تكون تكلفة الوجبه تقريبا دينار
والله شي حلو لما انت تسويه، تحس بشعور حلو وان انجاااز

Anonymous said...

بوستك وااااااااااو
والردود كووووووول ^_*
ياني مشتاقه حق رمضان وعندي أدعيه ميمعتها من زماااااااان بس حق رمضان
امممممممم يخي مشاري هذي الكلمة ما مرت علي من قبل "قريشي" بس يبيلي أسأل ابوي لأن عاش فتره من عمره بالكويت..
قرقيعان امممممم ان شاء الله ما تفكر تسوي شي هالسنه
المسلسلات بنت عمي مسويه لها جدول ما شاء الله مادري على وشو
هاي المره ان شاء الله بختمه مرتين ناويه ان شاء الله والله يعين واقدر =")
اي والله الموت حق ويمكن السنه اليايه ما نلحق عليه ودليل أحد الزملاء يعز علي حيل وكل سنه يسوي لنا شغلات حلوه برمضان فارقنا بشهر 7 رحمة الله عليه

مبارك عليكم الشهر والله يعوده علينا وعليكم بالصحه والعافيه والعمر المديد ^_^

نون النساء said...
This comment has been removed by a blog administrator.
Яeema said...

الله يا كيكة مشاري إشحلووووووووووهااااااااا

والله مشاري ما قصرت لا خلا و لا عدم يا رب

كلينا منها ووزعنا علي الجيران






( أشدعوة يندي إسم الله عليه)؛

Nora said...

yaa b3d galbeee yaa entaaa 3laa hal thooooog ...

واااي استحيت والله العظيم
;Pp

ابيه هههه من صجي
!

انا طيبة اسأل عنك انت شلونك

يا زينها من ساعة اللي مشااااااااااااااااااااااااااااري
ينوور بيتنا
افااا عليك الحين بهالقايلة ايمع طابوق و سميت و ابني بيدي دوور فوووق مخالف للبلدية عشانك بس
;Ppp


e7m e7m ..
فيمتو كله اصباغ و ايب الحارج ههه
ابي منجا و فراولة مكس و فرش
;D

Alather said...

قريش ممتع ومنوع.

قريت على السريع ..
والله لهينا عن البلوغ مع اسبوع جامعي حافل بالمتاعب ..

عذرونا على التقصير..

Spontaneousnessity said...

el nas yenamoon embacher eb ramadan?? min wain yayeb hal 7achy =P aslan 7alat ramadan bel ga3dat el 3a'elya ely etseer wagt el so7oor, ya7elo hal ayam =}

3ASAKOM MIN 3AWADA

Fuzzy said...

عقب جم سنه ماكو قرقيعان بيصير هالووين تفتح الباب اليهال بدال ما يغنون قرقيعان وقرقيعان وسلم ولدهم يالله بيقولون
Trick or Treat !

Unknown said...

kitty :السجيين تخرع ؟؟ ليش:)

اى يامعودة من غير صور لا تخلينى افطر على صورة :))


Яeema اشااااااااااعاات ليش:))

بس عليج بالعافية تستاهلين انتى مع بو يوسف واليهال

Unknown said...

العين الساهرة: عليج بالف عافية :)

وعسى الله يتقبل منا ومنج ومشكورة :)
:)


albandry : اول شى طالع منج زى العسل
ثانى شى انا اكره اللبنانيات بالاصح اكره المدلعين منهم لان فيهم ناسمنهم راقين
وحليميات اذا قصدج عن حليمة اكرهااااااااا كره العمى لانى اشفق عليها بكل معنى الكلمة وادعيلها ان الله يهديها ويفكها من خبتها

الصورة مو صجية بس انشاء الله بس نسويها راح اصورها واعرضها لج
جم البندرى عندنا
حيااااااااج :)

Unknown said...

ReLaaaX : علينا وعليج انشاء الله :)
بس ابى اقولج خلج من هالسالفة وانا بين كل فترة وفترة برمضان احطلج طبخة انشاء الله تعجبج :)

وهنى وعافية انشاء الله


Nescafé : اول شى رجاء حار الله يخليج شيلى الصورة مالت النسكافيه لان ما اتحمل اشوف القهوة برمضان
ثانى شى ما اعتقد يخلون العشر الاواخر عطله والا جان زين
ثالث شى صدقينى شعور مو طبيعى لما تتصدقين بافطار صائم بس بدال الفرارة وخطورة الشارع حزت الفطور اللجان الخيرية باقل من 30 دينار حق الشهر كله والاجر انشاء مضاعف للجميع :)

Unknown said...

Яeema: الله يالدنيا انا ما اندى ؟؟؟
:(
مقيولة عومة ماكولة ومذمومة :)))

a7La eNG
: عصير مانجا فرغلى فرش وفراولة لبنانية فرش علشانج ولا تستحين عادى غمضى عيونج :)

Unknown said...

FatmaQatar : صحتين عليج سويها حق اهلج وراح تعجبج انشاء الله :)
وقريش معناها وليمة تكون قبل رمضان ويتجمعون فيها الاهل
وقولى حق بنت عمج المسلسلات ما تفيد الطاعات يهالشهر مضاعفة وانشاء تكون فرصة للتغير للجميع انشاء الله :)
وكل عام وانتى بخير وصحة وسلامة :)

نون النساء : انا اقول سوى ستايل منى عبدالمجيييييد :p
حدها كوووول
شطالعين الحمدالله والشكر اللى نافخة خد والا نافخة برطم الله يلوع جبودهم انا كله اتذكر اللى انبطت شفايفهم ما ادرى شنو واهيا بالطيارة وتلوع جبدى من هذيل

كل عام وانتى بخير وكتاباتج واشعارج ورسوماتج من ارقى ما شفت

Unknown said...

Alather : الله يعينكم من اول اسبوع متعبينكم صج لوية الجامعة
وكل عام وانتى بالف خير وصحة وسلامة وننطرج :)


dr.unreachable : قوليلى شنو صااار معاج :) وانشاء الله تعجبهم
والعفو هذا واجب على كل واحد :)

ودعواتج لج :)
وكل عام وانتى بخير

Unknown said...

Spontaneousnessity: تصدقين فى ناس اعرفهم ينامون برمضان الساعة 1 وفى ناس الساعة 12
انا تدرين شنو تصك فينى الدنيا لما احد برمضان ينام جذى اللهم بالقيام يتأخرون شوى

وصج يا حلو قعدات السحور والسوالف :)
وعساج تعودينه كل سنة انشاء الله بالخير والصحة

Fuzzy : علشان تب ماى ايييهم من فوق السطح والا هوووز مفتلت عليهم اخليهم يراكضون بالسكة :)
كل وانت بخير

layal said...

اتسمونه قريش؟؟؟
قريش عاد ؟؟؟
احنا نسميه غبه ويسوونه باليالي رمضان واضرب الخمس
تحيه رمضانيه بطعم الهريس

arabic man said...

رمضان كريم وكل سنة وإنت بخير
والكيكة والله تستاهل
كل سنة والجميع بخير

أُكتب بالرصاص said...

مشاري

بارك الله فيك

كل عام وانت بخير

احسنت والله

Sama Oman said...

رمضان مبارك عليك
وكل سنه و انت طيب

ما شاء الله كل هذا
و أنا بعيد

الله يحفظك و يسعد أيامك

:)

Unknown said...

layal : شفتى شلون :)

بس مو بالقاف
بنطق القاف الخليجية
واللى برمضان غير هذى يسمونها غبقة :)

وبعدين ابى هريس بحرينى :)

ayhm jzzan :وانت طيب وبالف خير وسعادة انشاء الله
وتستاهل الكيكة :)

Unknown said...

أُكتب بالرصاص : وانت بخير عزيزى وتمنياتى لك بالتوفيق
وهذا واجب كل انسان

سارة مطر : اول شى نورت مدونتى بزيارتج الاولى
ثانى اتمنى ان تطبق هذه الامور وعسى واتمنى ان تضبطين جدولج :) علشان تلقين وقت ترتبين فيه نفسج
وشكرا للمدح السعودى لمدونتى
لانها مرة رايقة :)

Unknown said...

>>Sama Oman<< يا اهلا وسهلا
وين الغيبات
طولتى يا ستى
المهم
انتوا صمتوا والا بعد
وكل عام ومسقط وصلالة وكل ولايات عمان بخير :)

tweety said...

يعطيك العافية وجزاك الله خير
ماشالله سنع سنع ياربي عساني ما انظلك خوش قريش
أول شي مبارك عليك الشهر وكل سنة وانت والاهل كلهم بخير
ثانيا : انا ماخذة رصيدي كله من الاجازة هالشهر وبعدها باكل فشقي كله والسبب اني اسهر حتى ايام الدوام واني مدمنة قهوة الصبح فالله يعينك
ثالثا : معاك حق الناس ينوا وقعدوا بالقرقيعان اشدعوه !! القرقيعان المفروض يفرحون فيه اليهال يعني الفسق مو زين لاقين فلوسكم بالشارع !؟
رابعا : دعواتنا لك بشنو أنا عاد كلش مو ملقوفة :P

Unknown said...

tweety: وانتى بخير وصحة وسلامة :)

ادعيلى بالمغفرة والصلاح ويمكن اتزوج اربع ":))