الطموح و العمل والمثابرة والالتزام وقليل من المشاغبة تكون الحياة ناجحة

Monday, December 11, 2006

بوق ولا تخاف




قبل يقولك لا تبوق ولا تخاف الحين واللى قاعد يصير بالديرة شى مو طبيعى

بوق وبقق عيونك ولا تخاف وفوق هذا اللى يطالبك بشى احط صبعك بعيونه وخله يتكلم قطه بالسجن

رشوة بالداخلية تمشى من البنغلاديشى لغاية الضابط اللى يخلص المعاملة

بائعات هوى يمشون بالشارع اشكره وتروج بيع الجسد للمراهقين دون رقيب او حسيب

جليب الشيوخ منطقة عبارة عن مزبلة بسبب البنغلاديشين ينتشر فيها الزنا والقمار والخمور وكل ما يخطر على البال والحكومة ساكتة

سفرات تكلف الميزانية مئات الالوف ويقولون ماكو فلوس ؟

لعب وبوق من كبار القوم مثل ما يقولون واذا تكلم الفقير قالوله مساواة وعدالة والقانون وطلعوا بشى جديد الحين ما ابى اقول عنه علشان ما اخذ اثم مو خوفا من احد

الوزير ياخذ مكافأة 100 الف دينار وسمعت الحين صارت 200 الف دينار بالسنة الوحدة ويقولون لازم نحفظ فلوس الاجيال القادمة

يا حبيبى على هيك محافظة

طلب صغير

بما انى من اللى حفروا بالصخر وما كان عندى مامى وبابى فالله يخليكم اللى بقدر يحط اسمى واصير وزير

المكافأة بالنصيفة

وسلمولى على والا اقولكم خلوه يمكن الله يهديه

29 comments:

a7La eNG said...

loooooooool

الله يالدنيا تغيرت ما شالله مشاري

قمت تقوول الله يهديه اللي يهوهوو

;Ppp

good 4 u ..


ان شالله .. الحين اطرش ايميل حق الشيخ صباح ..ميانة ترى من ايام ما كان رئيس وزرااا

:D

sOulvOice said...

ههههههه شفيه شايبنا شفيه






والله معاك حق بكل كلمة





قصدك اجيالهم القادمة مو اجيالنا



انا مابي شي عطوني نصيبي من الجيل القادم اهاجر فيه واريح مخي من عوار الراس اللي اهني


لووول موتقول ماكو ولاء





مشكورر عالبوست

neelaah said...

مشاااري
اللي يقدر يحطك وزير يحط روحه
وي اخذ الجمل بما حمل

ولا نصيفه و لا هم يحزنون

شوف يا عزيزي

الفقر يلزق

هم يضحك و هم يبجي

خوش بوست

سالفة قلب said...

انت وحسام بن ضرار اليوم أبدعتم

في مواضيعكم

عوار قلب يامشاري

الله يحفظ هالديره

ويحفظنا ويحفظ عيالنا

وعلى طاري الوزارة احسن لك لاتطمح لها

sologa-bologa said...

انا مستعد اطرح اسمك للوزارة
لكن شرط
تحطني وكيل

لأن

الوزير ممكن يتغير مع أي تعديل وزاري
واحتمال ما يطول سنتين

أما الوكيل
فيقعد أربع سنين
واحتمال يجددون له أربع سنين ثانية

يعني مدة أطول من الوزير

:)

Q8ya said...

ايه شقول بسسس !!

احنا نكرف ليل نهاررر واييك المسئول العود ياخذ النصيب الاكبر على اعتبار انه المسئول ومجرد ان توقيعه موجود في كل معامله @@


حسبي الله على الظالم على قولة رفيجتي...:)

3ateeja said...

اي والله عسى الله يهديه ...وياخذه مره وحده ..:)

الحجيه said...

السلام عليكم جميعا

الأيام الكل يتكلم عن البوق التجاوزات بس وين الدليل إلي يقطع الشك باليقين أتمنى من كل قلبي أن مجموعه من الشباب الغيور يتعاونون بكشف بوقه واحده وإعلانها للجميع بتفاصيلها وإبطالها والمساعدين حتى يأخذوا عقابهم و يكونوا عبره لمن يعتبر .في بيت للشافعي حلو
أذا حار أمرك في معينين ولم تدر أين الخطأ والصواب
فخالف هواك فان الهوى يقود النفوس إلى ما يعاب
(الشافعي)
عندي سؤال هل يبوقون ما يخافون من رب العالمين ما تذكر أن عند الممات ما نأخذ معانا بالقبر ألا الكفن وأعمالنا الله يعينا على هذا اليوم ويعينا على ضمة القبر

Commentor said...

3ala golat almathal !
alma7thoooth ma7thoooth,,
welly 6aye7 7atha .. Mako faida feeh !

ana agool elly e7e6 eqteraa7 ezedon alma3ashan 10 KD !! a36eeh ne9feyya :P lool
yuba maby wezara wala ba6ee5 albalad gathya kelha was6at
albalad baladna .. we3yal alK*** bagona

tweety said...

الله يهديه !!

اهو في مثل ثاني بس ماني قايلته لوول بما معناه ماكو فايده

اي الديرة صايرة بطيخة كل من يلهف منها على قده والله يعينا احنا

انا بالاصالة عن نفسي أرشحك وزير بس اتحطني سكرتيرتك :p

شوف ماكو الا ترشح روحك حق المجلس عن قبيلة المدونين واحنا نرشحك وانشالله بعد الفوز لي ماصرت وزير الا انت نائب وبكلا الحالتين انت الربحان
عاد يا بختك اذا صرنا احنا مفاتيحك الانتخابية
:p

Kuw_Son said...

مكافأة سنوية 100 ألف !! شهالحرمنة !!

إي والله بوووق ولا تخاف وانت تحت حراستنا بعد !!

pop_cornaaa said...

ممممم صباح الخيير
مشارى شلونك
ممممم المشكله ان الناس غافله ماعندهم شى اسمه حسبه ! اشلون ؟ يعنى أقصد ان الواحد صاير يطلع يشووف الغلط بعينه ويسكت ماتقدر تتحجه (حرية شخصية)
مممم أنا فى وايد شغلات بالشارع هذا أقل شى بس ماأقدر أتكلمم
ديرتناااا صايره جذيه كل واحد جذيه حتى الناسس اللى فيهاا تعودواا على جذيه للأسف

نون النساء said...

مابي النصيفة
لأن النصيفة كسيفة

يا اخذ كله يا ما اعطي

:P


ولكن إذا صرت وزير
بقولك شي

ارحموا من في الأرض يرحمكم من في السماء

mishari said...

a7La eNG : لان اللى يهوهو لووووووع جبدى ولا اهو راضى يتسنع شسوى له ؟؟؟؟؟؟

mishari said...

sOulvOice : انا شايبكم ؟؟;)
عز الشباااااااب :))

انا مستعد اوقع ورقة ان عشر اجيال قادمة ما تطلب الحكومة دينار واحد بس خل يعطونى 10 ملايين وهذا ويهى اذا واحد من اجيالى كلم الحكومة بفلس اقص لسانه :)))

mishari said...

neelaah : شسوى يا نيلة اخر شى قمنا ندور واسطة بالبلوقات بعد ما فقدنا الامل بالحياة الواقعية :)
يمكن نحصل شى الواقع مؤلم :s

mishari said...

سالفة قلب : والله يا سالفة الواحد ما يدرى شيقول بس من اللى نشوفه ونسمعه نحس انا ما فى امل للعيش اكثر من ان الواحد يتمنى ودنا ان كل شى يمشى بالنظام والقانون وان كل الامور تمشى بالشكل السليم
بس اذا انت تظيف ما يبونك

وعلى الله

mishari said...

sologa-bologa : هذا تفكير اللوبى الصهيونى؟

الحين انت حطنى واضبطك احطك وكيل وادخلك بلجان لى الراس بس علشان اضبطك :))

Q8ya : بعد الواحج شيقول يا كويتية خل صج حسبى الله على الظالم
على الله :)

mishari said...

3ateeja : عتووووووووووووووووووووج لا يكون طحتى على وعرفتى منو اقصد ؟؟؟؟؟

ترى الاعمال بالنيات وعااااااادى اغير نيتى واقول انتى اللى قلتى :)))

mishari said...

الحجيه : يا الحجية الجرايد كل يوم تكتب وتقول بحالات تلبس لكن شتقولين الواحد ما يقول الا حسبى الله ونعم الوكيل فيهم

يعنى لما تقولين خوف من الله هذيل ما يخافون من الله يخافون بس القانون الوضعى
والله يعين

mishari said...

Commentor ": احنا نحاول بوزارة اذا نا
نفع نطلب اقل ونشوف شنو يطلع معانا
يعنى الواحد يكون سوه مجهود والديرة خربانة خربانة اسمك حاولت
:)

mishari said...

tweety : لاززززززززم تمدحين روحج ما تعرفين :P

ميخالف خلينى وزير وانا اضبطج امشيلج معاش وانت قاعدة فى بيتكم شتبين بعد بس شدى حيلج معاى انتى ونبى دعاية قوية
وقولى كالتالى
بلوغر
خوش ولد
حلو الطالع والمحيا
ذكى
محبوب
صادث
غير قابل للصدأ
:P

mishari said...

Kuw_Son: يقولك دبلوها لى 200 الف
شتقووووول
قهر والا لا؟

mishari said...

pop_cornaaa : اول شى الحمدالله انا زين :)

بس خل اقولج هذيل ما عندهم حسبة
عندهم بوقة
يتسابقون منو يبوق اسرع واحد جنهم مسوين مسابقة بينهم
مواصفاتها
اللى يبوق
اسرع
اكثر
اخف للنحشة

mishari said...

نون النساء ": ما تبين النصيفة انتى الخسرانة :P
بس خل يرحمونى علشان ارحمهم باجر :(

متنا يانون

Anonymous said...

klamk 9a7 100% ilq8 ybelha nftha m7trma 3shan y6l3oon mnha hal nmayen:/
o 3la 6ari ilmokafa ygolonlk nwab il7rka ildstoria ygtr7oon 9arf mn7a 1000 kd lkl mwa6n yarb ysm3 mnhum wewafg ilmgls 3leha ameen^_^

mishari said...

انا ما ابى الف دينار لانها ما راح تسوى شى نفس الحلاوة اللى يعطونها الياهل ويقولون استانس فيها يبه تبين تعديل تطوير بناء
لى متى الوزارات بالديرة خل يحذفونهم بره
لى متى الكويتى يسكن باخر الدنيا
وطلعت
ومصطفى قاعدين فى السالمية وحولى

:)
شكرا للتعليق

ace said...

والله شوف ياخوي

اللي يبي يبوق..بيبوق وجنه البخت والناس اللي نفسهم دنية سواء من الاسره الحاكمة ولا الوزراء ولا غيرهم...حتى اصغر موظف هذول امثلة مالازم الواحد ياخذهم قدو لهم بالطقاق اللي يطقهم..الواحد يريح ضميره بالموجود..وبعدين هاللي يبقول شدراكم انه مرتاح بحياته..هل معناة هالفلوس المكدسة عنده والماديات..يعني تعطينا اشاره انه مرتاح..تلقون الله مبتليه بالمرض وفقدان الأبناء وعلاقة بينهم وبينه متضعضة ..والحاله حاله..!!

عمرها فلوس الحرام ماتوفق فيها اللي ياخذها..وبتطلع عليه وعلى عياله وعلى كل شي شراه او سواه فيها طال الزمن ولا قصر..

كراكاتوا

** ملاحظه موراضي يدخلني علشان احط ردي

layal said...

والبنغاليه وين ما حلوا حل معاهم الخراب
وانا اللي كنت اعتقد انهم بس في البحرين ممصخينها
الله يكون بعونكم بعد