الطموح و العمل والمثابرة والالتزام وقليل من المشاغبة تكون الحياة ناجحة

Saturday, December 02, 2006

راح أتكلم عن أنواع الرجال بعضها تشوفنها وبعضها أطباعه غريبة وانتوا حكموا

الرجل الديوث: وهو رجل لا يحمل أى صفة من الغيرة فى قلبه على أهله ولديه متعة غريبة وقذرة فى ان يكون لحم أهله معروض بالشارع للنظر

الرجل العلماني : يفضل امرأة متحررة ولا يهمه الشكل فنجدهم غالبا ما يتزوجون فتاة متحررة فكرا ويحبذها ان تكون منتمية الى نفس فكره وغالبا ما تكون الامور الدينية هي من توافه الامور

الرجل التقليدي : هو من يقوم بوجباته تجاه البيت وحياته تنتهى حدودها بالديوانية

الرجل الخفيف أو الريشة : هو الرجل الذي يحاول دائما ان يستخف ظله ولا يعرف موقع للجد فى حياته

الرجل البصباص: وهو الرجل الذي يسيل لعابه لاى كانت دون مشاعر محمولة

الرجل الجبان : هو شخص يمشى تحت الحيط مثلما يقال ويحاول ان يكون صامتا اغلب الوقت

الرجل الدفش : وهو المشهور بالرجل الخليجي ولكن غالبا ما يكون هذا الرجل طيب القلب ويخونه لسانه

الرجل المفكر: وهو غالبا منعزل يحاول ايجاد شئ جديد ليضيفه لحياته وغالبا ما يعشق عمله

هذا الموضوع خلص

خدامتنا المايقة ( المغرورة)


من كم يوم سمعت ان خدامتى تسولف حق البيت عندى انها من عائلة ارستقراطية فى بلدها ولكن بعد وفاة زوجها اقترح عليها اخوها انها تسافر وتشتغل علشان تنسى اللى فيها الاخت من حظى التعيس كانت عندى بالبيت

الخدامة الثانية تقول بس تطلعون تمسك الريموت وتنادى الخدامة الثانية

هاتى ماى؟

او مالها خلق تاخذ شئ من الطاولة اللى تكون يمها تنادى الخدامة من داخل تقولها عطينى هالشى ما ابى اقوم

واهيا تكوى الملابس تنادى الخدامة هاتى ماى او شى تشربه ؟

مثل ما يقولون اخوانا المصريين

اقرع ونزهي

33 comments:

Cr8ivia said...

LOL
khosh khadama hathe
laish imta3beenha yah?
7e6olha khadama khesosy laha ! mayseer chithe

بنت البشوات !

انواع الرجال صحيح .. بس في نوع ناقص :D
ما ذكرته ..

احسن ما ذكرت .. المفكر و التقليدي

و الباجي الله بالخير

3ateeja said...

وايد انواع الرجال حدك اوجزت جنى لاحقك احد
نسيت اللي يطير صواريخ
واللي يتشيحط بالدوانيه ودايسينه بالبيت ...وين راحوا هذيله
بس احلى واحد الصراحه ..الجبان
شي
اما بالنسبه للدايه ..فأنا اقول ارحموا عزيز قوم ذل
:(

sOulvOice said...

@@

لايحوشك




كلهم يعلون القلب ولانوع دش مخي ولكن حصل تعاطف طفيف ويه الريال الدفش


البصباص والجبان يلـــــــوعون جبدي




بالنسبة حق خدامتكم البيت لاصار فيه خادمتين وحده تتأمر عالثانية وتفرض شخصيتها

Яeema said...

إذا صج كلامها الله لا يورينا يوم مثل هذا
صعب جدا الواحد يعيش

--------
نظرتك تشاؤميه للرجل

أحب الرجل يكون رجل بكل ما تحمله هذه الكلمه من وصف

شسوي بمفكر و منعزل؟؟؟

ما عجبني أي واحد


أتوقع قاعد إتكلم عن سلوك أكثر منها أنواع الرجال


لأن من إللي ذكرتهم إحتماليه أن الرجل يحمل أكثر من صفه

ما أدري متشعب الموضوع

Anonymous said...

نسيت الرجل المتسلق او الوصولي
اللي يتملق الكشخة ويكره الفقارا اللي مثله
اللي يدوس على غيره علشان يوصل واللي يتزوج وحده كشخة علشان ترزه جدام الناس

SAJA.S said...

الله يستر عليهم ان شاء الله .. ويبعدنا من شرورهم .. قصدي الديوث والبصاص والعلماني
والله يعينه على نفسه

Unknown said...

Cr8ivia :شنو النوع اللى نسيته ؟
بعدين انا لاقى اصرف علشان احط خدامة حق الخدامة

3ateeja : لا اللى يتشيحط هذا فيلم مسكين
ولا ابى اكتب الانواع كلها ما نخلص بس انا حطيت المختصر

Unknown said...

sOulvOice : الانواع الزينة ما كتبتها تصدقين خليت بس هالانواع علشان تكون امثلة مو زينة


Яeema : فى الانواع الزينة واهيا وايد
الكريم والعائلى والجنتل لكن حطيت هالنوعية علشان بس نسلط ضوء على نوعية معينة

Unknown said...

Anonymous : ويه ويه يدوس على غيره وين قاعدين الله يهداك الشهد والدموع ؟
الزواج شراكة بين اثنين التساوى المفروض بكل شى
وحتى مثل ما قلت الكشخة علشان شى واحد ما يتأذى واحد من الطرفين ولو ان هالنوعية موجودة بحياتنا لكن الخير بالدنيا موجود


dr.unreachable : الدفش نوعه ديوانية ومكرش ومن مجبوس لى مربين وعلى نياته وكل يضحك ويشترى الجمعية اغراض البيت واهو راجع

Unknown said...

Smile : هذيل الثلاث انواع دايما يكونون بهالطريقة بفكر منحل مافيهم غارية او فحولة على اهلهم وهذا اللى يخليهم بهالصورة المشمئزة

Mohammad Al-Yousifi said...

انت أي نوع من الرجال؟

انا تنطبق علي ثنتين منهم بس فشلة ماقدر اقول

PearL said...

لوووووووووووووول

خدامتكم تذكرني بسايقنا


مرات اقوله ودني مكان
يقولي اوديج بس مالي خلق اييبج

والمشكلة ساكتين عنه

Alather said...

الديوث والعلماني.. الله لا يبلانا
انا لي شفت واحد ما يصيرلي اعصب اشلون لو يصير لي!
اقول حسافة على الرياييل!

الخدامة .. اهو مو تعاليا منا
ولا استخفافا بمكانتهم ..
ولكن اهي يت للشغل صح.. ماعليه لها وقت راحة وتقعد بالصالة وتفرفر بالتلفزيون على راحتها.. بس لا تتعالى على مثيلتها!
وتآمرها ..
وهذيج مغلوبةعلى امرها

وغالبا الكبيرة القديمة تآمر الصغيرة اليديدة ..
وتصير عليها الفاهمة النبيهة واهي سطلة ما تعرف لول!



أكره اصراخهم الصبح واكون توني قاعدة من النوم ..قمة الهدوء والطمأنينة .. وهذول يصارخون!!
:(

بيرل حلوة مالي خلق أييبج!
عشا وشفنا

Anonymous said...

توقعت اشوفك بدوري البنوك للتنس:)

tweety said...

اولا في وايد نماين رجالية بعد ما ذكرتها فنطالب بجزأ ثاني

ثانيا أبدا مو مسموح انك تعرض تعاطفك مع الريال الدفش :p

انا هالنوع ما اواطنه ومو ذنبي اني اتحمل دفاشته وانه ما يعرف يفرق بالاسلوب والمعاملة بين الحمالي ومرته
فرجاءا مشاري تلزم الحياد

اما خدامتكم يحليلها يمكن وايد متأثرة بقصة سندريلا

tweety said...

ترى عاقدة النونة انا دير بالك
أخرع

لوول

حسام بن ضرار said...

عجيبه سالفة الخدامه

جان قلت لها

لو فيج ولا بدريتج خير
جان ما عافها الطير


اكيد فلبينية

Mohammad Al-Yousifi said...

اليوم الأحد الساعة سبعة و نص مساء سيتم عرض فيلم عندما يتكلم الشعب الجزء الثاني للمخرج عامر زهير في فندق حياة ريجينسي بحضور الدكتور أحمد الخطيب

الحجيه said...

السلام عليكم جميعا
أخ مشاري جنك ظلمت الرجال ما اخترت ألا أغلب الصفات التعبانه وينك عن الرجل البيتاوي ( دائمان مع اهل بيته ) أو الرجل الملتزم من غير تعصب على فكره بعض أقول بعض العلمانيين متمسكين بمبادئ الدين أكثر من المتدينين المتعصبين وأحسن بعد ؛ مثل أن وعد وفه يكون لك عون أن احتجته دون أن يتردد ما عنده حسد أو ضن بس مالنا ألا أن ندعيلهم بالهدايه وان يشرح ربي صدورهم للإيمان وطاعة الرحمن اللهم آمين كلمة حق حبية أقولها .

الخدم :
كانت عندنا قبل فتره ليس بقريبه خادمه فعلا من أسره ارستقراطيه ولكن كانت في قمت الرقي بالتعامل ومدبره لكل شيء بالمنزل بحكم ما مرت فيه حياتها علمتها كيف تتحصن للمستقبل وكانت تنصحنا بإتمام دراستنا والتوفير بكل ما نملك وان نتواضع لان المستقبل لا تعلم ماذا سوف يجلب لك
توفت الله يرحمها .

الخدم أشكال وأرناج كل واحد أو وحده حسب البيئة إلي جايه منها حظك نصيبك .

في النهاية الخدم يحتاجون للرحمة والعطف لمعاناتهم الغربة وفراق الأهل و الأحبة الله يكون بعونهم ويرحمهم برحمته الواسعه .

KQ8 said...

بخصوص الخدامه..كان عندي وحده جذيه..ذهان وحركات..وموعاجبها المكان اللي تنام فيه وكله اتحلطم..جان اقول لها يبا فكينا من شرج وذلفي..وذلفتها..

==

وين الخدم ملوت اول..اللي تقعد في بيت العايلة لما تموت..مافيه الحين للاسف من هالطقة

lawyer said...

خدامتكم وايد تشوف افلام هنديه و تعيش الدور

!!

طراقين مشاري عدلها لو سمحت

Anonymous said...

انتى الحين طبيت بالرياييل البوست الياي نبيك تشلخ الحريم وخل نشوف اللوية اللى بتصير عندك

Unknown said...

kila ma6goog : انا خلطة بس يا مطقوق لا تفشلنى انا شاد الظهر فيك ودايما اقول انت العاقل انت مو من هذيل :))

Unknown said...

PearL : ان كانت عازتك عند الجلب قوله عمى جلبان :)))
بعد الواحد شيسوى

Alather : اى والله الله لا يبلانا بس هم انا اقولج واتفق معاج ان اهم يو حق الشغل مو يتأمرون على بعض

Unknown said...

Anonymous : البطولة الياية انشاء الله :) هالمرة ما قدرت


tweety : انتى ويا صورة تويتى ما اتخيل تصيرين عصبية شكلج اتوقع يضحك
وراح اكتب عن نماذج ثانية انشاء الله بس يايلج البوست اللى يثير حفيظتج :))

Unknown said...

حسام بن ضرار : تصدق عاد اردى هندية واللى ضحكنى تدري شنوانا اروح العب كرة تقول حق زوجتى انا كان عندى جوتى نفس مال بابا يعنى اللابجين جان تقولها ليش
شنو تتوقع ؟؟؟؟

الاخت طلعت تلعب بمنتخب الهند حريم كرة قدم
:))))

Unknown said...

kila ma6goog : مشكلتى ومع احترامى الشديد لك يا مطقوق تحوشنى حساسية من هالناس وما اقدر اتعامل معاهم مع احترامى لتوجهم

Unknown said...

الحجيه : بالنسبة للخدم انا عندى اهم شغلتين الرحمة والراتب لا يتأخر يوم لان هذا حق وحرام مربوطين فينا
ماشى

البوست اللى عن الرياييل يا بنت عمى مجرد تسليط ضوء عن النماذج السيئة لا اكثر ولا اقل
ويعطيج الف عافية :)

Unknown said...

Krakatoa : صدقت والله لان فعلا قبل الخدم تحس انهم من اهل البيت لدرجة ان فى الحريم الكبار بالعمر بعضهم ما يتغطون عنهم

lawyer : انا بحلم والا بعلم ؟؟؟؟؟
لوير عندى بالبوست
هبت هبوب الجنة :)))
نور البلوق يا حجية اسفرت وانورت
على العموم ردى على تعليقج ان الخدم ما احتك فيهم نهائيا ومخليهم من اختصاص ام العيال ومفتك انا اختصاصى الجمعية والامور الخارجية بس :)

Unknown said...

Anonymous : عيل كاهو العد يالك وشوف الموضوع الياي

:)


kitty : افا شلون مافيه
اكو بو يوسف عدل مو هذا اسم بو العيال؟؟
واكو كلا مطقوق
ومشارى بعد يقولون خوش ولد :))

Anonymous said...

يعنى مافيه بس لو قالولى اختارى راح أختاار التقليدىى :)))

أحسن السيئيين :))

حسام بن ضرار said...

الظاهر هذي هنديه فيها عرج مصري

:)

Unknown said...

pop_cornaaa : يا بنتى فيه رياييل زينين
وحليوين بس ما كتب النماذج الزينة بس ذكرت النماذج السيئة :)

حسام بن ضرار: يا معود دوختنى دائرة افتاء متحركة هدوم نظيفة تبى تغسلها واهدوم وصخة تبى تحطهم بالكبت