الطموح و العمل والمثابرة والالتزام وقليل من المشاغبة تكون الحياة ناجحة

Saturday, December 16, 2006

من كل مكان




شرطتنا

ليش اسمع سوالف كثيرة عن تعامل الشرطة مع البنات وان لازم يتحرش فيها ويستغل لبسه العسكري عن هالشى وقرأت قصة فى الجريدة الاسبوع الماضي عن تهجم شرطي بالفاظ سيئة على سيدة حامل

اتمنى من وزير الداخلية ان يقر مادة علاقات عامة وتعامل مع الجمهور للأكاديمية سعد العبدالله لكي يتخرج أشخاص على الاقل لديهم اساسيات التعامل مع الناس

احنا قطر واليد

فاز المنتخب الكويتى فى المدالية الذهبية لكرة اليد وهي اللعبة الوحيدة التى دائما ما تثبت الكويت كل احقيتها فيها ولكن الهجوم الحاد من وسائل الاعلام القطرية على المنتخب الكويتي متناسية التاريخ الحافل لكرة اليد الكويتية ومهشمة جميع التحليلات التى تساند الكويت من اليوم الاول وكل هذا لان الفريق الخاسر هو قطر؟

ستار زفت

انا من أشد الساخطين على برنامج ستار اكاديمى يعنى لبنان تعيش فى أسوأ ظروفها واحتمالية وقوع حرب أهلية وارد والحبايب شغالين هز وسط ويالله ابله حبه فوق وحبة تحت من صج لما اشوف اللى قاعد يصير فيهم مو من شوية

قرار

لو يرجع الزمن هل كل منا سيقوم بعمل نفس الاشياء التى قام بها ام سيكون مختلفا والسؤال الثاني هل سيختار نفس شريك حياته ؟

وسلمولى على اللى يهوهو ولا يتحرك يسوى شى

41 comments:

Krakatoa said...

مساك الله بالخير

==

اول شي..للاسف ان البعض من شرطتنا للحين عقلة ما تطور وللحين سوالف المصبنه وعقلية المراهقة لاصقة فيه..وينهم عن شرطتنا قبل الغزو اللي من تشوفه تقعد اتراعد..كانت له هيبه..الحين..ياخلاف

لازم الشرطة يدخلونهم دور فن التعامل مع الجمهور..لا وها يحطون عليهم..تقييم شهري يشوفنه زين مو زين
==
ثاني شي ستار اكاديمي..اي حاجه خلاص صار ماصخ الهبه الاولية يوم اول مره طلع بس الحين تشوفه جنك شايف دعايات بين فواصل التلفزيون..يعني صار ماصخ ومكرر
==
ثالث شي لو رجع الزمان..طبعا بإختار نفس شريكة حياتي الحين..مافيها كلام هاذي الغالية

:)

sOulvOice said...

والله العظيم نفس كلمتي عن اللبنانيين


اللهم لا شماتة احب هالشعب واحب هالديررررة بس ماجنهم طالعين من حرب

دق ورقص لاخر لحظة !! سووري بس الخراب والتفتح الزايد يه من صوبهم واحنا الله خير ماانصدق فينا قابلية سريعةةةةةةةةةة للانحراف واخذ السلبيات









اي نعم لو يرد الزمن فيني بختار شريك حياتي الحالي





دبدوبي الاحمر:pPp



مشكورمشاري

White Wings said...

لو يرجع الزمن، كنت أصلح الكثير وأغير الكثير، الا شريك حياتي، هو أحسن وأجمل قرارات حياتي
:)
ويارجل، يعني الي يصير في لبنان من ستار أكاديمي، الله يحفظك، الناس تتعامل مع الألم بطرق مختلفة، والطريقة اللبنانية هذه اهيه ما تغيرت على مر السنين، يقاومون الحرب بالموسيقى والفن
ولا تصب غضبك علي، أنا ماليش دعوة، هذا فقط رأيي
:)

الحجيه said...

السلام عليكم جميعا

أخ مشاري هل كلام مو جديد من زمان بعيد أتذكر أول ما أخذت الأجازة لقادة السيارة سنة 1980 م أو ما أعطاني الوالد ألف رحمه عليه وعلى أخوانا المسلمين والمسلمات أول كلمه قالها لي خلي بالج وكررها اكثر من مره من الشرطة لأنهم أردى ما خلق الله .!؟!
المهم في شيء لازم نتفق عليه أن الوحدة حسب خبرتي هي ألي تفرض احترامها على الآخرين بتصرفها وأفعالها
ما في احد يقدر يتمادى ألا أذا حس في مجال يتمادى .

--------------------------------------
قطر & الكويت اليد
ما عندي علم بالي صار فامتنع عن التعليق
--------------------------------------

أستار الفساد
ما نقول ألا الله يصلحهم لما يحبه ويرضاه
---------------------------------------

السؤال الأول الصالح أتمسك فيه وكل شيء تحسفت عليه اتركه

السؤال الثاني اختاره وبإصرار شديد دون تفكير
---------------------------------

ReLaaaX said...

شرطتنا

الله يهديهم ويصلحنا وياهم ياربي

ومادري متى يبطلون حركاتهم الأرعة

مع هذا فيه ناس مايقصرون بحركاتهم اللي أأرع بعد



احنا قطر واليد

مااحب اخبار الرياضه لا بالتلفزيون ولا بالجريده :)


ستار زفت

في المقابل اكيد فيه لبنانيين موراضين عن المهزله اللي صايره عندهم .. بس إذا الدولة مستانسة على هالخياس شبيديهم يسوون - الفئة اللي موراضيه عن اللي يصير- ؟

الله يصلح الحال ياربي ... ولايبلانا

قرار

اييه اكيد .. يمكن فيه شغلات ودي لو رجع الزمن إني مااختارها بس شغلات يمكن بسيطة مقارنه مع باجي قراراتي .. ومو من القرارات المصيريه اللهم قرار مصيري واحد !!!؟


بس الواحد مايقول الا قدر الله وماشاء فعل

7osen said...

مباره اليد بين الكويت وقطر

شفتها عالجزيره

المعلق بس ينتقد بالحكام
مع انهم جيدين

قطر صج فريق محترم وقوي

بس الكويت وااايد احسن

اصلا فازوا بكل سهوله على كل الفرق اللى باروهم

الله يعطيهم العافيه

حسام بن ضرار said...

الكويت وقطر: الله يهديهم بعض الاخوان في قطر دأبهم النيل من الكويت على اي صعيد من خلال اعلامهم او حتى القنوات الرسمية الاخرى

ابسط مثال : بن همام



ستار اكاديمي: بعد شنو نتوقع من اللبنانيين غير هالسوالف؟


قرار : تعرف وجهة نظري لأني عبرت عنها بمدونتي يوم الاربعاء واعتقد انك استسقيت هالفقره من بوستي :)

اما السوأل الثاني فما ينطبق علي لآني اخترت السلامه

tweety said...

الشراطوه

يبيله احد يعلمهم أسس التعامل البشري الحضاري


منتخب اليد

والنعم
عاد حطوا علينا والا ما حطوا اعترفوا بانجازنا والا ما اعترفوا النتيجة وحدة أن الفوز من نصيبنا وكنا جديرين فيه

ستار اكاديمي

والله أنا ماعرف اجذب انا وحدة أحيانا أتابع وأضحك وساعات ألعب معاهم رياضة وأكثر شي أتابعه وانطره لما اييهم طوني مندلق يقص شعورهم عشان اعرف احدث القصات :p

لويرجع الزمان

عايز الزمان يرجع قول للزمان ارجع يازمان
لو يرجع في أمور وايد راح أغير قراراتي فيه وفي أخطاء وايد غبية ماراح أسويها بس شريك حياتي عاد كلش ولا شريك حياتي هو لما يبقى يجي أوافيكم بالذي يستجد لدي

شالطاري عليك يا ميشو على هالسؤال !!؟ أخاف قصدك مو شريف وقلبت على المدام :p

tweety said...

لقراءة تعليقي جيدا الرجاء غض النظر عن البدليات غير المقصودة

:p

a7laa7ob said...

شرطتنا آاااااه يا شرطتنا
يقولك اسأل مجرب ولا تسأل طبيب
ااااااااخ
موقفي عالبحر وموقف قلبي اخر شي يقولي ابي الموكا اللي بيدج
تكفوووون شسوي فيه
ووالثاني الشايب العايب موقفني لا وصاف يمي بعد مو نازل من سيارته يقولي ماشالله عيونج حلوه
----------------------------------
محتريييييييييييييين هذا اللي اقدر اقوله
يعني ياربي لاعبينكم اخرطي احنا شنو ذنبنا
----------------------------------
وبالنسبه حق ستار زفت
على قولتك اللي قاعد يصير فيهم مو من شويه
الله يهديهم انشالله
----------------------------------
اكيد في وايد اشياء سويتها وتحسفت عليها ولي الحين قاعده ادفع ثمنها غالي

لا ماراح اختار نفس شريك حياتي لانه لي الحين مااخترت اصلا
---------------------------------
وسلامك واااااصل
خله يهوهو جوووود يطلع منه شي

Anonymous said...

مشاري بالنسبة حق السؤال الأخير
مادري ليش بس حاسة إنك ما خذيت الإنسانة إللي تحبها!!
و زوجتك تعزها وايد
بس ليلحين في قلبك حب كبير مو قادر تنساه!!
أنا من متابعينك من زمان بس هذي أول مرًة أعلق فيها لأن هذا اللي حسيته من كتاباتك و أشعارك
بس عقب هالسؤال اليوم قلت لأ لازم أدش و أسإلك
إذا حسيت إنها بلاغة شف و ما تبي اتجاوب أنا أسحب سؤالي و أعتذر
بس جوابك يمكن راح يعطيني إجابة أنا أحتاجها و يمكن أستفيد منها
مادري!
أسفة على الإزعاج


مهرة :)

a7La eNG said...

وييي .. رد يهووهووو
!

يالا ازعاج مع العمال اللي يشتغلون باستقبال بيتنا
;Pp

---

أكره الشرطة من عقب الشرطي الفاصخ جليل الحيا عديم الذااااااااات اللي حرني و لي يووومك كل مااذكر اني ما فطنت اخذ رقم الدورية و لا قدرت اززززززززفه او حتى اعطيه نظرة استحقراية و سوري على الكلمة

احتررررر اكثر
:///

i hate him ..

---

اشووه اني ما شفت المباراة جان قبست عدل و انطرد الحارس
;Pp
----

لا تعذب عمرك مشاري .. ستار اكاديمي لا تشووفه .. انا ما ادري انه بدا الا منك ترى
!!!!
---

لو يرجع الزمن
لو يرجع الزمن
لو يرجع الزمن
.
.
iam thinkn
.
.
كلش عاد و لا شيخ المزايين
بيني و بينك اذا حصلت التغيير ليش لا
;P



hmmmm ..

i just remembered .. that iam mad at u .. :((

em7arbtek ana tara ...

mishari said...

Krakatoa :اول شى عزيزى شريك الحياة لا يمكن تغيره لان هذا النصيب وشى حلو الاقتناع التام فيه :)

وبعدين مو يبيلهم بس تعامل مع الجمهور يبيلهم طريقة معينة بالكلام
تكفه افتح الجرايد وشوف الشكاوى اللى عليهم

mishari said...

sOulvOice : بينى وبينج والله انا اموت على لبنان بس اللى يسونه مو طبيعى يعنى هذا وضع الحين بالله تسوون فيه ستار مرض اللى عندكم؟
الصراحة شئ غريب على اللبنانين لو نملة يقولون لهم فيها دولار يبون يعصرونها يطلعون منها فلوس

mishari said...

White Wings :اول شى الحمدالله على السلامة :)
ثانى انا اللى اقوله ان اهم مختارين الوقت الغير مناسب
لكن عندهم مشكلة برغم المصائب التى تصير فيهم الا انهم مصيرين على المشاريع الاخلاقية اللى تكون مصدرة لافكار سيئة

هذا قصدى

والله يخليلك شريك حياتك :)

mishari said...

الحجيه: يالحجية جنج كشفتى عمرج :))

تصدقين فى تصنيف لافلاطون للشعب مخلى العسكر ادنى مستوى بالشعب وذلك لضعف العلم عندهم
وستار زفت صج صج اقول الله يهديهم
لان اللى قاعدين يسونه قاعد يؤثر على جميع الدول العربية

موفقة اختى الكريمة

mishari said...

ReLaaaX : المشكلة يا ريلاكس ان اهم واجهة البلد اذا ما يبطلون حركاتهم هذى فعلا هالشى يؤثر علينا وعلى سمعة البلد

دائما الواحد ياخذ هالكلمة لانها الدوى لاى شئ
شاء الله وماقدر فعل ":)

mishari said...

7osen : صح قطر فريق محترم وقوى
لكن يا اخى الكويت تاريخ بهاللعبة واللى يصير من القنوات التلفزوينية مثل الكاس والجزيرة فوق المتوقع
لكن الواحد شيقول غير الازرق يسير والكلاب تنبح

mishari said...

حسام بن ضرار : تصدق اللبنانين فيهم ناس مو راضين على الوضع ويلعنون الوضع المايل اللى عندهم بس المشكلة لبنان خليط معكوس فوق تحت ما تدري شنو اهو بالضبط
ماكو مذهب ولاملة حق هالناس اللى تدير الاعلام اللى عندهم

mishari said...

tweety: والله قعدت اضحك لما قريت انج تسوين رياضة معاهم :)))
انا اقول ياربى هالبنت فيها شئ والحين اثبتيلى

الشرطة لوية يا تويتى ويلوعون الجبد
بس شتقولين بعد تلقين فيهم الطيب

يا ام طونى :P :P

mishari said...

a7laa7ob: والله شرطتنا بعد مو هينيين هذى سوالفهم مغازل فى وحدة من البلوقر :)))

،،،،،،،
صح لا عبينهم خرطى احنا شكووووو
،،،،،،،،،
الله يهديهم :)
،،،،،،،،

انشاء الله تلقين شريك حياتج

واللى يهوهو ما راح يطلع منه شى كلش ملش :)))

mishari said...

Anonymous: لا لا لا لا لا لا
انا عمرى ما اتخذ قرار بدون قناعة
وام عيالى بعيونى احبها وتحبنى الحمدالله
لكن يا اختى العزيزة السؤال هذا مجرد عابر على المخ
وتكلمت فيه لكم
علشان احط الملح على الجرح اقول تصريحى
الرجل يستطيع ان يحب اكثر من وحدة
بس مو تقولون انا اقول عن نفسى لايبه انا اقول علم النفس يقول هالكلام

mishari said...

a7La eNG : اول شى ما عرفت ليش محترة من الشرطى؟؟ :))

لا يبه الله يخليج اشوى انج ما شفتى المباراة :)))

حلو حلو تغير؟؟؟
صارت عيل

الله يحارب يحارب الله :P

Kuw_Son said...

أحلى شي لما تشوف ملازم توه متخرج مستانس مسوي تفتيش على الدائري الثاني و يطوف اللي يبي .. و إذا سيارة بنت .. لازم يسولف و يقط قطات و يستملق !!

ستار زفت .. لا .. الزفت يزعل بعدين !! لبنان على شفا جرف هار .. و الجماعة ماخذينها دق و رقص للآخر !!

ان شاء الله هالسؤال أجاوب عليه إذا تزوجت و بعد جم سنة إن شاء الله إذا الله أحيانا .. أقولك :)

و دمتم في رعاية الله

الحجيه said...

السلام عليكم جميعا

أخ مشاري برد عليك بالشعر :)
عيرتني بالشيب وهو وقار
ياليتها عيرتني بماهو عار

يرحب أبو تمام و يهلي بالشيب قائلاُ:
رأيت الشيب لاح فقلت أهـلاً----وودعت الغواية والشباب
وما إن شبت من كبر ولكن ----رأيت من الأحبة ما أشابا

وقال بديع الهمزاني مادحاً الشيب:
يامن يعلل نفسه بالبـــاطل----نزل المشيب فمرحبا بالنـازل
ان كان ساءك طالعات بياضه----فلقد كساك بذاك ثوب الفاضـل
لا تبكين على الشباب وفقـده----لكن على الفعل القبيح الحاصل

mishari said...

Kuw_Son : أول شى اخوى تعزمنا على عرسك ولا لا؟
صدقت والله الزفت يزعل يا اخى والله ما اعرف شلون هالناس تطالعهم ويندمجون وناس تبجى
بطيخ هالعيشة
بس تصدق اللى عايش جذى مريح نفسه ماكو عوار راس ولا شى

mishari said...

الحجيه :

عيل خل اكملج البيت
ان تشأ شائت الاقدار
فالليالى تزينها الاقمار

يالحجية ما اقدر اعير اختى الكبيرة والبلوق بلوقج
يطولج بالعمر بالخير والصحة والعافية مع الاسرة الكريمة
:)

kila ma6goog said...

بوست قنابل؟

Anonymous said...

أنا أدري إنك تحب مرتك
بس ما تعشقها
درجة العشق وصلت لها مع
somebody else
هذا اللي حسيته
مادري!


مهرة!

mishari said...

kila ma6goog والله اخرتها شكلها كلها على راسى بتنفجر :))

mishari said...

Anonymous : حجية عسى ما شر؟
ناوية على حضرتج والا شنو؟
بعدين امور الخاصة جدا نفس اللى تتكلمين عنها هذا امور جدا خاصة ومحد له حق يتكلم فيها ؟ صح؟
بس على العموم تشرفنا لان شكلج بتودينى بداهية مو عارفة شلون

kitty said...

عمرى ما شفت شرطى يتكلم عدل
وحقانى
كله عايشين الدور مساكين
ولالالا اشكثر امر على نقاط تفتييش اتلاقى يمرر اغلب السيارات ومن تمر بنت وقفها وخذه الاجازه !!

كل هذى بلاقت شف !!
الحمدالله والشكر

لا بدا ستار اكاديمى
والى ما يدرى عنه

حدهم فراقه
الله يستر عسى ما اتابعه
الى قبله قلت نفس الشى
وبدون ما احس لقيت نفسى اسطر حق البرايم

الله يثبتنى لانهم صج صج مضيعه للوقت ومناكر

لو يرجع الزمان اعتقد كثير اشياء سويتها ما راح اسويها
وشريك حياتى ما اتخيل نفسى مع غيره
الحمدالله والشكر
:)

سالفة قلب said...

شرطتنا:

البعض منهم عافس هذي الديره

ستار زفت :

ماصار نجم فهو حضيض بحضيض
الله يبصرهم

قرار/

لو رجع الزمن ماراح اختار الا بومحمد

شَـــ ـوْق said...

مبروك الفوز، وتستاهلون :)
والهجوم لم يكن من الإعلام القطري فقط،
ولم تكن الكويت دأباً لهم لا من قبل ولا لذي بعد
وهذا طبعاً كلام مردود عليه

عموماً امسحها بوجيه الغوالي
والكويت وقطر اهل واحباب ونسايب قبل كلشي، وعلى العين والراس رغم الكلام اللي ماعجبني في بعض الردود
:)

خليجنا واحد، والذهب مو لغريب، مثل مايقولون شيبانا "من اللحية للشارب" وشكراً

Mamloo7a Q8ia said...

بعض شرطتنا للاسف يستغلون زيهم العسكري اسوأ استغلال
وللاسف ما عندهم اصول ولا اخلاقيات في التعامل مع الناس

ياحلوهم فريق اليد رفعوا روسنا وبردوا جبودنا هم وابطال العاب القوى عقب خساير منتخباتنا الثانيه

الله يحفظ لبنان

في بعض الاشياء كان ودي اني ما سويتها بس ارجع واقول اني لو ما سويتها جان ما تعلمت منها غلطاتي

السؤال الثاني امتنع عن الاجابه؟؟
:)

mishari said...

kitty : اول شى الله يبعدج عنه ستار اكاديمى لانه لوعة
الشغلة الثانية معاج حق شرطتنا مساكين يطلعون من الكلية مطافيق مو شايفين خير
بس الواحد يقولون الله يهديهم هم يظلون اخوانا وعيالنا :)

وعسى الله يتمم عليج بالخير :)

mishari said...

سالفة قلب : عاش بو محمد وعاشت بعد ام محمد :)

ستار زفت بالضبط يا ام محمد ايبيلى الضغط والنرفزة بشكل ما تتخيلنه المشكلة الناس مو واعية حق الفكر اللى قاعد يتصدر من وراه قد يكون تأثيره على الجيل الكبير بسيط لكن تأثيره على المراهقين يقتل الغيرة فى الشباب ويخفى الحياء عند البنات
والله يستر على المسلمين ويهدينا ويهديهم

mishari said...

شَـــ ـوْق : اختى العزيزة مرورج كريم وغالى وهذا عتب من الاخ للاخوانه بس لا اكثر ولا اقل وعلى فكرة
قطر اهلها عيال عمى لزززززم
الله يخليكم قطر ونشوفها عالية اكثر واكثر
لان التنظيم والافتتاح كانت اكبر من الخيال ونتمنى فعلا نشوف قطر دولة متقدمة وواصلة للعالمية

وهذا فى كلام م اعجبج من الردود انا اعتذر وامسحيها بوجه صاحب المدونة
:)

mishari said...

Mamloo7a Q8ia : شرطتنا مو مصدقين يلبسون البدلة :)

اليد فريق رسم وكتب وزخرف التاريخ

لبنان من اسوأ الى اسوأ

المثل يقول كل طراق بتعلومة
والطراق اهيا القرارات الخطأ
:)

mishari said...

لجميع من علقوا على الموضوع السابق وواجهوا صعوبات اعتذر لهم واولهم اخوى الكبير كاركوتا
لان هالبيتا هذا سوالى ضغط وسكر واعصاب ما يريحها الا سفرة طويلة جدا وقريبة باذن الله :)

بنت الديــــره said...

مرحبا
احب اعلق على موضوع الشرطه وانا صغيره كنت اغني اغنيه جميله عن الشرطه
شكرا شكرا شكرا شكرا ياشرطي المرور .. ياجندي صبور تجهد نفسك تسعد غيرك قواك الله وكثر خيرك
للاسف كبرت وهالاغنيه تغيرت كلماتها وتعرضت لعد مواقف مع شرطه الله لايكثر خيرهم طبعا موكلهم ..لاللتعميم
واحب اذكر موقف لي مع شرطي طلب مني اجازتي عطيته طلب الدفتر هم عطيته وطلب رقمي جان اطلع رونغ سايد جدامه بس عشان ابين له انه شرطي مرور وتجاوزر اخلاقيات المهنه هم انا بعد ملتزمه بقوانين المرور فرده فعلي كانت جذي مواستهتار مني لا ابي ابين له اني ماحترمه لانه ماحترم بدلته اللي لابسها هذا ينطبق عليه مثل
حاميها حراميها
اما بالنسبه لموضوع لو يرجع الزمن
بصراحه بصراحه
مااختاره لو ماكو غير بالدنيا
تحياتي لك اخ مشاري