الطموح و العمل والمثابرة والالتزام وقليل من المشاغبة تكون الحياة ناجحة

Friday, January 12, 2007


البحث عن البراءة



جلس ينتظر ويراقب الشاشة تتغير بالارقام

33 -34-35

ولين تو الناس رقمى 48

فجأة يقفز الرقم الى 40

تمام يعنى بسرعة راح ادخل ما راح اطول( يردد فهد بينه وبين نفسه )

اذن؟ ستكون جيكرة او جميلة او عادية او من النوع اللى يضحك على اى شئ

وصل الرقم 48

دخل الغرفة عند الكاونتر رقم 28

ويردد بينه وبين نفسه لا أحب رقم يحمل فيه الرقم 8

على العموم خل اخلص اوراقي

السلام عليكم

وعليكم السلام

بينه وبين نفسه ويها يوحى انها ثقيلة طينة ومليقة

بس انا ابى اخلص اوراقى وامشى مانى فاضى مغازل

فجأة وبدون مقدمات

تجلس خلف الموظفة

رقة الدنيا

ورياحين الربيع

تمسك بقطعة بسكوت

وفنجات قهوة

يدقق في قطعة البسكوت

هذا بسكوتى المفضل ولو انا ماسك البسكوتة جان بلعتها بعضتين

واهيا تاكل البسكوتة كأنها وجبة كاملة

ما هذه الرقة تؤشر بيدها لزميلتها بالسلام

يصيح فى داخله المراهق انتى لو تسلمين على ما اغسل ايدى

يحاول ان يرمق عيناها فيها براءة خيالية

نسى المعاملة

نسي ان بمكان عام وفجأة تمنى انها تكون حب

أى حب؟

الموظفة ثقيلة الدم خلصت معاملته وقالته راجع بعد جم يوم علشان تستلم

بس الحين خلاص يعنى امشى

اى نعم خلصت اخوى الحين

وفهد يردد بقلبه يا شينج وياثقل دمج

يمشى ناحية الممر الخارجي فيجد رقة الحياة تتجه معه فى نفس الاتجاه

يحاول ان يغوص فى عينيها

فتستحى وتلوح بوجهها البرئ بعيدا

ويقف عند المصعد ويتمنى ان لو تركب معاه ويتوقف فيهم لمدة سنين

ما هذا الحب المفاجئ اهذا تأثير البراءة الساحرة التى تحملها

انثى الاناث

لماذا ابحث دائما عند البراءة

هل لاختفائها بمجتمعي

او لاننى رجل ملئ بالبراءة

ورحل فهد متوعدا براءة الدنيا بأن يعود لها بحب يقدمه لها بخاتم زواج

50 comments:

Qa6Wa said...

ya salaaaaaaaam!
did that happen to you? or to someone you know?

! said...

الوصف جميل في زمن كثر فية الغش

والكذب والنفاق !!


إني افتقدتُ البراءة

حين افتقدتُ التمني

فقد كانت الأرضُ

ناعمةً والطفولةُ

مجنونةً والليالي

بوح الحقيقة للحقِ

بوح المُدانين بالدّين

بوح العصافير صادحةً دونَ منّ.

وماذا يظلُ؟!!

الحقيقةُ

أم جفوة الرّملِ؟!

هجسُ الفجيعةُ

أم هجعة المطمئنِ ؟!

محمد جبر الحربي

PearL said...

شالحب اللي نزل فجأة عليه


) بس معذور الدلع والانوثة يخصبقون الرياييل

bo9ali7 said...

وايد حلوة القصة
خاصة مقطع البسكوت..مشهد جميل
جان زين تكثر بوستاتك اللي من هالنوع..بس لا تفهم ان كتاباتك الاخرى ما تعجبني ;)

Alather said...

اي وبعدين شنو صار

<<<< ابي انااام مو قادرة

نعود مرة أخرى لبوستك

جميل ورائع
عجبني السرد ..
بس ممكن سؤال .. هو وهي حقيقة ام خيال ؟

3ateeja said...

اسلوب جميل ...يحليله يخلص البسكوته بقرمتين ...انا اخلصها بوحده هههههه

ورحل فهد متوعدا براءة الدنيا بأن يعود لها بحب يقدمه لها بخاتم زواج

<<<< اقص ايدي

بس طلع من المكان وشاف انعم منها نساها ..
مغازلجي ماكوفايده

KQ8 said...

هذا شكله من النوع اللي يحب في اليوم اكثر من مره!!

==
واقعيا..تعتقد ان هالبرائه موجوده ولا بس في خيال الشخص اللي يتمناها..!!

Anonymous said...

البراءة هي ما يبهر العين و القلب في كل جميل

المرأة البريئة كالماسة النقيه صافية لا خدوش فيها و لا شوائب

Kuw_Son said...

دام بيختمها بزواج عليه بالعافية :)
و يا كثر الموظفات ثقال الطينة !! دايما عندي انطباع ان اللي بتخلص لي المعاملة وحدة شوي و تهفك بالملف اللي يمها !!
لا ولا تييك متينة ولابسة عباة مالت أختها الصغيرة !! مترصصة فيها ما أدري شلون دشت !!
و الميك آب !! لأ لأ لأ .. فلم رعب
الواحد ما يشتهي يتغدى لما يشوف هالأشكال !!

نون النساء said...

طبعا موجودة واقولها وانا واثقة بعد..



مادري ليش تذكرت إحدى الصديقات..

بريئة وايد..



اذا يبي نخطبها له
:P

7osen said...

وصف وااايد حلو للموقف

بس منو فهد هذا لايكون انت


دير بالك ترى المناظر خداعه

قوله لا ينخدع بالوجوه البريئه

ترى البراءة طباع 0

تحياتي عزيزي

بنت الشاميه said...

,الوصف رائع
تري اكو بنات وايد شذي

بس مانشوفهم لانهم قاعدين في بيوتهم

من الجامعة او الدوام لبيتهم

ومن بيتهم الي الجامعة او الدوام


مو قادرين يتكيفون مع المجتمع الجديد المتغير

Mohammad Al-Yousifi said...

البراءة موجودة , بس عند الناس الغلط

Nora said...

العيون مرآة الروح مستحيل تغش
اللي روحه صافية
:))





الحين ليش تساءل تطلع حلوة تطلع جيكرة
؟؟

موظفة تخلص شغله و انتهى
!

اووووه كدت انسى
;Pp

Anonymous said...

هاااو
إنت مو جنّه توّك راد من الحج كما ولدتك أمك
إش لك إبهالسوالف البطالية
حب ما حب و هالخرابيط
أشغل نفسك بذكر الله و بما ينفع الناس
يا حجّي مشاري
و لا تنسى باجر العشا في ريجنسي
;)

Amal said...

مشاري,,

من النادر أن أقرأ أو أن أسمع,,
أحد الرجال,,
يعبر بهالطريقة,,,

أحنا نشوفهم يتسبهون,,
بس شيدور في مخهم؟!!!

الله أعلم,
الوصف كان رقيقا و لطيفا,,
وجريئا وكأنك تحدث نفسك,,
,,

بس قول حق فهد صاحبك,,
لا يستعجل بموضوع خاتم الزواج,,

ما هكذا تؤكل الكتف!!!
والأ ما هي أسباب أرتفاع معدلات الطلاق في رأيك,,

؟!!!!
قرارات غير مدروسة ومتسرعة,,
ورجال يذوبون ذوبا,,
دون أن يفكروا,,
و يدركوا معنى وأهمية حسن أختيار الشريك!!

تحياتي,,
عسى الله أن يجمعك ويجمع صاحبك,, ببراءة حقيقة,,
كما تحب
:)

Unknown said...

BLaSha : dear this only a story :) it shouldnt be happen in real life

thank you for ur comment:)its your first comment in my blog and u r most welcome 24/7 :P

Unknown said...

bazoon : اتفق معك لا البراءة شبه مختفية او بالاصح مختبئة كلمات جميلة زينت تعليقك الراقى

شكرا :)

Unknown said...

PearL : يا ستى الحياة صدف وانواع الرجال وايد والنساء انواعهم اكثر :)

Unknown said...

bo9ali7 : لا اخوى انت الحبيب الغالى ما افهمك غلط كان بس ترى عليك تأخير ما اشوفك تنزل بوستات جديدة متأخر وايد :)

Unknown said...

Alather : هو موقف مستنبط من الواقع مع زيادات كثيرة :)
ونامى بكير تصحى بكير

Unknown said...

3ateeja : عتوووج عاد انتى الله يهداج بسكوتة تخلصينها بقرمة وحدة؟؟؟؟؟
وين الانوثة يا عتوووج
احنا الحين نبى نروج لج :P

وترى وجهة نظرج صح يمكن مغازلجى ويطلع ويفز قلبه على وحدة ثانية :)

Unknown said...

Krakatoa : ما يقدر يحب اكثر من مرة لان البراءة مختفية من الحريم يا كراكوتا الا ما ندر يا عزيزى :)

Unknown said...

True Faith : بالضبط فمعايير الاختيار تظهر من العين فأن كانت بريئة لا يمكن ان تخدع وان كانت كاذبة فلا يمكن لها انت تظهر البراءة

Unknown said...

Kuw_Son : لووووووووووووول
لا يكون انت فهد؟؟؟؟؟؟
بس ترى شوف اذا كنت تبى الصج الواحد ماله شغل بالشكل اهم شى المعاملة المشكلة صح كلامك مرات الشكل يخليك غصب طيب تقول الحمدالله والشكر شفيها هذى جذى

يا سيدى الله يعين ويستر على الجميع :)

Unknown said...

نون النساء : صح البراءة موجودة بس مختفية اومنخشة ما تبى تطلع لان الحياة صارت تخرع يا نون

بس اذا البنت صج بريئة عند واحد خووووووش ولد حده برئ وصديق عمرى ويالله نشتغل خطابة :))

Unknown said...

7osen : اول شكرا على النصيحة يا غالى :)
لكن لا انا مو فهد :)

بس يمكن ان اختلف معاك شوية ان البراءة هى الطبع الوحيد اللى ما يقدر الشخص يمثله هى تكوين بالشخصية ملاصق للحواس
:)

شكرا عزيزى الكريم

Unknown said...

بنت الشامية :والله بينى وبينج اذا البنت بهالاطباع فالله يستر عليهم ويرزقهم الريال الصالح لان من صج الحياة واقعها صار مؤلم ويحير الشخص ما يدرى شنو اللى قاعد يصير

شكرا يا بنت الشامية :)

Unknown said...

kila ma6goog : مطقووق يا يبيلها شرح جملتك
بس صدق جنى فهمتها لما طبقتها فى بالى وانا اكتب على شخصية معينة :)

ماشى كلامك يا حاج بو سلمى

Unknown said...

a7La eNG : صح العيون مرآة للروح
علشان جذى وايد ما تقدر تغش العيو ن:)


لا تنسين مرة ثانية :))

ولسااااااااااانج دخليه كبرتى صرتى مرة :P

Unknown said...

بريئة: ياحجية بريئة
انا راد من الحج الحمدالله بس
كتابة القصة من هوايتى
وانشاء الله ما فيها شى حرام :)

بعدين خفي علينا شوى الله يهديج
واشوة يا معودة ان الحفلة الرياييل بصوب والحريم بصوب :P

Unknown said...

amal :اول شكر خاص لك اختى الكريمة على المدح :)

ثانى شئ فعلا الريال يتسبه والحريم ما يعرفون ان التسبه مرات مو بالضرورة يكون لنظرة خاطئة

الشغلة الثالثة والمهمة ترى هذى قصة
يعنى فهد لا راح يروح ياخذ خاتم زواج ولا شى :)

تحياتى الجميلة لك

فوضى أفكاري said...

ههههه والله ضحكتني هذا شكله مقزرها عيل شكووو طايحلة خز حتى البسكوته ماسلمت:p


بوووست يونس اما بسكوتة عتيجة سالفتها سالفه ههههههه

3ateeja said...

اي شسوي البسكوته حيل صغيره
;p

حسام بن ضرار said...

قصه جيده
لكنها مليئه بالمثاليات

احلى شي البسكوته
:)

اخاف بسكوتة فارليز او سيريلاك
:):)
تسلم ايدك

charisma said...

يا حلو البرائه بكل شى
البساطه والبرائه ادش القلب ابسرعه

هذى قناعتى

القصه وايد حلوه لانها بريئه
:)

Unknown said...

فوضى أفكاري : بسكوتة عتيجة صارت جنها مسمار جحا:)

وفهد خز لما قال بس :)

Unknown said...

3ateeja : ودى اصدق بس قوية قوية :))

Unknown said...

حسام بن ضرار : بعد اهيا قصة يا بوضرار لازم شوية مثاليات

والبسكوتة ما اعرف اسمها:))

Unknown said...

charisma : البراءة احلى من الجمال لانها تسلب القلب مثل ما يقولون
وشكرا عزيزتى:)

Nescafé said...

احداث القصه ممتعه وسرد حلو .. وبديت احس ان ممكن يكون صج اكو ناس بهالبراءه والتفكير

بعدين تحبطت لما قريت بعض الردود
:")

chatterbox said...

واي واي قلبي
جان زين في جذي صج
يعني انا ما اشجع المغازل والحب من اول نظرة بس حسيت ان القصة حقيقية لان احداثها ممكن تصير صج بس ما اعتقد تستمر

Unknown said...

Nescafé :لا تستغربين الحياة فيها كل شى بس الواحد لازم يكون متفائل ومبتسم
والخير لاهل الخير:)

Unknown said...

chatterbox : محد يشجع المغازل:)
بس هالشى موجود من زمان
الحب من وين ينخطف مو من العين فجأة يفز القلب على شخص جدامك وتلقى نفسك تبى دنيتك كلها معاه

بنت الديــــره said...

مرحبا
عاد انا قعدت ادور بالموقف شي اصيده ضد فهد واكتشفت ان :
1- فهد مغازلجي مع سبق الاصرار والترصد والدليل كلماته جيكره حلووووة ... الخ
2- فهد من النوع اللي يمكن يحب اكثر من وحده وطبعا البقاء للاصلح او بالاصح البقاء للاكثر جمال وانوثه
3-فهد ينظر للجمال الظاهري ويمكن تكون صاحبه هالملامح شريره هههه شرشبيله لان الحلو مايكمل
لذا حكمنا ههههههه اقصد اشوف فهد متهم بنوع من سوء الاختيار <<< قاضيه
انا اكتشق البراءه من حديث الانسان وتعامله مع الاخرين وحدوود هذا التعامل
موضوع جميل جداااا
تحياتي لك

Unknown said...

انشودة المطر:
اول شى اشوة اشوة وهم بعد اشوة انها بس قصة
الولد انلعن خيره بسبة احكامج الحنطفيسية

:))
بس على العموم قراءة مشكورة وتحليل امتن لج بالشكر الجزيل عليه
ومرور ولو انه متأخر بس حياج باى وقت البلوق مفتوح 24\7
بدون اكل ومشروبات :)

بنت الديــــره said...

اهلا وسهلا مشاري
انا دايما اجيك على البلوق تبعك تعجبني مواضيعك بس سبب تاخري اهو اني اكتب الكومنت تبعي بس مايطلع لي مثل اول اذا بعتمد الكومنت او لا وهالشي ماعرفت شنو سببه حتى البوق تبعي موقادره ارد على التعليقات مادري شنو المشكله
وبالنسبه للموضوع هذا تحليل مصغر لحاله فهد <<< ماجاه شي هههه
واعتقد منطقي لدرجه معقوله
واتمنى اتمنى اتمنى انك ماتكون فهد
لانك لو فهد سيكون العقاب اقصد التحليل عسيرا <<< ياويله ههه
تحياتي وبالغ شكري لك ع مروورك الكريم

USsin82 said...

wow

nice feeling

:)

Unknown said...

أنشودة المطر : اهلا وسهلا :) بس مو انا فهد
انا مشارى :)

Unknown said...

Plastic Lips : thank u dear :)