الطموح و العمل والمثابرة والالتزام وقليل من المشاغبة تكون الحياة ناجحة

Wednesday, January 10, 2007

من ذكريات الشباب البائد





أنا والحمن

الحمن تصغير لاسم عبدالرحمن كنا باولى ثانوى وكان عندنا مادة اسلامية
وكنا شياطين بس بما انى بو قلبين كنت اخاف على الدرجات وايد تفاجات او شهر والا المدرس حاطلى الدرجة على الحفة ( إسلامية وعلى الحفة) يا شماتة ابلة طازة فيك يا مشارى

المهم رحت حق المدرس قتله انا خلاص بانصلح والله الحمدالله هدانى واببك تساعدنى ثانى شهر وقام يعطى فينى المدرس محاضرة بالصف لانى يبت العلامة الكاملة الا وقام ويقول شوفوا اخوكم مشارى الله هداه وصار من الشباب الممتازين والحمن قاعد وراى وينغز فينى ويسب شلون قلبته جذى

احتر الحمن والا تضبطلى المدرس قتله امش رحنا حق المدرس كلمته وقلت نفس الكلام جان يقول عبدالررررررحمن؟؟؟؟

لا لا لا ده صحيح الله بيهدى من يشاء

المهم دش الصف ونفس المحاضرة اللى قالها فينى قالها عن الحمن بس الاخ حمنى يسكت ؟؟

قاله أستاذ بهالمناسبة انا اليوم راح اقرأ قران

قلت لا يا حمين وديتنى بداهية انا سااااكت ولا كلمة

قام الحبيب وخذى الكرسي اللي قاعد عليه وراح قعد مكان المدرس والمدرس يقوله اقعد على الكرسي مالى يقوله لا انا ما ارتاح الا على كرسى انا

قعد الحبيب وجفت ايده يعنى ضمها الى صدره وبدأ بالترتيل على الطريقة المصرية

اعوز بالله من الشيطان الرجيم

اشوى والا حمين يكعكع ما قدر يمسك نفسه والمدرس عيونه اطلعت

الله يلعنك اعوذ بالله منك انت شيطان ويطرده بره

واخوكم مثل التوتو قاعد ولا كلمة

من الرحلة

تتعرف على أشخاص غاية فى الروعة وتكتشف المعادن الطيبة خلال هذه الرحلة المباركة كسبتهم كاخوان واشقاء

موقف سريع

ونحن نريد الخروج من مِني والا سيدة كبيرة بالعمر معانا يتسكر عليها باب الحمام وتعال فجج وين تدخل بين الحريم وتفتح الباب؟؟

34 comments:

White Wings said...

بس لا تقول حريم يا أخي
:)
ومو حرام عليكم هالألاعيب على المدرس؟ الحمدلله الليبراليين ما عندهم هالسوالف :) وتكفه لا تقول شي يزعلني
:)
صحيح السفر يقرب الناس ويخلق بينهم صداقات أحياناً أقوى من روابط الدم، الله يديم عليكم طيب الصداقة
ما رويت لنا نوادر الحج، نعلم بالجانب الروحاني، بس مافي جانب فكاهي؟ يعني ماصار لك مواقف مضحكة ومحرجة هناك؟ لا بد لكل الحجاج من هذه المواقف
:)

Om Jaber said...

7elwaaa ya 7amanyyy.. 7elwaaaaa ;D

KQ8 said...

اثاريك طلعت بوقليب..!!

بس تبي الصج الواحد لما يرجع ورى ويشوف ونفسه ايام الشطانه ويتذكر زملائه الشطار يتحسف يقول ليش ما صرت شاطر مثلهم وشديت حيلي

بيه رديتنا ورى وايد..اياااام

Kuw_Son said...

لوووووووووووول

أعوز بالله من الشيطان الرجيم !!

والله فلم هذا الحمن !!

sologa-bologa said...

الله ذكريات المدارس
عجيبة
نتذكرها ونضحك
:)


وأعوز بالله من الشيطان الرجيم

:))

esTeKaNa said...

ذكرتني بروحي وبعض الناس
نقعد ورا بعض
ونسولف بكل الطرق
نكتب
ونقرق
ونكركر
ونحش احيانا
بس حزة الحزة كانت درجاتنا جدااا مهمه
:D~
ياحليل الحمن والله ماهو هين
وفعلا السفر اهو المحك والفرصه الاكيده اللي تخليك تعرف معدن صاحبك
:)

Anonymous said...

وكااااااااااااااااااااااااااااااااااااااااااااااككككككككك
والله شطانه ;p
ولد عمي شموديك الحج وما قلت لي =S afa wallah ;p

تقبل الله طاعاتكم يا الغالي وناطرين جديد بوستاتك =")

Anonymous said...

لووووووووووول ذكريااات حلوة بالاخص ايام الدراسة( المدرسه) انا الحين بالجامعة بس مااحس بنفس متعت الثنويه،، فعلا كلامك صحيح في ناس تحسهم من ذهب بس الحياة ماتعطيك الفرصه انك تعاشرهم يمروون بحياتك وماتسمحلك الظروف انك تقابلهم^_^

ReLaaaX said...

ماشالله صكيتو على مدرسة المشاغبين ;p


والله ايااااااام


وفعلاً .. ياحلو هالفرص اللي تجمعنا بناس ماتوقعنا بيوم ان نعرف مثلهم :)




والموقف مقروووووده .. يالله كل شي بأجره بعد شتسوي ^_^

Mamloo7a Q8ia said...

طلعت بو قليب يا مشاااري؟؟؟
يا حلات ذكريات الطفولة والدراسة
بس الحمن عجييييب يا خف طينته
وفعلا ساعات نلتقي ونتعرف على اشخاص ودنا انا عرفناهم من زمان من طيبة اصلهم وطبايعهم

مسكينه الله يعين وشتسوي الظروف لها احكام

3ateeja said...

ذكريات المدرسه ....ماكو كلا نايمه ...
بس اللي صاكعليها باب الحمام فلم وخاصه روايح الحمامات بالحج ..اعوذ بالله

7osen said...

احلى شي اعوز بالله من الشيطان الرجيم

ضحكت عليها

حلوه ذكريات المدرسه والشطانه

بس تصدق مبين عليك شاطر ،، صح ؟

Cr8ivia said...

ههههههه شكله كان نزقه يحليله :P
انصحك بتمرير البوست لعياله

ماشاء الله عليك ما توقعتك شاطر :P

Unknown said...

White Wings : ما اقدر اعيش بدونهم هم ملح الحياة يا سيدتى العزيزة :)

الليبرالين ما يداومون لان حزتها غرقانين بالخرافات :)) الكلامية

صارت سوالف بس قاعدااجمعها بمخى واقولها فى وقت لاحق انشاء الله

Unknown said...

Om Jaber: مشكورة يا ام جابر:)
وحياج الله

Unknown said...

Krakatoa : يا عزيزى انا كل اتخيل ايام المدرسة شلون كنت الصبح اكل مرات همبرجر
الله يزيد النعمة
من المقصف

بس الشطارة هذى كانت حاجة
كانت الصورة واضحة جدامى ان اذا ما تفوقف راح اودع وهذى كلها من نعم رب العالمين :)

Unknown said...

Kuw_Son : الحمن الحين يتكلم فرنسى شتقوووول انت :)))

Unknown said...

sologa-bologa : هذا غيض من فيض كنا نروج ابداعات المشاغبة
بس لكل حادث
وصدقنى ذكريات ايام الدراسة اهيا اللى تظل بالمخ :)

Unknown said...

EsTeKaNa : عرفت عرفت عرفت منووو بعض الناس بس عاد شكلهم حدهمممممم قلبييييييين
بس تصدقين احلى شطانة وشطارة :)وناسة احس ما ينخاف علي الواحد

الحمن يا عزيزتى الحين يتكلم عربى
وانجليزى
وفرنسى
وشوية المانى
المشكلة ان الحمن اسمرانى وشاق الارض وطالع
لى اليوم الله يعين مرته وعياله :)

Unknown said...

FatmaQatar : شلون اقولج وانتى صارلج دهر مو مارة وينج انتى شنو هالغيبة عليج تأخير وغياب:)

حياج ولا تقطعين وايد

Unknown said...

Anonymous : عيل شدى حيلج وتخرجى انشاء الله :)
واليوم اللى تروحين تستلمين فيه شهادتج راح يمر كل شريط ذكريات الدراسة جدامج لان خلاص خلصتى :) ماكو بعد دراسة

Unknown said...

ReLaaaX : وجود ناس حواليك تحس انهم قراب ترى مو شى سهل ويمكن وقتنا الحين خله هالامور غريبة علينا

وعلى طارى مدرسة المشاغبين على يوم اكتبلج سالفة مدرس الانجليزى هذى صج مدرسة المشاغبين :)

Unknown said...

Mamloo7a Q8ia : كنت اخااااااف على الدرجات بس ما اعرف اقعد مؤدب يا اما نايم يا اما مسوى لوية
والحمن صج كان خفيف طينة
وهذى الحياة :)

Unknown said...

3ateeja : نايمة ؟؟؟؟؟
طلعت الصجية يا عتووووج :))

بس المسكينة عاد مرة ذربة راقية وفوق هذا خواااافة :)))

Unknown said...

7osen : بالثانوية كنت متفوق بس مو تفوق قوى
بالجامعة كنت من اوائل الجامعة
بالماجستير كنت الاول على الكويتين
وتقريبا الثانى على تخصصى او الثالث
لان ماخذ الماستر بره الكويت

تقدر تقول ما احب احد جدامى مو شطارة :)

Unknown said...

Cr8ivia : عياله؟؟؟
ليش شناوية اهو لى الحين هذى سوالفى تقريبا يتكلم يخلى الواحد يضحك

لا توقعى شاطر ومن اللى كرمهم بابا جابر الله يرحمه

حسام بن ضرار said...

ساعات الاسلامية دايماً تكون مادة للتندر والشطانة اذا كان المدرس ضعيف الشخصية


قبل عندنا استاذ اسلامية يقول : انا مكنتش ناوي اتخصص اسلامية
بس دخلت صيدلة وكانت صعبه عليه فملئيتش كلية احول ليها غير الشريعه


ماشاء الله .... قمة القدوة يا استاذ

هذا شي تقول له لطلبتك؟


وحمين نموذج لكثير من الطلبه في ساعة الاسلامية

:)

Unknown said...

يا بوضرار اذا المدرس يقول جذى هذا يسلق بيض احسنله
هالقدوة عوية وحوسة
والحمن كان مش عاتق مثل ما يقولون لا اسلامية ولا انجليزى ولاعربى
الله يذكره بالخير

Amal said...

مشاري,,
أسمح لي أسجل أعتراضي على كلمة الشباب البائد!!!

كوني من سن مقارب لك,,,

حرام عليك,,
نحن في حالة شباب متجدد,,

شنو بائد؟!!!

ودمت شابا,,
يا حجي مشاري:)

charisma said...

يحليله الحمن
:))))

ايام الدراسه ما تنيسى
وصج سوالفها اتموت ضحك


وصج يا حلو رحلة الحج والناس الى تتعرف عليهم من هالرحله
ناس تجمعك معاهم ايمانيات وروحانيات
انا شخصيا كل ما انتقابل اتذكر ايام الحج والله انت تغورق عيونى

الله يعودنا على امثالها يا رب

Unknown said...

amal : ياه يا ابله امل
هذا انا شاب وراح اظل شاب واموت شاب:)لا تخافي بس هذى لزوم الشئ اعلاه :)
وشبابى متجدد متجدد متجدد
ياحجية امل :)
مشكورة على الاعتراض الايجابى :)

Unknown said...

charisma : اول شى اهنيج على قدومج فى عالم البلوغرز ولى الشرف انج تزورينى :)

الحمن بدعة من البدع الجميلة فى هذا الزمن

ورحلات الحج قد تكون مميزة لان النفوس تكون على فطرتها صافية ما فيها الشحن النفسى
وعسى الله يكتب لنا مرات ومرات :)

Nora said...

وعليه .. هذا انت و الحمن ؟
و الثالث منو ؟؟

اوكي .. مدرسة جيبوتي المشتركة ؟؟
عشان ادور
ال
year book

;pPp

على طاري بعض الناس
ترى بس تضحك ما تسوي شي اللي فووووق

اخر سنة وصلنا مرحلة أف ام واهداءات
!!

احم احم .. انا المطربة بحصة العربي
تخيل
!!
عطتني 16
!!

انااااااااااااا بحياتي ما شفتها
:/

يالااااااا
ما عليه السموحة قاعدة اسولف عندي فاينل باجر ما خلصت دراسة هاهاها
:)))))

Unknown said...

a7La eNG : لا انتى نايمة نايمة قعدى درسى مالنا خلق 14 و16
مع ان عندج مشكلة الثقة الزايدة :)))
تحسبين نفسج احسن من الدكتور :P