الطموح و العمل والمثابرة والالتزام وقليل من المشاغبة تكون الحياة ناجحة

Wednesday, February 14, 2007

النموذج الغبى

دائما نأخذ الاجانب او بالاصح الامريكيين كنموذج لنا وهم بكل بساطة يصنف كأغبى شعب بالعالم وقد يكون هذا الغباء نتاج الرأسمالية والتخصص الزائد عن اللزوم

المشاركة فى انتخابات الرئاسة الامريكية لا تتجاوز 30% وهذا ان ندل على ضعف الوعي السياسي الموجود

لو توقف اى شخص بالشارع وتسأله عن اى حدث سياسي او عملة دول مشهورة كبريطانيا لرد عليك اتوقع انهم يتعاملون بالدولار قد لا تصدقون

ولكن شوفوا بعيونكم

Click وشوفوا الاجابات الغبية



لنهاية الاسبوع

يحتفلون بعيد الحب

وانت تعلمين ان الحب لك طول السنة

وعبق الربيع لا ينقطع من شفتيك

ورائحة الورد الذي اعشق

وعطور العالم التى تجتمع جميعها

فى راحة يديك

حبيبتى

ويا نور هذا العالم الذى ارى

اجدد حبى لك كل يوم

بل كل ساعة

ولكى اكون دقيقا كل لحظة

دعيهم يحتفلون

ويتهادون

فعيد حبى لك يمتد

365 يوم وساعات

43 comments:

Anonymous said...

W O W :)

stunning words wallah....mashallah 3alik


there is a show on Canadian national tv made especially to show how stupid Americans are...its called Royal Canadian Air Farce :)))

bo9ali7 said...

اعوذ بالله..عاد لهالدرجة
اكثر واحد ضحكني مال القاعده
.
.
.
معك حق..مؤسف ان نختزل حب احلى علاقة بيوم واحد

365 يوم وساعات
تلك الساعات التي ذكرتها
تساوي اكثر منسنة بأكملها

have a nice weekend

حسام بن ضرار said...

موضوع غباء الامريكان من زمان مفروغ منه

بس كشعب تحصل فيه ناس ودودين اكثر من الاوربيين

--------------

اما سالفة عيد الحب فصدقت : انا استغرب من اللي يحتفلون فيه ويخصصون له يوم!

مو المفروض الحب يكون طول السنه؟


صدق الرسول عليه الصلاة والسلام : لو دخلوا جحر ضب لدخلتموه

Anonymous said...

A lame love needs something to support it ! and true love is already supported by it's strength !

Happy all days :)

KQ8 said...

شوف الامريكان اللي فيهم تقدر تسميه غبار او عدم ثقافة بس

لكن ومع هذا شعب مغيب لدرجة غير طبيعية

طبعا نحن نتكلم عن رجل الشارع العادي

ولكن وفي المقابل اريح ناس تقدر اتعامل معاهم وفيهم اريحية في الاكم ماتلقاها في اي مكان ثاني في العالم

PearL said...

عجبني كلامك عن الحب
ماكو احلى من الحب
بكل وقت وبكل دقيقة

Amal said...

مشاري,,,

النموذج الغبي ,عندنا وعندهم منه خير,,,


مبدع أنت في الرومانسية,,,

كل عام وأنت بخير
:)

magnoonah said...

مرحبا

مشكلتنا مو غباءهم مشكلتنا بالعقول الي عندنا الي للاسف نامت وصحت على التقليد الاعمى والركض ورا الشي السهل
وبالنسبه لغباء الغرب اعتقد انه شي قديم يكفي بس انه ثقافتهم مبنيه على اسس العلم العربي




بالنسبه للحب صح لسانك هذا الي قلته لرفيجاتي اليوم الحب مو انك ما تحب اليوم بس او ليوم واحد بس الحب شي موجود بكل لحظه ودقيقه وثانيه

تحياتي

Purplecious said...

أمريكا بحكم انها دوله كبيره وتعداد شعبها يعادل أضعاف أضعاف بعض الدول

فبالتالي لا تتوقع منهم الثقافه و العلم

و احنا بالكويت بحكم المساحه و الدول المجاورة و تأثيرها علينا فشي طبيعي يكون عندنا ثقافه و معلومات من المدرسه

بس بامريكا أتوقع مناهجهم بس يدرسونهم عن ديرتهم و تاريخها و يالله يلحقون

حتى التلفزيون و وسائل الاعلام ترى ما عندهم اطلاع الا على اللي يخصهم
ضرايبهم
تأمينهم الصحي
معاش التقاعد
تكاليف تعليم عيالهم

مالهم شغل بالسياسه الخارجيه

ترى الانسان الأمريكي وايد بسيط
بس اعلامهم الخارجي مسوينلهم هاله و هولليله و بروبجندا و كل المصطلحات اللي بالدنيا عشان يوهمونا ان الشعب الامريكي احسن شعب بالعالم و مرتاح بدنيته

بس الصج حاله من حال كل البشر

انت اصلا شفتهم شلون يتطنزون على رئيسهم بوش و غباءه؟!!؟

هههههههههه

ــــــــــــ

كفو كفو
هذا الحجي السنع

مو احلام و خرابيط و بسكوته و فتفوته و مادري شنو

تستاهل ام العيال

بس ترى السنه اليايه سنه كبيسه دير بالك

هههههههه

sologa-bologa said...

يعطيك العافية
يمكن راح اختلف مع بعض الآراء

أصل وضعي مختلف
:)

ما أعتبر الأمريكان أغبياء بسبب بعدهم عن السياسة
بالعكس أعتبر عندهم وعي
لأن حياتهم موزعة على مجالات الحياة كلها
خصوصا الاجتماعية والانسانية
لأنها تتعلق فيهم بشكل مباشر

احنا شاللي ذابحنا إن كل من هب ودب يبي يتكلم بالسياسة وننسى المجالات الانسانية الثانية



وصح لسانك على تلك الرائعة
ومثل ما قلت الحب لازم نعيشه 365 في السنة والساعة والدقيقة بعد

لكن نحتاج يوم واحد نعبر فيه عن الحب
يكون يوم استثنائي
يعزز هذي المشاعر المستمرة طول السنة


ودمت عزيزا

Purplecious said...

مشاري

ترى قررت اعطيك الخاتم مال سلوقا هديه اذا ياني

لاني مادري شنو راح اطلب و بتحسف

و انت اولى و ما عليك حسوف

شفت شلون انا طيبه و كريمه

احم احم

Sama Oman said...

شكراً لك
لقد أسعدني كلامك من قبل و الان

Mohammad Al-Yousifi said...

ما تتعب من الحب 365 يوم بالسنة؟

تعب والله تعب

afyaa2 said...

مشاري ..

عندهم غباء ..

نعم ..
لكن عندهم تطور ..

لا ننكره ..

كل ماشاهدت اوبرا او د.فيل
شعرت بل وايقنت ..
بتفكك هذا الشعب وسطحيته ..

ودمت ودامت لك حبيبتك ..

sOulvOice said...

الحب راح مع ايام عبدالحليم اما هالايام قد تجد حب بس ماكو وفا له




سؤال بسيط:


فعلا تعتقد ان الحب ممكن يكون بالطريقة اللي عرضتها بنثرك؟؟بصيغه اخرى هل اللي كتبته ممكن انه يطبق على ارض الواقع ام انه خيال جامح لزوم اثراء النص؟



مشكور على الفقدة في بوست العزيزة تويتي:)

Anonymous said...

الحب إحساس رائع وجميل وأنا أعتقد أن الحب هو أجمل إحساس قد يشعر به الإنسان في حياته سعيد بالتعرف عليك وسعيد بالكتابة لك بقلم شباب روش طحن

Anonymous said...

وأوافقك علي كلمه جميلة كتبتها أنت وقلت من يتألم كثيرا يشعر كثيرا بجد كلمة غالية جدا وأنا حاسس بيها جداا بقلم شباب روش طحن

Яeema said...

معروفين الأمريكان من زمان إن ما يعرفون أي شي عن السياسه الخارجيه
و أعتقد إنها مقصودة


بس إسمحلي

إهيا نسبه و تناسب

لأن الدوله تعتبر قارة


فمن الطبيعي نسبه أميه المعلومات تكون قليله

إنت إخذا مثال

جم واحد فينا يعرب أي شي عن أمريكا الاتينيه؟

أو دول آسيا

و بعدين أهما شعب ما يسافر
فمن وين يتعلم عملة هالدوله



و بعدين لازم ما نبخصهم حقهم

ناس فيهم ضمير بالشغل
و ما في بالهم إلا التخصص إللي يعرفون له


بس بما إن إحنا شعب يحب المعلومة عشان يماري فيها

فمن الطبيعي إن تكون عندنا حصيله معلومات عامة

بس كلمنا عن شنو سوينا حق البشريه



أقولك بالمقارنه بإللي سوووه؟
نقطة في بحر




إخذ إنت مثال
إذا بتحب 365 يوم بالسنه وييين فاضي بتخطط حق مستقبل الأجيال القادمة

:p

Nora said...

loooool
و يصورون معاه من صجهم وعليه
يقول لها شفتيني بالتلفزيون تقوول
اييييييييييييييي
;)

---
عجبني حرصه في أن يكون دقيقا
:)
بس وردتي أحلى
;P

الاء سعود المجيبل said...

عجيب الكلام اللي كتتبه...اي والله مو بس يوم يكفي او يثبت الحب اللي بقلوبنا...:)


يعطيك العافيه...:)

tweety said...

أنا ما أعتقد في قاعدة ممكن نعممها على شعب كامل لا يمكن يكونون الامريكان كلهم أغبياء أو كلهم جهابذه

مثلنا في من يفهم وفي القواطي وفي اللي يتفلسفون وايد واهم بينهم وبين الفهامية درب طويل وكله مطبات

بس معروف أن الامريكان أقل متابعة للأخبار الخارجية ومو ذاك الزود بالجغرافيا أنا خبري هذا قبل بس عقب الاحداث الاخيرة صاروا شوي أحسن من أول

3ateeja said...

لللأسف سطحية الشعب الامريكي ...بدأت تمتد لنا ...فالشعب الامريكي اغلبه في يعيش في قرى ومقاطعات ..وليس كله يعيش في صخب العاصمه والعراكات السياسيه ....فأهتماماته منحصره في الاسره وقوت اليوم ...بعكس الكويتي ...اللي اذا ما تحجى بالسياسه تييله ذبحه صدريه ...

Unknown said...

Ghasheema :مشكورة وايد على هالمدح
والامريكين قصة عجيبة غريبة :))

Unknown said...

bo9ali7 :بهذى اتفق معاك اهمو ايد ودودين اكثر من الاوربيين لان فيهم نعرة هذيلة

مشكلتنا فى الحب
ان لازم نصير نفس الغير علشان نحب؟
احس ان هالشى غلط

Unknown said...

حسام بن ضرار : المشكلة يا بوضرار ان الناس دايما يعاندون اى شى اذا كان مقابل الدين
وصار التمسك فيه كأنه عيب

الرسول عليه الصلاة والسلام يوم قال رفقا بالقوارير ما كان يعنى بس المعاملة الحسنة
الرفق فيه عاطفة لو كان الناس شوي تفكر لكن وين
طايريين بين الفالنتين وستار مرض

Unknown said...

True Faith : صح كلامج بس مو الا بهاليوم من السنة انا باخليه يكون اى يوم انا اختاره
مو الا امشى مع الناس

Unknown said...

Krakatoa : صح وايد مريحين بالتعامل لكن الثقافة جزء من شخصية البنى ادم
مو لهدرجة يعنى ما ادرى الدولة الثانية شنو عملتها ودولة كبيرة مو صغيرة

Unknown said...

PearL: بالنسبة لى وايد احسن من لما اكون امعة ولاحق الاوادم على الفاضى :)

Unknown said...

amal :
عندنا بلاوى
الحين قاعدين يهدودنا والناس نايمة ورى ستار مرض

ومشكورة وايدة على المديح :)

Unknown said...

magnoonah : شوفى احنا مشكلتنا وقفنا وما تطورنا
لكن اهم كملوا ويمكن اللى فادهم ان عندهم قلة حكيمة قادت ولكن احنا كثرة متخلفة قادت مجتماعتنا


وبالحب يا عزيزتى الانسان يعبر عن حبه باى وقت مو بالضرورة بهاليوم من السنة اللى الناس مرات احس شكلها يضحك والا تزعل ماكو حبيب تكون وياه فيه

Unknown said...

Purplecious : صح انا معاج ان اهتمام الامريكى بس بالامور اللى ذكرتيها
وهذا يسمونه بالاقتصاد
نتاج الرأسمالية


اما بالحب
راح اكتب عن البسكوته
والبرد
والنظرة الشرسة بعد :)))

الخواطر مو بالضرورة تكون واقع :)

Unknown said...

sologa-bologa : لا عزيزى
اهم ما يتكلمون بالسياسة لان مو اهتمام المواطن العادى لان يشتغل مثل المكينة
واهم مو مربوطين بتغيرات سياسية

احنا اى تغير سياسى يأثر على حياتنا وهذا السبب اللى يخلى كل واحد يتكلم بالسياسة لانها تمس مصلحتنا الشخصية
يعنى ما اقدر اقول حق كويتى لا تتكلم عن المفاعل النووى الايرانى واحنا اقرب دولة ممكن تتضرر
منطقتنا ساخنة

اوكى انا باحدد يوم ثانى غير14 فبراير

باخيله 9-9
احلى شكله

Unknown said...

>>Sama Oman<<
شكرا لك انت ومرورك يسعدنى :)

Unknown said...

kila ma6goog : لو قالولك كل يوم اكل عسل
بس يوم اسود
يوم ذهبى
يوم مخلوط
ويوم مع قيمر ؟
تستلذ والا تتعب
;)

Unknown said...

afyaa2 : صح انا معاج عندهم تطور وكبير بعد بس التفكك انهار مجتمعهم فيه

شكرا لك:)

Unknown said...

sOulvOice : انتى من وين طالعة شنو هالغيبة

قاعد اكتبلج الكومنت وقاعد اشوف عبدالحليم وفلمه الوسادة الخالية :))

بس صدقينى لو عندنا رجال اذكياء بالحب وحريم بنفس هالشغلة ما تشوفين جذى يصير عندنا
بس المشكلة الانانية موجودة
بين الطرفين كل واحد يبى وما يبى يعطى

Unknown said...

Anonymous : الحب احساس جميل لو تعاملنا فيه بذكاء
ولكن الحاصل اننا فى زمن الانانية مع الاسف اتمنى ان تعود الحياة لطيبتها

ومن يتألم كثيرا يعرف كثيرا كلمة تأثرت بها كثيرا من استاذ لى كان فى ايام الدراسة
بمقدار ما تحمله من الم بمقدار ما يولد لديك الدافع لمعرفة الجديد والتقدم

Unknown said...

Яeema : يبه مو الا يسافر الحبيب يسأله يقول شنو ديانة اسرائيل يقوله مسلمين
يعنى معلومات عامة يوووك
ما قلنا يبه صيروا فطاحل لكن معلومات بسيطة مو الا يصيرون افلاطون وربعه

انجلترا ؟؟؟؟ ما يعرفون عملتها؟ تكفين وين قاعدين


ويعرفون شغلهم صح
لان بالاقتصاد يسمونه نتاج الرأسمالية اللى يحيد العقل ويخليه متعمق بالتخصص زيادة عن اللزوم

Unknown said...

a7La eNG : وردتج ؟؟؟
حركات بعد

:))

والله من ثوالتهم واقف ويصيرون معاه

Unknown said...

Q8ya : لو كان يوم واحد يكفى
جان الناس تكره طول السنة وتحب بهاليوم وخلصنا

Unknown said...

tweety : انتى وينج لا بوست يديد ولا شى شفيكم جذى صايرين ملق :(
المهم
انا اتفق معاج ان ما عندهم اهتمام بالامور الخارجية
لكن فى امور اساسية يعنى شغلات بسيطة
شنو عملة انجلترا
شنو ديانة اسرائيل
الحبيب يقول مسلمين ؟
:) يا ستى كله بطاطس

Unknown said...

3ateeja : والله صدقينى لان احنا يسمونه بؤرة الغليان
والناس تشوفنه بره ان احنا سبب كل مشاكل العالم العربى شلون ما تبين نتكلم بالسياسة ؟

Kuw_Son said...

يا بختها .. عسى الله يهنيكم :)

كلمات رائعة يا مشاري :)