الطموح و العمل والمثابرة والالتزام وقليل من المشاغبة تكون الحياة ناجحة

Tuesday, February 06, 2007



عندما كانت الكويت جميلة







ذكرى رقم واحد
CLICK



ذكرى رقم اثنين CLICK



ذكرى رقم ثلاثة CLICK



ذكرى رقم اربعة
CLICK


جميع ما هو موجود ذكريات لبلدى عندما كانت البراءة والتواضع والعطاء والخوف على الاخرين
كم اتمنى ان ترجع هذا النوع من الفن البرئ استغرب من الذي يقول ان هؤلاء عورة
اقترح بجلب فتيات غير بالغات علشان ما يقولون انهم عورة

دمتم بخير ودامت بلادى بجمال وعطاء
متفائل بأن الخير موجود وان الكويت سترجع الى المقدمة ولكن يجب علينا اولا ان نجعل نوايانا سليمة بدلا
من الحسد الذي يأكلنا


عطلة نهاية اسبوع سعيدة

40 comments:

amal said...

مشاري,,,
الصراحة طلعت فيها!!!

ذكريات جدا جميلة,,,
من منا لا يحفظ كل تلك الأغاني,,
عن ظهر قلبه,,,

كانت الكويت جميلة,,,
ولا زالت,,,
وستبقى كذلك,,,

لا نملك الا التفاؤل بمستقبلنا,,
ومستقبل أبنائنا,,,

وبيرقنا منصور أن شاء الله,,
مثلما تغنى أجدادنا
:)

::heba:: said...

وما اجملها من ذكريات
العفويه تملئها
الكويت جميله ومازالت جميله
يامشاري ...لكن الناس هم من يحكمون
عليهابالفشل ....

احب الكويت
واحب ارضها
واحب كل من يحبها

شكرا مشاري :")

ToFFeY said...

دايما كويتنا حلوه يا مشاري
بس تقدر تقول النفووووس تغيرت وغيرت كل شي

ربي يحفظ ديرتنا وترد مثل ما كانت داااااانه الخليج

تسلم على هالبوست الرائع

bo9ali7 said...

انت ساحر؟
ماشالله عليك
عاد امس بالليل كنت فاصل على هالاغاني
وبعد زيد عليهم "بلادنا حلوة" هالاغنية تعورني
اخوي هالايام الحلوة راحت..بس اعتقد انها راجعه
have a nice weekend

Doctor said...

والله يا مشاري قلبت فيني المواجع وانا بعيد عن الديرة فعلا اغاني ولا اروع

Doctor said...

دائما اتذكر مقطع اغنية لسليمان الملا وهو "اترابج احنا نبوسه لو يحصل ماندوسه" فعلا الكويت غاليه علينا كلنا والله يحفظها من كل شر

Krakatoa said...

ياعيني ياعيني عليك..شوف شلون الحماس في الاغاني من قلب والله من قلب

Purplecious said...

روووووووووووووعه

و غاليه يالكويــــــــت
غاليه علينا بلادنا غاليه علينا


و الله الله... الله يخليها لنا الكويت ديرتنا و يحميها من كل شر
امين امين امين اميــــــــــن

ReD Lady™ said...

allah y5leha lna enshalla .. wy7f`6ha yaaaarb ameeeen ..
wenshaalla trd methel 2wel w a7san ;)

thnx 3la elthkryat ;)

ReD Lady™ said...

allah y5leha lna enshalla .. wy7f`6ha yaaaarb ameeeen ..
wenshaalla trd methel 2wel w a7san ;)

thnx 3la elthkryat ;)

ام الحفيز said...

مشاري

انت ملك في هالبوست ياربي صج شي يشرح الصدر.....وانا متأكده كل هذا راجع بعون واحد احد بس لو الله يفكنا من هذول الي حاطين عمرهم وصايا على المجتمع جـــــــــــــــــــــــــــان احنا بخير

بنت الشامية said...

مشاري تره طلعت طلعة قوية اصابتالقلب وعورته
مشـــــــــكور

بس اللي خايفه منه إن حتى هالاغاني عسي ما يحرمونا منها!!! ونصير ميح بلا اغاني وطنية من غناء عيالنا

لان اكثر الاغاني عن بابا جابر الله يرحمة ويغمد روحه الجنة وعن بابا سعد الله يشفيه

Breeze said...

إي والله صاج ..

هذي الكويت صل على النبي .. أحبهـــــــا وأحب حروفها وكل شي فيهااااااا !!!

تسلم على هالموضوع ..

عطلة نهاية أسبوع سعيدة لك ايضا
;)

عــــاشــــه said...

مشاري

إن شاءالله الكويت دايما
شامخه

هي عزنا نحن ياهل الخليج
ترا حتى نحن هاي كويتنا
من يوم نحن صغار نحلم إنه نكون لو مثل ربع الكويت
كانن العياييز يقولن إن مارحت الكويت جان وليت

كتبنا ولبسنا وجرايدنا ومجلاتنا كلها من الكويت

لين الحين محتفظه بكتبي من يوم أنا ياهل وعليها شعار دولة الكويت

وبلادنا حلوه .. حلوه

www.7rouf.com

bazoon said...

مشاري ,,,

عندما كنت صغيراً وجميلاً

كانت الوردة داري والينابيع بحاري

صارت الوردة جرحاً والينابيع ضمأ

هل تغيرت كثيراً؟

ما تغيرت كثيراً !!!

آآآآه يامشاري ؟؟

عبدالوهاب البياتي

حسام بن ضرار said...

شسويت فينا ياخي

خنقتي العبره وانا اتذكر هذيج الايام

آآآآآآآآآآآآآآآآآآآآآآآآآآآآآآآآآآآآه



كنا متابعين لهل الاغاني يوم كنا يهال

حتى اذكر وحده من هالصغيرات متحمسه وايد ومكياجها يضحك

طلعوا عليها اشاعه،،، يقولون كانت تسوق قاري بكيفان وطاحت في بالوعه على اذان المغرب جان يلبسها جني

آآآآآآآآآآآآخ


راحت ايام الطفوله


ياليتني ارجع خمسه وعشرين سنه ورا


عورت قلبي

3ateeja said...

احلى شي طلعنا من باب السور ترى في بينهم وحده تشابهني
;p

Mamloo7a Q8ia said...

الله يا مشاري يا وخيي
على ذيج الايام وذاك الزمان
هيجت علينا الذكريات
ايه والله جابر ابونا من عرفناه
الله يرحمه ويغمد روحه الجنه
ومنو اللي يحميها
احنا احنا
ايام الكويتيين كويتيين بدون هاللفو والهيلق اللي الحين تارسين الديره ومحسوبين كويتيين
لا ولائهم لها ولا لمصلحتها يشتغلون مع الاسف
الله يخليها لنا ويحفظها من الفتن
ومن طلعنا من باب السور واحنا منعفسين والعالم حاطه عينها علينا

الله يعطيك الصحه والعافية على هالبوست الروعة

Ghasheema said...

LOL @ husam be therar's comment :D

6ala3oha min albalo3a wala ba3d :)


wallah you made me homesick ya mishari

mashkoor 3al link

Dana__23 said...

إي والله يا مشاري أيام قبل كانت وايد أحلا من ألحين كله حسد وغيره وقيل وقال !!
صراحه أنا أشجع إنهم يسون نفس قبل ويختارون بنات صغار لأنه هذا عمل وطني ..
أنا إختي وأخوي شاركوا بالحفلات هذي وكان شكلهم تحفه لوووول ;p
قواك الله أخوي مشاري على هالموضوع الحلو :)

TeKana said...

ياسلام على هالاغاني الروعه صج ذكرتنا بايام البراءة والكويت الحلوة
انا من اسمع اغاني جذي اعيش بجو ثاني وافصل عن العالم
كل اغنيه من هالاغاني لها ذكريات معانا وعلى طاري تعليق ضرار ان في وحدة من اللى يرقصون طاحت ببالوعه .. هم قالو عن البنيه اللى ترقص جدام ام شعر طويل باغنيه منو اللى يحميها انها حسدوها على شعرها الطويل ومرضت! مساكين بنات الاوبريتات مستلمينهم اشاعات :P
اسفه قرقرت وايد بس قريحتي انفتحت من شفت هالاغاني :)

الحجيه said...

السلام عليكم جميعا
أخ مشاري
مشكلتنا بالأشكال ألي يفوزون بالمجلس لا ثقافة ولا خبره بالحياة ولا حتى أسلوب بالكلام !؟
مع الأسف أصبح مستقبل البلد بأيديهم فتخيل ما هو مستقبل البلد الكل يتكلم عن الفساد من هو بطل الفساد اغلب النواب حتى يثبت نفسه للانتخابات المقبلة يتخطى القانون ويتعدى على كل شيء حتى المجرمين يتوسطون لهم بأقسام الشرطة لإرضاء الناخبين
وتفننوا بقتل الروح الوطنية لان اغلبهم تجنس وليس كويت الأصل المشكلة ومع الأسف استغلوا الدين لتحقيق أهدافهم الغير نبيلة .
مع الأسف أصبحت الكويت آخر عربه بقطار التطور .
لازم نتكاتف ونعيد الكويت لسابق عهدها ونترك النواة الخبيثة ونجعل النية الصافية أساس تعاملنا
ولا نقحم الدين السمح بأمور ومكاسب سياسيه
كنا نستمتع ونقوي الروح الوطنية بحفلات المعاهد
كانت أساس كل عيد وطني تعطي الأطفال والشباب جرعة حب للوطن ويظلون طول فترة ألسنه يتغنون بالأناشيد ألوطنيه إلى أن يأتي العام الجديد وحفله جديدة ليش وألف ليش النظرة الغير شريفه والنية الخبيثة للحفلات البراءة وحب الوطن
أخ مشاري عورة قلبي شنقول الشكوه لله

mishari said...

amal : ودى اتفاءل يا أمل بس اللى قاعد اشوفه يحبط وما ادرى فعلا ودى اسوى شى بدلا من التحسر اللى طاف

mishari said...

::heba:: : العفوية انفقدت والبراءة راحت شوفى اليهال لو ايوبنهم الحين وشوفى المشاكل من ورى المراهقين شنو راح يصير
خليها على الله بس:)

mishari said...

ToFFeY : النفوس تغيرت وطريقة التعامل تغيرت صار فى نفس خبيث بين الناس تحسين ان ماكو عطاء طيب

mishari said...

bo9ali7 : انشاء الله ترجع
وبعدين تقدر تقول هذى توارد خواطر

mishari said...

Doctor : الكويت فعلا غاليا ويكفى عطاءها اللى ما عمره اضمحل على عيالها

mishari said...

Purplecious : غالية بس وايد استرخصوها وخلوها نهيبة الله كريم

mishari said...

ReD Lady™ : الله يسمع منج وترجع احسن من اول الواحد وده

mishari said...

ام الحفيز : المشكلة هالناس لو تصدق النية مع مجتمعها وتدرى ان فى ناس خيرة وايد ومو علي كيفهم جان احنا بخير

mishari said...

بنت الشامية : فى ابوريت جديد هالسنة انشاء الله يكون زين وعلى مستوى

mishari said...

Breezee:مشكورة على مرورج وعسى الله يحفظ الكويت

mishari said...

عــــاشــــه : شكرا وايد
بس صدقينى مو غرور احنا ما تعودنا نكون اقل من غيرناولا نطلب ان نكون اعلى ولكن على الاقل نبى نحس ان فى تطوير قاعد يصير مو نكون بس عايشين على انقاض الماضى

mishari said...

bazoon : الابيات عجييييبة اذكرها غناها خالد الشيخ اعتقد

تغيرت وايد
وخليها على الله

mishari said...

حسام بن ضرار : والله يا بوضرار قاعد اطالع وعيونى ادمعت الحين بس صار همنا المشاكل السخيفة
وفوقها ابتلشنا بامور احنا بغنى عنها بسبب الجهل والسخف اللى فينا

mishari said...

3ateeja : ؟خل ادووووور
اى صوووب ؟؟

mishari said...

Mamloo7a Q8ia : لا عاد الله يهداج لو مو طالعين من باب السور جان متقلقصين احنا الحين وفوق بعض
بس الفكرة ان صح الانتماء الوطنى حتى من ابناء البلد قل او بمعنى اخر صار براجماتى يعنى على اساس المصلحة والتنفيع وهذى بلوة

mishari said...

Ghasheema : بعد هذا اللى صاير يعنى الواحد ما وده بس هذا الواقع

mishari said...

TeKana : اول شى اخذى راحتج وفعلا ترى البنت اللى جدام صج مرضت
لكن بالنهاية الكويت تفتقد الايام الذهبية هذى وعلى الله يا بنت الحلال

mishari said...

بهذى صدقتى المشكلة ان يحطون نفسهم وصايا علينا
بفرنسا اذا صارت مشكلة صار استفتاء عام علشان يشوفون اراء المجتمع اهنى من ينجح النائب ياخذ قرارات بالنيابة عن الدائرة الاخ بدون ما يرجع لهم كأنه وصى

المشكلة ياالحجية ان الشق كنا نقول عود الحين نفتق وصرنا قطعتين وتبهذلنا والله ان قلبى يحترق لما اشوف وين كنا ووين صرنا