الطموح و العمل والمثابرة والالتزام وقليل من المشاغبة تكون الحياة ناجحة

Wednesday, March 28, 2007

الاسبوع المنصرم


حنة ورنة والحين بدت الحفلة

أقدر اسميه اسبوع النكت والمواقف المضحكة

تشكلت الحكومة وفيها اشياء تضحك

وأقرب

عبدالواحد العوضى وزير والله دنيا طبعا شلون وليش ووين ؟

والكلام منو يمدح فيه؟؟ مسلم البراك ؟

شلون ما ادرى حكومي

وواحد منصب نفسه زعيم اونطه (اقصد معارضة)

المشكلة عبدالواحد احد رؤوس الفساد النيابى بالكويت

حسافة عليج ياكويت اذا هذا وزير اسكانج

يعنى الله يعينكم يا موظفين الهيئة العامة للرعاية العوضية (( السكنية ))

7 صنايع والبخت ضايع

معصومة حزنان عليج والله يا دكتورة طلبتج يحبونج كانوا ولكن دخلتى المعترك السياسى فمن وزارة التخطيط الى المواصلات والان الصحة واعتقد انها النهاية

شاللى قاعدين يسونه فيج يا دكتورة المشكلة انج دكتورة علوم سياسية لا وسياسة دولية يعنى مالج شغل باللى مريتى فيه كلش ملش بس يالله لقب وزيرة سابقة واول وزيرة كويتية حلو

وزيرة التربية

اللى اعرفه واسمعه انج مكروهة من جميع الموظفين بالوزارة فاتوقع بتصيرين مشاشة زفر والله يعينج وبديتها بشغلة فلتة انج بتدخلين المجلس بحجاب طبعا ليش ماادرى بس اللى اعرفه ان لى الحين ما تم تعديل المادة الثانية من الدستور وان الكويت غير ايران ؟

نكتة القعدة وفلة المجتمع

وزير الاعلام عازمى

ورب الكعبة بس اقولها اضحك ما ادرى ليش واغشى

مع جل احترامى للعوازم ولكن اعذورنى الشخص هذا غير مؤهل

والمشكلة بالكويت ارتبطت فيكم النكت نفس الصعايدة يعنى ماكو فايدة

وزير الاعلام عازمي شتبى تسوي مسلسلات2007

جمعان والورعان ( دراما)

عيال عطا بالفضاء ( خيال)

كيف يقحص العازمي بالموتر ( بوليسى)

الحب فى نقعة العوازم ( رومانسى )

عذرونى يا عوازم بس والله ما قدرت يعنى الاخ كان حسب علمى عسكرى شكو يصير وزير اعلام ؟؟

الديرة بربس والله من صج بديت احس ان سالفة الترقيع خلاص ما منها فايدة

قاعدين يخربون الديرة وكل مالنا واردى

اسبوع نكت وملئ بالمقالب الحكومية

75 comments:

بنت الكويت said...

والله من ناحية نكته نكته
ونبدي في عبدالواحد العوضي وزير الاسكان شر البلية ما يضحك الي مدحه مسلم البراك اشدخل معارضة مع حكومه هذا يدل على طيب اصل معارضتنا

ومعصومه اثبتت جدارة المراه الكويتية بتمسكها بالوزارة ولا تقل عن اخيهاالرجل في القتال على الكرسي :)

اما نورية وقصة حجابها قضية الموسم طبعا بعد القروض
بس انا استانست انهم ردوها مو لانها مكروهه لكن لانها ردت بقوة بعدان اصرت على قرارها

اما النكته الكبيرة مالت العازمي فما اقدر اقول الا الي سمعته ان بحول شعار التلفزيون الي جيتي 77

واكبر نكته هي تصريح وزير الصحة السابق صك على جاكليت الحكومه

KQ8 said...

الظاهر ان الجماعة في الاداره العليا للبلاد حسو ان الشعب مبرطم وضايق خلقه قالو خن نوسع صدره ونضحكه شوي قامو وطلعوا هالتشكيل الوزاري

كفاية كلما تشوف طلة العوضي ولا وزير الاعلام

تضحك على اللي حنا فيه

IBN BAHYA - إبــن بهيـــــــــــــة said...

يا سيدي خليها على الله .. ربك يعدلها من عنده .. احمدوا ربك أنكم تستطيعون إسقاط حكومة .. حتى وإن جاء غيرها لا يعجبكم .. صبرا فمازال الطريق طويل

المشكلة في بلد سبق برلمانه برلمان الكويت بمأئة عام .. قرن كامل .. واليوم الكويت ماشاء الله لا قوة إلا بالله .. الله يزيدها خير ورفاه وتقدم .. وبرلمان مصر ... ارمي .. اردم .. برلمان الموافقة .. برلمان البدنجان بتاع الريس سونسون

صلي على النبي واحمدوا ربكم .. والجايات أحسن .. صدقوني أنا خايف على الكويت من الاستعجال .. اهدأوا .. الأمور ستنصلح تدريجيا

أطيب وأرق تحياتي للجميع

! said...

مشاري ,,

منو عاجبك لا اللبيراليين ولا ديينن ولا عوازم ولا أحد ؟؟؟!!


والتشكيلة مو بالمستوى ؟؟

أي تشكيلة وزارية واي مجلس ناتج عن شعب الدولة مو عن جيرانة !!!!!!!

Яeema said...

لبحت لبحت على الإصلاح
هههههههههه
هههههههههههه

يالله إقبض



بقولج شي بس لا تزعل


ممكن تركب علي حصانك و إتأشر علي الحكومه بصبعك


( ما فيش فايدة )؛


يوم أقول بهاجر من هالديرة ماكانت لي نظرة مستقبليه بذمتك؟


ممكن سؤال؟
شتفرق إذا وزارة إعلام يمسكها عازمي و إلا دكتور جراح؟

في أحد معبر الإعلام عندنا؟




++++
علي توريه

شديدة وايد بس كاروفه

إتهقي تقدر إتسوي شي ؟
بتصير وزارة بلا دلع

وصلني مسج إن شعارها
جئت لأنتقم



krakatoa !!!!
you comment bed3a !
looooooooooooooooooooooooooooool
looooooooooooooooooooooooooooool

ديرتنا
مالها إلا الدعاء

و الدعاء يرد القضاء

Purplecious said...

أي والله
لوووووووووووووووووووول

بس يمكن السياسة تنفع مع الصحة
التخصص مو بأهمية القدرة على القيادة و الادارة

و الله كريم
عسى أن تكرهوا شيئا و هو خيرا لكم
و رب ضارة نافعة

Breeze said...

الله يستر من اللي ياي !!

على قولتهم الكويت بدت بصباح الأول و إنتهت بصباح الحالي !!!

:(((((((

أووفففففف شي يعور القلب الصراحة .... !!!!

الله يحفظ ديرتنا :(

Unknown said...

بنت الكويت ":و الله يا بنت الكويت الوضع من صج يضحك وودى افهم شلون حطوا الوزراء حسافة على بدر الحميدى
وكنت اتمنى ناصر الروضان يدخل الوزراء على الاقل الاخ شبعان شوي وله علاقاته القوية مع النواب ويعرف شلون يفرض احترامه
الصبيح لما كان وزير عرف بالاستجواب شلون يسكت الناس
بس شتقولين بعد

Unknown said...

Krakatoa :صح كلامك LETS SEE THE BRIGHT SIGHT :p
فكروا فينا وقالوا ضايق خلقهم حل نونس الاوادم وخصوصا برامج رمضان باديين يعودنها يا سيدى خليها على الله لا والعوضى طالع راح اقصر فترة استلام البيوت ؟؟

ودى ودى ودى اصدق بس مو قوية الا يبيلها الصحاف

Unknown said...

IBN BAHYA : لأ لأ لأ

ما فيش مقارنة يا ابن بهية دانتوا اللى عندكوا بقطع سمك
وبخرم التعريفة :)))

يا سيدى الكريم نحن بلد لديه موارد انعم الله علينا بها وعدد قليل من الناس فطريقة الحياة يجب ان تختلف نهائيا وسياسيتنا يجب ان لا تكون سياسة غواغاء نسبة الى العدد القليل

ولكن مثلما قلت نضع التفاءل سراج ينير طريقنا عل وعسى ان يكون هناك تغيير الى الافضل

charisma said...

منو تتوقع بيحطون يعنى
دايما الشخص الغير مناسب بالمكان الى ما يفهم فيه


الحين بالذمه مشارى مره حطوا وزير بالمكان الى يفهم فيه ومناسب لمؤهلاته ؟؟

ناادر جدا وان حطو ما يمدى الا طيرووه

اهم سيايتهم جذى
يبون ناس ما تفهم بالمجال الى ماسكينه
عشان تزيد العفيسه والخبيصه اكثر
وننحدر اكثر فاكثر

من تشكلت الوزارات والمسجات ما وقفت

خذ هذى

سن التقاعد 110
اجازة الوضع 10 ايام فقط
عطله الصيف 20 يوم
عطله الربيع مالها داعى
والمريض يداوم ابربيشه
والدوام لى 6 المغرب
والعرضى ماكو
وزيتكم نوريه الصبيح
وعظم الله اجركم

هههههههههههههههههه
الله يستر

كل وزير له نكته غير

نقعد نضحك نضحك
لما نبجى بعدين على الكويت

ام الحفيز said...

مشاري

ياحبيبي الهون ابرك ما يهووووون ياربي صبروووا.....ما تدرون يمكن والله ورحمته يعدل الامور.......تفائلوا بالخير تجدونه...ولا تزيدون النار حطب وما نقول الا عسى الله يحفظ الكويت من كل مكروووه اللهم امين

Unknown said...

bazoon : اللى يعجبنى الانسان اللى يتعب على ديرته وما يتصارع سياسيا سواء نائب او وزير
يعجبنى النائب اللى يعطى فرصة للوزير ان يطبق القانون مو يقعد الاخ يحضر الاستجواب قبل لا يدش الريال الوزارة
ولايعجبنى وزير تاريخه اسود بتخليص المعاملات والمصخرة على قفا الناس ويمسكونه وزارة خدماتية

نبى واحد يطبق القانون ويعتبر الناس سواسية

والعازمى مو خلافى معاه لاصله او شئ ولكن هالشى من باب الدعابة لكن ما سمعت عنه ان شخص عسكرى ولايفقه بالاعلام شئ شنو السيرة الذاتية اللى عنده علشان احطه وزير اعلام؟؟؟؟؟؟؟
تعرفين شنو يعنى وزير اعلام يعنى واجهة بلد؟

Unknown said...

Яeema : شكلى بركب الحصان بالمقلوب من اللى قاعد يصير
ونورية صح كاروفة بس شالفايدة اذا العلاقات مع الوزارة مو طيبة
اليوم واحد من الوكلاء قدم استقالته والظاهر بسبتها شوفى الجرايد وحكمى على الوضع خلال شهرين

على الله انا بهاجر قبلج يقولج اكو ديرة يديدة ما فيها احد بأسسها بروحى

وبدور وزراء

Unknown said...

Purplecious : والله معصومة اذكر حبيبة والكل يحترمها واعتقد انها من دشت الحياة السياسية احترقت وحرام هالشى بس الواحد شيقول الله يعينهم ويعينا

Unknown said...

Breeze : والله الواحد يقول الله كريم اولا وثانيا العيب مو فيهم فينا اللى قاعدين نخلى ناس تنجح بالمجلس بهالصورة وفوق هذا يصير السباق بينهم على الترشيحات لهم ولاصحابهم للوزارة
ديرة بربس

Anonymous said...

حبيت أوضح لك شي ياأخ مشاري
نبدأ أول شي في بدر الحميدي
انه هو مثلك الأعلى اساسا هو ماسوا شي بالوزاره من اول مادحلها لين طلع منها بس بوق عيني عينك.

وثانيا الوزير السابق الصبيح
ماسكت الناس بالعكس الناس نحشته لانه حرامي وفلوس الدوله ترسي على شركته

وبالنسبه للعازمي بوضح لك اولا ان لي الفخر اني من عيال عطا وان الوزير يحمل ماجستير علوم سياسية مو عسكري مثل ماتفضلت..ولاتكتب شي الا وانت متأكد منه مرة ثانيه

ورجاءا لاتشطب تعليقي عليك
وخل الناس تقرا وتعرف ان العازمي يرفع الراس وماهو مصخره تضحكون عليه ويكفي ان العوازم اهل الكويت بر وبحر
من عمر الكويت

تحياتي واحترامي للجميع

AuThoress said...

اسكت يا مشاري، انا كنت مسافرة،ووصلني مسج عن القرقيعان الجديد، ما استوعب وكملنا عشاء، الصبح اول ما فتحت عيوني سألت صديقتي : ليش المحيلبي وزيرنا؟؟؟


مأجورين

Nora said...

hmmmmm

انا لما دقوا علي .. رفضت

بحكم التخصص -يالله من فضلك- ابي الاشغال

بس فكرت فيها .. صيف و لاهوب
و بسافر نص 7

يعني .. ماله داعي كلش

المهم

الفكرة وين .. حسب مصادري اللي ماعندي

وضع الرجل الغير مناسب يعني بوق
ما راح يفهم .. ما راح يتكلم

اما .. اذا كان تخصص مناسب و خبرة محترمة
فااااا

شلوووون البوووقات تتضبط
؟!

اسهل الخيار الأول


كاني أفشيت اسراري و فهمتكم الطبخة
عشان ما تلويوووووون بالتفسير
;PpP


و تسجيل استنكار

شفيه الوزير العازمي مع الاعلام ؟؟

وين الغلط يعني .. و متى انحط متخصص اصلا غير السنعوسي يمكن
!!


ادري ما تقصد اللي انفهم .. بس ماله داعي عيل تحط النكتة .. وجهة نظري الشخصية

:))

sologa-bologa said...

ما أقول إلا ماقالته
الفنانة الراحلة
ليلى مراد رحمها الله

اضحك كركر أوعى تفكر
حلوة الدنيا زي السكر
والسكر نوعين
الأول ينحط بالشاي ويذوب
والثاني
الله يكافيكم الشر
ويبعده عنكم

ودمتم بحب

Alather said...

ما انصدمت من الوضع المزري
كثر ما انصدمت من الناس اللي حاطينهم

كنت متوقعة انهم بيصووومون ويفترون على بصلة
بس ما توقعت هالتشكيل بالمرة


صج ماني متابعة سياسية
ويمكن اعرف اثنين او ثلاث وزراء

لكن اعرف ايضا ان السالفة شوربة!


***

حسافة ما وصلني مسجات
:Pp

***

وسالفة الحجاب

أنا قريت عالسريع
انها ذكرت انها مسلمة بايمانها ومادري وشوو
ولنا متابعات



والله يعين


بريز والله تعور كلمتج
مالنا الا التفاؤل
:|

Alather said...

نسيت اذكر عن البوست السابق
كان جميل جدا

Kuw_Son said...

عادي مش حالك تعودنا على الكوكتيل اللي مضروب بالخلاط ..

كله يودي ..

و عجبني كاريكاتير بو قتادة و بو نبيل مال الولادة يوم أمس أظن

SAJA.S said...

هههههههههههههههههههه
وااااي موتني من الضحك .. بس جنك طبيت وايد بالعوازم
انا مو عازميه !!!!!!
بس ضحكتني
في حجوه في قلبي
الله لا يرجع الحميدي حق الاسكان
امييييييين
ها ها ها سنتين ويغيرون الوزاره

Anonymous said...

مشاري ماعرفتلك اصل وفصل تقول كلنا سيم سيم == نووو تعيب عليههم

Mamloo7a Q8ia said...

انا مو كاسر خاطري الا الدكتورة
وبما انها اول وزيرة كويتية راح يخلونها تلف على كل الوزارات حتى تثبت جدارتها
والباجي على الله
الله يحفظ البلد ويحفظنا من كل شر

MANAF said...

الأختلاف بالرأي لا يفسد للود قضيه

من هذا المنطلق سأبدأ تعليقي

للأستاذ عبد الواحد العوضي موقف

مشرّف مع عائلتي واعتبره دين اتمنى

ان استطيع ردّه وهو متابعة علاج

ابن اختي المعاق وتسهيل رحلة علاجه

بالاضافه الى تمديد هذه الرحله نظرا

لأنتكاسة حالة ولدنا اثناء العلاج

فرصه ان اقول لهذا الرجل شكرا من كل

قلبي

...

امّا الشق الثاني فأنا لا احب التدخّل

بالسياسه ولكن حتى اكون ايجابي

فما يهمّني هو وزارة الأعلام

للأسف الواضح هو ان السياسه اللتي

تتبعها الحكومه لهذه الوزاره بالذات

هو ارضاع القبائل والأنساب والمذاهب

على سبيل المثال

شمعنه حطيتو عجمي

سعد بن طفله

شمعنه حطيتو شيعي

محمد ابو الحسن

شمعنه حطيتو أعلامي

محمد السنعوسي

شمعنه حطيتو شيخ

أحمد الفهد

وعليكم الحسبه

اتوقع الوزراء في المستقبل لوزارة

الأعدام

مادري شنو العتيبي

و مادري منو العنزي

ومادري ليش العدواني

والهاجري

والمرّي

والديحاني

والقلاف

وبوشهري

واشكناني

والباشقجي

والأبو نزار

والروتيني

والتورتالليني

..

اتمنى يجزأون القنوات

ويخلون قناة كامله للأطفال

وقناة للمسلسلات

وقناة للمصارعه

وقناة دينيه

وقناة للمسابقات والمنوعات

وقناة للأغاني

وقناة اكس اكس ال

عشان نرضي الكل وهم ماراح نفتك

المهم جواز دبلوماسي مدى الحياة

عايشين بربيع الوزراء

جان زين يضمون الأعلام مع الداخليه

والدفاع يكون أحسن والله

magnoonah said...

من متى الحال كان عاجب احد ومن متى احنا شفنا الرجل المناسب في المكان المناسب هذا الحال ديره وللاسف من سيء لاسوءوالله يستر من الجاي
وبخاطري اعرف اخ مشاري منو برايك يستاهل يكون وزير وأي وزارة لاه بصراحه صرت اتعجب من العجب الي قاعده اشوفه واسمعه من الكل

وبما انك اخوي والصراحه شي اساسي بينا حبيت اقولك انه النكته الي كتبتها ما كان لها داعي مع احترامي لكتلباتك وكلامك واحنا بالكويت ما بينا فرق الا بالتقوى ان شاء الله

تحياتي

ReD Lady™ said...

خلها على الله الله كريم انا مابط جبدي الا وزيرة التربية محد بااااااااااالعها اهيه على حولي التعليمية قبل وطلعت دينا والكل زاهقها الحين الاخت وزيرة التربية

الديرة خلاص :\ وصلت مرحله لو شنو مابتسوي ماتقدر ترقع لانه كل مالها وللاسف الى الاسوء

the tooth.fairy said...

ma2sat

uhwa il thaher sarat bil qur3a ..

hatha il ta7leel il 3aqlani il man6eqi il wa7eeeeeed

Cr8ivia said...

هذا انت قلتها
ديره بربسسسسسسس

و مالنا غير ندعي لها و لنا خنت حيلي ديرتي
جود الله يرجمنا و تصير معجزه تعدل الاوضاع
ماكو شي بعيد عن رب العالمين

tasty_as_berry said...

مشاري واللي يعافيك يت على العازمي !!

الحين اللي عنده فلوس ، شهادة ،أصل وفصل .. أهو اللي قاعد يبوق !!

كل واحد شايب مسكرب ... مو مستوعبين أن خلاص راحت عليهم !!

تفائلوا بالخير تجدوه :)))

بـركـــــان said...

بعد التحيه


معك وجهة نظر ..
ولكن قد اختلف معك في شغلات .. لا نحكم على احد قبل لا نعطيه فرصه و نشوف عمله ..
بالنسبه لنوريه الصبيح هي غير محبوبه صح .. و لكن هي قانونية بحته لا تلف و لا تدور و محتاجين مثل كفاءتها بالتعليم ..
اما بالنسبه للعوضي فلا خبره لديه في هذه اتلوزاره .. و حطوه لأن كان بيوم من الايام عضو بلجنة الاسكان .. و لكن ننطر و نشوف...
اما الوزير العازمي .. فلا تعليق لدي ..
انا ما عندي مشكله اذا كانو كل الوزراء شيعه او عوازم او يسار و اسلاميين ... اذا كان همهم مصلحة الكويت .. و لا يفيدون نفسهم و ربعهم ..

بالنهايه نتمنى لهم التوفيق و السداد ..

بعد شيبون دعوه من بركــان

من فوهتي الى السماء
:)

Mohammad Al-Yousifi said...

وزارة رايحة فيها الصراحة و العتب مو على الوزراء اللي أكيد بيقبلون بأي شي

العتب على اللي نقاهم بطريقة الماكنتوش

شخصيا لا أتعقد ان العائلة أو القبيلة تعيب أحد و لا أستحسن الطنازة على الأسماء , فالرجال بأفعالهم و ليس بالأسماء و القبائل

مع تأييدي لك بان المحيلبي لا يصلح للاعلام و لن يضيف لها شيئا

لكن بهالديرة حتى انس الرشيد و السنعوسي ما ضافوا شيء للاعلام

ديرة ماشية على بركة النفط

What Will Be , Will Be .. said...

تهقون شنو يقصدون من هالخلطبيطه؟؟ عمامي شيوخنا هلى هذا التشكيل لوجك؟ هل هالتشكيل هو اخر ماتوصلتوا اليه وان هذا التشكيل هو مصلحة الكويت ؟؟ اخييييييييييييييييييييييييييييييه عليج ياكويت اتسابقين مع دول الخليج على المركز الاخير

Q8DOLL said...

انا زعلانه عالحميدي وايد
صج يحب الترزز بالصحف وكل اسبوع مصور عشان سوا دوار والا عدل شارع يعني يحب الظهور
لكن كشغل فعلا شاطر وحرج ما يقعد
وكل ماصار شي بوزاره والا استقال احد قضبوه الانابه
فعلا وزير نشيط
مادري ليش طلع من هالحسبه العجيبه هالمره
ومعصومه شنوو ماكو غيرها 3 مرات يقضبونها وزاره !!!
اي مافي حريم يستاهلون غيرها ؟
موفاهمه وايد خابينه فيها
أما وزارة الاعلام انشالله يكون الوزير مو صاحب فزعه وتكفه ياولد
والا ترى يايكم زمن العوزمه في الاعلام

Unknown said...

charisma :والله وجهة نظر صحيحة يبون الناس تضيع وتتوهق واخر شى يقولون هذا اللى حطيناه باختياركم

Unknown said...

ام الحفيز : يا ام الحفيز شصبر ؟؟؟

تقول راكبين باص والسايق عمى


خليها على ربج

Unknown said...

Anonymous : اولا شى ما امسح تعليق اذا فيه رد محترم امسح بس التعليقات اللى فيه كلام غير محترم وانت حطيت تعليقك باحترام

ثانى شى

انا لما قلت عازمى
حاله حال اى قبيلة ثانية سواء ماجستير او دكتواره الفكر القبلى المحمول سيئ وغير مرغوب فيه
عبدالله الطويل نفس الطريقة كان رجل محسوب على التيار الليبرالى يوم نجح حطوه وزير اضطر ان يكون بهالطريقة والا ما يمشى


عادل الصبيح مو دفاعا عنه وعلى قولتك فلوس الديرة ترست شركته الشركة هذى ورث وهالناس معروفه ثروتهم ومكانتهم ولو كنت متابع الاستجواب كان فهمت شنو اقصد وشلون عرف يرد لان كان صاحب حجة قد يعيبه الانتماء فكر حدس وتلقيه الاوامر منهم ولكنه رجل يعرف معنى الادارة
الحميدى رجل كان له اليد بتعديل العديد من الاوضاع ولكن لما يكون وكيل اقوى من وزير بفضل ايادى خفية بالدولة اهنى يقع الخراب

الافتخار بقبيلة او بعرق دون الافتخار بانجاز الشخص نفسه فكر جاهلى حتى الاسلام برئ منه
سواء عازمى او غيره
سواء سنى او شيعى
سواء ليبرالى او اخونجى
اى شخص يحمل فكر متطرف ولا يخدم الكويت
يقعد بالبيت احسنله

Unknown said...

AuThoress : اول شى الحمدالله على السلامة

ثاني شئ كوكيتيل
قرقيعان
نكته

كل المصطلحات تنفع

منا ومنكم انشاء الله

Unknown said...

a7La eNG : رفضتى ؟؟؟
ما عندج سالفة وزيرة عمرج 22
جان الحين تشقين وتخيطين طحسى نطرى الوظيفة

السنعوسى اعلامى
انس الرشيد دكتور بالاعلام
سعود الصباح كان شخص له تواصل اعلامى لما كان بامريكا

يعنى المسألة مو مسألة تخصص بلد مش بتاعة شهادات بصحيح

Unknown said...

sologa-bologa : الا من صج مت من الضحك
والله يرحم ليلى مراد على الاقل ايامها كان فيه بشوات

الحين بربس ايبلهم نانسى

والله يكافينا شر السكر

Unknown said...

Alather : والله الصراحة انا مو عارف سالفة الحجاب ولكن الله العالم

المسألة مو بس شوربة ولكن خلطبيطة نعيش فيها

خليها على الله

ومشكورة :)

Unknown said...

Kuw_Son : كوكتيل مضروب بالخلاط مع راس سلوم
حكومة قهاوى
انطر عليهم شهرين وشوف البلاوى

Unknown said...

Smile : ما ادرى ليش هالدعوة

بس يا معودة الله يستر من الياى :)

Unknown said...

Anonymous : تصدق ودى ارد عليك بس مالى خلق
لو عارف شنو تبى بالضبط اصلا
بس اي واحد قبلى طائفى بعيب عليه

Unknown said...

Mamloo7a Q8ia : خوش قرار والله يخلونها تلف على كل الوزارات مسكينة اشوفها بالجريدة اليوم مفتتحة مهرجان البدانة

الله يعينها معصومة

Unknown said...

al'7a6er : والله يا الخاطر با صديقى

كلامك على عينى وعلى راسى
بس اهم توهقوا قالوا خل نضحك على الناس
مادروا الناس اهيا اللى بتضحك :))

Unknown said...

magnoonah : لما كان الاشخاص المناسبين فى مكانهم
ما عطوهم فرصة انهم يديرون النواب واشتغلوا عليهم بالمجلس تهديد واستجوابات
وزيرين استقالوا
واهم كانوا اهل الاختصاص

وادرى ان ما فرق بينا الا بالتقوى ولكن الا اشدد عليه
وسبب النكته النزعة القبلية اللى راح تصير بهالوزارة وذكرى كلامى

Unknown said...

ReD Lady™ :
والله ناس يقولون تكرف ومكروهة بسبب علاقتها السيئة مع الناس

فااااااا الله يعين الجميع :))

Unknown said...

the tooth.fairy : عاد تصدقين ناس يقولون انا اخر شى قامت تصير ان قول اى وزارة تبى
يعنى لعب

بس ما اعتقد لى هالدرجة توصل

Unknown said...

Cr8ivia : الله يستر على هالديرة كل مالنا وبالنازل

على الله

Unknown said...

tasty_as_berry : ودى ودى بس ماكو بصيص امل الا باللى حط الوزارة بس هم اهو الله يهديه ما ادرى شلون اختار يعنى جنه واحد مختار فريق بدون قولجى

Unknown said...

بـركـــــان : يا عزيزى
ما قلنا لا بس هذى ما فيها نطرة

وزير معروف بالفساد من لما كان نائب
وزير قبلى بحت فقط لتخليص معاملات عيال عمه شتنطر؟؟؟

يمكن اتفق معاك على نورية

واتفق معاك على الجملة الاخيرة

Unknown said...

kila ma6goog : مع الاسف هالقبيلة بالذات
اللى مشهورة بتعصبها ونزعتها لتخليص المعاملات حق عيال العم
وعيال عيال عيال لعم

بو سلمى
المسألة مسألة احترام للقوانين ومع الاسف ولا وزير من هالقبيلة مسك من ايام وزير النفط قبل الغزو
حتى وزير البلدية الحالة ووزير التجارة السابق الا ومورست عليه ضغوطات قبلية

Unknown said...

What Will Be , Will Be .. : مو هذى اهيا خطة المركز الاخير
علشان نلعب ونخسر والكل عارف النتيجة مسبقا

Unknown said...

Q8DOLL : عاد الحريم كل وحدة تقط اسمها عن شيخ علشان يرشح اسمها بس معصومة صدقينى كفاءة بس بغير محلها ويمكن تم اختيارها من زمان لنشاطها السياسي وحضورها الاعلام من زمان يعنى

Anonymous said...

ياأخ مشاري
انت اشفيك طلعت برا الموضوع؟؟؟؟؟أنا
ابي ردك على الطنازه على
العوازم..ليش تنكت عليهم وماتحترمهم
وتتمصخر عليهم مع انك انسان واعي وهذا مبين من اسلوبك وكلامك

Unknown said...

Anonymous : هذا اساس الموضوع اتطنز على اى شخص قبلى بحت
والمحيلبى وقبيلة العوازم عموما للاسف لى الحين ما شفت فيها واحد مو متعصب بهالطريقة لقبيلته

Chai-7aleeb said...

المفروض الوزاره الجديده يسوون حفل تعارف مع شباب و بنات الكويت علشان يعرفون بالضبط شنو اللى صج لازم يسوونه

بنت الديــــره said...

مرحبا

مشاري انا موعازميه ولا لي فيهم قرابه لا من بعيد ولا قريب
بس احنا تعودنا
وتربينا على ان احنا مانضحك على غيرنا
حتى لو كان من باب الضحك
وانت مدون الصراحه كتاباتك جميله
ومواضيعك اجمل والكل يشهد لك بالطرح الجميل والمفيد
اما مسأله العوازم نقطه تنحسب ضدك
احنا لو نمشي على نهج ديننا في مسأله التنابز بالألقاب ماصار حالنا جذي
انا آسفه بس مجرد تعقيب لا أكثر ولا اقل
وبالنسبه لنوريه الصبيح كنت اتمنى تكون جذبه ابريل بس للاسف فعلا صارت وزريتنا
الله يكفينا شر ها وشر قراراتها التعسفيه

ويبعدها عن كرسي الوزراه

:)

دمت بصحه

Anonymous said...

يبدو لي انك تكره القبيليه لأنها انتماء للقبيلة مو لأنها تعصب والدليل على ذلك إنك حينما تتكلم عن الشيعة تتكلم بحذر شديد وما تبي تزعلهم يعني تأشر عليهم بكلامك من بعيـــــد ولسان حالك يقول تكفون لاتزعلون مني

اللي يكره التعصب يكره أي تعصب مو بس التعصب للقبيلة وبعدين ما جيت إلا على العوازم الضعوف اللي حسب علمي هم ينتمون لقبيلة لكن قبيلة "صلبية " هذا إذا ماكان عوازمكم يختلفون في الأصل عن عوازمنا



صراحة أزعجني تهكمك على العوازم وكان يكفيك إنك تتهكم - مع إني ضد هذا الأسلوب - على شخص الوزير لا على أصله وفصلة وعائلته

أنا ما أعرف وش الوضع عندكم بالكويت لكن من عدة قراءات وجدت حرب قوية ضد كل ما هو قبيلي عربي ومدري صراحة مين اللي يتبنى هذا النهج يمكن يبونها فارسية بلوشية وينزعون السلطة من كل من ينتمي إلى قبيلة عربية - ما أقصد العوازم - حتى تكون منطقة الخليج "سلطة" فيها من كل جنس ولون ما عدا العرب

يا أخ مشاري العقول الكبيرة تناقش الأفكار والعقول المتوسكة تناقش الأشياء والعقول الصغيرة تناقش الأشخاص

Anonymous said...

* المتوسطة

Anonymous said...

مشاري


مع احترامي لك

طلعت ريحتك بهل موضوع

Unknown said...

Chai-7aleeb :ما ينفع حفل تعارف لان راح يشبوون علينا تالى

خلها على ربك ونور البلوق يا جاى حليب

Unknown said...

بنت الديــــره:اولا اشكرج للمرور الكريم
المسألة اللى انا كاتب فيها مو مسألة تنابز بالالقاب ولكن مع الاسف الشديد ان القبلية عندنا والفزعة والانتماء والانصياع للقبيلة قبل الوطن هو متأصل وقبيلة العوازم هم اشد من يحملون هذه الصفات فالمسألة لا تنابز بالالقاب ولا هم يحزنون
ولو كان تنابز بالالقاب اسأل الله العلى العظيم ان يغفر لى ويتجاوز عنى

Unknown said...

Anonymous : سواء شيعى او سنى اللى يتكلم بالامور الطائفية راح يناله مثل ما ينال اى شخص يتكلم بالتعصب

ويمكن انت ما تعرف شنو الوضع بالكويت ولكن هذه القبيلة بالذات ما خذه حقها على الاخر ومرتاحين ويتشرطون بكل الوزارة ان يكون لهم تمثيل وزارى غير عن باقى القبائل
يعنى المفهوم مو مفهوم (( شخصى )) انا اناقش الفكرة اللى تدار فيها الوزارة
ومعروف عن اى وزير يمسك هذى الوزارة على طول يترسها عوزام

وبالكويت ما عندنا عرب وفارسين
فعلا عندنا اهل نجد والعجم والزبارة ولكننا تربينا على ان الكويت وحدة
وما تفرق بين ابناءها
واللى اهم تربوا عليه الانصياع للقبيلة قبل القانون للدولة
وهذا اللى انا اناقشه
الفكر القبلى السئ
اللى خله الناس همج

Unknown said...

Anonymous : احلى ريحة لما اهمش القبلية
واخليها من الامور المستصغرة
ونكتة تدار بدلا من ان تكون اساس فى اختيار وزير

tweety said...

انت المفروض تحط لستة بأسامي الوزراء وتكتب بعدها جملة : لم ينجح أحد



anonymous

ليس دفاعا عن مشاري ولا تقليل إحترام للقبائل كافة وللعوازم بصورة خاصة ولكن لا أعتقد وغيري كثيرون أنه من المقبول أن يتم توزير شخص ما بسبب انتماؤه القبلي ومن ثم يقوم هذا الوزير بسبب تعصبه لقبيلته بتوظيف كل ابناء عمومته واقاربه ومن يعز عليه دار ماداره وكل ماراح وزارة سحبهم معاه , هذا الوضع لا يجوز أن يتم في دولة متقدمة ديمقراطية ولا نرضى عليه واذا أبدينا إمتعاضنا منه فلا يعني ذلك أننا ضد القبائل بل ضد التعصب القبلي الذي نبذه الاسلام ولايعني ذلك حتما أننا نحث على توزير من ينتمون لأصول أخرى التي أيضا لها إحترامها كما تحرص على إحترام قبيلتك

والنكتة اللي حطها مشاري مو اهو اللي مخترعها تراها نكتة منتشرة بكل الموبايلات ولو تدقق فيها راح تشوف أن التهكم مقصود به ما ذكرته سابقا بما أن الوزير عازمي سيتم عوزمة الوزارة كالعادة المتبعة لدى كل وزير متعصب لقبيلته وليس الاستهزاء بالقبيلة ذاتها حنى مروجو النكات أنفسهم لم يسلم منهم أحد من أي قبيلة أو مذهب كان

Unknown said...

tweety : توتو كلهم ساقطين يمكن الخير شوية
برئيس الوزراء يقوووووووووووووولون نفس اصلاحى
وننطر ونشوف

شكرا يا توتو ومالت على ديرة الريحة فيها طائفية وقبلية

Яeema said...

الناس وصلت القمر و هذيله لما الحين طالع شناقشون


والله شي يضحك و يفشل بنفس الوقت


آخ عليج يا بلد


إذا هذيله طلع لهم لسان
أشوف إحنا إللي معروف أصلنا من آلاف السنين ليش ما عندها هالتعصب!؛

شي يحر

بس ما أقول إلا الله لا يبارج حق إللي مقوي شوكتهم

سوووري مشاري بس شي يحر الصراحه


القانون يمشي علينا و ما يمشي علي القبايل

لييش؟
لأنهم ما يحترمون لا قانون و لا شي

كل شي حق ولد عمي وولد خالتي

و القانون يمشي علينا

Anonymous said...

أول شي كل واحد يحترم نفسه
وكل واحد يعرف أصله وفصله
وبالنسبه للحيوان اللي كاتب العوازم ينتمون لقبيلة الصلب
الظاهر انك ماتعرف الرجال
وحط ايدك على راسك لما تجيب طاري العوازم

ليش القهر هذا اللي فيكم على العوازم؟؟؟مادام صاحب السمو
مافي تشكيله وزاريه الا وفيها عازمي شاللي قاهركم؟؟؟
العوازم كويتيين وشهادات عاليه
شاللي يمنع انهم يمسكون وزاره او يتعينون بأي وزاره؟؟ومن حق كل وزير يعين من أقرباءه ..ليش ماشفتوا الوزراء الثانيين!!!والا العين بس على العوازم؟؟واللي عاجبه عاجبه واللي موعاجبه يشرب من البحر


وبالنسبه لك انت يا مشاري
لاتتعذر بالتعصب القبلي
انت الظاهر حاط علينا او لك موقف ضدنا عشان جذيه متحامل علينا في موضوعك وللأسف مثل ماقلوا لك هالشي ينحسب ضدك
ولاتكثر كلام ماله داعي عن العوازم وامش جنب الحيط أحسن
لاننامادسنا لك على طرف

بنت الديــــره said...

إذا هذيله طلع لهم لسان
أشوف إحنا إللي معروف أصلنا من آلاف السنين ليش ما عندها هالتعصب!

هالجمله ماتطلع من واحد مدون مع الاسف هذا اسلوب صبياني يطلع من مدونه مثل ريما
هذيله اللي اهم قبايل لهم رب حالهم من حالكم
خلوا اسلوبكم شوويه ارقى واحلى من جذي
انا وحده انتمي لقبيله كبيره وعريقه ولها اسم ووزن في الديره بس والله مافي مجال للتعصب عندي لاني عندي المثقف الواعي الراقي بفكره اهوو الجدير بالاحترام والصداره بكل شي
مع احترامي لج ياريما نسيتي شي واحد
كلنا ربنا واحد ودينا واحد
وبالاخير مصيرنا واحد
ولاتنسين احنا كلنا كويتين
حتى ربج مافضل احد على احد
وكل عارف اصله وفصله
تحياتي لج

المعلمة عهود المسيلم said...

إذا هذيله طلع لهم لسان
أشوف إحنا إللي معروف أصلنا من آلاف السنين ليش ما عندها هالتعصب!!؟؟

ريما
أتعجب من أسلوبج
وكلنا عيال قريه وكلن يعرف خويه
..اللي أقصده من هالمثل أننا معروفين من لآلاف السنين وقبيلتنا معروفه وينشد فيها الظهر لكن ماتعصبنا ..اللي خلاني أرد عليج هو شي واحد مثل ماانتي
تحبين لنفسج حبيه لغيرج..يعني لاتغلطين على اللي سميتهم هذيله
لانج ماترضين هالكلمه تنقال لج

والله تضايقت ان مدونه كويتيه
تكتب بهالأسلوب ويطلع منها هالحجي

ودمتي بود

Unknown said...

Anonymous : الرسول عليه الصلاة والسلام لما نجيب طاريه ما احط ايدى على راسى واهوا اكرم الخلق وافضلهم
احط ايدى على راسى لما اجييب طارى العوازم؟؟
ليش بالله

وشفايدة الشهادة ((العالية)) اذا كانت متروسة افكار خاطئة وتخليص معاملات وواسطات وتجاوز على القانون؟

بعدين امشى يم الحيط
يا حبيبى استريح بس
وخل طرفكم بعيد واحنا بخير