الطموح و العمل والمثابرة والالتزام وقليل من المشاغبة تكون الحياة ناجحة

Saturday, March 17, 2007



قدوة المراهقات



كنت كاتب موضوع طويل عريض عن الساحة السياسية ولكن قاعد فى بيت الوالدة يوم الجمعة والا اشوف الانسة حليمة ومتعمد اقول انسة لان الله يصلحه المدعو زوجها ما ادرى متى شوى بيصير حامى
استغفر الله والله ما اقصد الاستهزاء او التقليل من شأن احد
لكن يا اعلامية الكويت الاولى (على قولتها ) لى متى جذى
انتى الحين المراهقات يطالعونج
على انج قدوة ويقلدونج مثل الشاذى
يا بنت الناس عقلى وحسى بعمرج
والله مصختيها وفشلتى الكويت
وصدقينى قاعدة تضرين بسمعة زوجج
واهلج
والاعلام رسالة قبل لا يكون كلام مايع
وحركات سخيفة

الله يهديج بس لان صج تفشلين

يا حجة حليمة

68 comments:

Tekana said...

شفيكم على البنيه خلوها تستانس :P

دام عندها ريل كل شي عنده سهالات وابو ما يدرى وين الله حاطه "الحمدلله والشكر ياربي لا تبلانا" خلوها تنبسط :)

layal said...

مشاري شلونك ؟؟
والاخو حسين اشفيه مو مصدق ؟؟

3ateeja said...

هذي حليمه
والله علبالي اصاله
زين شالسالفه قاعد يلبسها تراجيها ولا يقرص خدودها ....عاد حليمه كيفها
بس حسين الجسمي ترى وايد احبه ما يصير جذي
ثاني شي مش مش من قال ان حليمه قدوة للمراهقات
عندك انا مثال
مراهقه وحليمه مو قدوتي
;p

LuLu said...

يعني انا اقوا اللي تاخذها قدوة لازم تكون أخبل منها أصلا

و لو اني ما اتمنى انها تتوقف لاني أحب الكوميديا

KQ8 said...

امس الربع قاعدين يتناقشون بخصوص هالصوره

واحد من الاسئلة اللي انطرحت ومالقينا له اجابة

ريلها يروح دواويين؟؟

Kuw_Son said...

والله خوش سؤال طرحه
Krakatoa
صج صج زوجها يروح دواوين !!؟
والله قمة المهزلة أشوف زوجتي جذي مع واحد يتحرش فيها أو يداعبها !؟

وين الحياء و الغيرة !؟

هزلت !!

Almas said...

انتابني نفس الشعور لما شفت الصورة

واااااايد مزودتها

الهدف دعاية واعلام .. احنا مجتمع شرقي مايسمح بهالأمور .. مو لهالدرجة عاد

وما أعتقد الجسمي يسويها ... الصورة مبينة لإثارة الراي العام وتصير سالفة للناس وتقول نحن هنا

لأن كرتها احترق .. ف مافي شي يديد عندها غير هالسوالف

أرجو انها تفكر بعد خمسين سنة شبفيدها إلي قاعد تسويه ألحين؟؟؟؟؟

وياهل ترى الناس بتكون ذاكرتها؟

أمور متغيرة .. ولو دامت لغيرك ما اتصلت إليك

MANAF said...

في فترة دراستي من الروضه

لي ما بعد الجامعه كان لي

زملاء مميزوون لهم الآن مكانتهم

في مجتمعنا وفي مجتمعات اخرى

منهم

عبدالله المبارك .. ولد الشاعره

سعاد الصباح

بشار عبدالله : لاعب نادي السالميه

والمنتخب الوطني

طبعا من الثانويه لي الجامعه

اخر ماده اخذناها تنظيم دولي

عند د.عبدالله سهر

خالد الفضلي: حارس مرمى نادي الكويت

فواز الرجيب : صاحب الصوت الجميل

عبدالقادر الأبراهيم : الشاعر

بركات الوقيّان : مذيع روتانا

والحبيب مشاري طبعا :) صديقي

يعني كثار والله منهم الآن ضباط

في الجيش والشرطه ومنهم وكلاء نيابه

وأطباء ومهندسين واعلاميين ومنهم

الأخ العزيز : عبدالسلام شعيب

تعرفه مشاري

ما كان له صوت كلّه يمشي تحت الساس

محترم وهادي لين ارتبط بالزميله

حليمه اقول زميله لأنه تربطني

فيها علاقه شخصيه ولو اني اتفق معاك

انه تصرفاتها تزعج الشرفاء امثالنا

وهذي حقيقه بس الشرهه مو عليها

بس وعلى زوجها الشرهه على الصحافه

القبيحه خاصتا الصفحات الفنيه اللي

تلاحقها لي بيت الله .. يعني بالذمه

لو حليمه مالقت هالاهتمام كان

حتى ما تشوفها بسوق البشووت بالمباكيه

عند قهوة الدلالوه عاد خوش شاي لومي

عندهم لايطوفك ..الموضوع كبير يالحبيب

اتمنى من فضلكم تسألون رجال الدين

اللي تعرفونهم !! ليش " مالك" خازن

النار .. ما ابتسم للرسول صلى الله

عليه وعلى آله وسلم في رحلة الأسراء

والمعراج .. الله سبحانه وتعالى أوجد

مالك ليدع المنافقين والأشقياء والكفّار

والعاصين الى قعر جهنّم والعياذ بالله

يالله انك تهدينا ولا تاخذنا الا وأنت

راضي عنّا اللهم آمين .. صلّو على محمّد

MANAF said...

تنويه : مالك خازن النار

لا يبتسم من شدة غضبه على

العاصيين فهو ملك كريم ويحب

رسول الله صلى الله عليه وآله

ولكنه لا يبتسم وينتظر اللحظه

اللتي يثأر بها من كل من عصوا

الله سبحانه وتعالى

اللي يحمينّا انشالله

قولوا آمين

ام الحفيز said...

مشاري

هاااااااااااااااااو يمكن اخوها بالرضاعه اشدراك؟؟؟ صفوا النيه ....وبعدين من قال انها اعلامية اولى حشااااااااااا عليها الا الاعلاميه الهوووووووووله قطيعه تقطع تنهوصهاااا الله انعم عليها بالشكل واهلها انعموا عليها بالطبايع شكووووواه للله صج الي قالوا
waste of beauty
ولا لو وححده منها جان اتعلم اصول الاعلام واللبس والمحاوره مو هلاقه بالشكل والكلام والتصرف

الله يهديك يا مشاري حاطلها كب وخبر اهووووووووو بس عطونااااا
سامريه لاحاج الله يا نفسن على جايدٍ تحدينا

Ra-1 said...

wai3 :/

الـفــــجـــ الــبـــعـــيـــد ــــــر said...

السلام عليكم

من اشوفها في التلفزيون سؤال واحد يطري على بالي.. ريلها وين عنها؟؟

غميضة الحج اللي حجته

Яeema said...

الشكوة لله
لا تعليق الصراحه

AuThoress said...

Mishari :

لله يذكر زميلتنا حليمة بالخير، ايام قسم الاعلام جامعة الكويت، بس كأنها ما كانت بهالدلع؟ وكأنها زادت الجيلة 5 حبّات؟

شوف مشاري، البنت في ساعات كثيرة احس انها ساذجة لدرجة الطفولة، بس ان كانت كذلك، وين زوجها فعلا؟ انا اتضايق لأجلها، لأنها قادرة تكون مميزة بـ شهادتها و حضورها وثقافتها وأدبها ،إن احسنت استخدامهم مجتمعين

صورة لا تعجبني عن نساء الكويت

جنون إحساس said...

السالفه مصخت
مو لي هالدرجة عاد الوحده ماتحترم روحها
بس دام عندها ريل نقول
مساكين والله العظيم


لا غارية وجلود ميته
الله يهديها بنت ديرتنا
وترجع اهيا وزوجها لعقلها

مع ذلك أحسها طيبة وكلنا نحبها
بس تطلع بالتلفزيون بيتنا يصير هدوء

:)

Unknown said...

فقص
فقص
فقص
لما تقول بس
وخل قلبي يحترق

ام الحفيز said...

عاجل
حسبي الله على ابليسك ذكرتني بمقطع بيت بوصالح
قصـــــــــــر وســــــــــــع على كيفك بــــس المهم يطلع كويس

PearL said...

نفس الحالة

انصدمت لما شفت الصورة

حتى في صورة حاطينها لها قاعدة بين نوال ومحمد لويس

جنها قاعدة بحضنه


الله يستر علينا بس
بس بجد مسخرة

وعلى السؤال اللي ريلها يروح دواوين

انا سمعت سالفة من احد الشباب
يقول ان ريلها كان قاعد بالديوانية وفي احد من الشباب قاعد يتغزل بحليمة جدامه وما يدري انه زوجها

بس ما تكلم


والله اعلم


الله يستر علينا بس
ويتمم علينا نعمة العقل

NewMe said...

مضطرة اخالفك الراي
بس مو ذنبي
على قولة امي
خولف تذكر
مشاري
دعوا الخلق للخالق
ما يحتاي صكة عالفاضي
خل انركز على الاولويات
اهي الاهم
اما حليمة وزوجها
لهم اللي لهم وعليهم اللي عليهم
هذي خياراتهم ومن حقهم يعيشون بالطريقة اللي تناسبهم
شكو احنا وينه راضي والا مو راضي
يعني حلينا كل قضايا الشرق الاوسط وبقت هالحلوة
بس ترى
مع فرق النسبة والتناسب
ما الومه يمكن ويا الصوت فكرها ام ١٥
دمت بحب
تحياتي

المعلمة عهود المسيلم said...

ماأقول الا الله يهديها
ويصلحها لانها جد تفشل

charisma said...

التصرفات ما اعلق عليها كل واحد وكيفه يعيش بالطريقه الى اتريحا

بس اهى تووومج
يعنى ويييع
يعنى مليييقه ولما اشوفها تتكلم جبدى تقلب
بالكويتى ومكرم السامع احس بزوع

tweety said...

والله يا ميشو برافو عليك اللي كتبت عن هالموضوع لأنه فعلا يحر

صراحة حدها حدها مصختها وزودتها ومو راده على الصورة بس ..أنت شفت تقديمها لحفلات هلا فبراير ؟ شفت الدلع والتنهوص اللي زاد عقب الحج بدل لا تتكن , وكل ما تعلق عن فنان غنت لما آخرها سوت دويتو مع لويس يعني عيب انتي شنو تبين بالضبط ...الاعلام مو جذي
لا وازيدك لما قابلت الجسمي قالت له : يقال انك تحب اشلون اتخوونني !!!!! يعني حتى لو غشمرة ما تنقال بعد الواحد يشوف وحدة جذي خفيفة اشلون بيحترمها وما يتجرأ عليها

السؤال اللي يطرح نفسه وين صحافتنا عن هالسلوكيات الغريبة على مجتمعنا ؟ وليش غاضين النظر عن أخطائها واستهتارها وقاعدين يطبلون لها ؟ وباختصار منو وراها واللي قاعد يدعمها ؟ والا اكو وحدة تكرم أفضل مذيعة بالمهرجان والمهرجان بعده ما خلص ؟

3ateeja said...

الخطير:

يا حيا الله طلبة جامعة لكويت يا حي الله الزملا
للتنويه زوج حليمه عبدالسلام الخبيزي
والدته المرشحه مريم شعيب ....وترى اهم خوش ناس وحليمه امانة خووش جنه والكل يمدحها ...وزوجها مرتاح معاها... و اول من مدحها خالتها ام زوجها ..لأنها فعلا تحب زوجها ...وترى يا جماعه حليمه صوتها دقيق من كانت بالقسم ..واللي يبي يتحقق يسأل اساتذتها لي الحين موجودين ومنهم دكتور يوسف الفيلجاوي الله يشافيه وقال هالحجي بجريدة القبس من فتره ...طبعا ليش الموضوع استفحل ..لأن الصوره غير مناسبه ..وماكان المفروض تنشر كسبق صحفي سخيف وامانة حليمه ما عندها هالحركات مايعه دلوعه كيفها لكن هالحركات غريبه عليها...ومن ناحية زوجها ما يروح دواوين
ترى فعلا ما يروح دواوين ما عنده الا شيين بحياته شغله وزوجته :)
وسلامتكم وتعيشون
وبالنهايه بيعنا بالسوق يا مشمش ;)

afyaa2 said...

العاده اطروحاتك او بوستاتك ع الجرح ..
اما انتي ياعتوجه الاموره ..
فاحنا مالنا شغل فيها اذا كان الصوت صج او جذب .. كيفها وكيف زوجها ربي يستر علينا ويهديها ويهدينا لكننننننن
احنا بقضيه اهم وهي القدوه .. الحيل كل ماله ينحدر ومهما كان التيار الاعلامي الاخلاقي قاعد يشتغل الا ان التيار الفاسد اكبر ..

احنا فعلا بحاجه الى من ينكر هذه الاشياء ..
والى سياتينا شي اكبر من الغزو ..
اللهم احفظنا يارب اللهم لاتؤاخذنا بما فعل السفهء منا ..
وحديث عائشه رضي الله عنها انهلك وفينا الصالحون قل صلوات ربي وسلامه عليه نعم اذا كثر الخبث ..
وهالمره مو مشكور يامشاري بل جزاك الله خير لا تنسى الاحتساب

الطير الحر said...

ما أقول إلا لا حول ولا قوة إلا بالله
والله يستر على بناتنا .. اللهم آمين

barrak said...

ابي امي
ابي ابوي
مستحيييييييييييل

Anonymous said...

بعد من لبس شورت وفنيله
خلاص كل شي صار عادي عنده
كل شي فري
غشمره غشمره
ومن سوت دعايتها .. عادي لبناني جاسها .. مو ريال

ReD Lady™ said...

الاعلام صار عرض ازياء وقلة ادب صراحة كل وحده تطلع تستعرض مكياجها ولبسها وجسمها .. واللي اسوء من كل هذا انه البنات قامو يقلدونها والشباب يعتبرونها ام الدلع مع اني اللي شايفته مو دلع شايفه مصخرة وتهزيء حقها وحق اللي اسمه ريال اللي اهو ريلها .. ماقول الا الله لا يبلانا
ومو بس اهي ان يينا عند الحق كلهم صارو جذي .. الله يستر ومايغضب علينا ربنا والله ويخفس فينا ..الله كريم

Mohammad Al-Yousifi said...

i like her bas her problem el meya3a wel ghroor

::heba:: said...

مانقول ألا الله يهديها
والله يهدي ريلها بعد ..
شعور ضايقني لما شفت الصوره بالجريده !!
لكن اذ لم تستحي فصنع ماشئت!

Anonymous said...

لا تعليق..

SAJA.S said...

سوري على الغلط بدال لا احط اسمي
smile
حاطه
anonymous
اذا شفتها هذه انا

Unknown said...

TeKana : اهو الواحد يقول بالاخير الله لا يبلانا وبس

Unknown said...

layal : اكو مثل يقول عتوى وطاح بمصير

شصير ؟
حيالله اهل البحرين وين هالغطة
؟

Unknown said...

3ateeja : والله اثنينهم عمى وصمى
مالت على الاول والثاني مع انى احب اسمع الجسمى وايد
بس بعد

Unknown said...

LuLu : والله كوميديا سخيفة وماصخة وتخلى الواحد يحس بالغثيان
والمراهق ما يقدر يميز لان تبهره الاولوان السخيفة

Unknown said...

Krakatoa : ريلها الله يصلحه لازم اذا ما يطقها يطلقها ما ينفع جذى
الله الهادى الواحد يقول

Unknown said...

Kuw_Son : الغيرة انتهت الظاهر بس يا معود قول الله يبلانا لان من صج شى كبير جذى
استغفر الله

Unknown said...

Almas : والله اهيا قاعد تستغل كل شى بس علشان تبيى تكون موجودة وتقول انا احسن وحدة يعنى باختصار مريضة نفسيا انا اتوقع

Unknown said...

al'7a6er : والله يالخاطر انت حطيت وايد نقاط
بس شوف
حليمة انا احس ان فى عندها مشكلة نفسيه
تبين تكون محور وبس
مهما كان الثمن
يعنى جنها تقول الغاية تبرر الوسيلة
ما عندها مشكلة تقدم تنازلات
وانها تكون علاق
كل مصصمة تيى وتحط
اهيا تقول دارسة اعلام ونست ان اللى الواحد يسوى ان يوصل رسالة
والرسالة لازم تكون هادفة علشان تحمل صفة الايجابية

بس اللى الدمكجية حليمة عندها مشكلة بان الانا الاعلى عنها شاقحة فوق

زوجها ما ادرى شنو مقدار الاعجاب اللى انعجب بوصواصة
وزجها ترى امه مريم شعيب اللى نزلت بالانتخابات واهو ولد الخبيزى

Unknown said...

ام الحفيز : اهم شى لما تتكلمين انجليزى :)))
بس شوفى يا ام الحفيز صدقينى اهيا لو مو لاقاية من يساعفها جان ما لقيتها جذى
ولو اخوها بالرضاعة جان كفخها على اللى تلبسه وتحطه

Unknown said...

Ra-1 : 2 wee3

Unknown said...

Alfajer alba3eeed : والله الواحد يقول الله يهديها صارت مرة شحطه ولى الحين تتنهوص مثل اللى خانقينها

Unknown said...

Яeema : مرور كريم
ومالنا غيره نشكيله

Unknown said...

AuThoress : ثقافة ما اعتقد واشك واجزم ان ما فى ثقافة
وقاعدة تستخدم الدلع بطريقة قذرة وتشوه صورة الاعلام

الله يعينها على نفسها

Unknown said...

جنون إحساس : انا ما احبها وما كنت اكرها
بس الحين اول مرة بحياتى تلوع جبدى من اجد جذى لغتها مرض
الونها مقيته
الله يهدينا ويهديها

Unknown said...

3AJEL : احلى مصطلح اطلقه عليك
خفيف
خفيف
خفيف

عمى شفقصج
باصجة
اذا ما يت حنطاوية وفيها شق بركبتها من طيحة السكة واهيا صغيرة ما ينفع :))

Unknown said...

PearL : والله اهيا مزودتها
ومو راضية تحس بعمرها
يعنى اللى بعمرها امهات الحين عايشين حياتهم
وزوجها الله يستر عليه بس هذا اللى الواحد يقوله

Unknown said...

NewMe : يعنى بس عناد وبس
الاعلام جزء من مكونات الجيل القادم ولما الجيل المراهق اللى يستقبل بدون ما يرسل يشوف هالشى فتترسخ الصورة انه صح
وهذا اللى ما نبيه

Unknown said...

الوفـا طبعي : الله يسمع منج انشاء الله ويهدينا

Unknown said...

charisma : اهيا اوفر مج

مو تو مج
اهيا خلت لوعت الجبد تلوع جبدها منها

Unknown said...

tweety : الصحافة مستانسة لاقية مادة تملى فيها الفراغ
وما ادرى شنو سالفة انها تدور كل مغنى وتغنى معاه
تبى تطلع بموهبة يديدة من بعد الغناوى بالحمام

Unknown said...

3ateeja : اسمه الخاطر
ثانى شى لا يروح دواوين ولكن لازم يروح ديوانية علشان ما يرضى على هالتصرفات ؟

Unknown said...

afyaa2 : فهمتى المعنى
انا اقصد القدوة اذا اختفت طلع جيل تافه
ويخلينى نتعب شلون نربى الجيل الياي
الاعلام جزء مهم بتكوين الشخصية واذا الناس ما فهمت هالشى نكون خسرنا كل شى

اجمعين ومشكورة

Unknown said...

الطير الحر : الله يسمع منك امين لان صج وضع مخجل

Unknown said...

barrak :براك ضرورى تكتب شى عنه شعرك لاذع :))

Unknown said...

Anonymous : كتبت من قبل على سالفة الدعاية وكل من قال عادى ومافيها شى

كل مالنا وبالحضيض

Unknown said...

ReD Lady™: اهو هذا اهم شى الواحد يقول يالله لطفك وعدم غضبك علينا من اللى يصير

Unknown said...

kila ma6goog : بو سلمى لا تسمع ام سلمى الله يخليك :))

اهو غرور مصاخة مليون شى فيه
لغة ركيكة

Unknown said...

::heba:: : صح ان لم تستح فافعل ما شئت

والله الهادى

Unknown said...

محمد بن سالم : مرورك كافى عزيزى

3ateeja said...

عاد والله الخطير احلى :p

عاد رد بنفس شدعوا


لول















بس تحرش

Unknown said...

3ateeja : لا خوش ولد ترى وحبيب

الحجيه said...

السلام عليكم جميعا
أخ مشاري بكون ردي بالأمثال

شقول المثل أذا لم تستحي فأفعل ما تشاء

من قلة الخيل شددنا على الكلاب سروجا

اللي ما يفهم بالتلميح يفهم بالتجريح

وبعض خلائق الأقوام داء ... كداء البطن ليس له دواء

لا تخاف البنت ألي ورآها أهل يخافون الله ويتقون ربهم بعيالهم يعرفون شلون تكون بناتهم ذهب ما تأثر عليهم تافه ساقط مثل حليمه وبعدين حجتها هي مع ربها بحاسبها مالنا شغل فيها ؛ ربي يحفظ بناتنا وعييلنا من كل شر

Unknown said...

الحجيه: يالحجية والله عين العقل كلامج بس وين اللى يفهم

الواحد يقول والناس تنتقد اذا قلنا هذا الصح

الله الهادى

عــــــابره said...

الله يهديها غصب من عليها

و ان شالله تعتزل و تعقل

Anonymous said...

صدقوني العيب من إعلامنا اللي يضخم أي شي
وحليمه انسانه ذكيه عرفت شلون تطلع بستايل يديد شد الكل
بس ستايل تافه
ومااعتقد انه في وحده عندها عقل تخلي حليمه قدوتها
لكن نوقف عند هالنقطه ونقول الله يهديها ترى هالانسانه طيبه وانا شفتها بكذا موقف شخصي طيبه لكن تافهه وهذا شي تكسر خاطري فيه
أما تماديها فعلا قام يزيد خصوصا بهالصوره بس على قولت القايل انا راضي وابوها راضي انته مالك ياقاضي؟
انته تقول ريلها لازم يطلقها ؟؟ اخوي ترى ريلها لا طلعت بالتلفزيون جدام ربعه بالدوانيه يقول الحين تطلع قطوتي
يعني الريال كاشخ فيها
وامه كاشخه فيها والدليل رازتها بندواتها الانتخابيه
فآنا اقول لا نتعب مخنا ولو احنا نتجاهلها صدقوني بتختفي
بس المشكله الكل يتكلم عنها
عموما شكرا اخوي
وسوري سويت قرقر وايد

Unknown said...

ام الحفيز

حاضرين للطيبين