الطموح و العمل والمثابرة والالتزام وقليل من المشاغبة تكون الحياة ناجحة

Wednesday, March 21, 2007


احب امى ودلع الكويتين والهدوء


اليوم يقولون عيد الام وانا لا اعترف

بعيد الام

ولا الفالنتين

ولا عيد العمال

ولا العيد الوطنى

ولا اى شى ثانى

متخلف؟

اوكى جدا سعيد بتخلفي

ولكن الحب لا يعرف يوم

والتعبير عن المشاعر

لا احب ان تكون بالجملة

ولا فى يوم واحد ؟

انها حياة

انها لمسة اليد

انها رنة التليفون

لكى تسأل

بدلا من ان تتصنع الجمال

قالوا قبل

رزق القطاوة على الخاملاتى

وفعلا بائعين الهدايا

والورد وجودوا بسطحية مجتمعنا منفذ لترويج ما يردون فى هذه الايام

وقبل كل ما ذكرت ؟ دينك اسلامك هل يسمح بها

قد اكون منزعج لان من حولى يصرون

ويحنوووون على هالشى وانا طناش والله يعينى

ـــــــــــــــــــــــــــــــــــــــ

موضوع ثانى

لا اعرف سبب حدة طباعنا ودلعنا الزايد ككويتين

ما فينا صبر ؟

ليش دائما نحط الحكم قبل لا نشوف ردة الفعل؟

امورنا السياسية ضائعة بسبب الاحكام المطلقة جزافا

امورنا الاجتماعية تنتشر فيها الخلافات فى جميع البيئات

بسبب عدم الاستماع للاخر والاستعجال

الطلاق ينتشر بسبب عدم التروى والهدوء ؟

حتى يبون بهالديرة واحد يصير وزير متعسرين محد يبى

حكومة متعسرة

ديرة معفوسة؟

كل بسبة دلعنا الزايد والابتعاد عن الجدية باى شئ نبيه

ـــــــــــــــــــــــ

الزواج

هو بحر

مد وجزر

ويمكن القول هو

التنازل

والعطاء

والانسجام

وليس بالضرورة ان تكون الحياة ند لند

فتأكدوا

ان ما قيل(( الطيبون للطيبات))

ليست هباء ولكن الهدوء

الهدوء الذى نفتقده بحياتنا

هو ما يدفعنا للجنون

استمتعوا باجازة نهاية الاسبوع

50 comments:

afyaa2 said...

يشرفني ان تعليقي يكون اول واحد ع بوستك الحكيم .. فعلا ينطق حكم .. ايه
ايه الام .. كلمه حلوه ..
والكويت هم كلمه حلوه .. رغم الحوسه والخربطه والدلع لكن ننظر من جانب مشرق احلا بلد وارق بلد واعذب بلد لااعلم ربما اتكلم من نظرة مغترب

مهما كان نحبها كما نحب امهاتنا ..

اعلم انك تكتب من باب الحب ومن باب
الاصلاح ..لكني ماعدت احب انتقادها ..((مجرد راي ))

الزواج فعلا مد وجزر ..

ونحتاج للهدوء في الامور جميعها ..
وعطلة نهاية اسبوع هادئه

بنت الكويت said...

اكيد حبك لامك او لوطنك او لحبيبتك
ما يتحدد بيوم لان المشاعر تطلع باي لحظه
ولكن بالنسبة لعيد الام اعتقد ان احنا بحاجه لهذا اليوم لان في ابناء بعيدين عن امهاتهم وما يتذكروونهم بشي بس هذا اليوم يمكن يخليهم يرجعوون ويقدموون لها ولو شي بسيط ما اعتقد ان احد ما يحب يدخل البهجه في قلب امه
والعيد الوطني يخلي الناس تبتهج وترفع اعلام ديرتها والزينه والاغاني الوطنية ما اعتقد انك تقدر تسوي هذا الشي كل يوووم

والزواج شي جميل يعلم الانسان اشياء كثيرة

سوري على الاطاله

violinist_q8 said...

بالبدايه ماعاش من يسميك متخلف لكن لي وجهة نظر بسيطة واقعيا وبوقتنا هذا هل تعتقد ان اهتمام الاهالي بأبناءهم واحترام الابناء لاهاليهم نفس قبل ؟ مايخفى على اي احد ان لأ ،، تغيروا كل جيل يبعد عن اهله اكثر والاجتماعيه بالناس قلّت وايد ، ما اتكلم عنك ولا عني ولا عن أي شخص لان فيه ناس تقدر اهاليها وتعتبر نفسهم ابناء صغار مهمى كبروا احتراما وتقديرا للي ربوهم

انا ماني شايف ان فيها شي لو حددوا يوم معين بدون لا ادخل بتفاصيل البدع والتحليل والتحريم

شي جميل ممكن هاليوم يأثر بأبناء كانت عاقة لوالدينهم لما يشوفون اهتمام الناس للاسره

وموشرط عيد الاسره يكون استغلال من التجار وترويج الورود والهدايا

كفاية ردة الفعل والبسمات المتبادله
اللي بعدها دعوه تفتح النفس

اسف عالاطاله ، وجهة نظر

lavender said...
This comment has been removed by the author.
lavender said...

أنا أتفق معاك ان الواحد لازم ما يحدد يوم عشان يبر أمه ويحبها ويعطيها هديه

أي يوم وكل يوم أهو عيد للأم

بس هم حلوه يصير في يوم يذكر " الغافل " إن هاليوم حق أمك

بشرط إن الواحد ما يحصر بره وحبه لأمه بهاليوم


وبالنسبة حق الكويت
و العسارة والعفسة اللي صايره
الحمدالله احنا أحسن من غيرنا
وهذي ديرتنا نحبها بزينها وشينها


الزواج وما أدراك ما الزواج
حظ نصيب
والشاطر اللي يأقلم نفسه
شوية حكمه على شوية هدوء وطولة بال
وتمشي الحياة


و بالأخيـر

Have a great weekend :)

charisma said...

صباح الخير

فعلا اهى الاعياد صاير مبالغ فيها اكثر من الاول
بس عيد الام من يوم احنا صغار اذكر نحن على ابوى نبى فلوس عشان نشترى حق امى هديه حق عيد الام

مو شى يديد

انا معاك الفالنتاين ما يهمنى
بس عيد الام غير

هم مو حلو احساس الام ان اليوم عيد الام والكل محتفل وانت مو معبر امك فى هاليوم

لو كل عام وانت بخير يمه
كافى انك تذكرها
اتونس ترى
مو شرط خبه ولويه وهدايا مبالغ فيها

لو يمعه عشا بالليل عندها تكفى
:)

الموضوع الثانى دلع الكويتيين

انا مشارى اشوف ذاك اول احنا مدلعين
الحين منطقين على راسنا
فى كللل المجاللالالات
وكانا كلا معترضين وكلا انداحر واناجر
وعلى شنوو ؟؟؟
لا حياة لمن تنادى
الى يبونا الروس العوده قاعد يصير رضينا ولا قعدنا

لا تقول امدلعين
الا مساكين

SAJA.S said...

باختصار جداجدا
عيد الام .. انا اذكر واحنا ياهال ابوي ما كان نحب نحتفل في عيد الام .. يقول ان لنا عيدين بس
اذا كنا نبي نسوي شي .. مو نفس اليوم . يا قبل او بعد هاليوم بجم يوم




الكويت حلوه حلوه حلوه .. ما اقدر اسافر اكثر من اسبوعين .. اس اوله عليها .. وعلى اهلها
احس بامان
الكويت تستاهل



الزواج .. اسهل من السهل .. بس اللي باله طويل
الزواج حلو حلو حلو .. اللي يبيه من قلب .. مو بس واجهه اجتماعيه


nice post
I like it

جنون إحساس said...

فعلاً مالا داعي الواحد يقتصر على يوم للإحتفال بهالمناسبات,
أصلن اهيا مو من قيمنا أو عاداتنا أو دينا

..
لكن عاداتنا اتقول ان لازم نحتفل في هالمناسبات طول السنة
مو مثل الغرب مايهتمون إلا بهاليوم الوحيد من السنة
---

حكومتنا
اله يرحمنا ويرحم أيام أول وان شالله كل شي يتعدل لا تحركوا بعض الجماعات

---
الزواج:
آنا أؤمن بأن الزواج توفيج من الله
يعتمد ع الحظ ولكن الحظ الي اقصده هنيه
عملي اللي جابلت فيه ربي
:)

موفق ان شالله =)

Almas said...

أتفق معاك

العمر كله للأم مو بس يوم واحد

الزواج مركب يديره شخصين بتعاون

مشكلة الطلاق السريع ترجع لأقل سبب تصير الهوشة وعقبها تكبر ويصير الطلاق .. وأحيانا الأهل لهم إيد بهالموضوع إما زيادة الحطب أو التهدئة .. وهذا كله بالأساس يرجع للتوعية والخبرة بالحياة ومنو إلي يوجه
الأزواج يقعون بخطأ يتبعه أخطاء كبيرة وآنا أعتبره أهو السبب الرئيس
الأزواج يلجئون للشخص الخطأ في حل مشاكلهم .. المفروض يكون شخص متخصص وعارف بهالأمور .. أوكي آنا معاك بتقوللي الأهل لهم خبرة ونظرة .. آنا معاك
لكن يظل الإنسان المتخصص توجيهه أسلم ولا ننسى ما راح يكون فيه تحيز لأحد الطرفين لأنه ما راح يكون فيه علاقة قرابة أو صداقة

إذا كان على عفسة الحياة

الحياة ومتعلقاتها أشياء ويظل الإنسان عقل يوجهه بمعنى إحنا إلي نكون النظام وليست الحياة مثال القوانين إلي تحفظ الإنسان موجودة لكن تطبيقها من عدمه متوقف على الإنسان نفسه وبالتالي نحن أصحاب النظام

معلومة في مناطق باليابان بدون إشارات ضوئية والسير ماشي بنظام دقيق وهذا طبعا بالأساس يرجع للبشر

استانس واستمتع.. بإجازة نهاية الإسبوع

Kuw_Son said...

أنا معاك يا مشاري في اللي قلته ..
لأ أهتم إن كان هناك عيد من هالأعياد الزائفة و لا أعترف فيها ..

هناك عيدين فقط في ديننا ..

الفطر و الأضحى فقط !!
و أبي أنضم إلى قائمة المتخلفين معاك إذا كان هذا التخلف

---------

بالنسبة للدلع .. سببه والله أعلم هو عدم الجدية و التواكل و الربادة ..
لا خير في أمة لا تأكل من صنع يدها !!

المشكلة كل شي نبيه جاهز .. ما غير نتسطر في الدواوين و نتحلطم .. ليش ما إحنا نبادر !؟

اللي مسئول واللي عنده منصب .. خل يكون هو القدوة و يعلم غيره الالتزام ..
الجدية ما راح تنزل من السما دام إحنا متربين على الربادة واللقمة السهلة !!

--------

الزواج ..

تجربة سيئة .. سأعيد النظر فيها مرة أخرى

7osen said...

انا ابي اسئلك ليش انتي معترض على هالاشياء

على شان الفكره غربيه واحنا اخذنها من عندهم

ولا على شان فيها اشكال شرعي

ولا ما تعترف ان للمشاعر يوم معين ؟؟


انا برأيي ان فكره يوم للأم او للاسره شيء جميل

وفيه فايده كبيره حتى للمجتمع ككل لأنه يعزز الترابط الاسري

بشرط انه يكون مافيه اي اشكالات شرعيه من التحريم وما شابه 0

احترم رأيك وغيرتك على دينك ومجتمعك

لك احترامي وتحياتي

2 u ALL said...

الموضوع الاول
كلامك صحيح شرعياً وحتى عقلياً..!! انا اعتقد ان المجتمعات الغربيه خلقت هذه الاعياد لتعويض التفكك الاسري ..!!ولمحاولة علاج الامراض الاجتماعيه المنشره في مجتمعاتهم ..!! ولابد ان لانقيد الحب أو المحبه بيوم أو بلحظه..!! فهما عمليه مستمره وتفاعليه ..!!؟

الموضوع الثاني
مشكلة الانسان الازليه هي "الأستعجال"..!! وفال الله تعالى "خلق الانسان من عجل"!!؟

الموضوع الثالث
الزواج هوعلاقه انسانيه راقيه بين طرفين بينهم روابط مشتركه وليست متضاده ..!!؟

ولك أيضاً أجازة "نهاية أسبوع" سعيده ..!!؟

Unknown said...

afyaa2 : انا ما انتقد الكويت ولا يمكن بيوم اذم فيها
لكن انتقد الناس اللى مو راضية تحس بقيمة هالارض

Tekana said...

حلو الواحد يتذكر امه بكل يوم مو بس بيوم معين لان هالمناسبه صارت تجاريه بحته وفتحو الجرايد وانتو تشوفون

ReLaaaX said...

ولكن الحب لا يعرف يوم


بالضبط هذي قناعتي ومستحيل اغيرها في يوم من الايام !؟



والحمدلله الهديه مانخصصها بيوم واحد والـ364

ماكو شي !!!؟



بخل حتى بالمشاعر !!!!!؟ يوم واااااحد حق انسانه سخرت حياتها لنا !!!؟



ماقول غير الحمدلله .. ديننا علمنا الذوق والادب والاخلاق :)





---


والله نفس التساؤل ! ومالقيت له حل يرضيني


الحل ان نبدي نتحمل المسؤولية لما ربي يقدرنا وتصير من الروتين الطبيعي :)


دايما البداية تكون صعبة


ومثل ما ان فيه ناس مادري شلون قايلين .. فيه ناس سنعين .. وفيه ناس قادرة تربي - قادة المستقبل - متأكدة من هالشي .. بس الموضوع يبيله صبر وركاده ونظرة تفاؤلية



---


الزواج



يمكن لأن اللي يتزوجون يهال !
!أو مخوخهم صغيره ومو قد المسؤولية


من جذي نسمع القصص الغريبة والعجيبة


وعاد السالفة اللي ماتخلص .. الخاله والجنه والا الجنه وحماتها !!!؟


يااااااااربي متى نكبر عقولنا !!!؟


بس آنه لازم اسكت عشان مااشتط بالموضوع وعاد شيسكتني :)

Mohammad Al-Yousifi said...

انا شخصيا ما اعترف بهالأيام بصفة عامة لكن ماني شايف ان الاسلام له شغل بهالسالفة

الـفــــجـــ الــبـــعـــيـــد ــــــر said...

صحيح والله.. وانا استغرب ان اللي يحتفل بالفلانتاين والا عيد الام والا عيد العمال وغيره .. ليش المشاعر ماتظهر الا في هاليوم؟؟!! وباجي الايام ضرب طنااش!!!

المشكلة انا العرب لابسين نظارات سودا على عيونهم وتركب في مخهم عقول ببغاواات

اللي يحب بيحب كل يوم مب يوم

عــــــابره said...

كلام عن يوم حلو حلو .. بس انت مو متخلف

هذا مو اسمه تخلف .. الى متى نقلد الغرب ولايكون لنا شخصيه مستقله .. احنا مالنا دخل فيهم هم قاطعين و يواصلهم امهم بهذا اليوم ..

بس احنا ايام الي نقضيها مع امنا كلها عيد بالنسبه لنا نكون تحت ظلها

انت لك شخصيه مستقله مش متخلف

المتخلف التابع وليس قائد نفسه الي يسوي ماهو يحس انه صح

ويعطيك العافيه

Alather said...

الجزء الأول

معاك
ولكن كما قال طائر لا اتصرف بطريقة عكسية
بالعكس اعطيها اكثر واكثر .. يمكن لاني كنت من قبل مقصرة واليوم تذكرت

لكن كاحتفالية خاصة مخصصة .. ارفض
:)



الجزء الثاني

الله يكتب اللي فيه الخير
مانري هالحال الى متى




الثالث
الزواج
موضوع اللي يطرح بكل ساحة وبكل يمعة وبكل سالفة يدخل عمره

لكن يكفينا الاية
كل الاطمئنان
وكل الراحة

:)


وعطلة سعيدة

May said...

كلامك عين العقل أخوي مشاري

أحلى شيء في الموضوع

هم يحطون العيد

وإحنا وراهم نحتفل

يعني منتهى الإنهزامية والتبعية

والله يشفي الجميع

ReD Lady™ said...

انا معاك وانا ماعترف بهالاعياد .. لانه اذا انا ابي ابر امي او اطيعها او اييبلها هديه مايكون بس يوم واحد بالسنه .. واذا على عيد الحب اذا انا احب شخص راح يكون بالنسبه لي كل يوم معاه عيد حب واحتفل فيه كل يوم او بين فتره وفتره مانطر يوم بالسنه واحتفل مع العالم كله علشان والله انا احب :) .. والصراحة هالاعياد هذي اعتبرها يوم التفليس والبوق العالمي لانه مايبقى مكان الا تزيد اسعاره والكل يصير يبي يقدم كل اللي عنده واحنا بسرعه بس هالكرت نشخطه مني ومناك ..
والزواج مثل ماقلت مد وجزر لازم اذا شد طرف الطرف الثاني يرخي لانه اذا الطرفين شدو راح ينقطع الحبل وراح يخسرون اثنينهم :)

اشكرك على هالمواضيع حدها نايس :)
اتمنى لك نهاية اسبوع سعيده

3ateeja said...

ان شا الله ولا يهمك بتمتع بنهاية الاسبوع بس اهم شي انت
مستانس؟؟؟

White Wings said...

مشاري
صحيح الحب ماله يوم، بس ساعات الدنيا تلهينا، ومشاغلها تاخذنا، جميل أن يكون هناك يوم مخصص للأم، نحتفل بها هي، وهي فقط، هدية وكيك وتجمع غير عادي، مو التجمع الاسبوعي، ولا هو على وجبة معتادة، له طعم ثاني، يولد شعور جميل
هالسنة الأولاد تحاططوا خمس دنانير الاثنين الكبار، وراحوا مع والدهم وشروا اطار حطوا فيه صورهم ثلاثتهم، ورسموا رسمات جميلة، والصغيرة، أم خمس سنوات، شخبطت ورسمت وكتبت اسمها، ما عندك فكرة شنو هالهدية تعنيلي، وبالذات انها في هذا اليوم الجميل
المسألة ان الواحد يتوقف يوم ويراجع آخر مرة قال فيها لوالدته انه يحبها أو متى آخر مرة اشترى لها هدية
وكل عيد أم وأنت بخير
:)

tweety said...

يا ربي أنت مو متخلف بس راسك يابس وتسوي من الحبة قبة
كل هذا بخل يا مشاري !؟ :p
أنا كنت ناويه أعزمك على ريوق الحين شكلي بهون :p

اولا : صحيح حب الام ماينحصر بيوم محدد بس انا اشوف شي ايجابي ان نلقى بهاليوم فرصة نعبر عن مشاعرنا حق امهاتنا وتقديرنا لهم , شي حلو لما اتشوف يهال بال12 وال13 بيشترون شي رمزي حق امهاتهم ما أعتقد الاسلام يمنع هالشي

ثانيا : الكويتيين موكلهم مدلعين والدليل أنا ! كويتية وحلوة ومو دلوعة لا اتعمم رجاءا :p

ثالثا : أحس مهما تكلمت عن الزواج بيكون كلام نظري فلسفي المتزوجين أبخص كونهم عاشوا التجربة فمنكم نستفيد

Anonymous said...

تعلقي على موضوع الام / فعلا اخوي قلت اللي عندي وزيادة كلام منطقي و عين العقل ... معا ضد الاعياد اللي مالها داعي بالحياة
---------------
تعليقي على الموضوع الاخير / اوجزت وكفيت ووفيت ,, ولاننسى الحب الاوحترام هو اساس اي علاقة ناجحه
----------------
مدونة رائعه ,, ساضيفها ضمن مفضلتي ,,
الله يعطيك الف عافية اخوي مشاري

nachla said...

ولدي وبنتي في يوم عيد الام ردو من المدرسة كل واحد في ايده كرت حقي
بالنسبة لي
كان شعور جميل واحساس لايوصف
استانست
الله لا يقطعها من عادة
الظاهر انك محتر تبي عيد ابو

White Wings said...

مشاري، عندي اقتراح وأبي رأيك، مر المدونة اذا تقدر

Unknown said...

بنت الكويت :اللى يبتعد عن امه وما يعرفها الا يهاليوم هذا ما فيه خير
الشخص الصالح حتى لو مع امه وابوه يدعيلهم بالرحمة وهذا بروحه يكون من البر فيهم

Unknown said...

violinist_q8 : صحيح ان الاهتمام مو مثل قبل بس هل المعنى ان اطنش اهلى طول السنة واقول والله اليوم باعطيهم هدية
اذا كان الموضوع اجتماعى فى نقص ليش اعوضه بشئ ضد دينى ؟

لو ناقشنا نفسنا بواقعية لقينا نفسنا احنا اللى مقصرين فلا نعوض التقصير بامر خاطئ وخل نصلح نفسنا احسن

مشكور اخوى الكريم :)

Unknown said...

lavender: الغافل اذا ما يتذكر الا بهاليوم ما فيه خير الصراحة
والمفروض يكون واعى على طاعة الوالدين

الزواج فعلا اهم شى ان الواحد يقدر يتأقلم
وهالشى مو سهل

Unknown said...

charisma : شوفى اول شى الصورة اللى حاطتها وايد استانس عليها :P

الام صدقينى لو كل يوم الواحد يكلمها
ويبوس ايدها
ويرفع السماعه عليها واهو بالدوام
ما تبى اكثر من جذى ولا ناطرة هدية كلها امور دخلت علينا بطريقة غلط
ولكن الواحد يرد يقول
هل دينا يرضى فيها؟ هذا السؤال

Unknown said...

Smile : انا اتفق نوعا ما مع طريقة ابوج :)

الله يطول بعمره
وفعلا الواحد يحتاج ان يقول ان الزواج سهل لان اهو يحتاج بس طولة البال
وجان سهلة :)

Unknown said...

جنون إحساس : كل اللى كتبتيه بصوب
وفهمج على عملية الحظ بصوب فعلا خوش تفسير وجدا جميل

Unknown said...

Almas : اذا كانت بعض المدن باليابان تمشى جذى لان الاساس منظم واهو النفس البشرية
لكن حياتنا فوضى
وتصدقين انا ارجع الابتعاد عن الدين والفوضى على كل مشاكلنا الحياتية

Unknown said...

Kuw_Son : قلت جم كلمة عجبونى

ليش ما نبادر؟
نفتقر المبادرة فعلا
ودائما يسيطر علينا خوف الفشل

الاعياد هي الفطر والاضحى وبس
والناس بس همها قلوب حب وكاكاو وخرابيط


التجربة السيئة مو دليل الفشل ولكن الاستفادة منها قد يكون الحافز للتجربة القادمة انشاء الله

Unknown said...

7osen :اول شى شرعيا غير مقبولة
ثاني ما احب شى غربى يتدخل بعادتى

ما احب احصر المشاعر بيوم

رتبتها لك
تنازلنا وايد من دينا والسبب ان نقول شئ برئ وما فيها شئ هل ما فيها شئ اهيا اللى ودتنا ورى

Unknown said...

2 u ALL : خوش تفسير بالنقطة الاولى وفعلا التفكك اللى فيه اهو مخليهم يلجأون حق هالايام

العجلة اهيا اللى ضارتنى والله يعين

Unknown said...

TeKana : تصدقين الصورة اللى حاطتها ما توحى على افكار ج:)

Unknown said...

ReLaaaX : فيج ميزة تتعمقين بالموضوع بطريقة سلسة حلو :)

تخلى الواحد يكمل بسرعة بالقراءة

الام عمر
واحنا نختصره بيوم

Unknown said...

kila ma6goog : مطقوق يعنى ما اعتقد الرسول عليه الصلاة والسلام كان يحتفل بعيد الام
ولا ناس من المسلمين
هالشى عارض علينا ويحالون يخلونه جزء منا

Unknown said...

Alfajer alba3eeed : انا اتفق معاج بان اللى يحب لازم ما يعترف بيوم
وهالنظارة السودة باجر بتحترق وتلزق مكان عيونهم لم يقودنهم وين ما يبون

Unknown said...

my sold : الله ينور علييييييييج هذا اللى اقصده الاستقلالية

ان الانسان لازم يحس بان غير متطبع بطبع غيره
بس وين اللى يفكر

Unknown said...

Alather: ما ادرى ليش الناس بهالزمن عاد اغلبها ما تحس بالاطمئنان ودائما العيون جاحظة على شنو ما ادرى

Unknown said...

MiaMi : تبعية وانهزامية وماكو شخصية واذا قلنا ما يصير قالوا كل شى تقطه على الدين

Unknown said...

ReD Lady™ : احلى شى الرومانسية اللى كتبتى فيها ان اذا حبيتى واحد كل يوم تحتفلين
؟؟؟؟
هذى الخساير :))

Unknown said...

3ateeja : باستمتع ويا زين اللى يسمعون الحجى:))

Unknown said...

White Wings : اول شى الله يخليلج اولادج
ولكن صدقينى التعويد على اظهار المشاعر بيوم محدد امر خاطئ
لا اعرف التزامك الدينى ولكن اجتماعيا ايضا منفر وغير محبب لى

Unknown said...

tweety : اولا : مو بخل وامى لو تبى عيونى اشيلهم واحطهم هدية لها

ثانية : مااااااا اعبر على الثقة الزين عندنا والشين توتو :P

ثالثا : الزواج لعبة توم اند جيرى يوم حلوين يوم فوق يوم تحت

وييييييين الريوق؟

Unknown said...

بنت الرح : اشكرج والانسان يجب ان يستقل بنفسه بدل من ان يكون تابع للغرب ويرمون فينا بسلة التاريخ

Unknown said...

nachla : لا احتر ولا ابرد
بالعكس راح اربى عيالى على ان هالشى خطأ والواحد لازم يرفض كل فكرة ممكن انها تقلل من اهمية او تختزل الحب للوالدة