الطموح و العمل والمثابرة والالتزام وقليل من المشاغبة تكون الحياة ناجحة

Wednesday, May 02, 2007

نصر وخوارة التربية عندنا

مايكل عليه قضايا جنسية ويرفع علامة النصر


فى كل الدول العربية تُرفع علامة النصر من فنانة

او مجموعة ناس متجمعة وشاقين الحلج ورافعين علامة النصر

نصر الله اللبنانين متضاربين واهو يقول كل شى اوكى ؟ غريبة

او واحد مسجل هدف بمرمي الخصم

او واحد ما عنده سالفة

المضحك اننا دائما نرفع علامة النصر وعمرنا ما انتصرنا لاهداف حقيقية فشنو قصة علامة النصر؟


والمبكي ايضا اننا دائما خاسرون وبالمؤخرة وما في أى شئ محفز للنجاح والكهرباء بدأت بالانقطاع المبرمج عن بلد فيه ملايين من الفوائض المالية هالله هالله بعيالكم اشتروا لهم شموع علشان يدرسون فى امتحانات اخر السنة بالحر


وزارة التربية

من الامور الطائفية الموجودة في مجتمعنا ظهور حوادث شاذة اخرها عزف احد المدارس اثناء الطابور المدرسي لنشيد لحزب الله ( وين قاعدين)؟

الرسالة ارسلها لوزيرة التربية نورية الصبيح يا بابا شقاعد يصير عندج وين قاعدين

هنا الكويت وليست طرابلس ولا البقاع

يعنى الطرق الملتوية لبعض المدرسين لادخال الولاء الطائفي هذا مرفوض

العيب فى بعض المواطنين باختلاف مشاربهم انتمائهم للخارج اكثر من الداخل

ووزارة التربية مرة ثانية

أحد المدرسات أجبرت تلميذة لنزع ملابسها الداخلية ( السفلية) علشان تفتشها اذا كان معاها موبايل والا لا

يا ابلة يا مربية الجيل اذا انتى مريضة او طايح حظج لا تنقلين العدوى لبنات الناس

معاها موبايل او حتى شاكة معاها موبايل فى شئ اسمه استدعاء ولى أمر وانذار وفصل مو الله يهديج تخلينها تفصخ ملابسها الداخلية

يعنى فعلا عش رجبا ترى عجبا

اخر القلم

انا وضعت الحياة جانبا

ورضيت ان اكون معك

على روح البحر نعبر

ونتبادل حر الكلم



احسن شى تسمعون هالاغنية



44 comments:

AseeL said...

حبيت اكون اول من يطق الكرت في مدونتك :p
بعدين شفيك مشكل على راشد الماجد يا صديقي المدوّن العزيز؟

beaaaaaat it.. beaaaat it.. just beaaaaaaaaaaaaaaaaaaaaaaaaaat it
اسمع مايكل جاكسون أحلى :p

bo9ali7 said...

نهاية اسبوع حلوة

راعيها said...

فاجئتني بأخبار المدراس .. صج وين قاعدين .. من أمن العقوبه أساء الأدب

على فكره أخ مشاري .. الموبايل ممنوع بمدارس الكويت لأسباب غير واقعيه .. و لكن مسموح فيه في مستشفيات الصحه على الرغم من انه ممنوع في مستشفيات بره لأنه يؤثر على أجهزة الانعاش .. بس عاد الفرق ان هذي الكويت صل على النبي

Common_Sense said...

salfaat elmobile 3adeya .. feh nas martha ma tegdar tsawelhom shay went bel kuwait. ya3ny elmodaresa mat'7af men shay, ma7ad ra7 yfaneshhaaa !!

بوصالح said...

وزارة التربية تحتاج أحياناً لمن يربيه

مشاري .. موضوع الكتب المدرسية و الحشو و غيرها أخطر فعلاً

و علينا التطرق له بالتفصيل

kila ma6goog said...

يمكن سمعت الرنة؟

3AJEL said...

منتصرين على طول
على شنو؟
على طول

magnoonah said...

بالنسبه للنصر ما اقول الا الحمد لله والشكر

اما بالنسبه للتربيه فهذا شويه ولا تنسى فلا حياة لمن تنادي لانه ما خفي اعظم من الاعظم


لا تكدر خاطرك وما اقول الا ان الله لا يغير ما بقوم حتى يغيروا ما بانفسهم

layal said...

نشيد حزب الله في المدارس
قويه
في هذي غلبتونا

Smile said...

اي مدرسه هذه اللي يغنون فيها حق حزب الله
والله مسكين هالريال واللي كاسرين خاطري اللي مصدقينه

وازيدك بعد في مدرسة قطعت رسمة ياهل في الصف الثاني لان مو عاجبتها

شتبينه يرسم الموناليزا


have nice weekend

Q8LoVeR said...

وزارة التربية مرة ثالثة
احد المدارس ونظرا لان قسم من الاقسام يوجد فيه طائفتان من النساء مختلفتان قاموا بفصل القسم وجعله حجرتين بدل حجره لكي يكون للسنه حجره والشيعه حجره !!!

Hitman1 said...

مستوى التعليم عندنا مع الاسف وصل مستوى هابط لم يوصل له من قبل
والفضل طبعا يعود الى وزراء التربية الي ما فيهم واحد (او حدة) فيه خير

حسام بن ضرار said...

نصرالله يستحق وسام فارس مهرج من الطراز الاول

المقدم من جمهورية صرمايه لاند الاشتراكية الشعبية

على طاري وزارة التربية

خل تراوينا نورية - المرأه الحديدية - حديدها و نارها الحين عشان ما تصير اسد علي و في الحروب نعامة

charisma said...

وااى مشارى شهالاخباار الى ترفع الضغط عن المدارس
بروحا ضغطى نازل صارلى سبوع

ويين قاعدييين !!

اول ينخاف عل عيالنا من البنات الى بالمدرسه الحين بعد لازم نعمل حساب المدرسات
يا سلالام
الحمدالله ان اكو مدارس خاصه

البوست يكدر يا مشارى
:/

White Wings said...

حزب الله عندهم نشيد؟
:)
انت متأكد من أخبارك؟ معقولة النشيد في طابور الصباح؟؟
أخاف ديوانيتك عروقها مو بالماي
:)

ana_sokkarah said...

مصيييييبة بل كااارثة والله يستر باجر شبيصير انزين آنا بفهم مديرة المدرسة الهبله وين كانت مامنعت هالسالفه

لاحول ولاقوة الابالله

لا وأبشركم قريتوا اليوم شكاتبين بالجريده جم ألف ماني قايله بيبونهم يدرسون عيالنا لاااا على الكويت السلام شنو ليهالدرجة عشان أرخص إي شوفوهم شلون يدرسون عيالكم بعد تتعاقدون معاهم ومع غيرهم أوفيييييه عليهم حكومة ووزراء
يبه أقولكم خلونا احنا نصير أعضاء بالمجلس ووزراء ونواب ونوريهم شبنسوي بالكويت والله احنا يالشباب راح نسويها وردة مثل قبل الكل يتمناها من صوب مو الحين خذوها لحم وقطوها عظم

واااي احترقت اعصابي مادري شبقول قمت اخربط عن اذنكم الواحد يسكت احسن له آسفه عالإطاله ياخوي مشاري

Dana__23 said...

إي والله يا مشاري أنا لا حظت هالشي بالديره للأسف انتمائهم للخارج اكثر من الداخل !!

الله يحفظ ديرتنا يارب ..

وخوش إغنيه أحبها :)

أبو إسحق said...

وزارة التربيه يبيلها تربيه !!

7osen said...

اخوي مشاري مع احترامي الشديد لشخصك ولكل الاراء اللى تطرحها

انا عندي عتب عليك

لأن الصورتين اللى حاطهم فيهم إهانه
لكل اللي يتبعون عقيدة السيد نصر الله

لأنه قبل مايكون قائد سياسي

هو رمز ديني ومن غير المقبول انك تحط صورته تحت هذا المغني الرخيص الشاذ

مع إحترامي الشديد لشخصك الكريم

bo_sale7 said...

لا تستغرب ... شوف ويه جمعية المعلمين واحلب لبن

وسؤال بسيييط للاخ حسن :
متى صار حسن نصر الله رمز ديني !!
اصلا متى صار في شي بالدين اسمه رمز ؟؟؟؟؟

الدين لا يرمز له بشخص ..... ولا بعدين كل افعال الرجل بتقاس وتفصل على انها دين ونابعة من الدين ..وما يخفى عليك هشاشة هالفكر
تحياتي

Anonymous said...

اخ مشاري
سنين واحنا نروح لصفوفنا على المارش المصري محد بطل حلجه الحين لما صارت السالفه من صوب نصر الله وربعه ارتفعت درجة الحراره بعدين مو من زود ثقافة مدرسين الموسيقى منذ الازل و كل شغلهم اقتباسات وبوق ليش التضخيم




فتى البراري

mishari said...

AseeL : هذا محمد المسباح:)
وبعدين شكرا لكونج اول وحدة

mishari said...

bo9ali7 :اشكرك عزيزى

mishari said...

راعيها : والله معاك حق بس شتفهم المشكلة هم الخراب من الاهل والا ياهل اوكى ما تقدر تمنع الموبايل بس عليه كنترول والا شلون ياخذه معاه المدرسة؟

mishari said...

Common_Sense : المدرسات بالكويت باختصار شديد

اغلبهم افلالالالالالام
اللى متهاوشة مع ريلها وتيى تطلع الحرة على اليهال وانت رايح

mishari said...

kila ma6goog : صح كانت حاطه قوقوش :P

mishari said...

3AJEL : مو الفكرة ان كل واحد فيهم يعتقد ان منتصر؟
يعنى تلقاه مطقوق وطالع من المخفر مشتكى ورافع علامة النصر واهو توه منطق

mishari said...

magnoonah : احنا تغير اللى داخلنا من زمان بس للاسوأ والله يستر من الياى

mishari said...

بوصالح : صحيح موضوع مهم وحساس راح نتطرق له بالقريب انشاء الله

mishari said...

layal : سكتى يا معودة مو احنا سباقين بكل شى :)

mishari said...

Smile : اقولج الخبر قريته بالجريدة ولقيت ان المدرسة بمحافظة مبارك الكبير
عازفين نشيد الانصراف من الطابور مال حزب الله

الصراحة ما ادرى شنو يبون بالضبط

mishari said...

Q8LoVeR : عاد هذى بدعة يديدة وبعدين شوى يحطون بدال الناظر ناظرين وروووح لما تصير المدراس افلام اكثر ما اهيا رايحة فيها

mishari said...

Hitman1 انا اعتفد العيب مو بالوزارة العيب بالنهج وعدم الاهتمام بالتعليم

mishari said...

حسام بن ضرار : والله انا اتوقع انها راح تتحرك بالموضوع بس ننطر ونشوف هذا الافضل

mishari said...

charisma : اول شى سلامات ما تشوفين شر

بس هذا اللى صاير مدارسينا تفشل وتلوع الجبد وبعدين يقولون ليش تودون عيالكم الخاص على المدرسة ما تطلع حرت ريلها باليهال

mishari said...

ana_sokkarah
": انا ما دريت اى جنسية اللى بيبونها بس الصراحة المدرسين عندنا يلوعون الجبد ومع الاسف البنات اللى الحين قاعدين يدرسون الكويتيات يدرسون من طرف خشمهم وكأن واجب التدريس مفروض عليهم

mishari said...

White Wings
: ما اروح دواوين ;)
انا الاخبار توصلنى وانا عندى مختومة

mishari said...

Dana__23 : الانتماء لو ماكان للداخل نكون ما عطينا اهم جزء للبلد اللى نولدنا فيها

mishari said...

أبو إسحق : صج خير الكلام ما قل ودل

mishari said...

7osen : اولا عزيزى اشكر لك تقدريك واحترامك ولكن

حسن نصرالله يوم بدت الحرب مع اسرائيل كان ذو شخصية محط اعجاب الجميع وانا اولهم ولكن مع الاسف الان هذا الشخص بدلا من ان يتعاون لبناء بلده هو يدمرها ومو بس جذى
اهو ينفث بتأثيره ناحية الدول العربية وهذا اللى قاعد يصير عندنا الحين من هالتأثير
انا شفت بعيونى محد قالى بالبحرين بعضهم على خيول ومسكرين الشارع متظاهرين
يا اخى
الوضع اللى احنا فيه مو متحمل جعجعة وتطاول

والرموز الدينية تأنى دائما عن نفسها من التطاولات السياسية وتحاول تبنى ولا تهدم

mishari said...

bo_sale7 : والله جمعية المعلمين احسن مكان تطلع منه فلوس بس خل يكون عندك واحد معرفة منهم وحتى لو تحط صينية بنك اهناك تربح

mishari said...

Anonymous : فتى البرارى

عزيزى يعنى لا هذا صح ولا هذا صح والناس تكلمت وعلى فكرة المارش المصرى على قولتك هذا لحن عسكرى عادى جدا و لايرمز لقومية مصرية ولكن المارش العسكرى لحزب يرمز لولائ طائفى

AuThoress said...

استلم ! نشيد حزب الله بالمدراس؟ يعني خلّصت الوطنيـــة الحقيقية وتنميتها لأجل الكويت ( الكويت فقط) حتى يوجهون الأولاد والبنات نحو "حامل بيرق النصر" ؟

وتاليها مع الغباء؟

Sound From Kuwait said...

AuThoress : مالينا مالينا مالينا والناس ما تفهم ان هالديرة غير عن باقى الدول ولكن شنقول؟