الطموح و العمل والمثابرة والالتزام وقليل من المشاغبة تكون الحياة ناجحة

Wednesday, May 09, 2007


لا بالله كدينا خير يا جماعة شقاعد يصير بالديرة حتى بالمدارس؟





يعنى صارلهم جم يوم ويزنون عجز وعجز الحين من زمان محذرين منه ما صار الا يوم طلعت الفوائض يبه لا تزيدون الرواتب
لان الاسعار راح ترتفع نزل سعر البنزين -ادعم السلع بالجمعيات- ادعم السى دى مال روتانا خله يصير بربع اى شى بس لا تخروعنا جذى




يعنى الله يهداك ما لقيت الا علينا احنا تبيع سوقكم؟؟ حرام عليكم فكوا نفسكم بعدين تعال سوق علينا




حلو حلو تدرون لو تصير صج جان اتوقع الحريم يحلون دم رئيس مجلس ادارة بنك التسليف


اخر القلم

لا اعرف هذا المجتمع الى اين يسير
ولكنه ذهب الى اليمين فهوى
وسار الى اليسار فيسقط
واعندما ارتقينا
هوينا لاننا
لانحمل
الهوية


43 comments:

7ajyyah said...

السلام عليكم جميعا
من زمان عنكم أشلونكم أنشاء الله بخير وصحة وعافيه ومعاهم التوفيق

العنوان حلو وبعد أذنك بزيد عليه ؛ حب لغيرك ما تحب لنفسك تكون الحياة أحلا وأفضل

بالنسبة للفقرة ألأوله: من تردي المناهج وتخلفها والفراغ الكبير الموجود عند الطلاب والطالبات أصبح يستغل بكل الطرق حسنه أو سيئة أضف إلى ذلك إهمال الأهل والتسيب الموجود عند اغلب أولياء الأمور يكون المجال واسع للعبث ربي يحفظ أولادنا وبناتنا ويرزقهم الصحبة الصالحة اللهم آمين

الفقرة الثانية : أنا أقولك ليش التخرع مثل ما تدري نواب الخدمات ما يعلمون عن الاقتصاد شيء وقاعدين يدغدغون مشاعر الناس بإسقاط القروض وغيرها من أمور تذبح الاقتصاد وتتلف صناديق الأجيال القادمة وناسين التنمية فما في ألا التخرع ولا أشدعوه يحسون عمك أصمخ

الفقرة الثالثة: لما قريتها بالجريدة ضحكت على منو يا شيخ

الفقرة الرابعة: مو قبل أشوي قلنا العيال ضاعوا من تسيب اغلب أولياء الأمور هذا بوحدة شلون لي صاروا اثنتين لا بيزيدون ألي بالفقرة الأول ولا بتطلع أشكال جديدة غريبة المشكلة ما ادري من وين يجيبون هل اقتراحات و ألديره بأمس الحاجة للتنمية وترتيب الأدوار وإعادة صياغة القوانين

الفقرة الخامسة: ببساطة نفقد القرار الحازم فأصبحنا نترنح يمين يسار وربي يصلح الحال بهمة الصالحين الأتقياء

Kuw_Son said...

يا سلام عليج يا نورية !! توج تدرين إن في المدارس هالأشكال ..

عسى الله يستر

و سالفة الزواج الثاني .. حسافة بس مخلينها للي تتوفى زوجته ..

حلاته في قرض للي يتزوج بعد الطلاق من الأولى

جان تصير سمردحة الديرة ههههه

حسام بن ضرار said...

ننتظر القبضة النورية الحديدية تجاه عزف نشيد حزب الله و عبدة الشيطان

وان شاء الله تكون اسد مو نعامه







انا اؤيد قرض الثانية
و قلب الرجل يتسع لأكثر من حب في نفس الوقت
و اؤيد التعدد بشرط العدل

ام الحفيز said...

مشاري

بالله عليكم الحين صارت المناهج هي السبب بتفشي امراض الجنس الثالث والرابع والخامس وعبدة الشيطان.....السبب الاول والرئيسي والوحيد هو غياب الام في البيت وغير هالحجي ما عندي التربيه ثم التربيه في البيت هي الاهم والاضمن لتحصين عيالنا من جميع الافات...والاثبات على ذلك في بعض الاسر ادز اعيالها للخارج للدراسه ويردون ايد ورا وايد جدام ومالهم ولييين مرشد...واسر ثانيه تدز اعيالها للخارج وتجابلهم وعلى اتصال معاهم ويردون بشهادات ترفع الراس والسبب التربيــــــــــــــــــــه في البيت يعني ما جذب من قال الام ان اعددتها اعددت شعبا ًطيب الاعراقي

والبند الثاني ومثل ما قالت الحجيه: نوابنا حدث ولا حرج وعلى قولة المثل خبزن خبزتيه يا الرفله اكليه.....من دششهم الميلس مو الشعب...!! خلص بعد هذا هو الشعب ومايبي ..وصل على النبي...نوابنا يبيلهم قواطي قاز وجبريت ابو ثلاث نجمات وشب فيهم

والبند الثالث:على مين تلعبها على قولة راشد الماجد والله يستر بستره بديرتكم

والرابعه: اذا صج هالكلام اولا لازم يشوفون احوال الزوجه الاولى اذا هو مريحها ومو مخلي عليها قاصر وعقب يعطونه القرض اذا كان مؤهل للثانيه ....حسبي الله على بعض هالريالي وعلى قولة المثل عِنْدكْ تَاكلْ ؟ قَالْ لاَ , عِنْدكْ تْغرَمْ قَالْ إِيهْ

يا مال الضربه بَدّ الفرضْ عَلَى القرْضْ
جابل بيتك واهلك اول وعسى كحلها يترس عينها وعقب فكر بالثانيه....بتاخذ ثانيه وانت منتف وحافي؟؟؟
وش هالعبوووووووووو المشوطر

انا اقول البذر بالصبخ ضايع

وسلامتكم

بنت الشامية said...

اخوى مشارى:


اما عن السيده نوريه...شبتسوى لتسوى

الشئ وايد وايد فى التربيه


اعتقد المسوليه الاولى على هالنوع من

الطلاب على الاهل ....المدرسه بس تراقب

وتحول الحالات الصعبه الى الاخصائيه

النفسيه....بس هل الاسره توافق وترضي

وتساعد الاخصائيه......تعال شوف ردت


فعل الامهات...... تشوف العجب

***

اما عن عجز التأمينات....اول

ماطلبوا الزياده 50 د.....رفضت

المؤسسة....واعترضت ....من سمع لها ؟؟؟

كل النواب بس يبون يهبشون من هالكنز

ويسكتون ناخبينهم....جنه الديره مو

ديرتهم......ان شاء الله قرب التخلص


من هالنوعيه الجاهله

***

اما عن بنك التسليف ينطبق عليها

المثل الكويتى .....*

قال عندك تأكل فال لا

قال عندك تغرم قال إي


وين العداله ؟؟؟الدستور يقول

المواطنين سواسيه....ليش ما يعطون

المراة اذا تزوجت الاول


مووووووووووالثانى


اذا تزوجت غير كويتى


والا الفلوس كله للريايل وزوجاتهم


الله يحفظ الكويت ويسترها بستره


مشكور واتمنى لك عطله سعيده

أبو إسحق said...

مشكور على البوست
:)

الخبر الاول : وينج يوم كنتي وكيله ؟ لكنه ما اعتقد انه هالموضوع اهم من المناهج لأنه المناهج مسؤولية الوزاره بينما الحنوس مسؤولية الاسره اولا

الخبر الثاني : من صادها عشا عياله

الخبر الثالث : على منو يا شيخ؟ ديرتكم يمنا و ندري عن الطائفية و الشغب و التجنيس السياسي و اسلمة الفنادق لعيون النواب الاسلاميين عندكم ... يعني عندنا و عندكم خير

الخبر الرابع : يا ليتهم يفكرون في الكويتيات المتزوجات من غير الكويتيين و الكويتيات الارامل و العوانس و المطلقات كثر ما يفكرون رياييل الديره اللي ما يصدقون خبر

sologa-bologa said...

ما أدري ليش
صحفنا دائما تتحفنا بموضوعات
فيها اثارة لكن من غير حل
جذري أو مدروس

مثلا يركزون على أخبار الجنوس
والشذوذ وعبدة الشيطان بالمدارس
لكنهم ما يقولون إن فيه كويتيين متفوقين أو طلبة متميزين

وركزوا على إن التسليف بيمنح قرض للزواج الثاني
لكنهم ما قالوا إن البنك يفكر يخلق استثمارات
خاصة للبنك لتمويل هذي القروض وسد العجز

تصدق يا مشاري
أنا مؤمن ان الكويت لي الحين
فيها خير والناس الطيبة
والأخبار الزينة
لكن الصحف ما تبرز إلا الأخبار الشينة
بهدف الاثارة والسبق الصحفي

المفروض على الصحف إنها تنور طريق المجتمع
مو تسبب له السوداوية والتشاؤم

وكل يغني على ليلاه والضحية في النهاية هي البلد

وآسف على الإطالة

ودمتَ بحب وود

Smile said...

دايما كنت اسال هذول الجنس الثالث والرابع اهلهم ما يشوفونهم لما يطلعون من البيت وخاصة الصبيان يعني حده مايع ابوه ما يمسكه ويكلمه ولا يشك في شي
الحمد الله والشكر
ذكرتني بسالفه قبل تقريبا ثمان او سبع سنين .. كنا متأكدن ان مدرسه وبنت لهم علاقه حب على قولتهم .. وشايفينهم .. يوم احنا البنات ما رضينا مثل هالتصرف .. بلغنا عنهم مديرة المدرسه .. شنو اللي صار ان المديره عينت اللي يراقبهم طبعا عقب ما سوت سالفه والمرسه درت بالسالفه وبعدها جذبتنا
وطلعنا احنا اللي مو زينين وهي صح

انا اقول المسئوليه الاولى والاخيره على الوالدين وينكم عن عيالكم
لهالدرجه لاهيين عنهم شعندكم غيرهم
لولا في بع الاهل لو تسألهم شاللي وصل عيالكم لي هالمواصيل قالوليك من اللي يشوفونه بالتلفزيون والغرب وبلاويه .. اذا انتوا يا اهل ما تسوون رقابه على عيالكم .. تبون المدرسه تصلح عيالكم اللي اهما من مسئوليتكم

الله يحمي عيالنا من كل مكروه

Krakatoa said...

نورية قد لاتكون رأت بعينيها عبدة الشيطان او الجنس الرابع او الثالث...ولكن التقارير المدرسية التي تفد من المدارس بحالات معينه تُثبت ذلك

الحقيقه تصريحها بمحاصرة تلك لافئة كان نوعا عنصري وكأن مابهم هو مرض معدي او امر اخر..لا اعلم مالحل معهم ولكن وبنفس الوقت لا اعتقد انه من المنطق ان يتم تجميعهم كقطيع من البهائم..فهو اولا واخرا اطفال لم يعو بعد خطورة ماهم به

====
بخصوص بنك التسيلف..ماعنده سالفة..اللي مو قادر يفتح بيت ثاني ليش يحط على راسه بلاوي ثانية..اذا انت منت مرتاح ببيتك الاولي شضمنك ان البيت الثاني ماراح يفتحلك بابا المشاكل مره ثانية
==

بنت الكويت said...

الجنس الثالث وعبدة الشيطان سمعنا عنهم وكتبوا عنهم بالجريدة بعد
بس سؤال وين الاهالي عن عيالهم واذا مو منتبهين لهم انزين وين ادارة المدرسة عن هالسوالف

وسالفه بنك التسليف هذي يديده علي يعني كأن قاعدين يقولون تعالي تزوجوا على حريمكم

الله يستر علينا بس

ٍٍStock said...

يعطيك العافيه مشاري :)

احلى شي الزواج الثاني :)

الصج ما اظن يقرووونه على قولتهم بالمشمش

What Will Be , Will Be .. said...

وماخفى اعظم بالمدارس .. وكل كبرت المرحله كل ماكان المخقى اكبر


من صجهم بنك التسليف؟

الله يعينا

http://optimisticpositive.blogspot.com/

عتيج الصوف said...

قديـما في السبعيـنات و الستينـات..كنا في طريـق الصعود نحـو القمــة..
ولكن بعد ترسبـات الغزو و الريحة اللي فاحت على فساد المعازيب..إكتشفنا مؤخـرا إن القمة هي "الهـــــاوية"
الله يستر على الديرة

راعيها said...

خلهم يزوجون الرياييل اللي مو قادرين يتزوجون اصلا و بعدين يشجعون الزواج الثاني

magnoonah said...

الاخت نورية تستعبط ولا تنكت اصلا الجنس الثالث والرابع موجود ومو بس طلبه وموظفين بعد يعني من زمان ولا ترى وجودهم صار بالمجتمع الكويتي شبه طبيعي


اما زيادة الوراتب فردد
ياليــــــــــــــــل ما اطولك


واما قرض التسليف للاسف يت متاخره ولا راييلنا ما يردهم رداد على الحريم اذا بغوا

charisma said...

جنوس وشذوذ وما ادرى شعلتهم هذا شى الحمدالله والشكر مرض وهوس جنسى ومؤرف

بس عبدة الشيطان شنو يعنىىىىىىىىىى

التربيه ما عليها منهم ولا انلوم نوريه ولا غيرها

الرك على البيييت الى يشوف ويسكت

بنتى تطلع ولا ولدى بهالمنظر

ما اقدر اعالج الموضوع واهيتا بالمدرسه!!

ليش بعدين انلوم المسئولين ؟؟؟

الله يهديهم ويصلحهم

والله شى يعور القلب الحمدالله والشكر

والتسليف عسى ماشر قروض للزواج الثانى
ماكو شغل!!

وحلو النيو لوك يا مشارى
وايد شرح
:)

Q8LoVeR said...

يحليلها تعترف بوجود الجنس الثالث والرابع ؟
انا من اكثر من 8 سنين ادري بوجودهم ؟

شالفايده تعترف وبدون لاتحلين او خطه لحل المشكله ياوزيره ياتربية

اكيد قريت قصة الدرسه الي رافعين اعلام ايران ونحب ايران وبتدائي مساكين
وقبلها نشيد حزب الله
كل هذي قمة التربية والرأية الوطنية ياوزيره ياتربية

انا مابي اتكلم عن النظام الموحده الابداعي الخطير بالمدارس الي امريكا بكبرها عجزت ان تسوي نفسه عشان تخرج عباقره من مدارسها !

اما العجز مال التأمينات انا مادري لسش هالتصريحات الغريبه
فلوسنا وديونا واستثماراتنا وفوايضنا السنويه وينها ؟
قبل سنتين الفايض بس كان فوق ال 50 مليار
والسنين الي طافت ؟

وجذبة انه الكويت تطالب العراق 10 مليار مو اكثر


الفلوس الي قطتها الكويت على الحرب العراقية الايرانية اكثر من 100 مليار دينار
وقولون عجز ميزانيه


والله براي خل يزيدون المهمر فلوس الزوجه الاولى احسن على الاقل الريال يقدر يحصله جم فلس يسكن ويعيش فيهم مو بس حق المره وتكسر ظهره

بحسبة بسيطه يبين التالي مو المهر 4 الاف
و2 يردهم

يعني المره كسبت 4 الاف وخسرت الريال 2 والحكومه 2 وفوق هذا يقولون ماعندنا حقوق مدنية واجتماعية وفضائية
مادري هل احنا معشر الرجال مقصات ولا طيبين فقط
والمره تستاهل بس حتى احنا ترا نستاهل

Q8LoVeR said...

بعدين منو الصاحي الي يدخل ولده ولا بنته مدرسه حكومه انا ماقدر صراحه واخاف على عيالي اللهم ماكثر المدارس الخاصه السنعه الي فيها احسن انتاج ديني وعلمي وثقافي وقيادي ومع هذا نظام 4 سنوات عادي ويدرس 5 الى 6 مواد في الفصل مونفس النظام الموحد 11 ماده

فالحقيقه على الي قاعد اسمعه واشوفه المدرسه تدمر الا من رحم ربي

kila ma6goog said...

حلوة سالفة استثمر بالبحرين

Mishari said...

7ajyyah حيالله الحجية صج من زمان عنا وينج

انا بس بامسك تعلقيج الثانى
يا حجية المسألة مو مسألة دغدغة مشاعر بس
انا كمواطن عادى بسيط من حقى ان عيالى يكون لهم مستقبل وفرصة بالحياة فى دولة فيها فوائض مالية يجب ان تستثمر للستقبل من خلال مشاريع
سكنية
اقتصادية
تعليمية
وينهم؟؟؟
ماكو شى
علشان جذى مو خل يدلدغون الا خل يكسرون الجربة على روسهم بعد

Mishari said...

Kuw_Son : بما ان مخلينا لما الزوجة تتوفى اتوقع جرايم القتل راح تزيد
بس حضرتك قولى
ليش ما تنوع
كويتية
سعودية
مغربية
والرابعة على ذوقج

Mishari said...

حسام بن ضرار
والله يا بو ضرار انا معاك منتظرين ردة فعل منها توقف هالمهازل

وصح قلب الرجل نفس الغابة
يشيل الغزال
والطيور
وكل اللى يحبه قلبك

Mishari said...

ام الحفيز :

الفقرة الاولى : البيت هو الاساس

الفقرة الثانية خل الحكومة تبينى شى سنع وتخفض سعر السلع حق الكل ويخفون البوق وذيج الساع الناس ما تتحجى


الثالثة : صح هلى مين تلعبها

الرابعة : يبه مليون ما كملنا خل نكمل مليونين نصير شعب شوى عليه قيمة

Mishari said...

بنت الشامية : صدقنيى لو النواب سنعين اولا
وثانيا الحكومة تؤدى بشكل ايجابى جان ما يتطاولون ويتكلمون

Mishari said...

أبو إسحق ":
الاولى : الحين صارت بالويه ولازم تصد شوى
الثانية : اللى صادوها يا ابو اسحق هوامير ومتفوخين
الثالثة : الله يعينهم بس

الرابعة : صح المفروض يساعدون الكويتيات المتزوجين من غير الكويتى وهذا كويتيه ولها حقوق المواطنة

Mishari said...

sologa-bologa : اساس الصحف الاثارة علشان تسوق نفسها يعنى كل ما زاد منحنى الاثارة زاد معاها منحنى البيع

تحياتى لك

Mishari said...

Smile : صحيح المسؤولية على الاهل بالدرجة الاولى لان اهم اللى يأسسون الشخصية وعلى اساسها الواحد يكون سوى او شاذ والله يعين هالمجمتع كلنا خمس انفار وحالتنا بالويل

Mishari said...

Krakatoa : نورية اتوقع راح تبين نتائج توليها للوزراة بعد الصيف وبعدها الواحد يقول سوت شى ايجابى او لا

التسليف
معاك حق بس المسألة الظاهر انهم يمشون بس على منوال الامارات

حسام بن ضرار said...

وصح قلب الرجل نفس الغابة
يشيل الغزال
والطيور
وكل اللى يحبه قلبك
--------------
المشري الله يهديك هذي سفينة نوح مو قلب الرجل

Mamloo7a Q8ia said...

اشوة اعترفت وما نفت او انكرت

ماكو اخبار زينة تفتح النفس
عجز بالميزانيه احنا اللي مسويييينه؟؟؟
خففوا البوق ويصير اكو
فائض ان شاء الله

يا حلوهم البحرينييين

بنك بدون سالفة

وسلمت يداك يا خوي يا مشاري على هالبوست اللطيف

Mishari said...

بنت الكويت :فى اهل ما يدرون نهائيا عن عيالهم والحين التكنولجيا طلعت اشياء تخرع ولكن الواحد شيقول غير الله يستر علينا بهالزمن

Mishari said...

Stock :انت متهدد شكلك ما بذنك ماى انا اقول اقضب ارضك ومالك الا ام عيالك:))

وترى مدونتك ممتازة وايد منها فوائد حق اللى يتابعون السوق

Mishari said...

What Will Be , Will Be ..: المدارس خبرى قبل هواش
سجاير
مزارد
بس الحين بلاوى

Mishari said...

عتيج الصوف:يمكن اخالفك الرأى شوى عزيزى
ليش؟
لان صار كل شى نحطه على الغزو كشماعة تعدينا مرحلة الغزو وصدام وراح
ولكن العقليات اللى بس تعتقد ان هالبلد مؤقت مصيبة

Mishari said...

راعيها بهذى صدقت بس ما اعتقد اللى بالكويت محد يقدر يتزوج الا اللى لاعب بايده وريوله

Mishari said...

magnoonah :لا اهيا لا تستعبط ولا تنكت بس اللى صاير ان كل ما صارت شكوى قالو مافى شى وكل شى اوكى

زيادة الرواتب لعب
لعب
لعب

Mishari said...

charisma : عبدة الشيطان ناس او بالاصح تبدى بالمراهقة عقد نفسيه لا صلاة لا دين
لا مذهب
يبدون بافعال غريبة
من شرب دم على ما سمعت وامور مبتذلة بينهم كمجموعات
وشغلات غريبة بعيدة عن الواقع اللى نعيشه

Mishari said...

Q8LoVeR : لا احنا طيبين عزيزى

وقريت سالفة المدرسة اللى بالفروانية والمدرسة اللى فى مبارك الكبير
اللى باط جبدى المدرس المغفل لما انت تدري انك صاحب رسالة ليش ما تحملها بالشكل الصحيح من اجل ديرتك
بس اذا المدرس جذى الطالب شلون يطلع؟؟

Mishari said...

kila ma6goog : على قولة المصريين
جايين يبيعو ماية فى حارة السقايين :))

Mishari said...

حسام بن ضرار: ولا تزعل
السمرة والبيضة
والشقرة
والطويلة
والقصيرة
والمتينة
والضعيفة
والحلوة والجيكرة

بس اذا انطقيت عليك يا بو ضرار :))

Mishari said...

Mamloo7a Q8ia : يا اهلا وسهلا باختى الكريمة
بس بوق؟
مو بوق يسمونه
شفط
شفط بالفلوس بعدين يقولون عجز اكتوارى

layal said...

مستقر سياسيا مستقر وموحد ؟؟؟
اشك في الموضوع

فشلونا من كثر ما يطرون

عتيج الصوف said...

يقولون في إقتراحات بنائة و تخدم عجلة التطور و التنمية للمجتمع الكويتي
وهو طــرح مشروع شعبي يتبناه الكثير من فتافيت الحرامية بالكويت و الشلاخين
وهو
طرح بدلات و علاوات "ديودرانت مضاد للتعرق" مع المرتبات للموظفين في فترة الصيف
وذلك بسبب إن الحكومة غير جادة في حل أزمات و قضايا الصيف الي على الأبواب !
ديرة قطــية