الطموح و العمل والمثابرة والالتزام وقليل من المشاغبة تكون الحياة ناجحة

Wednesday, May 30, 2007

فلسفة بلد

رسم تصويرى لاثينا القديمة بلد الفلسفة والديمقراطية بس الفرق كانت الديمقراطية عند حكماء واما لدينا الديمقراطية لدي خرقاء

حرامي كبير

ويهاجمه حرامي هم كبير

ويهاجم الحرامي الثاني حرامي ثالث دفاعا عن الحرامي الاول

طيب منو النظيف ؟

باسم الديمقراطية ؟ شئ جميل

ومن ثم يحاسب وزير

على كلمة وتحد السكاكين

والمواطن مسكين

وبالاخير يعتذر الوزير علشان نفتك والوضع يسير

باختصار البلد فقير

مو بالفلوس بالعكس

احنا نفتقر ناس بالتفكير

والانسان النظيف

ــــــــــــــــــــــ

يوم الجمعة أعلن فى الصحافة المحلية عن وفاة وزير النفط السابق حمود الرقبة رحمة الله عليه

الانباء استغربت من الخبر اللى حاطته وهو ان الوزير أجرى العملية وتكللت بالنجاح

والوطن كانت كاتبة ان توفي اثناء الرحلة يعنى ما وصل ولا سوي عملية

مع اختلافي مع صراحة وقوة الصحف الكويتية الا ان الانباء اثبتت فعلا انها جريدة فشوش

38 comments:

malak said...

هذه ديرتنا وهذه صحافتنا

nocomment!!!

Anonymous said...

حمود الرقبة .. رحمة الله عليه .. نحسبه ان شاء الله رجلا وطنيا يحب الكويت


.....................


طريقة سردك لموضوع الحرامية حلو الاسلوب .. الله يعطيك العافية وان كنت اختلف معك في عدد الحرامية :) انا اشوفهم 2 انت تشوفهم 3 :)


الله يعطيك العافية اخوي مشاري

قماشة said...

هذيله يبيلهم عمال تنظيفكو


والله يرحم حمود الرقبة ويرزقه اعلى الجنان

وقواك الله يا مشاري

7osen said...

صبحك الله بالخير ياميشو



ايي والله صج

الأنباء جريدة فشوش


والله ضحكتني

:))))

::heba:: said...

وديرتنا هالايام ديره بطيخ
على قولتهم ... والضحيه المواطن

الله يرحم الريال ووسع منازله

اما سالفه الانباء فهي سالفه ازليه
تعاني منها الجريده ....:p

ReLaaaX said...

مو قلنا مالناش بالسياسه --> شكو راده ;p






والله باختصار :

كلنا بنتحاسب .. وعاد شيفكهم باجر من حساب ربي





--


والله يرحمه
ويرحم موتانا وموتى المسلمين

ام الحفيز said...

مشاري

هاااااااااااااو مادريت بسياسه النواب اليديده الي هي بأختصار.....شاغلهم واكل عشاهم....ولا قضية على الخليفه من 17 سنه في المحاكم الحين بس صارت القضيه الاولى..(عقب ماداسوا على عصعص المكلسن)....والقضاء قاعد ياخذ مجراه....المهم الفحم والساحل وغيرها دشو القضاء لو بعد؟؟

والله يرحمك ويحللك يا حمود الرقبه ويتغمدك سبحانه فسيح جناته

هالبشر ما يفهمون ان نهاية الدنيا حساب وعقاب ومريكن من البلديه وحفره بارض الحكومه الي هي ماكوله ومذمومه وما يبقى الا الذكر والصالح والاجر من اعمال الخير بالدنيا

ما اقول الا يالله حسن الخاتمه ويستر علينا وعلى اعييلنا ويطرح فيهم البركه ويحفظ هالارض من كل شر ويفكن شر الفتن والدوابير اللهما امين

AseeL said...

سالفة خايسة حق ناس أخيس
انا احاول اني احارب السياسة واعتزل فنها بس اللي قاعد يصير يخلي الواحد يحتر
صرنا ملطشة

الله يرحمه محد سأل فيه ولا حد حس فيه يمكن لان مالهم مصلحة وياه بعد الله يرحمه

Kuw_Son said...

لا تعليق على الصحافة !!

:)

بوغازي said...

هذي الكويت صلى على النبي إهي ديرتنا وفيها إلي نبي

امبراطـــورة اشعاري said...

عزيزي بو غازي.. الصحف عندنا بالكويت يدقق عليها قبل النشر سبحان الله فيه خبر يضايق احد مسؤلينا ينشال بسرعه عشان بعدين يخدم صاحب الجريده..
ويقولون ديمقراطيه !!!
بالكويت ماعندنا هذه اللي تسمى ديمقراطيه بس بالاسم اما الفعل لا.. البلد الله يحفظها لنا مسيره تحت ايادي خاصه غيرها لأ..
مانقول الا الله يرحم بورقبه والله يسنع جرايدنا واصحابها..

حسام بن ضرار said...

للأسف بعض اعضاء المجلس فقدوا مصداقيتهم و اصبح الاستماع اليهم اشبه بالاستماع الى اسطوانه مشروخه

What Will Be , Will Be .. said...

من قضبها عشا اعياله

مثل كويتي منذ الازل

والصحافه
لاحول ولاقوه

أبو إسحق said...

رحمة الله عليه حمود الرقبه

و بالنسبه للانباء فمشكلتها انه همها تكون اول جريده تنزل السوق و على حساب دقة الخبر

كادي said...

لانظلم أحد
يمكن بخشون لفلوس عندهم للأجيال القادمة

Shaima'a Alkandari said...

للاسف هذا مايحصل يوميا


هذي صحافتنا وهذي ديرتنا

ابتسم فانت بالكويت

الله يصلح حالنا وحال امتنا


لي متى بنتم على هالحال


الله يرحم وزيرنا السابق

فراوله said...

مساالخير والكرامه
لخوناالفلته الخطير
صاحب الانجازات الخطيره والمواضيع الأخطر بعد

والله يامشارى القلب تعب من كثر مايشوف ويتحمل
بس شنقول،الله يبدل حال من حال وبيوم من الأيام تنقشع هالغيمه السوده
والله يرحمه ويرحم أموات المسلمين
أجمعين
:)))))))))تحياتى لك يالفلته

3ateeja said...

الخبر خبر
قد يكتبه ناقل واثق من المعلومه
وقد لا يكتبه واثق وهذا عندنا وعند افضل الدول المتقدمه في المجال هذا وقد يكون الصحفي قاعد بدوانيه ...فيكتب وتناقلت الاخبار ان الوزير الاسبق قد اجرى عملية تكللت بالنجاح ..ولكن وافته المنيه بعد ان ........الخ لأن فعلا يكون سمع هالحجي من الديوانيه
وصحافي ثاني يقوم يتصل على بيت يران الوزير او بيت الوزير نفسه ويسأله بعد ما يعزي وكل واحد وشطارته
انت بس شخبارك;p
ومن قالك الديمقراطيه افضل نظام
الديمقراطيه افضب الاسوء
حكم الشعب للشعب
واذا الشعب امهبل شلون
واطفق
يخلونهم على عماهم
ما يصير ترى من حبنا لها
بنوفر لها

Unknown said...

malak " وما يصير كل شى يقولونه يكون صح ؟

Unknown said...

Abdullah : الله يعافيك ولكن صدقنى العدد 3 شوية يمكن بعد

Unknown said...

Delete
قماشة : ما يقدرون عليهم تنظيفكو لان بعضهم اهم الكفلاء يكونون

Unknown said...

7osen : صباح النور يا بوعلى
انا اتمنى يصكونها الصراحة لان مالها توجه اصلا

Unknown said...

::heba:: : البطيخ متوافر بالصيف ولكن الحكومة تسافر واحنا نقعد بالحر

Unknown said...

ReLaaaX : سياسة والا مو سياسة لازم كلنا نشارك بعض غصب:))

بس ربى بيحاسبهم صحيح
ولكن الوضع الحالي شنو حله ؟

Unknown said...

ام الحفيز :والله يا ام الحفيز مبدأهم غير مبدأ ورب العالمين يحاسبهم لكن استغفر الله الواحد يحس ان هالناس باعوا الاخرة وشروا الدنيا

والله لا يثمنى على هالكلمة

Unknown said...

AseeL : ملطشة شوية الحين ارتقينا صرنا على مرحلة اعلى واهيا التهزيئ

Unknown said...

Kuw_Son : مرورك كافى يا ولد الكويت ووينك اليوم ما ييت ؟

Unknown said...

بوغازي : لو فيها اللى نبى جان مو هذا حالنا خلها على ربك

Unknown said...

امبراطـــورة اشعاري : اذا البلد حق ناس معينة يعنى احنا كشعب مالنا لزمة قلناها من قبل عطو كل واحد فلسين ونتكفل باجيالنا القدمة

Unknown said...

حسام بن ضرار : ما يزعجنى فعلا يا بو ضرار كمية الصراخ المفتعل اللى يخليك اصلا تضحك من العبط السياسي

Unknown said...

What Will Be , Will Be .: انزين يعنى شنسوى المفروض ننطر والا نهج ؟

Unknown said...

أبو إسحق: على نزلة السوق الحين قاموا يتسابقون اهم والوطن

Unknown said...

كادي : يمكن ليش لا؟

Unknown said...

Shaima'a Alkandari : يحصل من ضعفنا وقلة حيلتنا

Unknown said...

فراوله : مو والله حتى انا قلبى تعب ولا عت جبدى بس شنسوى اذا ما تحجينا راح ننفجر

Unknown said...

3ateeja: من قال انا مع الديمقراطية انا لو بيدى اقولج اصلا الشورى واللى عرفناه من الاسلام
واهيا استشارة ذو الرأى السديد والحكيم وصاحب التجارب

barrak said...

الانباء وماادراك من الانباء
من حملتها الاعلانيه تعرف عدل انها جريده فاشله

Unknown said...

barrak : تصدق البرك مرات وايد اتساءل ليش مبطلة اصلا