الطموح و العمل والمثابرة والالتزام وقليل من المشاغبة تكون الحياة ناجحة

Wednesday, June 06, 2007

الهلاقة شلون صايرة ؟

يعنى يا ناس يا بشر انا شفت جرأة ووقاحة بس بنفس هالتفكير ما شفت

يعنى لى هالدرجة الدم انقطع من البنات شنو يعنى زعلان الحبيب منج

وتبين يردلج وكاتبتله بالشارع العام وبهالطريقة ؟

يعنى الواحد ما يشوف الطريقة ولا الاسلوب ولكن الواحد لازم يحلل

شنو ورى اللى قاعد يصير شنو الفكر اللى وصّل هالبنت وخلاها تتجرأ وتروح حق خطاط ( رجل غريب)

وتقوله هالكلام ابيك تكتبه وتلونه وتحطه بالمنطقة الفلانية بالشارع الفلاني ؟

يعنى عطوني شئ يقنع خلونى أحس انى انا غلط ( ولا يمكن راح اقتنع)

يعنى سمعنا عن بنات يصفطون سياراتهم ويركبون مع شباب

سمعنا عن بنات يروحون الجامعة أو المعهد وبس توصل تطلع من الباب الثاني وتركب تاكسى وتروح تهايل

يعنى كلها امور خشاشي ومن تحت لى تحت

يعنى جوجو( الحبيب) ما قدرت تدزله مسج بالتليفون

تحذف صخره على دريشته

تدز له ورد الدوام

تسوي اى شئ

بس بهالثقة والجرأة والوقاحة ما شفت

صدقوني لا تطالعون الموضوع على ان امر شخصي ولكن طالعوه على ان فكر يخلى البنت بهالجرأة تكسر كل حدود الادب وتروح وتسوى هالشئ بالهطريقة

الصور المعروضة خاصة من تليفون واحد من الربع وحدة انشورها بالجريدة والثانية حصرية خصصت لمدونتي

مشكور يا صاحب التليفون


وما اقول الا أهلق

وصج الله يستر من الياى

118 comments:

expired said...

مشاري
شفيك الله يهني سعيد بسعيده
بعدين البنت رومنسيه
والظاهر تبي الحب يرضى عنها باي طريقة
قالت ميخالف
انشاءالله امسح جوخ
واغسل ويهي في ... واصير مطقاقة
بس ابيه ابيه ابيه

شنسوي فيهم
قوارير

a7La eNG said...

maybe it's the wife ..

a creative one ..

laish soooo2 enwayaaa !!

الحارث بن همّام said...

هههههههههه ..
بصراحة .. أنا سمعت عن عنترة وخباله ..
وسمعت قيس وجنونه ..
أما جوجو .. "دي بأه حكاية تانية" !!؟

يكمن تكون دقة من الربع !! كل شي جايز

بوغازي said...

إذا لم تستحي فاصنع ما شئت
.
وفي مجتمع تجد فيه من يدافع عن (حق) الشواذ جنسيا في ممارسة (شذوذهم) على حساب الهوية الوطنية، وعلى حساب الثوابت الإسلامية والإجتماعية... شنو اتوقع؟؟؟!!!.... الله يستر بسترة

عتيج الصوف said...

بصراحة مجتمعنا
صار سلط ملط

بدام فجر السعيد صارت روائية الكويت الأولى
شتبون الأخلاق تصير
إذا كان رب البيت للدف ضارب فشيمة أهل البيت الرقص
و رقصني يا جدع

بنت الكويت said...

هذا الاعلان شفته
بس الشرهه مو على الي كتبته وحطته الشرهه على البلدية
المفروض على طوول تشيل هالسوالف
يعني مشتاقه ولهانه بينج وبينه
ليش جدام الله وخلقة
احس انه هالناس فيها نقص
فتعوضه بهالسوالف

ZoZOta said...

والله يا مشارى اكو مقولة الوالدة الله يطول بعمرها دايما تقولها
الحيا نقطة لين راحت راحت البنية جفي
الله يرحم ايام اللي البنت تحب وتسكت تستحى من خيالها
تخاف عيونها تفضحها
الحين البنات صارت تحب واهي اللي تصرح بهالحب
زمن كل شي فيه بالمنكوس

SHAHAD said...

ههههههههه شر البلية ما يضحك
مادري شكو تخيلت ويه الريال وهو يقرا
هذي شكلها متأثرة بفيديو كليب نوال الزغبي روحي ياروحي لوول
.
.
يبا على بناتنا السلام إذا وصلت فيهم المواصيل لهالجراة والوقاحة !

نون النساء said...

LoooooooL...

تعبانة وايد على رومانسيتها

afyaa2 said...

يارب .. يستر علينا وما ياتينا ...
مثل ماجاء لقوم عاد وهود وثمود

وجزاك الله خير ..

Shaima'a Alkandari said...

بيني وبينكم ماتوصل لي هالدرجه

يعني مااستحت يوم راحت وسوته

ماكو حيا كلش


حتى لو تحبه وتموت فيه بس ماتوصل انها تسوي هالشي مولي هالدرجه تسوي علشان تكسب رضاه مثلا


لاحول ولا قوة الا بالله الله يستر من الياااي


صج اللى يحب يسوي المستحيل بس مولدرجه نبيعها مره وحده جذي


وصور حلوه حصريا منك لنا

malak said...

@@

هم يضحك وهم يبجي

:)))))

تهقون ردلها؟

والا راح تزوج غيرها؟

:)

الله يكملنا بعقولنا

Om Jaber said...

أنا في حياتي كلها ما لقيت ريال يستاهل ثمن اللوحتين اللي بالصورة مو بس الكلام اللي مكتوب عليهم. يا ماما روحي موتي أبرك.

Smile said...

اللي اختشوا ماتوا
الحين اللي يحب لا يهمه يخش ويسوي اي شي علشان محد يدري عنه
الحين اللي تحب تفتخر ان تكلم الفلان الفلاني وتسوي اي شي

الله يستر عليها بس

Smile said...

اللي اختشوا ماتوا
الحين اللي يحب لا يهمه يخش ويسوي اي شي علشان محد يدري عنه
الحين اللي تحب تفتخر ان تكلم الفلان الفلاني وتسوي اي شي

الله يستر عليها بس

عثماني said...

مساك الله بالخير مشاري

الظاهر ان البنت موصلة حدها.. يعني الحب مقطع بعضه... عاد انا اتوقع ان الاثنين مينن.. ولا اكو واحد عاجل كان يحب وحدة فاصخة جيذية!!؟... و عجبي عليك يا زمن

ReLaaaX said...

ماقول الا من قل السنع اللي فيها

والا اكو مره سنعه تسوي اللي مسويتها هالرقله !؟

حسافه ماندري شصار عقب ماحطت اللوحه .. خصوصا ان اللوحات بالمناطق البعيدة :))) يعني فيها قبايل



الحمـــدلله على نعمة العقل

What Will Be , Will Be .. said...

اهم شي

اريدك لي لوحدي

عابه على هالبجم

عراقية
100%


بالكويت نقول الكلمه اللي تستحي منها بدها
يمكن اهيا مستحيه وقالت لازم ابدي هالكلمه

والحبيب شكله رافع الجام وامتيبه بتيب الغزو
لوول


عجبى

ام الحفيز said...

مشاري

هذا يسمونه ومن الحب ما نُشر.....وهالطريقه مسوينها في امريكا بس باسلوب ارقى طبعامو جذيه مهلقه....وبعدين اشحقااا تلومها....تبي تلوم لوم البلديه بس هم يعرفون يعرقولون المشاريع التنمويه باسم العادات والتقاليدوالدين وما اشباه ذلك....واذا شافوا الخطاء صارووو قوم ما كاااري....وعلى قولة اهل مصر...آل يافرعون ايه الي فرعنك آاااال ملئتشي حد يحوووشني

وحوووووش حوووووووووش وخل القرعه ترعى خو قووووم مكاري

Nescafé said...

صج اللي اختشو ماتو

loyalty said...

صُعقت أول ما شفت الصورة !!
لهذه الدرجة انحدر الحياء في مجتمعنا !!
شر البلية ما يضحك !!! فقد اضحكتني تعليقات الزملاء .. و خففت قليلاً من صدمتي ..

الله يستر من القادم!

Catism said...

لافتات أقل ما يقال عنها أنها مقرفة!

على الهامش: أشك أن يرجع "فوفو" أو أيا كان اسمه لها، فالرجل لا يجب المرأة التي تجري خلفه، بل يجب المرأة التي تجريه خلفها.

شكرا لمواضيعك المميزة دوما أخي مشاري.

3ateeja said...

متتت ظحكككككككككك هههههههههههههههههههههه
شدعوااااااااااا والله هقوتي جنه شيبوب زين والله ماني مستوعبه
واللي امصمم الاعلان حده عايش الدووور عيون وورقه ومادري شنهو المكان اعتقد الفردوس من الاريل ووايرات الستالايت اللي عند البيت المهم خلنا بالغمند
يمكن مقلب
يمكن تحدي
يمكن ويمكن لكن الشكل يظحك
حتى بدول برا ما شفته
يعني شخلوا للي يكتبون عالمحولات بالله بس شكل نظيف وما يخرب ممتلكات الدوله
الله يهدي الجميع يا وخيي ... والانسانه اللي توصل هالمواصيل من انزال الكرامه و النفس ما تستاه ان ترقى لكلمة امرأه

Q8LoVeR said...

لو مسويته بالفوتو شوب احسن
يطلع ذرب شوي
انا اسويلها بنص سعر اللوحات :P
اخوي مشاري
هذا الصنف من الناس تظحك عليه فلو انها محترمه وذات قيم واخلاق ومتربه تربيه سنعه جان ماصارلها هالشي ولا اصلا صارت لها مشكله مع حبيبها ولا سايقهم

زين يمكن جلبها ظايع ؟ وانتوا بكرامه
هذا اللنك فيه صورة جلبه اسمها جوجو كانت مريضه والظاهر طابت مادري تعبانه نفسيا

http://www.joyfulrescues.com/main.asp?id=25

انا صراحه أأيد الظايع جلب وانتوا بكرامه مو ادمي

هههههههه
بس صراحه هلاقه قمتها بعد الله يصبرنا
شوف انا اقولك هذيل يبيله تيمعهم كلهم بمكان واحد اهم وناس بعدين اقولك عنهم
تحكرهم بالزاويه وتييب بف باف عووود وترشهم كلهم لين ينفقون وبس تخليهم ماتدفهنهم بعد حرام فيهم

تحياتي

Q8LoVeR said...

والله ضعت
في قطو بعد اسمه جوجو وضايع بعد مادري تعبان نفسيا
http://www.petrescue.com/tails/jojo.htm

كادي said...

هلا مشاري

الغريبة ان الناس ماصار عندهم رادع لأي شي

وإذا لم تستاحي ففعل ما شئت فللأسف ما عاد في حيا

dont play boy said...

اسمع عن بنات بالجامعه بيوم عيد ميلاد حبيبها

اتزين سيارته بشرايط ووروود

عينك عينك بالمواقف

وعندي وحده بالدوام في يوم عيد ميلادها

حصلت ورود من اللي تكلمهم

اكثر من اللي يشترونهم السعوديين في مراقص البحرين حق الرقاصات الاوكرانيات


:)



خلها على الله






وين الشعم مو موجود

:)

كله انسى said...

طماشه :)

بعض البنات هالأيام بايعينها يمكن خوفا من

"شبح العنوسه" :)

ولانه نسبة الاناث بالديره اكبر من نسبة الذكور.. فالسالفه صارت لحق ما تلحق

ولا شاللي يخلي البنت جذي تقط عمرها عالصبي؟

Breeze said...

هـــاو هــــاو يا حـــافظ ؟؟؟؟؟ @@

هذا وين ؟؟؟؟؟؟؟ بالكويت

؟؟؟؟؟؟

أبيـــه عمــّه بعينها فشلتنا عسى الله يغربل إبليسها !!! ؟؟؟ باللــّه هذي سوالف و سوايا تسويها مرا عاجل .؟؟؟ هذي واعليه ترى ماعليها شرهة ؟؟

أخاف يا أخوي مشاري هذي مو صاحية ؟

:\

ترى عادي الينون فنووون ..

عسى الله لا يبلانا بس .. :\

وااااي قطيعة هلااااااااااااااااااقة

:S .. !

صج شر البلية ما يضحك .. !؟

حسام بن ضرار said...

جلة حيا

و اتفق كلياً مع نقطة اخوي بوغازي
في مجتمع يجد الشواذ به من يدافع عنهم
لا تستبعد نفس هالسوالف


هذي ما تتسمى هلاقه
هذي وصاخه رسميه

om-bukhnag-zare said...

صبحك الله بالخير أخوي مشاري

قال أبو تمام وبو تمام صادق :)ا

يعيش المرء ما استحيا بخير .. ويبقى العود ما بقي اللحاء
فلا والله مافي العيش خير .. ولا الدنيا اذا ذهب الحياء
اذا لم تخشى عاقبة اليالي .. ولم تستح فاصنع ما تشاء

الحياء جمال للمرأة وفضيلة للرجل

وأعتقد أنه صاحبة البوستر الهيلقي غاب عنها أن حيائها يزيدها جمالا في عين من تحب

للأسف أصبح الرجال أكثر حياء من
النساء !!ا

بس مثل ما قال أخونا بن همام احتمال تكون دقة من ربعه لأن مادري جنها قوية على وحده اتحط اعلان ينافس اعلانات مرشحين مجلس الغٌمه !! :)ا

Anonymous said...

مشاري فعلا انا ااكد كلام بن همام لان المختار اتصل فورا وشالوا الاعلان والقصه كلها غشمرة شباب...واعتقد الثاني نفس الشئ والموضوع ما يستحمل..واضح انه غشمره

...........................
مشمش استاذنك في الجواب على بلي بوي لانه يسال عني اسالت عنه العافيه...لاني رحت مدونته اغلق التعليق"" ويسال عني عندك..." بعدين يايبلي مالديفيين حداقه حنى يطقوني طق.... يا معود من مدونتك انا من الحين مغلوب ولا فين شدة مهاوش باليد انا ردي ... اردى من امي..." اما بالقلم اقدر ادافع عن نفسي..."" بعدين انا ...الي سالني عنه رب العالمين قلته....مشكور مشاري...

Anonymous said...

مشاري نسيت اسمي الله يغربل ابليس....:

الشعم

White Wings said...

يعني الشي ما يصير زين الا خشاشي؟
ما في فايدة، شرقيين
:)
صراحة، اهي حركة غبية شوي، بس دمها خفيف
لا تحتر وايد يا مشاري، شوف الجانب المضحك في الموضوع

Aldenya said...

إن لم تستحي فأصنع ما تشاء


المشكلة يا مشاري

عندنا بالكويت

حكمة رائجة لبعض البنات

" أي صرعة غريبة لازم نقلدها "

ويا خوفي باجر تمر بأي شارع ويتراولك حزت إنتخابات
وتكتشف إنه عيد الحب والبنات كل وحدة مسويه فنتك بلوحتها

عجبي !!

shakshaka said...

ahlag mn kida aihhh? gelt'ha ya mishari el halaga shlon sayra? hathehyaa ..

setraaay 3la 3umrich wil 7imdila i7na eb 3a9r el technologia wo kilshay mitwafer magdarat etgol hal kalam eb msg? eb telephone? kilish kilish barqeya?

enzain mo ela ne9bay khaima ejbaaal bait'hom lazem le3laan bel shuware3? lool
el7emdela welsheker

امبراطـــورة اشعاري said...

مشاري مساك الله بالخير..

شفت أول تعليق وماكملت التعليقات اللي تحته..

يقول اخوي او اختي انه مع الحب..

وانا اقول اني انا الأمبراطوره أقدس شي أسمه الحب..

بس مو بهالطريقه!!!

حلو الواحد يحب وحلو اكثر ان حبيبه يزعل عليه عشان يشوف مدى غلاته عنده شلون يراضيه..

بس مو بالشكل هذا اني اخليها علنيه..

"من باعنا بعناه ولو كان غالي"

اوكي زعل علي وراضيته مره مرتين عشر..
بأكثر من طريق اقدر اراضيه فيها..

وانت ذكرت الطرق اخوي مشاري..

بس توصل للشارع وجدام الناس..

اعتقد ان البنت "جوجو" كان عبالها انها بالطريقه هذه ممكن انها تستميل قلبه..

زين ما فكرت انها لو فعلآ مال قلبه لها.. وينه قبل هالشي؟؟

ولا استانس بس انها سوت هالشي؟؟

واهي مافكرت وينه من قبل؟؟ ليش مارضى عليها..

اعتقد انها مسألة كرامه.. والواحد اللي مايرضى وانا متأسفه له وعطيته حقه..مايشوف شر الباب اللي يودي اللهم اني سويت اللي علي..

وهذا حال البنات اليوم تبي تطلع بأي شي يسولفون عنه الناس عبالها انه فخر لها..

واقص ايدي اذا جوجو هذه المتحطمه وكاتبه بالشوارع اذا ماعندها غيره حاطتهم عالويتنق..

بس الله يستر علينا من بلاوي الدنيا..

محـــــارة said...

أحلى ما بالبنت حيائها .. والحب من غلط نربطه بالفصاعه وهذي سوري بس خبله والأخبل الي تحبه .. والله يعافيهم ولا يبلانا

والبلديه عاجبها أسلوب الغرام اليديد !!

Anonymous said...

أنا بفهم صاحبة رد خايفة من العنوسة؟؟؟؟؟؟؟؟؟؟؟؟؟؟
العنوسة شكو بالموضوع الحمدلله والشكر
مسوية روحج محللة سياسية يعني

Chai-7aleeb said...

البلديه بس حاطه حرتها على المشاريع التنمويه وواقفه ضدها و مخليه هالمسخرة بالشوارع بدون أن تحرك ساكن

قماشة said...

اذكر في بيت شعر يقول :

اذا قل ماء الوجه قل حياؤه

ولاخير في وجه اذا قل ماؤه


هالهيلق هذي جوجو عاجبها وضعها جذي كل مازعلت من واحد تحطله لافته

كله انسى said...

Anonymous

قاعده اقول انه من الاحتمالات اللي خلت البنت تتمسك بالصبي بهالطريقه وتكتب لوحات بالشوارع انها خايفه تعنس..

مجرد احتمال

ليش الحقد؟

AseeL said...
This comment has been removed by the author.
charisma said...

انت امسمى البوست هلاقه

فالبنت مو سنعه
هيلقيه
والهيلق ما عليهم شرهه لانهم هيلق مو متربين
فعادى عندها التصرف مسكينه

فانت لا تحترر
:)))

AseeL said...

malak:
white wings:

صح لسانكم

يعني بالله شالنفاق مع احترامي للمعلقين؟؟
كل واحد فيهم مو حاصله وقاعد يطق لنا دقمة الشرف
سوري حجي دواوين بس من حقى اعبر عن رايي

بس لو شوية اليفط اذرب من هالأهلق يمكن جان صارت السالفة احلى
LOoOL

om jaber:
ضحكتيني
وصح لسانج بس عاد 99% .. لازال في امل في 1% يستاهلون :)

mishari:
افردها ما تكشكشهاش
استانستوا انتوا يا الشباب ايام ابو جهل قبل الزواج ولا تزوجتوا صرتوا موديل غير شكل يا شباب الكويت

ارجو تقبل تعليقي..اخت واموون على اخوي يا مشاري

Sheikha85 said...

لا حوله ولا قوة الا بالله

على كثر ما الموضوع يضحك ما المفروض والله نضحك
شي يفشل ويخرع وصلت لي هالدرجه ؟؟؟
وبساطه ارجعلي وسامحني لا كرامه ولا عزة
ويالله يا ناس ترى انا اعرف احب واسوي المستحيل علشان حبيبي

مالت على الحب اذا كان بهالطريقة
آخر الزمان النساء تتبرج وتخلع الحياء

يارب استرنا بسترك

dont play boy said...

تعليقك مهم عندي ياخوي مشاري

Om Jaber said...

انا بفهم شي, جوجو هذا اسم البنيه ولاّ اسم الخطاط؟؟؟

david santos said...

Thanks for you work and have a good weekend

مجرّد... أنثى said...

كل يغني على ليلاه
وكل واحد ينام على الجنب اللي يريحه
ومن راقب الناس مات هما

الأستاذ بلاليط said...

ومن الحب ماقتل

الله يهديها

Kuw_Son said...

إن لم تستح فاصنع ما شئت !!

Ra-1 said...

I think its cute :D








jk :p

NewMe said...

يحليلها
ومن الحب ما قتل
اشوه قالت اللي في قلبها قبل لا تموت
اعتقد الفكرة عبقرية
بس التنفيذ بدائي
وفي أسوء الأحوال إلا ما تكون رسمت آبتسامه
في عيون كثيرين ممن قرأها
مشاري
كم مرة اقول لك دعوا الخلق للخالق
دام ما تعرضوا لكم شكو تتعرضون لهم
دمت بحب
تحياتي

kila ma6goog said...

طول بالك

بلاك ما جربت الحب

فراوله said...

مساالخير والكرامه
ياخوى ترى اللى ياى اكثر
واكثر،،وبعدك ماشفت شى من البنات

والله بينا زمن نخاف نطلع بره حتى حق دواماتنا

بس تدرى ،نطلب من الله الستر لنا ولاهلنا ولعيالنا
ودمت لنا ياصاحب المواضيع الفلته
:)))

أم النمل said...

loo0o0o0l 9ij ly galaw (wamena el 7ub ma rasam) 7araaaaam t7ebaaa el bent .. te7tajaHH wetredaHH o bteem et7ebaHH ... ana ma3aaaaak aHlaaaag !!

MANAF said...

ها مشمش

حرام

جوجو يستاهل

مملوح

:)

عرفت منو تشو تشو

اللي مع داود حسين والبلام

بحر صا صخر

هي هي

Anonymous said...

يقول لك تعليقك مهم عندى يااخوى مشارى ......شنو بتعلق بعد انت على بنات الحمايل وصلت بعد فيه المواصيل يتجراْ يكتب عن بناتنا
انت اللى شجعته من الاول

بدل لا تعلق عنده انصحه يشوف له طبيب نفسى يعالجه
ولا.. يروح حق فوزيه الدريع مسكينه ماتستاهل تنغث من شكله

Mishari said...

expired : الا جدور وانتى الصاجة مو قوراير

:)

Mishari said...

a7La eNG : مو سوء النوايا بس السالفة وما فيها انى عرفت السالفة بالتفصيل ومن مصدر مؤكد
ولا زوجته ولا شى

Mishari said...

الحارث بن همّام : لا وانا اخوك لا دقة ولاشى السالفة صج
يعنى فيها وقاحة زيادة

Mishari said...

بوغازي : نهائيا ما اختلف على كلامك وعين العقل لان فعلا هذا حالنا
ضعاف
مشتتين الفكر

Mishari said...

عتيج الصوف : فجر السعيد لقت مجتمعا يقبلها علشان جذى طارت من الفرح وقالت خل ازيد الطراقات والتفصخ والسلط ملط

Mishari said...

بنت الكويت : واللى فيها نقص اطلعه على امة لا اله الا الله؟

Mishari said...

ZoZOta : والله العظيم ان هالمثل حكمة

وانا ادعى واقول الله يستر على بناتى وبنات المسلمين

Mishari said...

SHAHAD : يعنى انا خابر قبل رسايل
تطريشة
مو جذى اشكره عينى عينك

Mishari said...

نون النساء : شفتى وانتى شعر وحالتج حالة ورسومات
ما تعبت حالها البنت :))

Mishari said...

afyaa2 : غونو قريب وماكو شى بعيد عن رب العالمين
لو القوم فسدوا والله يرحمنا برحمته

Mishari said...

10:43 AM
Delete
Shaima'a Alkandari : ما قلنا لا تحب

يبه حبى جوجو على كيفج بس ما استحيتى يوم رحتى وحطيتى وسويتى؟

والله يبه بلشة

الله يستر على بناتنا بس
ومشكورة يا شيماء

Mishari said...

malak : شلون
وليش ما ادرى بس اللى حاسه ان الديرة معفوسة بسبة هالخرابيط

Mishari said...

Om Jaber : يمكن حياتج يا ام جابر سوداوية بس فى حريم الحمدالله وايد لقوا عيال الحلال اللى يشيلونهم بعيونهم ويشليون الحريم بعيونهم
ليش التعميم
هذا وانتى انسانة مخضرمة :)

وبالاخير نحترم رأيج

وانشاء الله تلقين اللى تكتبين له لوحة:)

Mishari said...

Smile : المشكلة ان لو هدها يا ام بدر وراح اخذ غيرها شتسوى بعمرها جدام الاوادم؟

Mishari said...

عثماني: اى والله الصراحة فى واحد يحب وحدة رقلة جذى؟؟

Mishari said...

ReLaaaX : قل السنع؟؟
اهو في سنع اصلا الله يهداج اللى تسوي جذى وين سنعها؟

Mishari said...

What Will Be , Will Be .. : لوووووووول الصراحة تعليقج قوي
ولا تيييييب الغزو

يمننع الكيماوى :))

Mishari said...

ام الحفيز: يا ام الحفيز ماكو قرعة ترعا واحنا موجودين اذا الواحد ما يعور هالاشكال
من نعور؟

خليهم يمكن شوي يستحون

Mishari said...

Nescafé ماتو وشبعوا موت

Mishari said...

loyalty : لا لا تنصدمين هالشى فعلا
حدث فى مثل هذا اليوم :))

Mishari said...

Catism : اخالفك الرأى قليلا المرة اللى تجرى الرجل خلفيها
الواحد يملها بسرعه :))

Mishari said...

3ateeja : الصراحة يبتيها ييييب
صح الفردووووس
:))))


والخطاط تعب الصراحة بالشغل :))

Mishari said...

Q8LoVeR
: جلب والا قطو يا معود اهون فشلة جذى جدام الاوادم

شحلاتى وانا حاطتنى وحدة بالسكة وكاتبة ارجعلى
لووووول

لا يمعود جلب اهون

Mishari said...

كادي : المسألة ما فيها رادع المسألة بس تبى شوية مخ لا اكثر ولا اقل

Mishari said...

dont play boy : انت طايح شكلك بهالاكرونيات طيحة يا معود خف على عمرك شوي :))

Mishari said...

كله انسى : والله وجهة نظر سليمة
وايد قاموا يخافون ويقولون ظل راجل ولا ظل حيطه

Mishari said...

Breeze : عشان لم نقول بنات الكويت خفت عقوووولهم لا تلوموناااااا

ها الحين قنعتوا؟؟

Mishari said...

حسام بن ضرار : نقدر نطلق عليها العديد والعديد
ولكن مجتمعنا لى وين رايح ؟

Mishari said...

om-bukhnag-zare : لامو دقة لان تأكدت حق منو وعرفت بالضبط السالفة مع انها قديمة بس فضلت التأكد قبل النشر

والحياء اتفق معاج ان العديد من الرجال الحين يستحون اكثر من الحريم

شئ محير

Mishari said...

Anonymous : الشعم دااااايما تنسى اسمك

يا عزيزى السالفة فى منطقة الفردوس وواحد من الربع اخوه على قولتهم
اللى يحمل حرف F
داخل القلب يعنى اهو المقصود
لا دقة شباب ولا شى :)

Mishari said...

White Wings :
شايف الجانب المضحك واهوا الالوان المليقة والعين اللى بالنص

بعدين المسألة مو مسألة شريقيين ولكن مسألة رقي فى التعامل

واذا بليتم فاستتروا

يا جوجو :)))

Mishari said...

Aldenya : اى والله بهذى صدقتى لا تصير باجر موضة ويقلدونها وتعال فجج

الله يستر على عيالنا بس

Mishari said...

shakshaka : الواحد بالاخير مثل ما قلتى يقول الحمدالله والشكر

والهلاقة خضرة حمرة وعين نفس اللى بالصورة :))

Mishari said...

امبراطـــورة اشعاري:

صحيح بالاخير فى شئ اسمه كرامة بس الظاهر الاخت ناسيتها بالجنطة مع علبه الميك اب :))

Mishari said...

محـــــارة : للامانة البلدية شالتها على طول :)

Mishari said...

Anonymous : الخوف من فقدان رجل ممكن يكون زوج
وخصوصا يمكن تكون وحدة كبيرة بالعمر
هذا الخوف من العنوسة

Mishari said...

Chai-7aleeb : يمعود زين شالتها البلدية بس صدنا الصور قبل لا يشيلونهم
وخلهم حايسين

Mishari said...

قماشة : غير ان مصرف وغير ان ماكو حيا

قاطها نفسها على واحد جذى

ماشفت ان حرمة جذى

Mishari said...

charisma :مو محتر كثر ما اهو شئ ضد المناظر الجمالية فى البلد

وقلة حياء قبل اى شئ اخر لان بالاخير الناس راح تشوف

Mishari said...

AseeL : مانى فاهم وين النفاق؟
ليش شفتى كل هالناس راحت وقفت بالشوارع وحطت لوحات حب؟

بعدين ليش يبه هالتعميم من قال ان الشباب كلهم قبل لا يتزوجون كانوا على قولتج مقطعين السمكة وذيلها ماكو ناس محترمة
يعنى كل اللى تزوجوا كانوا قبل لا يتزوجون زبالة؟
ليش يبه فى ناس محترمة وعيال ناس وعندها كرامة يعنى حتى لو كان عنده شئ قبل الزواج يمكن يكون نظيف ومو خراب

وبطلى هجوم احادى على الرجال

Mishari said...

Sheikha85 : البنات قزورها على هالاشكال وقالوا يالله موضة يمكن تصير

Mishari said...

david santos : حيالله بو سانتوس مشكور

Mishari said...

مجرّد... أنثى ": هي ليست مراقبة
هي فعل بالعلن
وضد اى خط اجتماعى مهما كان توجهه

Q8DOLL said...

ياحسرتي
مالت عليها وهلى اللي تحبه
الحين البلديه شالتهم وما حققت مع المحل اللي مسوي هالاعلان ؟؟
يعني المفروض يعاقبون المحل لانه اكيد في حدود لهم
والا كل من هب ودب سوا إعلان ؟
الله يستر ما بقى في شي اسمه حيا
دام جوجو وحوحو وسوسو وفوفو ماخذين راحتهم

Mishari said...

الأستاذ بلاليط : قصدك مصخر مو قتل بس :))

Mishari said...

Kuw_Son : صحيح يا عزيزى

Mishari said...

Ra-1 : حسبت من صجج:))

Mishari said...

NewMe : هى حالة شاذة ولكن ننتقدها علشان ما تصير باجر موضة وبعدين نصدرها لكم بالبحرين وتقولون كل منكم يالكويتين

Mishari said...

kila ma6goog : نفس هذا ما ابيه يا صديقى

Mishari said...

فراوله : المشكلة قالوها قبل البنت لو تسكر عليها اربع طوف تسوى اللى تبيه بس وين اللى يعرف هالكلام

Mishari said...

أم النمل : شهالحب اللى يخلى الواحد يتمصخر مالت انا اقول بس

Mishari said...

MANAF : اى عرفته عرفته
لووووووووووووووووووول

اليوم حر وباجر ثلج ورطوبة مو هذا اهو؟؟
:))

Mishari said...

Q8DOLL : شوفى التعليقات وما خلوا شى نتفوهم وانا اخوج :))

nony'nation said...

يعني يمكن زوجته

وبعدين احنا العرب كلش موعاجبنه شي

شلي حارك وشلي باط جبدك( صيغة السؤال حقيره بس تأكد ماكو شي شخصي )

انا بصراحه مايبط جبدي غير انكم كلشي تبونه بالخش

جذي ولاجذي نفس بعض

تدري ليش نفس بعض؟؟

لان بالحالتين الي مثلك بيتحلطم

وسلامتك حبوووب ويعطيك العافيه

طهقان said...

أخ مشاري
باين عليك
مدون كويتي
:)
وباين عليك
متميز كمان


تحياتي لك

وشكرا لزيارتك
واطراءاك

Mishari said...

nony'nation ": اولا شكرا وتأكدى لا اخذ شئ شخصى نهائيا ابدا
ولكن ؟
لولا معرفتى بالامر شخصيا تأكدى لن اكتب ليس من اخلاقى ولا طبعى
لست مثاليا ولكنى اتحرى الخبر والصدق فيه
مرور طيب واشكرج عليه

Mishari said...

طهقان : يا اهلا وسهلا بريحة الحبايب
تحيا مصر :))

ولو ان لى شوية عتب عليكم
ولكن انت والمدام حضارتكم اصحاب مدونة اكثر من متميزة ومرورك اسعدنى كثيرا

نعم مدون كويتى تعيس:)

Brava Valentia said...

HAW HAW HAW HAW!!!!!!!!

Mishari said...

Brava Valentia: Say it

no comment :D