الطموح و العمل والمثابرة والالتزام وقليل من المشاغبة تكون الحياة ناجحة

Monday, June 11, 2007



مقولة قبل القول

ديكتاتور صالح أفضل من ديمقراطية غوغائية
،،،،،،،،،،،،،،،،،،،،


بالله هذا الواحد شيقوله؟؟ يعنى الاخ يسعى للتطوير ؟ والا عذر اقبح من ذنب يا سيدى الفاضل الاوطان يقاس تطورها فى بعض الاحيان بدقة بريدها واحنا بريدنا عادى بالزبالة؟




صيدوه حكروه انا جاكه جاكه يعنى بالله
واخرتها معاك ما تعرف تطخ ؟ قال استاذى؟
كفر؟
اعتذر وقال اسف مو مرة مرتين ؟
يكفيك تشنجا خلاص الديرة حر والناس بدت تهج وانت تصيح وتنوح على رسونا



اضغط على الصورة


خبر منقول من العربية


إيران تهدد باستهداف القواعد الأمريكية في الخليج

من جهته، حذر رئيس مجلس الشورى الايراني غلام علي حداد عادل من الكويت الاحد من ان ايران سترد باستهداف القواعد العسكرية الاميركية في دول الخليج المجاورة في حال استخدامها لشن هجوم اميركي على الجمهورية الاسلامية


كملت حلو حلو ناقصين احنا
هالمرة لا تقولين صمود وقعدة
لايبه الوعد يا لندن يا مصر


فمان الله

43 comments:

Aldenya said...

السالفة الأولى تفشل بصراحة
الناس تسعى للتطور وأحنا لازلنا ننظر بريدنا اللى مادري بأي قمامة موجود

السالفة الثانية
وتحديدا الصورة الثانية
مافهمت
الموضوع دعاية يديدة للتكاتف نحو كويت أرقى وأفضل !!

أما السالفة الأخيرة

ما نقول غير
الله يستر

فراوله said...

مساك ورد وعنبر
ياخوي مشارى ترى اللى قاعد يصير
يعور القلب وزياده
متنا واحنا نشوف الأوضاع بتردى مستمر
محد هامته الديره ولا اللى قاعد يصير فيها
الكل يالله نفسى
بس تدرى الله لايقوله وتنعاد سالفه
1990
الله يستر علينا بستره
آميييييين
دمت يامشارى
:)))))

حسام بن ضرار said...

الخدمات البريدية : عذر أقبح من ذنب
الشرهه مو عليه ...... على من قضّبه




ايران:
الله يستر اذا صارت منها فبتصير اردى مما صار بالغزو العراقي الغاشم لإسباب عده

الله يحفظ الديرة و اهلها من كل مكروه

Kuw_Son said...

والله عيب عله طالع لي بتصريح و يقول كل دول العالم تصير فيها !!!

جنك سائل واحد من اليهال ليش تكسر جامة البقالة .. يرد عليك و يقول كل الصبيان كسروا مو بس أنا !!!

الحمد لله والشكر !!

و هذوله الأربعة مساكين والله مساكين ..

Fahad Al Askr said...
This comment has been removed by the author.
Fahad Al Askr said...

البريد: عادي ومتوقع جدا، بس السؤال بعد الريسايكل تتوقع ممكن تشوف رسالة يايتك على ورق كلنيكس مثلا

الموضوع الثاني: طاف، وإلزامي أقضب الباب

الموضوع الثالث: مرتبط بالثاني بان كلاهما سيقودان لحل المجلس

bastokka طهقانة said...

و لسة في ناس بتيعت جوابات عن طريق البريد؟
قرائتك لاخبار العالم العربي فريده و واعية
تحياتي

The Voice Within said...

mara7 a3alig 3ala awal '7abar le2ana 7ad el la ta3leeg ...


thani '7abar, mara7 ash'rah 3ala elnowab momatheleen el sha3b el mo7tarameen.. ma7ad wa9alhom 7g hal man9ib we'7tarhom 3alashan eymathlon el dira oo ykonon 9ot el sha3b ila i7na .. ingi9 3ala mino ..?


7azat el inti'7abat ti6la3 f'6ayi7 el morasha7een oo kilmin eythim bel morasha7 leflani oo ey6ali3 '7amal el morasha7 el 3ilani .. oo a'7er shai eb farz la9wat yi6la3 ohwa lawal oo miktisi7 kil el9anadeeg .. el'7amal men mino al7een ?


mako shai beldera eyta'3aba oo kil na2eb samta oo etjaha maktob 3ala yabhita bs i7na nas enta'3afal o isawi ro7na manshof oo lee 6a7 el fas belras ga3adna inta7al6am wintigar6am ... ma tabonhom eymathlonkom laish menta'7benhom men el asas ?

o 3ala iran .. fa allah yastir .. il'7of mo men iran el'7of men elli 3ilmi 3ilmik ...
malna ila el do3a2 ina allah yidfa3 sharhom wewa7id sha3b haldira t7t ismha o rayat'ha


tashakorat 3ala el post 7ada a worthwhile o ba6eena el borma :P

Anonymous said...

بريد الكويت لا اثق به ابدا
و اعتقد انهم يقرون مافيه م نرسائل
بريدنا فاشل جدا مقارنة بدول من العالم الثالث مجاورة لنا

KQ8 said...

الاول جنه ترد عليه تقوله اذا العالم قطو نفسهم بالنار لازم حنا نقط نفسنا وياهم ولا شلون؟؟

==
الثاني..

مابقى شي على عطلة المجلس وبنرتاح من الجدحة 3 شهور..جود تهدى النفوس

==
الثالث

ماكو الا العافية لا تقعد توسوس

Shaima'a Alkandari said...

لاحول الله مادري يعني لي متى بيتمون جذي


مايصير لي متى بيتم جذي حالنا وكل ما ايي احد يخرب على الثاني ويزيد الخراب





الله يستر من ايران





ويحغظنا بحفظه يارب

::heba:: said...

مشكله اذا صارت العقليات محدوده
ومشكله اذا كانت التصريحات تفشل وتكسر الويهه !!

واذا يت على الرباعي المرح فأنا اكتفي بالسكوت ...

الله يهدي الجميع

Om Jaber said...

قبل كانوا يقولون الشيوخ باقوا الديره ألحين شفنا إن مو الشيوخ الحراميه اطلعوا مساكين, أثاري الديره حاميها حراميها و قاصين على الناس بسالفه الديمقراطية. تبون الصج بعد كل هالسنين المجلس أثبت إن الشيوخ أبخص

وما أقول إلا حسبي الله على جيرانّا افتكينا من صدامو يانّا إلّي أين منّه

salfa3ajeeba said...

wallahi ana 3indi iqtira7 3shan na'9rb 3a9foreen ib7ajar wi inwaffir leesh ma kil 7awiyat qomamah (karramkom allah) naktib 3leeha 9andoq breed :)

ana illi akil ilthahab akal hammmmm galha il3beed fi wa7id min ilmosalsalat ilramathaniyah walla kilma shift ilbarrak wi 9ra'7ah thakkarni feh:)

bilnisnah il Iran sij la galo oboy ma yigdar illa 3la ommi, wi7na lina allah:)

wi bilnihayah 3amar ya Kuwait wi allah i7afthich lina.

Mohammad Al-Yousifi said...

lool

يقولون الايرانيين ما راح يضربون الرميثية و شرق

كلنا لازم نتكود هناك وقت الطقة

shakshaka said...

اي عااااد هالمرة ريلنا بريلك ماكوو شغل غبا(نفس البوست اللي طاف) ما نوعه الا انت شايل شلايلك وقاعد عالنيل لاااا ماكوو وياك بس عسى الله يحفظ الكويت ويحفظنا وياكم من كل شر

امبراطـــورة اشعاري said...

مساك الله بالخير مشاري..

والله البريد لما يوصل لدوامي تكون فيه نشرات من وزارتنا لازم نوقعها.. تخيل لما تجيبه لنا السكرتيره عشان نوقع ولا متى تاريخه؟؟

يكون من شهرين او اكثر.. وطاف علينا كل اللي فيه..

ليش؟؟ لأن ناظرتنا الله ياخذها انشالله من حقارتها ماتبي توصل لنا البريد..

والله بعد واصلها طلبات النقل من شهر 4 وللحين مو عاطيتنا نوقع..

يعني لما اقرا موضوعك بريدنا بسلة القمامه تكرمون راح اقول عاااادي شنو الجديد لأن فعلآ هذا واقع وزاراتنا..

اما عن اعضائنا انشالله بأذن الله نتأمل فيهم خير
" اي هين لا حجت شيسمونها على شيسمونه ذيك الساعه نتأمل فيهم خير"

وإيران الله يكافينا شرها ويحفظ ديرتنا منها يا رب..

Anonymous said...

1)
الله يعين اللى يستخدمون البريدوالله ..أخر شى اوصلوله انهم يدفعوون ثلاثين دينار على ورقه مع
fedex (Federal Express)or DHL
ابسبة هالقمامه


2)
انا اواافق الاخ كله مطقووق الوعد برميثيه او شرق

قماشة said...

مثل ما يقولون
الجرح يزيد ومايتحمل المزيد يا مشاري
والله يعين
وما يندرى الوعد وين
وقواك الله يا مشاري

Unknown said...

Aldenya : كل مرة نقول الله يستر والواحد وده ان الوضع يتعدل بس فعلا تعبنا من الكلام

Unknown said...

فراوله : ان صارت يا فروالة لا اشلع فراولة الوفرة كلها بالسيارة انا ومرتى وعيالى وتشوفون غبرتى على طريج النويصيب

بعد بروحى لايعة جبدى هالدور مضارب

Unknown said...

حسام بن ضرار : اللى قضبه شكله منشكح عليه اللى مخليه يصرح جذى

وايران لو صارت الوعد بالمطعم التركي بالخفجى يا بوضرار

Unknown said...

Kuw_Son : والله يا بو وليد يا حبيبى ماكو مسكين الا احنا ضايعين بالطوشة ابتلشنا فيهم يدندون على قفانا وخلونا نكره اليوم اللى صار فيه عندنا ديمقراطية

Unknown said...

Fahad Al Askr : يا شاعرنا لو نحل المجلس تعال شوف الضحك اللى بيصير راح يصير شتات للمجتمع بكل اطيافه لان الدوائر الخمس بالرغم من ايجابياته الا ان المتتبع لتتخطيطها الجغرافى يشوف طائفيا وحزبية واضحة

Unknown said...

bastokka طهقانة :

تحيا مصر
قراءتى للوضع تعتمد على تتبع الشارع المسكين المغلوب على أمره

Unknown said...

The Voice Within : صح الخووووووف من اللى خبرى خبرج صح صح صح

والله يستر بنيد القار راح تصير مستعمرة

Unknown said...

عتيج الصوف : الواحد يا عتيج ما يثق باطباء المستشفيات الحكومية تبى نثق بالبريد مع الاسف دولة نفس الكويت يكون هذا حالها

Unknown said...

Krakatoa : شكلها فى انتخابات وقاعدين
والواحد مو يوسوس بس اللى قاعد يصير ما يشجع نهائيا

Unknown said...

Shaima'a Alkandari :الحسد اللى ماكل الناس ومخليهم ما يفكرون الا بنفسهم
شى يفشل

Unknown said...

::heba:: : هذا المصطلح الصح العقليات محدودة وما تفكر الا بنفسها

Unknown said...

Om Jaber : الشيخ على الاقل اذا باق قط على اللى حواليه
هذيل يزرطون من غير ما يندى على الديرة بشى

Unknown said...

salfa3ajeeba : بعد احنا مخلينا مطقاقة يعنى ايران تطقها امريكا واحنا تشوتنا فنقر

Unknown said...

kila ma6goog : تكفة تكفة لا تخلينى ما اعرف احد الا جم واحد من الربع بالرميثية وانت اسولف معاك بالبلوق اكثر منهم فلا تنسانا يا بوسلمى
غرفة حقى انا والاهل بشرق والا رميثية
الدسمة؟ تهقى يحوشها شى؟

Unknown said...

shakshaka : هذا البوست نحشة
واذا شفتى حاط مغلق للتصليحات
تعالوا على طول كلكم مع باجى البلوقرز سميراميس
او اكسفورد

Unknown said...

امبراطـــورة اشعاري الصراحة ناظرتكم مليقة وتلوع الجبد لو منج اشترى جلاب بوليسية وادخلهم الغرفة عليها واقفل الباب واخليها تتصرف معاهم
:)))

Unknown said...

أم النمل : اى والله يا حلو dhl
قط فلوسك بالشمس واقعد بالظلال

Unknown said...

قماشة : الله يستر يا قماشة لان الوضع يضيق الخلق والواحد متنرفز على الفاضى

The Voice Within said...

:P lol ee walla mosta3mara !


shengol !

amirna lallah

Unknown said...

The Voice Within : عاد انا غيرت الموضوع علشان محد ينتبه وقلت بنيد القار الا تزعلينهم انتى ؟؟؟

The Voice Within said...

lol shasawi eb 3omri jirba mag'6o'6a :P


e7im ...> '7agat'ha ...


la la ma shisamona ...thak .. howa fee eeh ?

Anonymous said...

سلام
حبيبي مشاري ترى ذبحتونا بايران و ايران ماعندكم سالفة الى ايرن و الله يستر من ايران و الله يستر من بنيد القار و الله يستر من شيعة الكويت الي ولائهم حق ايرا ن.....ابيك تقولي هذي ايران سنين بالمنطقة شنو سويت ضد الكويت و الريال قال بنضرب القواعد الامريكية ماقال بنضرب بيوت الاوادم و جابر المبارك قال ماراح نرضى باستخدام الكويت لضرب ايران بعني لاتخاف ماكو شي... و هذول الايرانيين الي ببنيد القار و غيره شنو سوو.. لو بيسوون شان سوو ايام الحرب العراقية الايرانية سوو بالوي مو الكويت كانت تمد صدام بكل شي ,و لو بيسوون شان سوو نفس الصعايدة بخيطان و غيره , و على موضوع الشيعة وولائهم حق ايران مثل ما قاعد ينقز البعض عندك و مثل ما انت قاعد تنقز... اقول بالغزو بين ولاء الشيعة حق منو و بين منو الي ترس الحدود السعودية باول يوم...حبيبي مشاري انصحك لا تلوث مدونتك بهالمواضيع و تسلم

The Voice Within said...

o5oi el fa'6il 3isa ..ma7ad yab 6ari el she3a ahni .. hatha shai .. eshai ethani mako da'7an men '3er nar wana 3an nafsi mata7acheet men fara'3 .. fi lisneen la'7era ga3deen enshoof ina ba3'6 enowab elli ohma 9ot el sha3b ga3deen eynadoon eb tawsee3 el 3alagat ma3a iran 3ala 7sab istiglaliyat el dira fi jawanib agalha salfat el maai elmostawrad men iran bdal ma yabnoon we6awroon ma7a6aat tag6eer oo tangiyat el miyaah beldira

wel man6iga mithil ma enta shayif b3eeda ab3ad matkon 3an lestigrar oo a7ad aham lasbab ehya iran o 3lagat'ha el me'66arba ma3a majlis el omam el mota7ida le2asbab minha ta'79eeb el uranium oo ka maradha ga3da et'hadid eb '6arb el gawa3id lamrikia elly belman6iga .. elli men '6minha el ga3ida elmawjoda 3indina .. ya3ni chithi chithak 7ayishna el 6shar ila 3ad etha nawaweehom mo6awar oo ma7dod elmada mayta3ada el gawa3id thak shai thani ...

el shai ethani .. tawha salfat el madrisa elli inraf3at feeha a3lam iran.. o hal shai 9ara7atan maybashir eb '7eer ...arja3 wagol ena el 7achi ma ya men fara'3 oo mo ga3deen en3amim wala shai .. wel wala2 shai nisbi mo mirtibi6 la bdeen wala math'hab wala 3irg ..

peace !

Unknown said...

عيسى: الاخ عيسى

مع احترامى الشديد لرأيك ولكن مع الاسف يجب ان نتكلم بالواقع
يوجد لدينا نواب وصحافيين يتم تحريكهم بالريموت كنترول من ايران

هناك خلايا استخبارتية ايرانية منتشرة فى الكويت مثلما كان قبل الغزو هناك خلايا استخبارتية عراقية

لا اشكك نهائيا بولاء الشيعة بالكويت
ويجب ان تكون هذه الجملة واضحة
ولكن مع الاسف هناك القلة منهم من بدل ولاءه
مثلما بدل قلة من السنة ولائهم واصبح للسعودية وذلك بسبب التأصيل القبلى

عزيزى تأكد باننى
ما انقز
وانا اقولها بالويه ولا يهمنى احد لان لا تبوق ولا تخاف
وتقدر ترجع بجم موضوع ورى وتقرى انا شنو كنت كاتب عن وزير الاعلام اللى اهو انسان قبلى

واكررها للمرة المليون
انا ما اشكك فى ولاء احد للوطن ولا ازايد على احد
والكل لا احترامه
ولكن المعطيات تحتم علينا هالشئ

يعطيك العافية وشاكر لك مرورك