الطموح و العمل والمثابرة والالتزام وقليل من المشاغبة تكون الحياة ناجحة

Sunday, July 22, 2007

من الاكثر شعبية ؟





السياسين اللى عندنا بالمجلس يوصلون بنسب متفاوتة من اصوات الناخبين واقدع شنب بالمجلس وصل باصوات لا تتعدى 60% من اصوات دائرة لا يتعدى ناخبينها 5000 ناخب
وزراءنا على نفس الشاكلة وزير يدخل برضى كتلة معينة ووزير تدخل برضى جماعة ثانية

بدر البدور المطعم الكائن فى منطقة المرقاب الحب له من جميع شرائح المجتمع
يحبه السنى والشيعى والحضرى والبدوي وكل وحتى العلمانيين ياكلون منه كباب
له حضور قوي لدي جميع القدساويين والعرباويين وكل نهاية مباراة تلقى الفايز موجود والخسران( العربي) موجود

أرشح يوسف اللى ماكو صمونة ما يضبطنى فيها والحين كل ما ادش يقابلنى بابتسامة عريضة وتوصية حق العيال اللى صاروا مكانه علشان يدلعونى بالطلب ويعطينى سمبوسة بلاش الرجل اللى عاصرته من سنة 1994 الى اليوم ليمسك وزارة التجارة والمالية لان امين جدا ونظيف وراح يرفض اى زيادة على المنتجات مثل ما ذكرت الصحف المحلية

تمنياتى ليوسف بالتوفيق بالوزراة


56 comments:

Kuw_Son said...

لووووووووووووووووول أهم شي الخسراااان العربي هههههههههه

عاش والله بو يعقوب .. صوتي لك
:P

فراوله said...

مساالخير والكرامة
العزيز مشاري
والله موتني من الضحك علي الخسران
العربي
يستاهلوووووووون من قلب
بس تدري
اتمني له كل التوفيق باذن الله تعالي
دمت ياصاحب القلم الشريف
:)

mtfa2el said...

مشاري انا زعلان !!
جذي تخلي شعبية ساكت عجيب بالأرض لما ترفع شعبية بدر البدور .....

loyalty said...

أخاف تغيره الوزارة :D

MANAF said...

والله لووووووووووول

من قلب

ذكرتني بايام كانو الشباب يقعدون بفرايديز وما يطلبون الا بيبسي وعقب يطلعون يتعشوون في بدر البدوور

ولك بمحرم يوم العاشر طق مالك محط ريل

:)

شوقتني بروح الحين والله اطلب لي 2 لبنه وبطاط مدوّر مع الشطّه

الله يخس ابليسك

ما تبطل هالحركات

بروح اقول حق يوسف

هذا بابا مشاري يحط انتا داخل بلووق يأرف شنو بلووق

:)

اتييك العلوم

Fahad Al Askr said...

على فكرة ميشو، بدر البدور في منطقة بنيد القار مو المرقاب

om-bukhnag-zare said...

صباح الخير أخيي مشاري :)ا

خبري بنيد القار !! لا يكون بعد غير ؟؟

من غير كلام البدور اكثر شعبية وخير دليل على الوحدة الوطنية :) بس وانا اختك اخاف بعد الترشيح يطمع فينا ؟؟!ا

أتصدق عاد يوعانه وعقب ابو البدور صنّفْت على صمونة اللبنة والبطاط مالتهم مالت سنة الطواعين :)ا
الله يغربل ابليسك الحين الساعة ألف اشلون يعني ؟؟ شكلي باجر بدز السايق :)ا

حافظك الله

محـــــارة said...

:) لووول الله ياخذ عدوك خيو

شبعانه حدي بس مايمنع أقرب وقت أمر على بدر البدور تصدق سامعه عنه وااايد والأكيد ماكله منه مليون مره بس مو رابطه متى

بس مانبيه وزير يبا باجر الصمونه أم 100 فلس
تصير بدينار

شوف صاحب العصير شلون أخباره ونزلهم انتخابات وخل نشوف منو نرشح

تسلم بوست خفيف ولطيف وضرب من فوق الحزام وتحته وليته يفيد فيهم

bo9ali7 said...

fdait alb6a6 almidwar

allah la ya7rmna mn 6allitah albahya

Q8DOLL said...

ههههههههههه
الله يقطع ابليسك
انا أضحك على طريقة ربطك بين المطعم مال الفلافل
والنواب والوزراء المحترمين
والصمون يكسب

Krakatoa said...

انا من مناصري مطعم برقان

Shaima'a Alkandari said...

مطعم اكله لذيذ خصوصا لي كنت حدك يوعان

بقولك شي خوش حركه سويتها علشان تربط وتجمع الاثنين مع بعض

بس تدري مانقول الا الله يستر من الياي

وانشالله يام زين على طول

والله يوفقه

عثماني said...

مساك الله بالخير اخوي مشاري

تصدق ... يعت

صج مشتهي صمونتين من بدر البدور

بس ترى مطعم برقان اللي يمه هم شغل عدل

امبراطـــورة اشعاري said...

هااااااااهااااااااهاااااااا لا ما اكتفيت بأسم الخسران العربي بس ألا ولونت اسمه بالأخضر بعد
هههههههههههههههههههه

الله يعينهم ويعوض عليهم

اما احلى شي انا وربي استانست عليه اهو اسم المطعم يا حلااااته وحلاااااة اللي سمااااه ^_*

وبالتوفيق لأخونا :))))

kila ma6goog said...

انا من ربع الغدير

بس محاولاتك مكشوفة لدس السم بالعسل

تييب طاري المطاعم عبالك بتلهينا عن طبتك بالعربي

الحين انتوا خميتوا كل اللاعبين اللي بالسوق , خنشوف شتسوون الموسم الياي

الحارث بن همّام said...

ههههههههه .. عسى الله يرزقنا شعبية مثل شعبية بدر البدور

3AJEL said...

برقان هو الحب الاول

والحجة هو الكباب الاول

ونوارة الاصلي ملك الساندويش

بدر البدور بديل ناجح

White Wings said...

وقدساوي بعد؟؟ يا للمصيبة
:)
أنا ما أعرف المطعم هذا، مطعم ذكور فقط؟؟
:)
لكن مدام تثق بيوسف، فنحن نشد على يدك ويده

Shather said...

كلش و لا العربي ...


زين انا احب مطعم برقاان اكثر اشلون يعني ؟

:P

الجريح said...

لا يالطيب برقان واقطع وانشالله يحطون حجي كريم مال الشاورما وزير
ترى بدر البدور مافيه غير الكباب
:)
على راسي يا مشاري

حلم جميل بوطن أفضل said...

الغدير .. حلال طاهر نظيف

هذا هوشعارهم

ثم بدر البدور ثم برقان

أعرف شخصا زلم فس يوم زفافه (الملجة) أخذ زوجته الى مطعم بدر البدور .. بلا شيراتون بلا بطيخ

:)

charisma said...

hehhehehhehhe
مشارى ما ابى اكدرك بس ما اعرفه ولا مر على بحياتى
وما احب الكباااااب
:/

عوافى انشااءالله مداخيل العافيه لمحبين المطعم
والله يوفق السيد يوسف

What Will Be , Will Be .. said...

:))

ماعرفت هالمطعم الا من ريلي

وصج الكل يحبه وشعبيته كبيره جدا جدا
عوافي يارب

Q8LoVeR said...

يقال غيروا مكانه
ياليت متحدث بإسم المطعم يعرب لنا عن مكانه الجديد لاني ياي من الامارات ابي بطاط مدور ولبنه العجله العجله لوسمحتوا

Ra-1 said...
This comment has been removed by the author.
Ra-1 said...

Hahha :)
هالمطعم من زمان أسمع عنه من إخواني
بس ولا عمري شفته
محتكرينه لصبيان :p

بس ماكو على مطعم الروضتين بالعبدلي
LOL!

Dana__23 said...

لوووووووووول عاشوا القدساوية ;)
وين صاير بالضبط هالمطعم ؟
بجربه دام تقول إنه حلو :)

الكويت بخير دام في أحد يخاف عليها مثلك :)

sologa-bologa said...

أنا معاك
وأأيد وأصوت ليوسف

:)

نادي القادسية "سارق" المدربين والمحترفين
!!!
الظاهر حطوا العين على كاظمة
:)


ودمت بحب وود

Mishari said...

ضبط بو يعقوب لا تخليه
Kuw_Son :)

Mishari said...

فراوله ": لانى قدساوي يا فراولة والعرباوية مع ان اغلبهم من اهلى لكن ماااااكو فكه ما احبهم

Mishari said...

mtfa2el : لا لا لا
ساكت عجيب له اختصاصه جباتى وقيمة بدر البدور غيييييير

Mishari said...

loyalty : عروقى بالماى :)))

Mishari said...

MANAF : استر ايااااام الشباب عاد كنت مصك وحديد وحركات حضرتك:)

صمونة اللبنة والبطاط مدور ما تييب راسى
كباب
شاروما
لسان
مخ
كلهم مع بطاط مدور ومعبوج :))

Mishari said...

Fahad Al Askr : اشكر تصحيحك الظاهر يوعان كنت:)

Mishari said...

om-bukhnag-zare

والله انا كليت وشبعت منه طلعت الحرة
بعدين خليه يمكن يوحد الروح الوطنية من اجل التطوير

Mishari said...

محـــــارة highly recommanded


وبعدين الريال يخاف الله ضد الغلاء واسعاره وحدة انشاء الله بعد ما يرفعه وانا اتوهق:))

Mishari said...

bo9ali7 : هذا الحجي المضبوط

Mishari said...

Q8DOLL : لازم نخفف الجو بربط كوميدى شوى

Mishari said...

Krakatoa : بدر البدور واقطع

Mishari said...

Shaima'a Alkandari : انشاء الله الديرة تتسنع

ونسيتى شغلة لازم تكون حدك يوعان ومفلس :))

Mishari said...

عثماني : تصدق ولا مرة دشيت برقان كل مرة اقول بدش برقان اشوف بدر البدور وقلبى يرفرف :)

Mishari said...

عثماني : الظاهر هذا اسمج :))
بس وين علاء الدين :P

روحى اكلى منه وادعيلى

Mishari said...

kila ma6goog : يمكن ناخذ كاس العالم :P
بو سلمى نادى العربى كان ولازال نادى اهلى
ابوى عرباوى الله يرحمه
اهلى من اعضاء المجلس وواحد فيهم صار رئيس النادى بفترة
بس تبين الحرة كل ما قعدت عندهم حطوا شريط فيديو اجمل اهداف العربى على القادسية

Mishari said...

kila ma6goog : يمكن ناخذ كاس العالم :P
بو سلمى نادى العربى كان ولازال نادى اهلى
ابوى عرباوى الله يرحمه
اهلى من اعضاء المجلس وواحد فيهم صار رئيس النادى بفترة
بس تبي الحرة كل ما قعدت عندهم حطوا شريط فيديو اجمل اهداف العربى على القادسية

Mishari said...

الحارث بن همّام : اذا عندك شعبيته تقعد مكان الخرافى بالمجلس

Mishari said...

عاجل

بدر البدور الاول
الحجة صح للكباب
كنااااااارى للحمص والفلاف

Mishari said...

White Wings : هذا المطعم انثوى الى النخاع لذلك يحبه كل الذكور :p

وقدساوى ودمى اصفر ولاعب سابق ايضا :))

Mishari said...

Shather : العربى راحوا ملح خلاص

وبرقان زين بس ما احبه

Mishari said...

الجريح : يعنى تهقه امره؟ ونشوف؟

Mishari said...

حلم جميل بوطن أفضل : والله يا عزيزى الرجل اللى تقول عنه جنى اعرفه

Mishari said...

charisma : عطينا عنوانج وانا راح اخلى عم يوسف يسويلج طلبية خاصة وتوصل لى عندج

Mishari said...

What Will Be , Will Be .. : ريلج ريال بكل ما تعنيه الكلمة من رجولة

Mishari said...

Q8LOVER: مكانه الجديد حاضر انا ادليك

خل المطعم القديم يمينك وكمل سيده 10 امتار وتلقى لفه يسار اخذه تلقاه بويهك على طول
وهنيئا مريئا

Mishari said...

Ra-1 : شكلج مطيحة فيه ومستحية :))

اكلى عليج بالعافية كله فيتامينات:)

Mishari said...

Dana__23 : تاخذين فندق السفير يمين اللفة ناحية شاتوفب تكملين سيدة اول لفة على ايدج اليمين
تلقينه بالويه
صحتين مقدما

Mishari said...

sologa-bologa : كاظمة يوله البنوان والخرافى شوفه السنة الياية

عزيزى يوسف ينطركم :)