الطموح و العمل والمثابرة والالتزام وقليل من المشاغبة تكون الحياة ناجحة

Monday, July 02, 2007



ملينا سياسة -TAG

بوست طويل والله يعينكم واللى يقراه بقوله من الحين مشكور

كويتية وفلبينى ؟

كنت اتصفح وحدة من الجرايد وشدنى العنوان بأن تم القبض على كويتية فى شقة والاخت فى حضن فلبينى وتم تزويجهم بالمخفر اولا اللهم لا شماتة ولكن التساؤلات اللى كانت بمخى شنو لقيتى بفلبينى لو اى جنسية ثانية اقول ممكن ؟ فلبينى ( الله يزيد النعمة )

السؤال الثاني شلون زوجوهم بالمخفر واحتمالية الفلبينى ان يكون مو مسلم كبيرة ؟

ما ادرى اذا احد يعرف ضابط المخفر يسأله ويعطينى خبر

ــــــــــــــــــــــــــــــــــــــــــــــــــــــــــــــــــــــــــــــــــــــــــــ

لندن

ياللى بتروحون لندن انصحكم لا تروحون ترى نفس السنة اللى طافت شلوخوا اهلنا بالتفتيش ويخلونكم بيزة ما تسوى شوفولكم ديرة ثانية

وخصوصا بعد سالفة السيارات المفخخة حاليا

ــــــــــــــــــــــــــــــــــــــــــــــــــــــــــــــــــــــــــــــــــــــ

عنوسة

موضوع العنوسة موضوع ذو شجون وجميع الدول الخليجية بدت تعانى منه لقيت فى موقع العربية خبر عن داعية يشجع الزواج من الطبيبات والممرضات وبما ان المجتمع السعودي مجتمع مغلق جدا وكان السبب الرئيسى حسبت ما ذكر الموقع انهم الطبيبات والممرضات يعزف عنهم بالزواج وذلك لاختلاط عملهم بالرجال

عيل يالسعودى انسى تتزوج غير سعودية لان الاختلاط موجود فى كل مكان بس صف النية وبنات الحلال وايد

وبالكويت ما راح اتكلم عن موضوع العنوسة لكن باختصر فيه ان المشاكل من الطرفين الرجال والنساء

ـــــــــــــــــــــــــــــــــــــــــــــــــــــــــــــــــــــــــــــــ

4.5% هي نسبة التأخير لسداد المديونيات لدي البنوك وهذا حسب ما ذكرته احد الصحف السؤال او الاسئلة اللى فى بالي

موسم صيف هل يعنى انك لازم تسافر واذا ما سافرت يعنى انت انسان هيلقى ؟

ما عندك فلوس تشتري سيارة غالية لا تشترى يا اخي

ليش تحبون الفخفخة الجذابة ؟

ــــــــــــــــــــــــــــــــــــــــــــــــــــــــــــــــ

ما اتابع الابراج ولا احبها ولا اعترف فيها بس بما انى من مواليد برج السرطان مثل ما يقولون وبالصدفة كنت قاعد اقرى مشاهير برج السرطان قلت خل اشوف منو

يوليوس قيصر

هنرى الثامن

الاسكندر الاعظم

نلسون مانديلا

مايك تايسون

يعني يمكن يوم اصير مثلا مثلا انا اقول مثلا نفس يوليوس قيصر ؟

ــــــــــــــــــــــــــــــــــــــــــــــــــــــــــــ

TAG

Last movie you saw in a theater?

Sherk the Third ( for my dougter )

بس انا اندمجت والله واستانست

And am planning this week to see die hard 4

What book are you reading?

Philosophy book ( Sofy World)

عالم صوفي

Favorite board game?

Chees – Dominoes

Favorite magazine?

News week I know مليق

Favorite smell?

ماكو شى معين – بس احب ريحة المطر

والعطور ماكو عطر معين

Favorite food

سؤال يعور – مك مك ( ماكدونالدز ) – مطبق هامور – زبيدى – رهش- بدر البدور ( والنعم) – وافضل الاكل الشعبي


Favorite sound?

ما احب الازعاج بس احب صوت المطر وافضل الهدوء

Worst feeling in the world?

ما أحب اشوف احد مظلوم على أي مستوي واكره منظر لما اشوف الاسرائليين واهم لاعبين بحسبتنا والوع شى قريته من يومين كان انهم يخلون الحريم يفصخون هدومهم على الحدود حسيت ان ماكو رجال بالعرب

. What is the first thing you think of when you wake up؟

مرات اقوم من النوم وعلى لساني اغنية فاعصب لان ابي اول ما اقوم من النوم ذكر الله علي لساني

Favorite fast food place?

بدون منازع والله والله احبه

MacDonald


Future child’s name?

Girl : Hessa

Boy : Abdullah

2. Finish this statement. "If I had a lot of money.

راح اصور عشر دنانير على A4

واكتب استقالتي واروح اخذ الدكتوراة بامريكا

واحذفها من الدريشة واطلع

Do you drive fast?

سوق على مهلك سوق بكرة الدنيا تروق

ايام العزوبية ما تنزل ريولى عن 150 وفوق

الحين خوش ولد ( حزام – ما اطوف 120 الا نادرا )

Do you sleep with a stuffed animal?

والله بكل حسرة والم اى بس مو حيوان اهو بني ادم صغير مدوخنى بعيشتى بنتي الكبيرة طبعا نزرتها ببيزة عندى شهالحب ما ادري

Storms cool or scary?

ما ادرى عادى

What was your first car?

Capriceكنت ايمع الصبيان بالفريج ونروح نلعب كرة يعنى كبار

Favorite drink?

Seven up with grenadine

Diet Pepsi with cherry syru

18. Finish this statement, “If I had the time I would..

I organize my self فعادي عندي وقت الحمدالله حق كل شي

Do you eat the stems on broccoli?

I like broccoli soap bs

If you could dye your hair any color, what would be your choice?

Pink لا اتغشمر

بس شعري عاجبنى وصعبة افكر اغير لونه

Name all the different cities/towns you have lived in?

الكويت وحتي بالغزو قاعد ما تحركت

بس سياحة وايد لفيت بس ودي اروح المغرب واسكتلندا ليش هذيل بالذات ما ادري

Half empty or half full?

دائما اشوف المتروس واستغل اقل الموارد علشان احقق اكبر هدف

Favorite sports to watch?

Football – Handball – Athletes - Wrestling

Morning person, or night owl?

Totally night owl


Over easy, or sunny side-up?

Sunny side –up

مع خبز ايراني

ولا تسولى ياي ما ياي اكثر الكويتين مشفح من الاكل عيل هالكروش من وين

Favorite place to relax?

My bed

Favorite pie?

Apple pie - if you know good place nominate it

Thank you for reading



62 comments:

What Will Be , Will Be .. said...

العفو :))))

بس خوووش بووست

رااايق

بنت الكويت said...

هالكويتية ما لقت غير فلبيني
خلصوا الرياييل

اجابات حلوة

die hard
حلو

يعطيك العافية

Q80MINI said...

انا داش بلوقك مصحصح
وعلى ماقريت هالبوست دخت
ولاتنسى فلفل اسود مع البيض
وبعدين شنو هذي الكويتية؟ قريت بالجريدة لاعت جبدي
لا وطايحين عليها بشقة اجار يومي الله يفضحها لومكان سنع جان طوفوها
اما سالفة انه مو مسلم ياكثر الكويتيات اللي ماخذين مسيحيين ومحد حاجاهم

وتصبح على خير:)

Fahad Al Askr said...

التاغ ممتع، لكن تعليقك عن الكويتية والفلبيني عسّرني، وأنا ما أحب أتعسر

الله يهداك مشاري، كيفهم، باللعنة تزوجوا بمخفر وإلا كنيسة، وبعدين ليش وايد مستحقر الفلبيني؟

Ra-1 said...

كويتية وفلبيني !
:/

its (Chess) u made it sound like
جبن :p

salfa3ajeeba said...

ma gassart walla 3ala halijabat,
nas ma tmshi ila bil3een il7amraa:) wallah wallllah at'3ashmar, 3fya la t7amog 3lay:))

ra7 al'7i9 lik ili 3araftah 3annik:
1)mothaqqaf mashalah,

2)3indik '3ariyah mo 6bee3iyah 3la deertik wi bnat deertik wi hatha bida iseer nadir fi zimanna hatha,

3)7aggani wi ma tirtha bil'3ala6 law innah 3la aq9a ilnas,

4)mitfa2el,

5)7arch, y3ni 3ibthi bil6areega il positive y3ni ti9na3 min il la she2 ashya2 wi ashya2 zeenah,

wi fi ilnihaya mashkoor innik '7theet min wagtik wi jawbt iltag lianna fe nas i7grooni '7eer shr fa allah yjbor ib'7a6rik, b3ad ishway ba6ir:)))

ZoZOta said...

فلبيني
وييييييع
الله يزيد النعمة
ليش

اقول مشاري
لا تنسى تضيفني على مشاهير برج السرطان
وبما ان انا وياك نفس البرج
فانت تقدر تقول حبيتك اكثر
:)
احنا السرطان بسرعه نتوالف
يا بختنا :P

Chai-7aleeb said...

أمس جماعتنا كلوا تبن بمطار هيثرو

ما لنا إلا ماليزيا و أستراليا

sologa-bologa said...

الكويتية والفلبيني

وخلقناكم من ذكر وأنثى
وجعلناكم شعوبا وقبائل لتعارفوا
إن أكرمكم عند الله أتقاكم

بس طريقة الزواج ما تدل على التقوى
نهائيا
:)

اذا خلصت من كتاب
عالم صوفي
أرجو إنك تعطيني ملخص عنه
أحب أتعرف على عالم التصوف

أما عن السفر
اذا قررت تسافر المغرب
قولي
;p

والله يبلغك بعيالك
ان شاءالله
يا بوعبدالله

ودمت بحب وود

MANAF said...

:p

احنا والفلبين بينا علاقات طيبه

خل نوطدها اكثر :) احسن من الهنود

مو فلانه خذت هندي وعايشه هناك

..................

الموضوع الثاني انا حلفت اني ما اروح لندن مره ثانيه والسبه معاملتهم العام بالمطار .. بس ما تدري يمكن اصوم 3 ايام واروح هالسنه بعد

هي هي

.................

ياخوي والله لو انا المعوشرجي

جان سميت صموونه بأسمك على ولائك

لماكدونالدز

لوووووووووووول

ويووز عني

لا تقعد تشيش الصبي علي

تجربتي السابقه

نسيتها

@@

تدري شقصد

:)

Kuw_Son said...

حدي استمتعت بقراءة الأجابات ..

أهم شي يوليوس قيصر

بس سالفة الزواج في المخفر مع فلبيني !! الله يزيد النعمة و لا يبلانا ..

و أنا نفسك .. يحكني جسمي اذا سمعت شي عن الأبراج !!

kila ma6goog said...

انت اقرب الى تايسون من مانديلا

كله بتتهاوش

Spoiled Royality said...

:))

aham shai comment killa ma6goog
loooool


il answers 3ajeben ..

o ista`3faralla il q8iya wel philipine eekheeeeeh

alllah la yblana o yaster 3lena o3la 7abayebna

اجار الدين كشمش said...

اخ مشار ي الفلبيني

حلووووو ""

"""""""""" يعني الحين الكويتي هالعسر مايحب

الفلبينيه هالزبده ..

مثل ما حنا اندور الحلوه

هم البنات يبووون الحلو "

يعني تبيها ..اتعرف على خالد الملا

الله هداك مشاري

فراوله said...

مساك خير وكرامة
أخوي العزيز مشاري
شخصيتك قريبه من القلب بسبب
البساطه الموجوده بين طياتها
يعجبني هدوئك
وبالنسبة لزيارة المغرب
تري وايد يمدحونها
واذا رحت قولنا
عن جمال الدار البيضاء
الله يخليلك عيالك آمين
دمت بود وحب
دائمين
:)

Shaima'a Alkandari said...

مشاري
ياانت يلي بتقط الشهاده عقب ماتاخذها
طلعت انسان هادي وتحب الهدوء
وصدقت ياخوي صوت المطر عجيب
وعلى طاري لندن بس خلاص بنعوفها

لاحول ولاقوة الا بالله يعني ليش لهدرجه نزل مستواهم

الله يستر علينا

والعنوسه صارت باغلب البيوت الحين ومثل ماقلت انت ياخوي من الطرفين

والله يوفق اخوانا السعوديين

ReLaaaX said...

1
الحمدلله ياربي الحمدلله عسى دوم تملون من السياسة اللي مامنها فايدة ولاعايدة

2
كويتية وفلبينية
آنـه ماعندي تعليق على الحادثه نفسها لأن ممكن تقع
أشره على اللي ناقل الحدث ، بالله من زين الخبر عشان تنقله ؟
فماعندي أي تعليق على هالنقطة

3
لندن
loool
يقولون مصائب قوم عند قوم فوائد .. الوالد الله يحفظه كان مصر إن نروح السنة لندن .. يايبه مانبي لندن يايبه بنغير أبد مصر ..لما الحمدلله بفضل الدعاء أولا ثم الاحداث ثانيا والحنة ثالثا والتصويت رابعا تم تغيير توجهنا الحمدلله

4
عنوسة

هم نوووو كومنت !؟ لأن كل واحد يحط حلول من كيفه
غير ان كلا الطرفين يتعنفق

على فكرة التفكير السطحي اللي يفكر فيه بعض من المجتمع السعودي ترى فيه عندنا نفس تفكيرهم بالكويت للأسف
يعني التفكير الرجعي موجود سواء عندنا والا عندهم

5
قالوها الأولين : الدين عماة عين
شالله حادنا ناخذ شي مانحتاجه؟
شفيها القناعة والرضا باللي عندنا؟

على قولتك : فخفخة جذابة

6
الابراج

الحمدلله فيه ناس عقولها كبيرة وماتعترف بهالخرابيط :)
اما عاد مواليد البرج ليش ماتقول
ممكن في يوم تصير مثلا مثلا من ضمن الاسماء اللي موجوده والأجيال اللي عقب لا دورو منو من مشاهير هالبرج يلقون اسمك معاهم مثلا؟
خلك طمووح مثل ماعرفناك .. ومو شرط تصير وياهم بالمعنى الحقيقي كثر ماانك تحط في بالك ان راح تترك لك أثــــــر وبصمة واضحة :)

7
TaG

استمعتنا بقراءته وبقراءة البوست عموماً

NewMe said...

بالنسبة للموضوع الاول
عليهم بالعافية
والجنسية عمرها ما تحدد
بس زواجهم بالمخفور
على قولة اهل الشام
ولي على آآآآمتي
مسكينة مو خوش حجي
العنوسة مو ازمة الازمة بالمجتمع
اللي ما يخلي اللي مو متزوج بحاله
اما التاق فاتفق معاك والمطر
وعليه علينا بالسنه احسنه؟!!
المره الوحيدة اللي حبيت مكدونالد
يوم كانت تثلج
وطلعت من شقتي ميته من اليوع
وما اقدر احرك السيارة
طقيتها مشي مع رفيجاتي
اخذنا الجيز برجر ورجعنا
زين سويت بعدت عن السياسة
وسع صدرك لان ما راح نخلص
دمت بحب
تحياتي

الحارث بن همّام said...

شخصية فريدة من نوعها .. تغيير نمط المقالات أمر مطلوب للتنفيس ..
على طاري كتاب عالم صوفي .. وين ممكن أحصلها ؟

::heba:: said...

والله هالبوست على قولتهم
من كل قطر اغنيه

:p

بالنسبه للاخبار
الخير الاول ماقول غير الحمد الله على نعمه الدين والعقل ...

بس الي شدني موضوع سالفه العنوسه
والتفكير الرجعي موجود بكل مكان ..

التاق ممتع واستمتعنا بمعرفه مشاري عن
قرب : ))

om-bukhnag-zare said...

صبحك الله بالخير اخيي :)ا

1- عسى الله يستر علينا وعليها وياخوك مثل ما يقولون مراية الحب عميه :)همم ماتدري بعد للضرورة احكام :)ا
2- ماكو الا العافية هاذي تدابير لازم اتحصل وصدقني بس يبيلها اشوية صبر بالمطار
3- المجتمع السعودي متحفظ جدا بالنسبة للزواج من ممرضة او طبيبة ليس لكونها تختلط بالرجال ولكن ايضا تتأخر وممكن تداوم خفارات وحالات طوارئ من هيك يعزف الرجل السعودي عن الزواج منهم
4- اللي معندوووش مايلزموووش بس شتقول بللي ذابحتهم المظاهر والعنطزة
5- برجك كحلي :)اي شي بس ابعد عن تايسون :) انا من ربع جورج واشنطن والبرت آينشتاين اييي هين :)ا
6-شكلك حيل مندق من دوامك .. الله يرزقك بللي احسن منه
لا تنسى وانت طالع منهم حط بطل كولا تحت تاير المدير :) سوالفي ايام اول بالناظره :)
نصيحة خلك على اسكتلندا وااايد ابرك شلك بالمغرب صج اهي زوينه بالزاف واسألني آنا بس على الشباب حيل مخطورة اتهللا اتروح سكتهم سكة اللي يروح مايرجعشي :)صافي ؟؟
المهم الله يحفظك ويحفظ اهلك واعيالك وام اعيالك والله يقر عينك واتشوفهم باحسن حال آميين

Alfajer alba3eeed said...

السلام عليكم والرحمة

موضوعك حلو والحمدلله انك غيرت شوي عن السياسة ومن كتاباتك يا مشاري احس ان لك شخصية حلوة ومميزة

حافظك الرب

ButterFlier said...

كبير يا بوعبدالله :)



خوش بوست و خوش تاق

أم النمل said...

مساء الخير يا مشاري

خوش اجاابااات

يعطيك العافيه :)

كله انسى said...

احلى ابل باي عند جوني روكتس :)

SolaimaN said...

مشاري اخوي

مساك الله بالخير

سالفة الفلبيني ،مقيوله طال عمرك قبل 400 سنه

عن صخله الفريج

london

اخ يا لندن والله مادري شيبون فيها ،وكل محلاتهابسوق شرق

والله الشايع ما خل شي الا يابه لهم مادري شيبون هالحريم

اكو ميتين ديره احلى وارخص واونس حق اليهال

القروض

في مثل شعبي بس المكان مايسمح اقوله


التاق

تكفه سامحني ماني معلق ،،توني معلق على ست تاقات

خلص كازي والله

وقواك الله

The Voice Within said...

t3ligi 3ala el fav drink bil tag :D


diet pepsi with cherry syrup, ha ? :D

Ashwa ya3ni mo bs ana illi a3awi'6 il calories malot il diet pepsi bel cherry syrup :P

hatha illi ysamona smart choice :P

charisma said...

استغفر الله هالكويتيات ينو وقعدوا
وبعدين ليش يزوجونهم ؟؟؟
شكوو

التاق:

الله يحفظها ابنيتك
ههههههههههه
بس لا تتعود طيعنى

استمتعت بالاجابات

وفجو شوى عن السياسه
خلونا نعلق عندكم

ام الحفيز said...

مشاري

ودي اعرف من الي فتن عليهم....وبعدين لازم يجلدونهم وعقب يزوجونهم...مو هذا الشرع

وبالنسبه حق مطبق الزبيدي صج انك ذوييييييق اكل وصحتين عا ألبك

SHAHAD said...

وأخيرا أقدر أشارك لول
البوستات الأخيرة كلها سياسية .. وانا بوادي والسياسة بوادي آخر :))

ما علينا

أما الكويتية والفلبيني .. الله يهديها !! ولا يبلينا يارب

أما الفخفخة والكشخة غصب وهو مفلس
فذكرتني بسالفة أخوي
الله يسلمك هو معاه 50 دينار راح شرا بوك ماركة بهالفلوس ويايلي يطر مني لووول
عادي تعودنا لول

.
أما التاق فحده عجيب
وربي يخليلك بنتك ويخليك لها :)
عاد شكلك أبو حنون : ))

حيل استمتعت بهالبوست

Anonymous said...

yama kuwaitiyeen men 5athow filbeeniyat, o sa3at 5iddam fy bait hom ...

you should be fair coz the rate of the women who got married to foreigners are way less than the men who did so..
chinna likuwaitiyat mo tarseen il3ain ..

a female.
thank you

Mishari said...

What Will Be , Will Be:مشكورة :)

Mishari said...

بنت الكويت : رحت DIE HARD

والله يهداها المشكلة مو انه فلبينى المشكلة شلون لقوها

Mishari said...

Q80MINI : انت اكيد دخت 100% لانها شقة ايجار يومي مو اجار يا يوعان او صج دوختك بالبوست الطويل حقك على :))

Mishari said...

Fahad Al Askr : ما استحقرت الفلبينى ولا استحقر احد بس الطريقة اللى حصلوها فيها ويع
وبعدين تعال من زينهم الفلبن الواحد يطالعهم ؟

Mishari said...

Ra-1 : لا تصيرين وايد دقيقة وزين كتبت كل هذا انا
:))

Mishari said...

salfa3ajeeba : اما ما احب التااااااااااااااااق
وقلت هم ما ابى اكسر بخاطر احد
بعد توبة

تاق 28 سءال ؟؟؟

بس شكرا شكرا على الملاحظات اخجلتونا:)

Mishari said...

ZoZOta : السرطان الله يكافينه شره
خوش برج مع انى ما اعرف بس
يقولج كل انسان ممكن يصير مليونير بس شلون ما ادرى :)

Mishari said...

Chai-7aleeb : مو الا نروح يا اخى بس ديرتهم الصراحة بنت لذينه

برايتون والا بورت سموث
هالجو العليل
اخييييييه
انا اقول خلنى بالكويت واغنى من حبنا لها

Mishari said...

sologa-bologa : اشوة قصيت الحق من نفسك :) على الفلبينية

المـــــــــــــــــــغرب سفرة عائليـــــــــة
مو شباب يوووووز انت بس :))

Mishari said...

MANAF : الفلبن منوووف حدهم يشتغلون بماكدونالدوز وبس

بعدين خلنى اشيشه علشان ما اينى دعووم:))

Mishari said...

Kuw_Son : يا اخي تصدق عاد يقولك يوليوس قيصر كان مو مضبوط
بس بحول بقول نلسون مانديلا

Mishari said...

kila ma6goog : انت بس لو تفتك من صورة الشنب اللى حاطه
تعرف منو اللى يبي يتهاوش:))

Mishari said...

Spoiled Royality : مطقوق لانه مطقوق يخاف من الهواش:)))

Mishari said...

اجار الدين كشمش : ما اقول الا الله يزيد النعمة

فلبينية ليش يبه قلوا الحريم
الله لا يبليني
عندى اخوى من ايرااااااان
لى المغرب اخمط
وحط
شودينى اهناك
لا يبيلك اعادة نظر
:)

Mishari said...

فراوله : مشكورة وما تقصرين :)وانشاء الله مفكر جد اخذ المدام ونروح

Mishari said...

Shaima'a Alkandari : احب الهدوء واعصب من الزحمة وما احب اوقف بالاشارة وايد ومستعد امشى ساعة ولا اوقف بالسيارة :))

Mishari said...

ReLaaaX: السياسة لازم نكتب فيها والا وين نفضفض ؟
بس في موضوع سياسي السبت ضرورى تعلقون عليها انشاء الله

والعنوسة ظاهرة صارت خليجية فى بعضها اسباب منطقية
وفى بعضها اسباب سطحية وتافهة
ومشكورة :)

Mishari said...

NewMe : اولا اللى يدش البلوق عندى لازم على الاقل ماكل 3 وجبات بحياته من مطعمى المفضل
:)

بعدين يا لولو انتى بمنظورج تشوفين عليهم بالعافية
احنا مسلمين ما يصير نزوج مسلمة حق غير مسلم
تعالى فججى نفسج الحين يقولون عنج غير مسلمة :)))

Mishari said...

الحارث بن همّام : تحصل كتاب عالم صوفى فى جرير
وهو كتاب يعبر عن قصة الفلسفة

ومشكور على هذا المديح

Mishari said...

::heba:: : اشكرج اختي هبة ومعرفتكم شرف لى انا بعد

Mishari said...

om-bukhnag-zare : الحين يا ام بخنق على المغرب واحنا عزوبية ما تشيطنا هالدور متزوجين
لا والله بروحهم اذا الله كتبلى ثنتينهم باخذ الحجية معاى ونشلع :)

Mishari said...

Alfajer alba3eeed : الله يسلمج وما تقصرين لازم الواحد شوي يكسر عن المواضيع الجادة

Mishari said...

ButterFlier : ما تقصر ومشكور والكبير رب العالمين :)

ومرورك عجبني

Mishari said...

أم النمل : قل ما اقر ى اسمج
ام النمل اقول شنو الحكمة؟

شكرا :))

Mishari said...

كله انسى : باطلبها واذا طلعت مو حلوة اعطيج رقم حسابى وتدفعين فلوسها لى :)

Mishari said...

SolaimaN : اخذ راحتك والمثل جان كتبته و لاتستحى عادى :))

Mishari said...

iknow its smart choise:) coz i take it :))

bs almoshkla fee alcalories :S

Mishari said...

charisma : بنتى احبها واموت عليها بس انا ما ادحب ادلع الياهل
احب يطلع سوى شوى

وحاضرين بين فترة وفترة نغير ونكتب مواضيع غير :)

Mishari said...

ام الحفيز : وين قاعدين يجلدوهم ما عندى هالقانون :) جان زين

واخيه يا ام الحفيز لو جنه مو لج يم الزبيدي اجار

:(

Mishari said...

SHAHAD : اى والله ابو حنون بس عاد هاليهال ادعل :))

واخوج مرة ثانية لا تعطينه فلوس خليه ينقرص :)

Mishari said...

Anonymous : dear am not talking about male or female am talking in general how a man or women like this nationality :S plus 90% from the story may be he is not Muslim
yak

i really don’t like them ( they only should make Mac chicken in my fav MacDonald’s :D )


so am talking for both