طاش وتصويت
حلقات طاش ما طاش تميزت على طوال 15 سنة بقضايا جدية المضمون وفكاهية الغلاف
هذه السنة فعلا طرحوا قضايا حساسة كانت أبرزها قصة الولد الذي يرفض الصلاة وحكم عليه حكم الاعدام
ومن ثم تم معالجته نفسيا ليظهر أنه كان يعاني من ضغوط نفسية شديدة
و قصص أخري عديدة جميلة جدا
مقارنة أسلوب الطرح بينهم وبين المسلسلات الكويتية من الوزيرة وعرس الدم لا أري ما يرقي من المسلسلات الكويتية بما تحمله من تاريخ للمقارنة مع طاش ما طاش
أتمنى فعلا من الكتاب (( المحترمين )) أن يبدءوا بكتابة شئ محترم يخدم قضايا المجتمع فى رمضان القادم اذا الله معطينا العمر
تصويت
من هي الاملق؟
36 comments:
ههههه أهم شي من هي الأملق
صوتنا حق عالية
الله يحلل حليمة وأمل عنها
آنا أقول رمضان من غير مسلسلات وفوازير أحلا, يعني شفيه شفييه فكر وأربح؟
كلهم ملق
بس آنا صوت حق عالية هم
يا اخي انت ضيعتنا بهالتصويت وهذا و صار حالك مثل حال اللي قالوا عنه
ألقاه في اليم مكتوفاً فقال ... اياك اياك ان تبتل بالماء
شلون نصوت اذا كل وحده املق من الثانية؟
بس اعتقد امل محد يضارعها بالملاقه
حلوه يضارعها
;)
انزين ..الحين خلينا نشوف المسلسلات الكويتية الجيدة..مسلسل طارق العلي "هذا ولدنا" حلو و مسلي و قصته حلوة فيها عبرة و كوميدي محترم
و لا اشرايك؟
و هم مسلسل داوود حسين "درويش" نفس الشي..قصة و عبرة و كويدي نوعا ما
و ولد الديرة ما تابعته وايد بس شفت حلقتين تقريبا و شفته زوين
ليش ماتتكلمون عنهم و تمدحونهم
مليت من سيرة الوزيرة و الثانيين البايخين ://
هههههههههه والله ضحكني التصويت
والله كل وحدة أملق من الثانية
احترت بصراحة لووووووول
بس بصوت لـ حليمة
لأن جد بفوازيرهالا تطاق من كثر الملاقة
مبارك علك باجي الشهر
وبيني وبينك ما اتابع ولا برنامج برمضان عشان اعرف من هي الاملق
بسسسسسسسسسسسسسسسس
نمر بن عدوان
:)
وين قرقيعان حصة ؟؟؟
ما قدرت أصوت الصراحة
خفت أصوت حق وحدة و أظلم الباجي
:)
السلام عليكم
للأسف الكويت لديها تاريخ فني كبير و عميق في الطرح والمفروض ان يكون هذا التاريخ الفني هو الاساس لعملية الارتقاء والسمو في كتابة اي عمل
لكن اللي اشوفه الحين هو هدم لهذا التاريخ من قبل 10 سنوات , لان الهدف والرسالة قديما كانت سليمة ناصحه ما فيها انحطاط مثل هذه الايام كانوا الكتاب يكتبون عن الاوضاع المحلية بطريقة عفوية بطريقة فيها تحمل للمسؤولية الملقاة عليهم , كانوا يكتبون عن الوالقع الكويتي الصحيح بدون شرب خمر ولا اظهار المجتمع كأنه رايح فيها مع العلم ان ذلك الوقت كان فيه كل مظاهر الفساد لكن كنا لا نظهره للعامة لانهم كانوا يعلمون ان هذاالفساد عبارة عن اقلية وليس اغلبية في المجتمع
اما اليوم فطغت المادة والانحطاط في الطرح على كتاب الامس النظيف فأصبحو يكتبون عن الفساد كأنه شيء عادي وانه موجود كأغلبية في المجتمع
و ما اقول الا الله يهديهم الى الطريق الصحيح والقوييم في الكتابة
ولك مني كل تحية
بصراحة الواحد يحتار
مسلسل كويتي زين .. والله مادري ...
بس شكلها السالفة مستحيلة ...
وبالنسبة للسؤال بما اني مريت على الف اختبار على الأقل
اقدرر اقولك انك سؤالك
tricky question
حيث يعتمد على ان الأجابات كلها صحيحة
و لازم الطالب يستخدم نظرية ال
best choice :)
سهل الأختبار يا استاذ ! :)
ببدي بالتصويت
ماقدرت اصوت والله كلهم مثل مثل على قولتهم
ماي وخل ماي وخل ماي وخل !!!!
اما عن طاش ما طاش خذو شوي بعد ثاني لما بدو يطرحون مشكلات اجتماعية و واقعية خطوة حلوة
بس هم في شخصيات احس انها صارت مستهلكة
يصير الاستعانة بصديق
انا بستعين
بالشيخ الشاعر الملحن الصحفي الرياضي الفني الدبلوماسي
دعيج
السلام عليكم جميعا
الصراحة ما تبعة شيء فا ما اقدر احكم بس حسب معرفتي بمسلسلات
الكويتية الحديثة كلها بلا هدف بس تشويه صوره الأسرة الكويتية من الإشكال
الموجودة ألي لا تمت بشيء للبيئة الكويتية الأصيلة
بصراحه ثلاثتهم الملاقه فيهم مركزة
طاش ما طاش و اقطع خلصنيييي !!
بلا عرس دم بلا الوزيرة و بلا فوازير مليقة !!
وااااي
يصير اصوت للكل
؟؟
بس تصدق
ودي اقول شي بس اخاف اطقني
شفت امل ؟
مادري ليش تضحكني
احسها عبيطه
خصوصا ببرنامج فنون قدها ويلااااا على قولتها
خبله خبله
هههههههههههه
بس بالملاقه اشوفهم تعادل
حيرتنا بمنو الأملق !!
الله يغثهم ثلاثتهم كثر ما قلبوا جبدي
وين طاش ما طاش عن ملاقتنا و مسلسلاتنا
اسفه اخوى مشارى ما اقدر اصوت
لانى ما اتابع تلفزيون الكويت الا للاخبار والدعايات.....فاخاف اظلمهم
بس منهى امل ...؟؟؟ ما اعرفها
وتصدق الى الحين ما شفت هالوزيره
متى يحطونونها...؟؟؟؟
اعصابى مرتاحه هالسنه من اشكالهم
انا صوّت لكن بحتفظ باسم اللي صوت لها في قلبي :P
اخاف اجرح مشاعر الثنتين الباقيتين
تعودت مع طاش ما طاش اضحك من قلبى
اهو مسلسل فكاهى اجتماعى
مو لايق عليهم الجد صراحه
:/
ولا حلقت اليوم اتكدررررر
الشكاك الى قتل مرته بالنهايه
كلش كلش مو لالالايق
فجأة دراماا
والتصويت انت المفروض تدرى من الاملق ما يحتاج
:))
شوف انا الي تخصصي متابعة الملاقة واحب اعذب نفسي بالملاقة علشان احئها على الانتقاد
وكنت اقدر اتحمل ملاقة المسلسلات الدينية المصرية بس ملاقة حليمة ما قدرت عليها طلعت علي اوفر دوز
لا والله حتى طاش ماطاش الحمدلله والشكر خلصت قصصهم واعيزو واهما يعيدون بالشخصيات !؟
لحد الحين ماشفت مسلسل يستحق المتابعة
أما عاد أملق وحدة صراحة احترت بصوتي والصوت امانة ;p
اي والله احترت لأن ماشالله كل وحده تتمتع بقدر من الملاقة الفظيعة
مشااااااااري يرحم لي والديك حط بوست يديد لا نستاثم على هالاشكال
امتنع عن التصويت واكتفي بالتطمش على الحازة على المركز الاول ^_^
تصويت يحير
:P
السلام عليكم
وصباح الخير
فريج ام خمااااااس # 1
طاش ماطاش #2
اما بالنسبه للوزيره ف اكس كبييييييييير
عليها ..
عرس الدم .. مسلسل رعب !!!!!!!!
الدروازه جيد بس يضيق الخلق واييب القمته
اب صراحه كلجن حلوات قصدي مليقات =P
مايصير اصوت حقهم ثلاثتهم؟
كتاب يهدفون لحل قضيه ما ونشرها بطريقه لاتسيئ
واخرون من يكتبون حتى يناقشوا قضايه منها واقعيه ولكن نشرها بطريقه تسيئ لنا ولمجتمعنا ومبالغ بها
الله يعين
يصير نصوت أكثر من مرة؟
حليمة يشفع لها جمالها
أمل شبابها
بس عالية .. لا جمال لا شباب لا عماة عين
صدقت وربي هالسنه ما أتابع ولااااشيء باستثناء بعض الأوقات طاشا ما طاش
ياعمي أنتي لما تبي تشوف تبي شغله تغير مودك تضحك وبنفس الوقت ماتستغبك مو الهلاقه الي عندنا يا يصبغ شعره يا يعيب على الي معاه واحنا شنو مستفيدين مادري ؟؟
وبسالفة الأملغ مايصير أصوت على الثلاثه لأنك هما يبتها على الجرح عليهم غثاثه ماينبلعون ولا بدولكة ماي
وسلمت يداك
7aleeeeeeeeeeeeeeeMa : D
بس أنا حبيت "نعم و لا: الصراحة حلو المسلسل
والله كلهم.....انا ماضحكت الا بمسلسل اووه يامال الاخ ماسك المسدس على جنب....تقول الاخ ممثل بفلم
Boyz in the Hood
:)
AMAL! BELAAA MUNAAZZZZZZZZI3 ;D
قوه
طاش ماطاش من زمان جميلة قضاياة وواقعية
اما من هي الاملق فحلو التعبير :)
مم انا صوت حق عالية في المرتتبة الاولى
وبعدها حليمة
وبعدها أمل
انا تصويتي كان حق عاليه
صج تنرفزني
وصح كلامك والله
لو تشوف طاش ما طاش تحس مواضيع لها هدف مو مسلسلات ديرتنا
في وقت معين اشبك فيه
وكل ما اشبك التلفزيون محطوط بروحه على عرس الدم
!!
واي مشاري يغث يغث
شي مو طبيعي
اليوم فجأة سكرت التلفزيون ليش ياربي اقمت قلبي؟
اشهالحاله
!!
طبعا المنافسه شدييييييييييييده
كل واحده عندها شي يميزها بالملاقه
:)
اللهم إني صائم :)
السياسة أفضل بارك الله فيك :))
:)
انت مشكله
عاد راح اوصيهم يمرون على مدونتك
:)
Post a Comment