الطموح و العمل والمثابرة والالتزام وقليل من المشاغبة تكون الحياة ناجحة

Wednesday, September 19, 2007



أربعاوي


رمضان المعدة رايحة فيها

فى هذا الشهر الكريم مع أول ثلاث أيام كان هناك انقضاض علي الاكل ولكن بعد الشعور بالازمة النفسية والعتب الشعوري بما اقوم فيه بسبب التخمة الغير طبيعية والاختناق الحاد الى ثاني يوم لى وقت الفطور خلاني اغير التخطيط واخفف الاكل والحمدالله بديت اتأقلم
بس اليوم ناوي علي عيش وكباب طاق براسي وغيره كنافة الطيباوي اذا احد عنده محل ثاني غير الطيباوي قولوا لان يقولون تغيرت كنافته صارت مو شى



شنو أكثر شئ يسوي حارج برمضان ( ما أقصد أكل )
شيئ نشوفه بعد الفطور عن نفسي ما اشوفه ولكن خلال المرور على المحطات يتم المرور المليق عليه
فكروا مو لان صايمين ما تفكرون ؟؟


النفط وصل 71 دولار ومتوقع فائض بالميزانية 7 مليار دينار كويتي؟
ممكن أحد يقولي وين بيروحون؟

أقتراح
مرة بس خل يسونها ويعطونا العشر الاواخر اجازة وخل الغير مسلمين يداومون
ويمشون الشغل بالقطاع الخاص





65 comments:

kila ma6goog said...

انا وزني زايد 1 كيلو

ray said...

أكثر أكل يسوي حارج هو التشريبة
و أكثر شي لذيذ :P

سؤال ... التشريبة و الهريس و اليريش ليش بس يتذكرونهم برمضان؟

فريج سعود said...

بالنسبة للكنافة فعليك بالازرق
اما سبب الحارج فالفيمتو الثقيل فانه يسحن الجبد
اما الفائض فلا ولم ولن يفيض شيء من ميزانية الكويت
وفي مثل يقول باجية لا يبات
واما اقتراحك للعشر الاواخر فالظاهر انت تبي كل الوافدين يسلمون عشرة ايام

AuThoress said...

ليش الانقضاض يا مشاري الله يهداك؟
مجاعة افريقيا؟

بالهداوة :)

الحلويات تسبب الحموضة، تجنّبها إذا كنت تعاني، وانصحك تأكل "خبز" ناشف يسحب الحموضة ويخففها


العشر الاواخر، انصحك بالعمل، لأنه عبـــادة... وإذا تحب "تقيم الليل" إبدأ بالتوقيت المناسب ولا تسهر


كل سنة وانت طيّب

Maximelian said...

سلام عليكم مولاي

في البداية تقبل الله صيامكم وطاعتك وسائر اعمال المؤمنين يا رب

بالنسبة للاكل برمضان انا عكسك يخوك ماكو شهية ابدا على الفطور ..وبس لقمتين وانغث

يمكن لان المكام متغير علي

بالنسبة للحارج ..الحمدلله حتى الان ما صارت لي برمضان ولكن الكباب عدوّي .. ومرة صارلي حارج منه خلاني ما انام طول الليل

وبالنسبة للفائض ..فالسنة قبل الماضية تصدرت الكويت فايض ميزانية العالم وحلت بالمركز الاول ب32 مليار اعتقد شي جذي

والسنة الماضية ايضا تصدرت القائمة بزيادة في الفائض عن السنة اللي سبقتها

وهالسنة تقول انت اكو زيادة 8 مليار على ميزانية كل سنة

مع ذلك يظل السؤال الصعب .. وين ترووح ؟؟ مو صعب السؤال بس ما احب ادش بالسياسة و والناس صايمة :P

Shaima'a Alkandari said...

اخوى العزيز مشاري

زين سويت انتضمت بالاكل علشان ماتحس بالتخمه

رمضان هالسنه مااقدر اكل مادرى ليش بس اكل تمر واشرب قلاص لبن وشويه شوربه وخلاص اقوم مااقدر لي اليوم الثاني حتى سحور مااتسحر مادرى شصاير غيني :( حتى امس اكلتى المفضله مجبوس دياي ماكليت مااقدر احس نفسي شبعانه بس ابي مااي


الله عيش وكباب بالعافيه واشرب قهوه عربيه بعد مع الكنافه وعيش حياتك :)

مادرى بس احسن كنافه عندنا اللى اهيه ليالي الشرق والاقصى

اقتراحك عجيب جان زين يسوونه ويطبقوونه ونكون لهم شاكرين

بس مااعتقد كل سنه يقولون ندرس الموضوع ويخلص الشهر ولى الحين يدرسونه الظاهر بيحفظونه صم

الشي اللى يسوى حارج على ولة بالتلفزيون مادرى مااعرف لانى موذاك الزود مع التلفزيون

شرايك انت تقولى وماراح افتن

وعلى طاري النفظ الله يسلمك احتمال كبير هالفائض بيخشونه حق الاجيال مو اليايه ولا اللى وراهها اللى ورا ورا ورا وراهم

وصج انا زعلانه منك ياخوي الحين بموضوعك ذاك تطنش بردي وتعلق على اللى وراى ربنا يسامحك :(

عالعموم سقط سهوا ماعليه سامحتك علشان تعرف انى طيبه :)

الدائرة الخامسة said...

مبارك عليك الشهر وتقبل الله طاعتك
الله يهديك .. كباب وعيش وبعدها كنافة
ناوي تدمر المعده بعد الفطور
ما فيه أحلى من الاكلات الشعبية الخفيفة اللي تريح المعده مع الفطور

بعدين المفروض سؤالك شنو اللي ما يجب حارج بعد الفطور
لأن الامور اللي تسبب الحارج اكثر من الامور اللي تريحه

Hot Chocolate said...

صدقت المعدة هالسنة في رمضان ما ادري شو مستوي فيها

صايرة بلاعة ما اوقف بلع .. في الفطور آخر وحدة تقوم وبعد صلاة المغرب ما أخلي شي إلا ماده يدي عليه

والنسكافيه زايد الطلب عليه بعد الفطور .... استكانه ورا الثانية .. وأقول ما أروم أرقد والسبب هو
!!!!!!!!!

تصدق انا ما فهمت جملة الحارج اللي قلتها .. بس استوعبت الفكرة من الردود ..... والله ما أعرف شو سببها

حلوة فكرة العشر الأواخر ... يعطونا إجازة لراس السنة والعشر الأواخر لأ
!!!!!!!!

بس يا ترى لو تطبق اللي قلت عليه ... أم كم واحد يستغل الفرصة في العبادة
!!!!!!!! في هالزمن البنات والاولاد نسوا حتى معنى قراية القرآن

استغفر الله العظيم

حسام بن ضرار said...

بعد عن المقلي و الحامض

راح يبعد عنك الحارج



و اللبن تراه من العوامل المساعده

Sowhat said...

والله الأكل على ودنة بس انا نوعي ما اثقل على الأفطار

اكثر شي يسوي حارج ...

بونبيل و بو قتادة اتوقع ...

في طاولة الأكل في كرسي راح يعطي ظهرة للتلفزيون طبعا مافي حد يرضى يقعد بهل الكرسي غيري :) لانه مابي اشوف اصلا :)

صدقتني قاطع ماراح تندم :)

الفائض ؟؟؟؟

اللهم اني صائم اللهم اني صائم اللهم اني صائم

المهم .. السعودية .... استغلت الوفرة النفطية في السنوات الأخيرة
وبنت اكثر من
60
مستشفى
و150 مركز صحي ... ايه الأرقام مثل ما تقراها

كلها مستشفيات حديثة بطراز يسمى طراز مستشفيات الملك خالد
وهو طراز متوافق مع المواصفات العالمية و دورين
ومع اعلى التجهيزات

تسليم اخر 5 مستشفيات من الستين راح يكون اخر 2007 :)

المهم .... الجدير بالذكر ...

ان الأخوان بالسعودية ...

ماعندهم ديموقراطية
ولا دستور
ولا مجلس امة
ولا حرية رأي
...بس الظاهر عندهم اوادم

تحط و تلط ... عندنا بس تلط .. شكلي بكتب عن الموضوع قريب

محـــــارة said...

بالنسبة للأكل أنا العكس برمضان أضعف لأن كمية الأكل واااايد قليله

لم أتفطر أحب التمر ويا القشطه حيل فتخليني ما أقرب صوب الحلويات نهائيا .. وبعد الصلاة الشوربه أهم شيء عندي

....

وبالنسبة للحارج حليموه على قولتك بالبدايه بطمش بشوف شنو الملاغه الي وصلت لها وعقب ماقدرت صارت أقوى حارج ولوعه بعد فمالله حادني اشوف طاش ما طاش احسن لي

....

والنفط مو يديد يرتفع والي صج مو يديد أنه ينلهط بدون مانشوف نتيجه تبرد الجبد بعيونا

فتى الجبل said...

اكثر شئ يسويلي حارج قناة الوطن

someone_q8 said...

السلام عليكم

عليك بالعافية اخوي مشاري اكل اللي تبي لا اتخلي شيء بخاطرك لكن باعتدال يعني لا اتكثر والتنظيم بالنسبة للوقت اهم شيء نظم وقتك وحياتك تعيش مرتاح
وقواك الله

Q8LoVeR said...

الله يكون بعونك على اكل رمضان

انا فطوري كوكيز :] ماكو اكل مالي مزاج اطبخ

شوف في كنافه زقرت بحولي جبال مجمع الرحاب اسمه الاقصى
عندهم كنافه مبرومه مووووطبيعيه

وماوصيك على الوربات


الي يسوي حارج فوازير حليمه

وبعدين على طاري النفط والفايض مال السنه

ياجماعه النفط يدخل في اليوم جم مليون ؟

لمدة سنه جم مليار ؟ مو اقل من 50 مليار

الفايض اكثر بوايد بس مايتصرح عنه

صرحوا انه الفايض 4 مليار الشعب كله طلب منحه على ايام الشيخ جابر الله يرحمه
لو يقولن الفايض 50 الشعب يطلب مليون كل واحد

سالفة العشر الاواخر لو يسوونها يطلعون فيها والله

a7La eNG said...

بعد من غيرهااااا
نجمة النجووووم

شيريهان على غير سنع

PearL said...

بالنسبة للحارج

انا اقوووول مليقة بولند


عاد تصدق يامشاري

انا هالرمضان مو قاعدة اكل كلش

الحمدالله

انشالله دوووم :)

The Voice Within said...

اول شي مبارك عليكم الشهر

( ادري مضيعة ) :P

رمضان والاكل والحارج ..

انا اقول عليكم بالمرقدوش

وقلاص ماي بارد مع خل تفاح ( نصيحة صكو خشومكم و شربوه وتمو دقيقه تنفسو من حلوجكم ليش ان الطعم مش ولا بد ) :P

وووو بعد شنو يا ربي اي في شي من طقت اللقاح والمرقدوش على نعناع هذا تيقا وحدة بوحدة


بس .. الحارج اللي خبري خبرك مال التلفزيون ماله دوا الا جان تبي تفضخ التلفزيون على راس بعض الناس ذاك شي ثاني


( انا أأيد هالحل )

وعلى الفايض .. انا اقول لو ياخذونه و يسوون فيه مستشفيات سنعه وملاعب مثل لوادم وايد ابرك وهم يقطون منه على الجامعة اللي تكسر الخاطر


عيل ماستر لنقليزي موقفينه لان ماكو ميزانية !! خنت حيلي ماكو الا انتحاطط لهم جوود يردونه !



ناسف للاطالة بس رادة بحماس :P

Q8DOLL said...

اخوي مشاري
انا للحمدالله من كثر ما أكثر من هالسوائل حزت الفطور انتفخ وماقدر آكل شي
يبدي أكلي مره ثانيه الساعه 11 تقريبا آكل شي خفيف
وقهوه للسحور
وبس
والحمدالله وزني نزل كيلو من رمضان
ودام انه ما يزيد ماعندي مشكله

نظم أكلك والا اخر الشهر بتلاقي الانفجارات في الجسم خذت مواقعها
وصعبه انك تنزل
جرب مثلي السوائل وانته ماراح تشتهي شي
ومرتك خل تبطل رهش وسارا كيك
خل ترحمك شوي

كنافه مو ذاك الزود معاها واذا أكلت اخذ من الكنفاني
حبيتها
الباجي كل مااجرب ما ايوزلي شي


اللي يسوي الحارج الناس اللي تسوق بره حزت الصيام
انا اول مره اليوم اطلع وانا صايمه
صراحه
احس مانين على ربهم استغفر الله لانهم صايمين !! يعني شنو صايم وانا شكو النفسيه خايسه واي حركه فيها هرن؟
الحمدالله والشكر

شكلي برد اعتكف في البيت ماني طالعه وانا صايمه
__________
وين يروحون؟
ههههههههههه
اي خوش غطايه
والا ليش غطايه
الكل يعرف وين
خلونا ساكتين

___________
اقتراحك يامشاري ماراح يصير
مو واقعي
لأنه مستحيل يصير عندنا
اعتقد بالسعوديه يسوون جذي صح ؟؟
انا الحمدالله اخذت اجازه
مابي شي يأثر على صيامي

The Voice Within said...

اول شي مبارك عليكم الشهر ولو انها متاخرة

يمدحون المرقدوش و الخل مع ماي بارد ( بس ينصح بسد الخشم وقت شربه ) :P

وهم في شي من طقة المرقدوش بس على نعناع


واذا على الحارج اللي بالتلفزيون فماله علاج الا جان ينفضخ راس بعض الناس فيه


والفايض لو يبنون فيه مستشفيات وملاعب سنعة ينتوايه فيها ابرك

ولا في اسوء السيناريوهات يقطون جم فلس على الجامعة خل يردون يبطلون تخصصات الماستر اللي وقفوها بحجةان ماكو

م ي ز ا ن ي ة !

نعمل ايه يا رب
:P

الحارث بن همّام said...

كباب وعيش وكنافة ؟؟ أنت مو قلت تبي تسوي رجيم ؟؟

تعوذ من ابليس وخلك على شوربة العدس والتشريب

ReLaaaX said...

الله يعييييينك على الحارج الصجي وحارج التلفزيون

فيه حبوب حق الحارج .. وعيايزنا يشربون حليب بارد


بعدين فرصة تعدل نظام اكلك قبل لايتناصف رمضان ويخلص عقب وتنصدم بالزيادة الرهيبة على وزنك !!!؟


والكنافة استغفرالله ياربي من ضمن الاشيا اللي مااحبها فمااقدر افيدك بمكان يضبط الكنافة

ShamiYa_RockS said...

حليييييييمة اهيا اللي تسببلك الحارج..نعرفك زين
هههه ..شنو مطفرتك

اااخ جان زين يعطوني بس مليون واحد من هالمليارات
:/
يسوون سحب!

او نظام فكر و اربح "مبروك فزت بمليون و كوبون من طفل المستقبل
"
على الأقل نعرف وين تروح الفلوس
:/

Ra-1 said...

آنا قررت رمضان هذا ما أتفطر وايد
يعني مو لازم أذوق كل الأنواع!
آكل شوية وأشبع
وبعدها ما آكل لي فطور اليوم الثاني
والحمدلله مطبقة هالشي لي الحين
:)
وآثاره إيجابية :p

Very.Q8ya said...

hehehe bil 3afya, aghlab il awadim chethy ib Ramadhan la et7aty .. o bil 3afya mo'akharaan :)

ilshay elli esawely 7arij ib rmothaan elli ohwa, o ana ga3da a6ali3 6ash ma 6aash o akon mindamja FAJ'A ye7e6oon da3ayaaat o kl da3aya a6wal mn il thanya, elli min 6ooolhaa etnasseeek sheno kent gaa3id etshoof !! :[
o ilshay elli esaweeley 7arij ib rmothaan etha shefta o ana ga3da afarfir bil remote, ohwa Amal il3awathy.. wayyyyyyy! ma at7amalha.. ana dam3iti 3azeeza :P bs hal bent hathy tegdar etbacheeni min malaqat'ha !!:[

o 3ala il faa'eth, TEKFOOOOOON sawwolina mostashfayat mithel il awadem.. inzain il7een alghaittaw il safar bil kharij ok?.. 7e66aw mezaniya kbera 3ashan tabnon mostashfa kbeer feeh a6ebba thoo kafa'aat 3aaalyaa, bidal ma sha3bna mitmarmi6 barrra

o 3ala eqtera7ek, khosh eeqtera7 :P

::heba:: said...

والله انا معاي الاكل تمام التمام
:D

بالنسبه لشغلات الي اشوفها تسبب حارج لي
من القنوات ..
فوازير حليمه بدعت وايد بطريقه موحلوة..تمنيت لو انها ماخربت على روحها بالفوازير هذي ..انا اشوف ان الفوازير هذي كلها شخصيه حليمه ماشوف تقليد لشخصيات الي انذكرت



وبالنسبه للاسعار النفط وين اتروح
اعتقد الحكومه ابخض :pp

وياريت صج يعطونه العشر الاواخر اجازه بدال الدوام الي نص الموظفين فيه غايبين..!!

EarthQuaker said...

انصحك اب طاش ما طاش , او كثر من الزقاير


وادعيلي

كويتي said...

الأب: المليارات ياوليدي لازم تروح حق الدول الفقيرة وشعب الكويت لازم يقوي إيمانة ويذكر الآية الكريمة: "ويأثرون على أنفسهم ولو كان بهم خصاصة"
الإبن: بس الأقربون أولا بالمعروف والخير وايد يكفي حق الأقربون وغير الأقربون
الأب: يتمتم: شلون أرقّع

كويتي said...

الفائض لازم تعمّر فيه الدول الفقيرة، ويأثرون على أنفسهم ولو كان بهم خصاصة،
"شرايك بالترقيع؟

Shather said...

..
اهو مو انقضاض انقضاض .. بس اكل رمضان بطبيعته غير صحي =\ ..
حتى لو تاكل شوي يثقل عالجبد ..
والمشكله انك تبي تاكل عن الحسافه ..
تخاف تقوم باجر الصبح ميت يوع :P
الله يستر خايفه اوقف عالميزان انصدم من نفسي :|

---
انت خل البراميل على صوب
و يا ريت يوافقون على بنك جابر
----

10 الاواخر >> لا تعليق

Mishari said...

kila ma6goog :صحتين عزيزي

Mishari said...

ray : انا ما كنت اقصد اكلات
بس هالشغلات ما استغنى عنها
:))

Mishari said...

فريج سعود : عاد الله يهداك انت تشفقنى؟
قول وين مكانه
:))

وبعدين الوافدين ما نخليهم يسلمون برمضان
استغفر الله
زين جذي :))

Mishari said...

AuThoress :والله يا زميليتى ليس جوع بدرجة انه تشويق وخيال طوال اليوم
:)
وصراحة نصيحة مناسبة
:)

Mishari said...

Maximelian : اول شى لا تدش بالسياسة واحنا صيام
:) والظاهر النفسية بسبب المكان يبيلها كنافة
:)

Mishari said...

Shaima'a Alkandari : اولا اسف على عدم الرد بغير قصد
ولكن ما راح اقول شنو اللى ينرفزني
اقرى التعليقات وتعرفين
:))

Mishari said...

الدائرة الخامسة : بالنسبة حق سؤالي فعلا هذا اللى المفروض يصير
وبعدين يا اخي الواحد يتشهي شوي
:) على الاكل

Mishari said...

Hot Chocolate : الله يهدي الجميع اولا
وبعدين خفى على نفسج :) لا تنتفخيييين

Mishari said...

حسام بن ضرار : نصايح مفيدة ولكن صعبة على يا عزيزى
:)

Mishari said...

Sowhat : اولا فعلا مقارنة واقعية وارقام صحيحة بنظرى
فنحن على الهامش لا زلنا
واشياء وايد تجيب الحارج بعد الفطور
:))

Mishari said...

محـــــارة : يا حظج ودي اصير نفسج

الموضوع الثاني
صدتها وانا اخوج :)


النفط
لاتعليق

Mishari said...

فتى الجبل: التلفزيون بكبره لو ما طاش ما طاش

Mishari said...

someone_q8 : الصراحة هذا الكلام الزين الللى يشجع :)

اشكرك على المؤازرة

Mishari said...

Q8LoVeR : الله يعينك يا اخى ما يصير رمضان ما تاكل
واعرفها كنافة الاقصي
اشكرك على النصيحة
والنفط سمعت نفس كلامك ان ما يصر بالارقام الحقيقية
والله يسامحهم

:)

Mishari said...

a7La eNG ": صح صصح

:) هذى اهي صدتيها

Mishari said...

PearL : احسن شى تسوينه بس انا ما اقدر ما اكل :) بس قاعد احاول

وصح هذى اهي صديتها
:)

Mishari said...

The Voice Within : ليش هالتعذيب خل تفاح عقب هالشغلات الحلوة
وبعدين انتى وينج غاطة كل هالمدة ؟

وبعدين هذا اهو الحارج الصجي
:)

وانا اؤيد ان نتحاطط
بس سلفينى حق الحطة :P

Mishari said...

Q8DOLL : السعودية فعلا تسوي هالشى
انا باحاول اتبع نظامج واخفف لان فعلا محتاج لا انفجر على اخر الشهر
:)

Mishari said...

الحارث بن همّام : بو همام صعبة تسوي ريجيم اما المغريات :)

وانشاء الله احاول هالايام الجاية

Mishari said...

ReLaaaX : عيل عازمج على كنااااااااافة :)

وانشاء الله احاول من باجر ان اخفف خلالالاص باحاول توبة

:)

Mishari said...

ShamiYa_RockS : اول شى تصدقين ما اشوفها بس اشوف ما بين البرامج يحطون دعايته صج اتنرفز

واذا عطوج مليون لا تنسين اخوج:))

Mishari said...

Ra-1 : والله عفية عليج وانشاء الله احاول اصير مثلج :)
وننطر الاثار :)

Mishari said...

Very.Q8ya : لا يبه لا تبجين ولا شى حطي شفرة على فنون علشان ما تطلع بويهج ولا تبجين ولا شى :)

Mishari said...

::heba:: : صح هذى اكثر وحدة تييب الحارج من ثقل الطينة
:))
وصحتين

Mishari said...

EarthQuaker : ما اشرب زقاير:)

اجرب الشيشة تهقى تنفع ؟

وادعيلى بدون هالنصايح

Mishari said...

كويتي : الصراحة مثال صحيح جدا جدا جدا وواقعي
مشكور يالغالي
:)

Mishari said...

Shather : اى بالضبط تخاف تقوم الصبح يوعان
بس والله ما احس بيوع بس اللذائذ عجيبة
:)

Aldenya said...

أحلى شي الإقتراح


:>


والحارج معروووف

الكل يشتكي منه ومن ثقل طينته :>


ويعطيك العافية يالأربعاوي :>

ابن زيدون said...

و الله هالنفط ما ندري فلوسه وين تروح

و هالنواب الي يطالبون بالشفافية خل يشفون لنا النفط وين فلوسه قاعدة تروح

Q8i_Blogger said...

ازيدك يا مشاري

صار البرميل على 73.3

http://www.alwatan.com.kw/Default.aspx?MgDid=547088&pageId=39

وسلملي عل الفائض :)

Mishari said...

Aldenya : الله يكفينا شر هالحارج ممل حده
والله خل يريحونا من هالدوام اللوية
:)

Mishari said...

ابن زيدون : يا معود انا صايم ما ابى احط بذمتى علي الناس بس يا اخى نبى نشوف شيئ متغير

Mishari said...

Q8i_Blogger : دريت واحتريت وانغثيت
خلنا ساكتين
:)

Shaima'a Alkandari said...

خلااااااااص عرفت

شسوى مااطالع تلفزيون وايد

اليوم شكلي بروح اطالع التلفزيون علشان اعرف دوا للحارج وانا اختك


عادي ياخوي مسامحتك وجل من لايسهووو

Mishari said...

Shaima'a Alkandari : شكرا شكرا على المسامحة
:)

The Voice Within said...

والله انا ما ينفع معاي الا الخل .. تسكربناااا


و تدري يعني البورصة هاليومين بانتعاش والوضع صار اشوة بلبنان طخو شوي قلنا ناخذ هالجم فلس نروح انتزهلق وانتسنع حق العيد :P جنه صج اشعند ام جميل

(( اللابتوب الجميل عطاك عمره ووهقنا ))


يالله فووقه حطة .. بس هالمرة الحطة حق لابتوب :P