هذا بلا أبوك يا عقاب
قصة هذا المثل بأن نمر بن عدوان صاحب المسلسل الذي يعرض حاليا بعد ممات زوجته وضحة كان قد تزوج العديد من النساء وجميعهن اسمهن وضحة على أسم زوجته القديمة على أن يجد في الزوجة الجديدة ما فقده فى وضحة الراحلة
وكان أبنه من الزوجة المتوافاة قد جاءه ويقول
( يا بوي خالتي وضحا ماهي مثل امي) فرد الاب متسائلا عن السبب بقوله
( وش بلاك يا عقاب عسي ما جاك منها شى)؟
فرد الابن
أنه كان عندما يدحرج لعبته ( أو قيل تفاحة) بأن اللعبة أو التفاحة عندما يدحرجها ناحية خصر والدته المتوفاة كانت تمر دون ان تحس
ولكن عند زوجته أباه الجديد كانت تصحي من النوم ( وهو دليل رشاقة خصر زوجته الاولي المتوفاة) فكان يرد
هذا بلا أبوك يا عقاب
اى انه لم يجد مواصفات زوجته الاولي من جمال وحسن
ظل ان نقول ان نمر بن عدوان هو من قتل زوجته بطريق الخطأ وهام بعدها على وجهه منفطرا بالشعر عليها
** تم النقل بتصرف** واتمنى انها تكون مسلية نوعا لكم بالصيام
ـــــــــــــــــــــــــ
من أجمل مقاطع الشعر التى كتبت فى وضحة
البارحة يوم الخلايق نياما
بيحت من كثر البكا كل مكنون
قمت اتوجد وانثر الماء على ما
ــــــــــــــــــــــــــوإلا كما ونت كسير السلاما
خلوه ربعة للمعادين مديون
ـــــــــــــــــــــــــ
ـــــــــــــــــــــــــ
وإلا كما ونت راعبية حماما
غاد ذكرها والقوانيص يرمون
تسمع لها بين الجرايد حطاما
من نوحها تدعي المواليف يبكون
ــــــــــــــــــــــــــ
وإلا خلوج سايبة للهياما
على حوار ضايع في ضحى الكون
ــــــــــــــــــــــــــ
وأكبر اهمومي من بزور يتاما
وإن شفتهم قدام وجهي يصيحون
وأن قلت لا تبكون قالوا علاما
نبكي ويبكي مثلنا كل محزون
لاقلت وش تبكون ؟ قالو يتاما
قلت اليتيم اياي وانتم تسجون
ــــــــــــــــــــــــــــ
ــــــــــــــــــــــــــــ
قالوا تجوز وانس لامه بلاما
ترى العذارى عن بعضهم يسلون
قلت إنها لي وفقت بالولاما
ولو جمعتم نصفهن ما يسدون
71 comments:
مواصفات وضحى المفروض تتعمم على جميع الكويتيات
ولا شرايك؟
وعقوبات على كل كيلو زيادة
مشاري اذا بتقرقع هالسنة قول لي
وضحه وما ادراك ما وضحى :)
قصة جميلة
صراحه انا كنت دايم اسمع هل شعر بس ماكنت عارف قصته
عرفته اول ماتم الحديث عن المسلسل
شكرا على القصه
وصيام مقبول
y3ne 9ij 9ij shuno hal n7asa:(( ana thaq khelqe lesh tmoot madre ena btmoot 7raqt 3lena el moslasl
والله أسمع فيه و ما شفت غير لقطاته :)
و سمعت أغنية المقدمة .. اختيار صعب لراشد الماجد
عجبتني هاللأبيات
وأكبر اهمومي من بزور يتاما
وإن شفتهم قدام وجهي يصيحون
وأن قلت لا تبكون قالوا علاما
نبكي ويبكي مثلنا كل محزون
لاقلت وش تبكون ؟ قالو يتاما
قلت اليتيم اياي وانتم تسجون
nemer ben 3adwaan mosalsaal wayed 7ello bs 3endi meshkeela o ma7ad ghairek yegdar e7elha:
alkaika alqonbolla ; 9arli wagt ga3da a7aweel afaker eshloon esawonha mani gadra kelesh.. mo wathe7 y3ni enta alla ehadaak 7a6 kel almaqadeer o mo mwathe7 shensawi fehom (nakhle6hom ,, ensaye7hoom ,, en7athefhom foog) shasawi mani 3arfa 3ayazt o ana afakeer... afedona afadakom allah ;)
الله على اشعار بن عدوان
كثير رومانسي هذا الشاعر
صح لسانه
بو عقاب
بس ترى نبي مترجم حق بعض الكلمات
وأكبر اهمومي من بزور يتاما وإن شفتهم قدام وجهي يصيحون وأن قلت لا تبكون قالوا علاما نبكي ويبكي مثلنا كل محزون لاقلت وش تبكون ؟ قالو يتاما قلت اليتيم اياي وانتم تسجون
---
اذا ما يسلينا بلوقك من يسلينا :p~
الحين ما عرفنا لعبه ولا تفاحه؟
انا ما اعتقد تفاحه
الربع عايشين في البادية
وين ياصل لهم التفاح؟
حرقت المسلسل علينا
طلع لنا طلعة هالسنة ..بس حلوين وايد هالأبيات و قصة حزينة جدا
ليش ما نضرب المثل فيهم الحين؟ ملينا من عنتر و عبلة و قيس و ليلى..
خلوها نمر و وضحة
:PpP
وأكبر اهمومي من بزور يتاما
وإن شفتهم قدام وجهي يصيحون
وأن قلت لا تبكون قالوا علاما
نبكي ويبكي مثلنا كل محزون
لاقلت وش تبكون ؟ قالو يتاما
قلت اليتيم اياي وانتم تسجون
هالأبيات قوية ومؤثرة
شكرا مشاري على عرض قصة نمر بن عدوان
وإن شاءالله عقب رمضان بشوفه
:>
ماشفت المسلسل
وشكلي بتابعه بعد رمضان على راحتي
وعن نمر.... هذا قصتة جدا مأثرة
والمثل (هذا بلا بوك ياعقاب) كلنا نتداوله من غير مانسأل عن قصته..
تسلم ياخوي
Very good, Mishari!
Thanks and have a good week
قايلة بتابعه .. اشوه اني ماتابعته حق عوار القلب والتبجبج
باب الحارة و يخب علي
الشعر حلو و لا لما يغنيه راشد الماجد يحن بالقلب ولو اني مو فاهمه نصه
يسلمو
الأبيات بروحها عوار قلب
هالحب ما أحسه موجود بشكل حقيقي
للأسف
:)
نصيحة للزوجات
لا تفكرين إنج تصيرين وضحة
ليش تقووووول
قاعدة اتابع المسلسل ومادري شنو القصة
ما كان عندي فكرة
ضيقت خلقي على اللي راح يصير :(((
يا ويلك من لوير قايلة بتكتب عن المسلسل ليش سبقتها ؟
:p
انا مو من هواة متابعة الاعمال البدوية ولا أحب الشعر بس عاد اشهالعسارة !؟ ذابح زوجته ويبي وحدة تشبهها وعلى اسمها ؟ حده مو صاحي واشذنب الحريم اللي خذاههم !؟ والا سالفة يطلق وحدة عشان خصرها مو نفس خصر زوجته !!!!!
امبيييييييي نحيييييييييييس
حرقت عليهم المسلسل حرام يتابعونه
مرحبا مشاري
قصيدة وااايد حلوه
مشكور على هالإختيار
تصدق المسلسل عرفنا قصته قبل لانشوفه
أحسن
mara7 a3alliq 3ala il post li'ana 7aram a3alliq 3ala hal kalaam elli yebachy :~~
BS ABY SHAY WA7D .. aby atzawwwwaj wa7ed o abeeh ye7ebnee nafs nimir bin 3adwaan lool
كسر خاطري مسكين
عجبني المسلسل .. بس ما اقدر اشوفه متأخر وقته .. وقت نوم
المهم
في منه كتاب ؟؟
وقرقيعان وقرقيعان
انا تابعت اولى الحلقات
مسلسل حلو ومشوق
لكن للاسف توقفت عن متابعته
لعدم وجود الوقت
ويعطيك العافيه على نقل الابيات
وراشد الماجد ابدع في غنائها
للاسف ما تبعت المسلسلو انشالله اتابعه و بس الصراحة الكلمات روعة .. قصة حـــــــــــلوة شكرا
قريييييييييت القصة كاااااااملة
وعورت قلبي
الصدمة
انه مولود بسنة
1730
تخييييييييل
حب من هالنوع قبل
اكثر من 250 سنة
ترى شيء موووووووووو هين
وما اقول غير
هذا بلا ابوك يا عقاب
على فكرة ماسااااته اهيه اللي خلدت ذكراااه
ا
اخوي مشاري
زين سويت بالبوست التغيير حلو مو كله تحلطم على المسلسلات :)))))
وحتى تنويعك للموضوع ياي بوقته
لك مني كل تحية
السلام عليكم جميعا
كان الشيخ جديع يعرف كيف كان صديقه وكيف اصبح من شدة الحزن. فطرح عليه فكرة
ان يتزوج ويبدلها بأخرى تأنس وحشته و تغير عليه حياته وتهتم بصغاره .. الا انه أبى بشده
.. فكيف يبدل وضحى وهو من قتلها؟؟!!
يا جديع انا قلبي من الوجد حـارى
لاتلومني وتقـول ان البكـا عـار
وسط الحشا يجديع كن شب نـارى
والموت عدة طالـب عندنـا ثـار
من دمع عيني كن غدينا سكـارى
اللة يجـازي دايـر الـدور غـدار
وضحى شفاتي بين كـل العـذارى
ياسين يم عقاب ترحل عـن الـدار
سار القلم يعقـاب بلحبـر سـارى
بمزيزف القرطاس يامهجتي سـار
سار القلـم لبـو نهـود صغـارى
ياعين حر ينثـر الريـش لاطـار
اكتب جواب مثل قطـف الثمـارى
من قيل ابن عدوان نضم لي اصطار
في ضامري كنـة مواقيـد نـاري
يانيرة النمرود تشبـة لهـا النـار
لكن ينهش بـي غليـث السعـارى
والحال منـي تقـل يبـراة نجـار
علي وليف شفـت منـة الدمـارى
غديت من فقـدة وحيـد ومحتـار
يا عقاب من فقدة عيوني سهـارى
لكـن فيهـا ذر شـب وجـنـزار
اهرف هريف الذيب ليـل ونهـارى
واعول عويل الخلج حنن علي حوار
علـي عشيـر بالترايـب تـوارى
وغديـت مثـل مــدوة راح دوار
وحيات عـازل غلسهـا والغتـارى
الواحد اللي عالـم سـر الاسـرار
ماقلتهـا كـذب ولاهـو قـمـارى
شفت الحبيب بغيبة النـوم وانـدار
انا نضرتة يـوم طـش الجمـارى
يطـوف بلكعبـة وللبـيـت زوار
لو تجتمع سود المقانـع جهـارى
من نجـد للبلقـا اليـادار سنجـار
من البصرة الفيحا اليـا قندهـارى
لو تجتمع عفر البنـي دار مـادار
لو جن بنات البـدو صـف تبـارى
علـي الحنايـا دللـن كـل خـوار
ولو جن بنات الحضر مثل المهارى
سطر الذهب برقابهن تقـل نـوار
لو جن بنات صليب فوق الشهـارى
لمحـلا بشفيـهـن دق الاوبــار
ولو جن بنات الترك هن والنصارى
والهند واللي ساكن كـل الامصـار
ولو جن ضحي العيد وسط النهارى
وقالو لنا يانمر قـم طـب وختـار
ماخذ سوى مضنون عيني خيـارى
الجادل اللي فر قلبـي معـة طـار
وحيات مجري فلكها لـة مسـارى
منجي سفينة نوح من قب الابحـار
لو تجتمـع يعقـاب كـل العـذارى
من غير وضحى مالك اللة نختـار
خلي حسين الدل عـدل المسـارى
راعي ثليـل فـوق الامتـان نثـار
عنق الغزال اللي تقـود العفـارى
قايد خشوف الريم فـي دو الاقفـار
ياغصن موز تحتة المـي حـارى
في وسط بستان دنت فيـة الاثمـار
فيها خصال من الفضايـل كثـارى
ومسايـل فيهـا التفاكيـر تحتـار
قلت اة واويـلاة ذقـت المـرارى
من مي زقوم جرعتة لـة امـرار
من فقد مسلوب الحشا يوم سـارى
غرو جبينة صاطـع مثـل الانـوار
ياليتنـي لـو ينرجـع بالمـثـارى
دونة نبيع الـروح والملـح زجـار
لكن جـاة المـوت مابـة مـدارى
أخذ عشيري واودع القلب محتـار
ولولا ضلوعي فر قلبـي وطـارى
لكن ينشر ثومـة القلـب منشـار
ريحة جسدها مثل ريـح البهـارى
وغر ثمان صويحبي تقـل محـار
من لامني بـة ثـور ولا حمـارى
والثور النك قلـت لـة دور ينـدار
وصلاة ربي عـد نبـت القفـارى
علي رسول اللي قهـر كـل جبـار
قلت إنها لي وفقت بالولاما
ولو جمعتم نصفهن ما يسدون
وين اكو هالوفا بهالزمن
قصة حلووة
يعطيك العافية
:)
لوجن بنات البدو صـفٍ تبارا
على الحنايا دللن كل خوار
ولو جن بنات الحـضر مثل المهارا
سطـر الذهـب بارقابهـن تقــل نوار
ولو جن بنات صليب فوق الشـهارا
ياما حلا يشـفيـن دق الأوبار
ولو جن بنات الترك هن والنصارا
والهـند واللي سـكن كل الأمصار
جني ضحى العيد وسط النهارا
وقالوا لنا يانمر قم طب واخـتار
ما اخذ سوى مضنون عيني إخيارا
الصاحب اللي فر عقلي معه طار
(جزء من احلى مرثياته في فتره رفضه للزواج من بعد وفات زوجنه)
في بزمنا احد يقول جذي
بتقول في
اقولك نادرا وللاسف هذا بلا ابوك يا عقاب
متعبة الأبيات
يعطيك العافية
هذا بلا ابوك ياعقاب
ابوي قالي ان نمران اهو صاحب هالمقوله
بصراحه
سخافه
هههههههه
معلييييش انا تحمست اول شي ببقصه
بعدين
بما دققت بالموضووع
والله عشان خصرها
يتزوج عشرتعش وحده ؟
بعرف قبل مافي خصووور ضعيفه ؟
اشدعوااااااااااااااا
يعني عشان جمالها يتزوج كل شوي جوود يلقى وحده تشبهها
والله بلااااا ابوك ياعقاب انه مفجووع بالحريم
وقال يالله عشان اسوي راحي عاشق وشاعر
وضبطت معاه السالفه
ويقولك مات مبجر بعمر الاربعينات عشان حبه لوضحه
هههههههه
انزين ليش ما مات من قبل؟؟
والا كثرت الحريم ذبحته
بلا بوك ياعقاب ان لعب بالحريم لعب
مادري
احسه سخيف وسبب اسخف
واذا في حب يخلي الواحد يتزوج اميه مره بعد ما يفقد مرته
بلاااش منوووو
حاولت اتابع ما شدنييي
شدتنى القصه اوكى بس المسلسل فاتر
انا اقوول خلك على حليمه مشارى
:pP
تعال يا نمر وشوف بعض حريم هالايام الماي ما يمر من خصرها مو تفاحة
بعدين حتى نمر الي عشق زوجته لهذه الدرجة لو عايش الحين وعنده سيارة بيقعد وضحى ورى لا يقعد يتفلسف علينا بوعقاب
ما شاء الله، الربع كلهم مجابلين نمر و وضحة؟ :)
شيء جميل
bo9ali7 صعب التعميم
لان البعض يفضلها متينة :)
ابو شملان :جنها ذابحتك يا بو شملان
:)
Q8i_Blogger : منا ومنك انشاء الله
ومشكور :)
Anonymous : يالله ميخالف :)
تبون بعد احرق عليكم مسلسل الدروازة ؟ قاري قصته ؟
:))
Kuw_Son : يستحق المتابعة وتصويره للفترة جميل
:)
Anonymous2:
تسيحين الكاكاو الارو مع النوتلا
وتفتفتين الكاكاو الثاني وتخلطيهم مع بعض وتصبينهم على الكيكة
:)
وبس
هنيئا مريئا
الوجد : قال ما قال يبدو من احساس بالذنب
فتى الجبل : قولي الكلمة وانا اترجملك اياها
:)
بو حامد : تامر يا بو حامد كلي لك
:)
حسام بن ضرار : ما راح تكون في اضافة
في قصتين وحدة تقول لعبة ووحدة تقول تفاحة
انت اختار و على هواك
kila ma6goog : شوف غيره اذا مو متابعه:P
ShamiYa_RockS : هم فكرة
نضرب المثل فيهم ليش لا
:)
عــــاشــــه : أفضل من مسلسلات كثيرة تعرض الحين
:)
ويستحق المتابعة
مشكورة
:)
david santos : بو ساااانتوس وينك يا اخي من زمان ما طليت علينا
:)
Santos , its long time we didnt see u thank you and keep in touch
يا فتى العرب
:)
The Voice Within : باب الحارة حلو وونيس بس ما تابعته انا
:) لك شووو
على قولتهم
جنون إحساس : تنصحينهم علشان ما ينذبحون
:)؟
tweety : اشكرة مو قارية عدل
الموضوع
اهو تزوج وضحة
وذبحها بالغلط
وبعدين حس بالندم
وظل فترة ما تزوج
وقاموا يحنون عليه تزوج مو علشانك علشان احد يشوف عيالك
يوم قعد يدور قعد يدور وحدة نفس زوجته لان اهيا كانت بالنسبة له الحب
فهمتو؟؟؟؟؟؟ والا ما فهمتو؟؟؟
7osen : أهلا اهلا اخوي بو علي:)
مشكور وما قصرت
PearL : أحسن علشان تشوفين شى ثاني
:) ميخالف
المسامحة لا
على قولة اخوانه بالبحرين
Very.Q8ya : مممممممم
خلاص فكرت
دزيلى المواصفات ونشوفلج
بس على سوالف هاليومين تبينه ضروري يركب خيل؟
ما ينفع قارى؟
Smile : في تلقينه بدار العروبة بحولي يم مكتبة العجيري والكتاب باسمه
::heba:: اهو الصراحة ماكو وقت صدقتى ماكو وقت
مشكورة
:)
`~MnO YeNSa! ~` عفوا وفعلا يستحق المتابعة:)
vancouver : صح انا معاج ماساته اهي اللى خلدت ذكراه
بس ترى الحب قبل اقوي من الحين
كان الريال اذا مرة بس حبها
والمرة نفس الشى
عيل حسبالج نفس الحين
لوية وزيطة وزنبليطه
someone_q8: صح تغيير شوي احسن
:) مشكور يا خوي
الحجـــيّه : صحيح هذا اللى كان صاير يا الحجية وكانت مثل ما قالت الاخت فانكوفر ماساته اهيا اللى خلته يعيش بهالالم
Najmah : والله عاد صج هالبيت اكثر بيت شدنى :)
magnoonah:تبين احد يقول جذى ويذبح اللى يحبها:))؟
صدقينى يمكن قل الحب لان قل الفارق بين الرجل والمرأة وهذا موضوع طويل
qesat_5ayal فعلا متعبة
Q8DOLL : لا ظلمتيه ترى
المعنى الاساسي كان ان مو لاقي مثلها مو بس بالجمال
في أشعاره كان يذكر ان اهيا الوحيدة اللى توالفت وياه يعني فهمته
حرام عليج شلختى الريال
الله يرحمه
charisma : أنا اقولج انتى ناوية علي مو عارفة شلون
ويع
فريج سعود : نمر يمكن لو موجود هالايام عنده سيكل ومطول شعره
وقاز
:)
AuThoress : وايد أحسن يا معودة من المسلسلات الهابطة
هالمسلسل الكل يقولى عنه وودي اشوفه بس مادري متى
حلووو ان المرأه تكون حسنه المظهر والخلق
اشعار جميله وبوست رائع من مشاري للاخوه والاخوات
فكل الشكر والتقدير لك
لك ولي على آآمتي !!
عم تحكي جد ؟
لك والله والله انو مسلسل محرز
حده لغة :P لا واكتشفت ان في جم كلمة احنا بايقينها منهم ( زقرت - وووو نسيت )
بس نصيحة شوفه لما يعيدونه عقب رمضان Highly recommended
The Voice Within : لا صج صج طلعتى متابعة
احلي شى لمه تقول حق ريلها
دخلك ابن عمىىىىىىىىىى
:) احس وناسة
Post a Comment