تحديث
نتقدم بالتعازي لاسرة الصباح الكرام لوفاة الشيخ سالم صباح السالم رحمة الله عليه نسأل الله قبوله في هذه الايام المباركة واسكانه فسيح جناته
ـــــــــــــــــــــــــــــــــــــــــــ
اهداء حق بوصباح
والملحدين بأخر الصفحة
طبعيي أول اهداء بيت الشعر القديم هذا حق رئيس الوزراء ناصر المحمد
خيرك لغيري والشقا والعنا لي
والمشكل اني عارف كل الاحوال
ارمي بروحي في بحرك الزلالي
وترميني أمواجك على يابس الجال
أما ضرب النار بين الوزيرة الصبيح والنواب فأقول
يا نورية لعبتيها صح بالحوار مع النواب بهذه الصورة
ومسلم على تصريحه أن مستعدين للقاء الوزيرة عند طلبها ( يا أخي فكنا من التصريحات اللى فيها غرور وتعوذ من ابليس بهالشهر الفضيل ) وفك نفسك مع تصريح سعد البراك بسالفة حشد
حدس من المرات النادرة اللى تضبطون السالفة وتخلصون مع الوزيرة بسلام
خلصت مشاكلنا كلها والحين بس تعال سولف بلوية هالخمسين دينار
يبه ما نبيها لانها ما راح تكون الا حق فئة محدودة كالعادة فلا تدوخونا فيها الله يعافيكم
طبعا وقبل الاخير
خلصت كل الالقاب حق ابا عبدالعزيز زعيم الامة
النائب – رئيس مجلس الامة السابق – العم – واللى عنده لقب بعد يزيد
الناس فى اجتماع القوي السياسية يتناقشون وهو يصر على موضوع الحل الغير دستوري
وسمو الامير أكد الحين للمرة الثالثة أن لا حل غير دستوري وان التمسك بالدستور أساس
تكفه يا عم يا نائب يا رئيس مجلس أمة سابق تبي المعلومة توصلك بأي لغة
ندري أن فى ناس تبجل كل كلمة تقولها مع الاسف وعندها أن انت الصح والباجي فمان الله فتكفه لا تخلي الناس تقول عنك خرفت شوي هدي اللعب وانت تدري ان بيدك تقدر تخلي المركب تمشي لانك واحد من النواخذة تكفه اركد
هذا الخبر مال السعدون
مثل ما وعدت عن الموضوع السابق بخصوص الملحدين وجدت من حظي الطيب مقال مميز للدكتور سليمان العودة
فى جريدة القبس لقراءة المقال
18 comments:
للأسف حتى نوابنا اللي لهم تاريخ مشرف
صاروا ينساقون وراء الجعجعة والصراخ بالحق وبالباطل
للأسف صار شعار المرحلة صارخ أكثر نحقق مطالبك أكثر
عجيب السعدون
لول
مو بس السعدون شخصيا اثنين من النواب واجهتم وقالولي ترى الانتخابات اليايه شهر 3 واحد وكان كلام الامير ما مر عليه 24 ساعه !!
ابي سالفه سعد البراك وحشد شنو ؟
فتى الجبل :التاريخ لا يشفع اخطاء الحاضر اذا كانت تمس الامة
kila ma6goog : السعدون حرق قلبى من اللى يسويه الله يهديه
بو حامد : اذا هذا كلامهم معناه ان ما عندهم ثقة بكلام الامير وهذا دليل على تصعيدهم وضغطهم للحل
اما سالفة سعد البراك وحشد
تقدر تقراها بهالرابط
http://www.annaharkw.com/annahar/Article.aspx?id=25501&date=06102007
شكرا على المقاله
بس جنه الشعر في نغزه
تبي وزاره مشاري ؟
:)
الله يرحمه
الشيخ سالم صباح السالم
نعم الرجل كان
الله يرحمه ويغمد روحه الجنه
الله يرحمك يا شيخ سالم و يغمد روحك الجنه
الله يرحمه ووسع منازله
--------------
اما سالفه النواب
والوزراء والصحف
والمشاكل انا ماخذه اجازه
عنهم حاليا :D
يعطيك العافيه يا مشاري :)
الموت ريحانة المؤمن لأنه يزرع خيراً فيحصد غبطة وهذا ديدن المؤمن المتواضع، إنا لله وإنا إليه راجعون
الله يرحمه ويغمد روحه الجنه
نعم انا ابصم معاك بخصوص النواب
بس يا ريت الناس
ما يفكرون بمبداء عدو عدوي صديقي
عسى الله يرحمه ويسكنه فسيح الجنان
اللحين المشري شفت التصنيف الجديد
هذا طبعا بعد الازدواجية الفكرية بالكويت
لكي تكون معارض او حكومي
ومن الواقع الحالي
لا يوجد اي حكومي او بصام للحكومة الحالية
انزين شنو المسمى اللي نقدر نطلقه عليه
المستغلين
انت من جماعة المستغلين
لأن المستغلين مو مؤيدين للحكومة و لا اهم ربع المعارضة
شفت انت اشلون اللحين انحكرت
بخانة اليك
اقول
خفف الضغط على صاحبنا
ترى اذا تبي تنصحة
لازم تكون من فئة معينة وطبقة معينة
وصاحب توجهه
ديني معين
يات أستغلالي يا وحش
ما بحبكش
تدري تأثير تلفزونات رمضان
سلام يا صاحبي
il-thahir wallahu a3lam, enna fey waBaa' dakhel majlis il-umma isma Daa' il-sraakh, mo ma3qola! 7ata il3ajil menhom 6ala3lah ilsaaln! =[
الله يرحمه يارب
ويغمد روحه الجنه يارب
Post a Comment