الطموح و العمل والمثابرة والالتزام وقليل من المشاغبة تكون الحياة ناجحة

Wednesday, November 21, 2007

طار بالهوي شاشي ونمت على الكاشي

بما أني احد المعتقين فى العمل فى القطاع الخاص ومن
Day 1
كنت من الذين يشجعون على العمل فيه بالرغم من التعب والارهاق
لا واللى مرات بعد يحر تدفع من جيبك حق أمور مني مناك
غير الشباب اللي فعلا يحاولون يثبتون نفسهم
والحكومة ما قصرت عسي الله يطول باعمارهم حطت لنا حملة خاااااصة فينا
يكون مضبطتنا يعني
(هده خله يتحدي )
والشباب والشابات بكل عزيمة يروحون يشتغلون بالقطاع الخاص ويتحدون بعد
طبعا أحد مميزات العمل فى القطاع الخاص
القريشات - البيزات- الفلوس- money
سموها اللى تسمونها
ولكن فجأة وبدون ومقدمات يصير راتب بعض العاملين فى القطاع الحكومي نفس العامل فى الخاص؟
أعتقد أن من الظلم مقارنة القطاعين مع بعض
خل يعطون موظفين القطاع الخاص نفس ساعات العمل ونفس الانتاجية ونفس مدد الايجازات اللى بالهبل اللى توصل حق البعض 100 يوم
وبعدين يقولون اختار ما بين الحكومة والخاص
السؤال اللى اليوم يطرح نفسه
ما هو جمع عندليب
وما هو جمع ابن اوي
والسؤال الاخير
منو اللى كان يلبس رقم عشرة في فريق المانيا سنة 1990
لا أحد يغش وشغلوا المخوخ شوية

تدرون شلون
خلكم مع المقطع احسن


35 comments:

على نفسها جنت براقش said...

عنادل

بنات اوى

وة مااعرف بالرياضة للاسف

EarthQuaker said...

عندليبيين

ابناء اوي

نعيم سعد

ويعطيك العافيه

Dr. Orange said...

لوثر ماتيوس

Dr. Orange said...

عنادل
وبنات آوى
نسيت اجاوبهم مع لوثر ماتيوس

Barrak said...

العمل بالقطاع الخاص متعه
رغم السلبيات
صارلي 10 سنين بهالقطاع
اعتقد انه افضل من القطاع الحكومي


ما هو جمع عندليب

جمع عندليب عنادب

وما هو جمع ابن اوي
ماادري

والسؤال الاخير
منو اللى كان يلبس رقم عشرة في فريق المانيا سنة
1990

هاسلر
( القزم )

Kuw_Son said...

والله شي يحر ..

أنا طلعت من الحكومة و اشتغلت في القطاع الخاص لمميزاته و لاكتساب خبرة بدل مجابل النت و السوالف !

تطلع لنا الحكومة من وقت لي وقت بزيادة مني ولا مناك للقطاع الحكومي @@

هني منكرفين و إجازات بالحسرة !
و هناك متكين و إجازات على أفا من يشيل !

لا و رواتب تقارب كثير من المرات القطاع الخاص !

forzaq8 said...

عنادل
بنات اوى
لوثر متايوس

فتى الجبل said...

عنادل
أبناء آوي
أعتقد انه ماتيوس

3ateeja said...

اوافقك الراي اميه بالاميه
عيل احد يداوم بالعييييييييييييييييييييد
المهم
الجمع عنادل
ابناء آوى

The Voice Within said...

لا حووول!

مو شي ! يعني تهقا اسحب اوراقي و اقدم على الديوان :D

J/k liflos mu kil shai o at the end of the day

أول و تالي بنقبض بس في فرق لما تحس انك حققت ذاتك و ان u
earned it

الحجي اب بلاش لما اتوظف بتبين الصجية



: D





Eng_Q8 said...

لا يمكن يصير اكثر منك خلها على الله

المهم
عنادل و بنات اوى وماتيوس

العرزاله said...

طبعا انت تقصد بعض الوظايف الحكوميه صح

tasty_as_berry said...

السلام عليكم

عااد اتصدق حارتني هالسالفة .. ما بقا تخصص ما صار له كادر !!
ما بقا وزارة ما صارلها كادر ..!!

مو حسد يعني .. بس القطاع الخاص كرااااف تالي نفس الراتب !!

صارت رواتبهم تقايش القطاع الخاص .. ومثل ما قلت على الأقل يكون في مساواة في مدة العمل ..

الله كريم لوعوا جبدونا وأهم يقولون راح يسوون البنوك دوام كامل علقونا !!

يعطيك العافية ،،

Very.Q8ya said...

tadre shil moshkela?! enna al7eeen e7na mowathafeen bil-qe6a3 il-khas mosta7eeel enghayyer o enro7 7okoma .. o hal shay lah asbab wayed o ahamha, enna ta3awadna 3ala il-sheqil, o allah khair bil-7okoma mako sheqil, tegdar tgool il-naqeeth ehnak


wa akheeran wa laysa akhiran o6alib ib-kadar khass 7ag il-moDaweneeen :P

ShamiYa_RockS said...

ماتوظفت..لما اتوظف أقولك رأيي ان شاء الله
:P

بنات آوى

يعقووبوو said...

بنات آوي وعنادل
اما بالكره انا طمبور طين ومادري شنو معناتها (:

kila ma6goog said...

عندليبات


ماتيوس

Catism said...

من مقتضيات العدالة أن تكون الزيادة للكويتيين في القطاعين العام والخاص، وإلا ستصغر الهوة بين القطاعين ويبدأ العاملون في الخاص بالتسرب إلى الحكومي.
ويصبح الشعار:
القطاع الخاص هدّه، لا تتحدى :)

عنادل
بنات آوى
لوتر ماتيويس أو يورغن كلنزمان (مشجعة جدا للفرق الألماني بالمناسبة!)

Anonymous said...

mabe:'(

violinist_q8 said...

استانست عالفيديو :) الله يطول بعمره الصلال جنه هالك هوغن صغير

What Will Be , Will Be .. said...

1- allah y36ek il3afya o il9e7a
2-3anadel sure
3- bnat awe `3ashet.ha mn awl comment ..
4-akeed na3eem sa3ad ako a7ad ma y3arfa loooooool

العرزاله said...

حياك واقرا الموضوع اللي انا كاتبه توني..له صله باللي اتكلم عنه

ButterFlier said...

محبوب جمعه؟

الدائرة الخامسة said...

ان فاتك الميري ... اتمرمق في ترابه
القطاع الخاص اذا مان شيء خاص لك او شركة عائلية
فسلم لي عليه

ezain_kilah said...

بعد راحت الحين علينا كلنا

الشكوى له والعوض منه وعليه

عثماني said...

من تحاجي يا مشاري ؟؟

قد اسمعت لو ناديت حيا


اعتقد ان لوثر ماتيوس

صح؟

Smile said...

صحيح ان اللي يشتغلون بالقطاع الخاص مظلومين .. بس كخبره اهم احسن .. الله يخليك اللي يشتغلون بالحكومه ثلاث اشهر يشتغلن .. وباجي السنه يا اجازات ومرضيات يا سوالف على الفاضي
بس لازم ما نعمم في ناس تشتغل
بس انا اشجع االلي يشتغل بالقطاع الخاص وخاصة للشباب

عندليب .. والله ما ادري !!!!!
ولا لي بالكره .. اذكر قبل عشره سنين كنت سنه اشجع القادسيه وسنه العربي

bo3moor said...

اول شي ماعرف
يمكن عندليبيين
ابناء اوى
لوثر ماتيوس

فراوله said...

مساالورد والجوري
عزيزي مشاري
صدقت والله القطاع الخاص له ميزات كثيره
وطبعا احسن من قطاع الحكومه
بمليون مره
رغم الاعناء والتعب اللي نواجه فيه
بس شنقول لجل عين تكرم مليووووون
وجمع عندليب
عندليييبات
ههههههههههههه
والله مادري بس هذا اللي طلع معاي
دمت ياصاحب القلم الشريف
ابدا
:)

فريج سعود said...

منو قالكم تشتغلون بالقطاع الخاص تطلعون من بيتكم ليل وترجعون ليل تنامون علشان وراكم دوام وتردون من الدوام علشان تنامون
جنه الله خلقكم للدوام
بالله راحتكم ما تسوى ميتين ثلاثمئة دينار ؟
بس هم الله يعطيكم العافية
واذا في ناس يستاهلون كادر انتوا تستاهلون كادرين

بو حامد said...

لا مشاري ما نحسد العاملين بالقطاع الحكومي لأن معاشاتهم راح تتساوى او تزيد مع القطاع الخاص لكن نقول عطوا كل ذي حق حقه بعد مو معقول هذي معاشات الكويتيين الحمدالله احنا بنعمه وفي امكانيه ليش ما ازيد المعاشات ؟

والقطاع الخاص صح في شغل اكثر لكن الي يشتغل يصعد فيه بسرعه ، وهم بعد المعاشات راح تزيد اتوقع اذا زادت معاشات القطاع الحكومي .

وعلى قوله براك العمل بالخاص متعه :)

سدرة العشـــاق said...

عنادل و بنات آوى

--------

القطاع صج متعب و يهد الحيل الله يعطيك العافية بس تحس بلقمتك حلال لأنك صج كديت عكس الحكومة - مو الكل والله- :)

Anonymous said...

لاتعمم يامشاري مو كل العاملين بالقطاع الحكومي حاطين ريل على ريل ويقرون الجرايد في ناس اتكد بضمير وتستحق الزيادة وبعدين محد طقكم على ايدكم وقالكم روحو الخاص

:p بطلو حسد

للعلم اهم وزارتين بس احصلو على الكادر واذا كنا نتحجي عن العدالة والمساواة صح من باب اولى زيادة كل الوزارات واعتقد من المغالطة مقارنة القطاع الخاص بالحكومي لان القطاعين مختلفين تماما اداريا وماديا وتنظيميا

شاكرلك طرح الموضوع

bu saad said...

ما ادري شسالفه بس ادري جني ضحكت على شنو ما ادري؟؟؟



انا اقول شرايك تسوون اضراب عن العمل.. يعني بسوي حركه.. من عالم المظاهرات الي صايره موضه هالايام الى عالم الاضراب هههههههههههههههههه

Ra-1 said...

إي احنا مظلومين
نبي تعويض :p