الطموح و العمل والمثابرة والالتزام وقليل من المشاغبة تكون الحياة ناجحة

Friday, November 30, 2007

تحديث - كتب التطبيقي وفتوي الطبطبائي وموقع هدية

تحديث
طبعا البركة في المدون فهد العسكر ذكرني بسؤال من زمان ودي أعرف اجابته
ليش البنات بالشتاء يلبسون تنانير قصييييييرة ويطلعون فخوذهم ويلبسون بوت ؟
الحين الهوي ما يطقهم يعني اذا لبسو بوت ؟ والا شنو بالضبط ؟ والمخرج عاوز كده؟
وهم نقول الله الهادي
،،،،،،،

الحادثة التي حصلت من الاسبوع الماضي عن كتب التطبيقي الصراحة أضحكتني لسبب واحد

أن الكتب الموجودة أغلبها كان يتم بيعها في مكتبات كويتية وأتذكر في مكتبة في منطقة حولي تبيع هالنوعية من الكتب

لا أعرف النواب هاليومين ما عندهم شغل كل شوي رايحين مكان ويمسكون المكيرفون ويصرخون والا المسألة شنو بالضبط اذا في أحد يقدر الحمية النيابية على الاخلاق لهدرجة


الطبطبائي
الدكتور محمد الطبطائي أفتي بحرمة شراء المدينويات اذا فيها ربا ؟ اوكى يا دكتور بس شنو تعليقك على اسقاط القروض فى 1992 برغبة أميريه من الامير الراحل الشيخ جابر الاحمد؟ وشنو فتواك عن سحب الاموال من الاجيال القادمة لسداد مديونية مجموعة أشخاص قاموا بتخريب الاقتصاد الكويتي ؟؟ وانا اقول المسألة مو علشان قضية القروض ولكن وين الشرع ؟ وليش الحين بالذات طلع؟؟؟


موقع جميل
وصلني موقع جميل جدا وحبيت أنكم تشاركوني فيه
الموقع باختصار دمج بين ياهو وغوغل أى انك تحط الكلمة اللى تبيها وتنقسم الصفحة قسمين
ويطلعلك شنو موجود عن الموضوع في ياهو وفي غوغل

الموقع

تصدقون ذكرتني هالشغلة بنفس الشغل والتعب اللى يسونه النواب علشان ينزلون سعر الاعلاف
وبالتالي ينزل سعر بيع الخروف ( شكو ما ادري) وسؤا ل على الطاير





54 comments:

Smile said...

يحليلي اول وحده
شالسالفة ؟؟ شنو سالفة كتب التطبيقي ؟
سامحني انا من عذر ما وقفواكل الكوار ا ابي اعرف اي شي عن اللي قاعد يصير بالديره
بس هالمره ابي اعرف

وما ادري ليش هالنواب هابلك بالافتات اللي بالشوارع
لا للغلاء
لا للفحشاء

غوا الاسعار وخلصوا وهو ليلحين يتكلم

ايه والله خوش موقع قبل فتره كانوا دازينه لي .. عجبني
يعطيك العافيه

حسام بن ضرار said...

فؤاد الهاشم متطرق لموضوع معرض كاتب المعهد التجاري

والله اميل لوجهة نظره

العرزاله said...

يبا نورية لوتحط لهم الشمس بإيد والقمر بإيد مايفيد وياهم

حضريه وعايله معروفه خلاص هذي مكسب انتخابي لأي نائب بدوي

بالنسبه للطبطبائي

بغض النظر عن المفتي لوكان منو

خل نفترض ان الحين حرام وان اللي قبل هم حرام

نحلل هذي علبونا حللنا قروض 1990؟

والا نخلي اللي طاحت عنهم القروض يردونها؟

فتى الجبل said...

يا يبه
الحكام من زمان يشترون ويبيعون الفتاوي على كيفهم

فراوله said...

مساالورد والجوري
اخي العزيز
بذمتك في مره صرخوا عشان موضوع يهم الوطن والمواطن
طبعا لأ
فهذا شي طبيعي اللي قاعد يصير
شنقول بس حسبي الله ونعم الوكيل فيهم
دمت يا صاحب القلم
الشريف
:)

AnGlOpHiL said...

لا ابشرك طالعين طلعه الحين...يسئلون مفتي الديار عن قروض بنك بوبيان و بيت التمويل


ياعيني

bo9ali7 said...

خوش صيدة فتوى الطبطبائي
بس لا نظلم الريال
محد استفتاه بعد الغزو
بس لحظة
مو في حديث يقول ان الساكت عن الحق شيطان أخرس؟

Eng_Q8 said...

كل هذا عشان نوريه الصبيح تستقيل لانها قاعده تنفظ الوزاره من اشكالهم

وسوري مشاري بس جريدة عالم اليوم حاطه دوبها دوب نوريه لاحظ الصفحات الاولى والاخيره جنه ماكو غير نوريه


والطبطبائي ارد واقول الشرهه على الي صوتوله

kila ma6goog said...

اقولك هذيل لو رايحين معرض الكتاب؟ متروس من هالكتب

و على فكرة انا شاري هالكتاب مال فنون غرفة النوم من مكتبة تهامة بالعزيزية بمكة يوم كنت بالحج

ماني شايف انه فيه شي غلطّ

فريج سعود said...

يأسفنا جدا تحول الطبطبائي الى مفتي السلطة
وذكروني بفتوى السلف بتحريم اسقاط المديونيات
كلى كيفهم الفتوى صارت مثل الطين تشكله كيفما تريد
الموقع مو شغال ؟

محـــــارة said...

الموقع فكرته بسيطه بس حلوها .. تشكر عليه

وبالنسبة لنواب شنقول لوعوا جبدنا بهالسلطة الي بيدهم .. أما هالحكومة مادري متى ينتهي دور الكومبارس ويشتغلون بضمير وبقوانين مدروسه وبخطط واضحه وجريئه

magnoonah said...

انا اتوقع اجابة اول سؤال هي موضه اسمها عقاده ستايليشن


اما الطبطبائي فكلما يفتي انت قول الله اكبر


الموقع وايد حلوو بصراحه راح يفيدني اكثر جذي عن جد مشكوور

The Voice Within said...

kila bkom o lama tyy wa7da mit7ajba witsawi hal7araka!

A9lan ilshakil shani3 o gmat ilhalaga! Madri wein il7alat bhalsalfa :s


< shyab 6ari il5rfan :p thakartni bilmajlis, marra iljalsa kanat itha ma5anatni ithakira 3an isiyasa il5arijiya aw shai min hal6aga o inowab mishta6in chinna da7is wil'3bra2, mawa3ina ila hali dash 3ar'6

SAYIDI ILRA2IS! MU 7ARAM? KARTON LI5YAAR YINBA3 BILWAFRA B100 FILS!

< y3ni tawgit 93b :p

Anonymous said...

صواريخ صدام قتلت اكثر من 150 عسكري امريكي بمعسكر بالظهران ايام الحرب

سدرة العشـــاق said...

القرع لما استوى قال للخيار يا لوبيا

:)

عجبني موقع الدمج بين ياهو و غوغل

Smile said...

mthel ma galat magnoonah esemha
3aqad estaylish !!
O ya kerh almet7ajbah etha elbestah ma3a tanoorah nettttfah
al7emd allah wehekir

Sn3a said...

الدين صار للعالم تجاره!
ويتفصل حسب رغبه عمامهم

على نفسها جنت براقش said...

اول شئ ما ينلبس البوت بالصيف
ثانى شى ما يحسون بالبرد لان الجواريب الشفافه وايد دافيه
وحتى لو برد يتحملون فى سبيل اغراء الجنس الاخر

حمودي said...

المصيبه ان اكو كتب اسلامية فيه حديث عن الجنس اكثر من هذا وماتكلموا
ببساطه مو هامهم محتوا الكتب هامهم الوزيره
-------------------------
كل ماتطلع فتوى اكثر من يشي عليها هم الاسلاميين نفسهم ان كان فتوة القروض او حتى فتوة حقوق المراه
ياربي شلون يبون دوله اسلامية ؟؟؟
بننطر الوحي مثلا ؟
-------------------------
ما اشتغل عندي الموقع
:(

EarthQuaker said...

بالنسبه لموضوع الحمله على الكتب ما يسعني الا قول مأثورة داوود حسين : لا حبتك عيني ما شافك القهر
* المصدر : مسرحية بومتيح
------------------------
اما سالفة الخرفان فأيضاً مثل ما قال احمد بدير :
شربة العم مسعود الي بتطلع الدوود
تاخذ الشربه ينزل الدود
تاخد الدود تنزل الشربه
تاخذ الاتنين ينزلك العم مسعود !
* المصدر : مسرحية ع الرصيف


ويعطيك العافيه :=P

ام الحفيز said...

مشاري

ما اقول الا اليثبت نوريه تاتشر ..وينصرها على هالمتخلفين عقلياً وثقافياً وحضارياً ونفسياًو حضاريا
ويستر علينا بستره من هالمرتزقه نواب الغفله خلوووووووووه وقطع

اما بخصوص التنانير القصيره
والحين الي يلبسون التنانير القصيره..من
زين كراعينكم خلوه وقطع وكل ركبه مدوعمه وحليهً ما تقول الا اركب بعارين..لااااا وشكوه للله الفخوذ داعيه جنها قونيتين عيش بسمتي
خلوووووه وعقب يقولون مووووووودا امحـــــــــــــــق مودا
وانت بعد الله يهداك قض النظر

محـــــارة said...

على سالفة البوت والتنانير القصيرة .. انا من زمان ماطلعت السوق ومن بلش الشتاء أمس أول مره

تصدق أخوي خليت البضاعه وقمت أخزز هالبنات .. الشهاده لله صايرين بناتنا ايننون بالترتيب وحلوه موضة الميك اب البسيط هذي بس اللبس ليش الكويتات يحبون ايبون كل الي وراء أذانهن بالسوق .. يعني رايح السوق مسويه شعرج حاطه مكياج كامل لابستلي لبس مال سهره ولا مال عشاء وكعب والدنيا قايمه وقاعده اقصاها سوق

والثانيه يعني متحجبه وهي ماكو شيء بنفسه مالبسته وعقب قطت هالحجاب الي مابقى لون على شعرها شحقه مادري

شصاير بالدنيا شوووورت والثانيه مكروجب والثاله بلوزه بس مع كيلون وبوت

شسالفة يعني جسمكم مو مبين ولا مقسم بالطريقة هذي .. متفصخين لدرجة فوق الوصف بالغوا حدهم شيء يالله عند البنات ينلبس وهما بين الله وخلقه تتمشى فيهم


الله يعافيهم ولا يبلانا

Q8ya said...

المكتبه اسمها مكتبة الفلاح

:D

ما يحوشهم برد لا تخاف ههههههه

;p

ReLaaaX said...

لاااا قبل جم سنه كانو ينطرون الشتا نطره .. عشان يلبسون عن خاطرهم التنانير القصيرة


ألحين خلاص صار عادي وحده لابسه قميص المفروض طويل يعني ! وتحته هيلاهوب وفي لفظه اخرى جيجي
ومتأكدة مو ليغن


مادري بيعيشون طفولتهم المتأخرة !؟
جد شي محير


باجي المقتطفات للأسف ماعندي فكرة عنها :)




وطايفتني اشيا خل آخذ جوله في أرجاء البلوق ;p

Aldenya said...

المخرج عاوز كده

:P~

الحجـــيّه said...

السلام عليكم جميعا
الكتاب : أي كتاب تقدر تحصله بالانترنت بس ربعنا موعارفين شسون بس بداحرون ويشيعون البلبله والفوضى بالوزارات حتى كل أشغالهم تخلص قبل ما تخلص مدتهم بالمجلس بمعنى يضبطون مصالحهم

الفتوى : ما اقدر اعلق عليها لان مو تخصصي أما ما حصل بعام 1992 كان حماية للاقتصاد الوطني لو لم يتم ما تم لانهار الاقتصاد كله بالبلد والناس اخسروا كل أموالهم
أم ألي ما يحصل اليوم هو السعي إلى هدم الاقتصاد وهذا هو الفرق

آخر فقره : علشان يكسبون أصوات البسطاء بهذه الطرق التعيسة

المواقع : في بلوج لمرضى السلياكceliac disease الي يعانون من حساسيه اجلوتين الموجود بالطحين وغيره من مواد

Mishari said...

Smile :هذى كتب لقوها بمعرض مال المعهد التطبيقي وتتكلم عن الجنس والكتب اساسا غير ممنوعة بس صارت هاللوية على الطل

Mishari said...

حسام بن ضرار : قريت المقالة لما قتلي
والصراحة معاه حق

Mishari said...

العرزاله :مو جذى يا عزيزي فى وجهات نظر مختلفة ولكن محد يبي ياخذها والموضوع معقد اكثر مما تتصور

Mishari said...

فتى الجبل : الريال وضح لا تظلم بختك

Mishari said...

فراوله : بلاعيمهم تعورهم اذا صرخوا علشان جذي

تسلمين يالغالية
:)

Mishari said...

AnGlOpHiL : ما خلصنا عيل

المشكلة ان النظام مختلف نهائيا

Mishari said...

bo9ali7 : شلون محد استفاد بعد الغزو الله يهداك فى حالات تضحك
شتقول بس الله يهداك

Mishari said...

Eng_Q8 : اول شى انت خلطت من وليد ومحمد الطبطائي

ثاني شى نورية في شى غلط قاعد تسويه بجانب الصح اللى بنفس الوقت قاعد تسويه

Mishari said...

kila ma6goog بمكة مرة وحدة؟؟؟

تكفه شتقولهم؟

الربع ما يصدقون على الله يلقون شى

Mishari said...

فريج سعود : الموقع شغال جربه اكثر من واحد
اذا قاعد تستخدمه من مكان الشغل اتوقع من السيرفر اللى عندكم

الطبطائى وضح وجهة نظره ولذلك الواحد يتوقف عنه

Mishari said...

محـــــارة : والله يا اختى العزيزة
احنا الكومبارس اصلا احنا وري الكواليس وما حد داري عنا

Mishari said...

magnoonah : اولا العفو :)
ثاني
مالت عليهم اذا هذى الموضة

Mishari said...

The Voice Within : عليج تعليقات
مو طبيعية :)

انا لا تعليق على تعليقج :)))

Mishari said...

Anonymous : الصورايخ فى اسرائيل لم تقتل احدا وهذا ما كنت اقصده

واذا كنت فرحان فى 150 واحد
فكم دمر العراق غباء صدام؟
مقابل ال 150 ؟

Mishari said...

سدرة العشـــاق : لما استوي

احنا لى الحين ما استوي عندنا

:P

Mishari said...

Sn3a : الرجل وضح موقفه وما ادري والله شنو قاعد يصير

Mishari said...

على نفسها جنت براقش : خوش معلومة عيل اخذيلى اثنين حق البر ؟

Mishari said...

حمودي : الموقع اذا جربته بالدوام ما راح يشتغل

الكتب هذى ام المشاكل لان المعيار مفتوح مع الاسف

Mishari said...

Smile : بعد هذى موضة يديدة
:s

Mishari said...

EarthQuaker : االصراحة مصادرك نار

Mishari said...

ام الحفيز : غااااااااضه
بس انا اذكر ايام الجامعه وايد فكانوا يمرووون جدامي فالغض ما يلحق
:))

Mishari said...

محـــــارة : الله يستر علينا وعلي بناتنا وبنات المسلمين

Mishari said...

Q8ya : ايا الشيطانة تحوسين هااا
:))


وبعدين شلون ما يحوشهم برد

Mishari said...

ReLaaaX : اى انتى غاطة :)

جيجي خوووووش اسم

:)

Mishari said...

Aldenya :خبل المخرج اللى يبي جذى
:)

Anonymous said...

مو فرحان ان صواريخ صدام قتلت احد لكن لاتتفلسف بشي انت ماتعرفه

Mishari said...

انا ما اتفلسف بس حضرتك على ما ادري شماكل وغاثك
واذا عندك مشكلة لاتكتبها بتعليق دزها بايمل خلنا نتعرف بحضرتك افضل

Shaima'a Alkandari said...

مشاري الله بالخير
شوف ياخوي بقولك ياها
تكلمت سكت صايره صايره السالفه اهمه يبون يتحجون وبخاطرهم يسوون شي بس بلبله عالفاضي يبه تدرى عندهم وقت فراغ شلون بيقضونه اذا ماسوو جذي قولى

وبعدين موقعك موشغال لاتقول دوام ومادرى شنو نفس اللى قلته حق الاخوان اللي قبلي بالبيت الحين ومايشتغل وياي

وسالفه البوت الله يسلمك هذي سالفتها سالفه

الحين باسم الموضه قاموا يبتكرون ويسوون اشياء ويلبسون غلط بغلط

يبه اهلهم راضيين يوم طلعوا من البيت شافوهم
خلاص اذا الكبار ساكتين احنا بنتحجى
كل واحد فينا لازم يحاسب نفسه وخلاص محد بيسمع نصيحة احد

الحين السفور قلنا مومشكله بس اللى يقهر في متحجبات يلبسون اخس من السفور

الله يستر علينا ياخوي