الطموح و العمل والمثابرة والالتزام وقليل من المشاغبة تكون الحياة ناجحة

Monday, December 10, 2007

يراعة حريم

تدخل حانية الرأس يدونو استحياءا وخجلا على صوت الطيران

وحولها اهلها من النساء التي ترش ماء الورد والتى تبخر والتي تهلل وتكبر

وتجلس مخنوقة من الحياء حتي تحس أنها في أخر يوم في حياتها

هذا هو حال العروس في السابق

كنت فى أحد السفرات الى القاهرة جالسا فى أحد المطاعم ودخل رجل وزوجته

في لبس الزفاف يعني الست لابسة فستان ابيض

وجلسوا فى المطعم وفجأة والا اغاني

وفجأة المفاجات ان الاخت قامت ترقص الظاهر ما صدقت أنها زوجت

ما يحدث في أعراس اليوم لا نراه ولكن تاكدوا ان نصف ان لم يكن ثلاث ارباع رجال الكويت يعرفون ما يحصل فى قاعات النساء

نسمع أن العروس فقدت الحياء وتأخذ الميكروفون بكل جراة وتغني وتتغزل بالرجل حتى ان المعرس بدء يستحي أكثر من من العروس

وسلامي على الحياء اللى مقطع بعضه

ويقولون مو ميتين على الرياييل

خبر على جنب

اشاعة بدأت تتسرب أمس بوجود زيادة للقطاع الحكومي 50%

واعتقد أن قمة الغباء اقرار هذه الزيادة لان يا حكومة يا بعد جبدي تقولين روحوا القطاع الخاص بعدين تكسرين فينا وتقولين زيادة للقطاع الحكومي

اشوة ان اشاعة

64 comments:

ReLaaaX said...

loooooooooool



وخزياااااااااه !

Q8DOLL said...

واي يا مشاري
فششششله ماشفت اللي شفته
العروس اتير المعرس من ايده تي يكمل الرقص معاها
طبعا اهيا ربع ساعه ترقص جدامه وتدلع
واهو مايدري وين يطالع
فوق هذا قامت اتيره من ايده
واخزياااااه
والله انا انقص ويهي

شنو هالزمن ؟؟؟

بالنسبه للاشاعه
شنو هالتفائل ؟؟
يعني مبين مبين اشاعه من غير ما تقول

Um El-Zain said...

دايما الشين يعم, أغلب البنات السنعات فيهم حيا بدرجات, بس صراحة لا تلوم البنت ,وايد رياييل يزوقون على الوحدة اليرعة,خل يمرون ثنتين وحدة يرعة و تتلفت وتكاسر و يمكن اتبوسم و وحدة خجولة مو قادرة تمشي عدل من الحيا و ماشيا سيدا ولا منزلة راسها ,و شوف أي وحدة بتلفت النظر وتحوز على الاعجاب, وبالنسبة للزيادة الظاهر ال ك.د انقلب لل
%

Anonymous said...

y3ne shefaha etha req9t lah ana mn al7en mzahba leghnya eli barqe9 feha 7aq raylee shel meshkla @@

الحجـــيّه said...

السلام عليكم جميعا

القاهرة مساكين ما يتزوجون ألا طالع روحهم يمكن ينطرون 10 - 20 سنه أذا مو أكثر حتى يحصلون شقه و يؤثثونها الله يكون بالعون ما ألومها أن قامت وراقصة

أما أعراس الكويت ما مر على عرس مثل ألي تقوله المفروض ما تعمم مستحيل
بنات الكويت بخير ومتربين يمكن قله قليله جدا جدا في مثل مصري يقول الوحشة تحط ألي فيها فيك وتبليك
بس الحق يقال ما عمري شفت ولا سمعة الكلام ألي تقوله

الحارث بن همّام said...

حريمنا يعجبونك بالحياء

Anonymous said...

دام الريال المصري مستانس اهوه وزوجته احنا شكو
:)


ثاني شي انا اشوه انه اشاعه مو بس عشان القطاع الخاس لكن حكومة رديه جذي اشك انها تقتدر تتحكم بالتضخم الي ممكن يصير خاصه وان الحين التضخم مأطع بعضه
وماكوا بيض بالديره
:)

طائر بلا وطن said...

صبحك الله بالخير
:)

تبي الصراحة عاد

يوم عرس و يوم فرحة

خل الكل يستانس و إذا كانت هذي وسيلتها
و طريقتها للتعبير عن احساسها فليش لأ

و صدقني اللي قاعد يصير بالعروس مو بدافع
الحيا .. بدافع الناس و كلام الناس
و البرستيج و بلا بلا بلا

ولا لو كان جذي .. يووووه وايد أمور
كانت بتكون أفضل

و الحيا كلمة كبيرة حيل .. و تنسحب
على أمور كثير


تصدق ان اللي رقصت هذي ممكن تكون
أبرك و أحسن من ألف وحدة تربعت مثل
أبو الهول على الكوشية؟

ما تدري



/
/


ايه ميتة و مستانسة و خل ترقص و تفرح
لا أذت أحد و لا أكلت من حلال أحد

لا يكون الريال مو سايح يعني ههههههه


يسعد لي صباحك

و بالعافية القهوة
:)

حسام بن ضرار said...

هالخبال اللي قاعد يصير في بعض العروس هالسنين مو عادات اهل الكويت

هذي عادات ادخلوها الغرب على بعض الكويتيين

و اكثر ما تلقى هالحركات البايخه بمصر و الشام

Cr8ivia said...

heheheh
شخباري مستحى؟
الحين ترقص و تقومه وياها يرقص بعد
ربنا كرييييم

اي والله اشوة انها اشاعه ! نكد لي 3 و 5 بالخاص علبو ان طموح و مشجعتنا الحكووومه و اللي يتحدا ما نهده و خرابيط و يزيدون موظفين الحكونه اللي 3 ارابعهم يا مجابلين الجرايد و الا سوالف و الا تزرق و ريوق و خرابيط 50% و احنا لا

يا الكل يا بلاها

sar7an 3abdelba9eer said...

بالنسبه حق موضوع الزواج فعادي انها ترقص وتغني لان الزواج نص الدين ولا حياء في الدين !

اما سالفة 50% الزيادة هذي اتوقع من علامات الساعه

Q80 Blogger said...

شوف انا مليت وانا اشوف عروس بمصر
بالنسبه لي عادي يرقصون بمصر
لأنه لاعت جبدهم على مالقو شأه وفرش والمواصلات .. وابويا مش راضي .. وابن الباشا عاوز يخطبني
والمسلسل المكرر مالهم
فمنحقها العروس تسوي الي تسويه

بس عن الكويت
تصدق توني ادري عن هل سالفه؟
طلعت مادري شسالفه
قاعد أقرا التعليقات ومستغرب
اهم شي اتقوم الريال وترقص وتغني جدامه
مادري ليش
أحلى طراق
انا اشوف ليش يطلقون بليلة العرس !!!

اثاري مساكين الشباب من طقتي ينصدمون

اشوه الصدمه يتلي على النت :)


وعلى سالفة الزيادة 50% .. صراحة يعني الي مألفها حده قوي
يعني خل يطلع إشاعه مثل الناس .. تتصدق


أخيرا
اتصدق توني اربط بينك وبين الي يكتب بعالم اليوم
اثاري انا اتابعك بالمكانين من زمان ولا ادري :)
لو مو الايميل جان ليلحيني

كل يوم اكتشف اني واحد على نياتي يحليلي :)

بو حامد said...

المرأة ان ذهب عنها الحياء فلن تستقيم لأن حلاوة المرأة حياؤها وجمالها بحياؤها ..

اما على زيادة المعاشات فانا اعتقد ان الزيادة بمحلها والعالم كله يواجه موجة غلاء مش الكويت فقط ولا دول الخليج فقط ومدام ان المادة موجوده والسيوله متوفرة فمافي شي يمنع الزيادة وبالتأكيد زيادة القطاع الحكومي ستنعكس على القطاع الخاص وهو بدوره سيرفع الرواتب او ان تقوم الحكومة بزيادة دعم العمالة .

فتى الجبل said...

دوام الحال من المحال

MANAF said...

هاااااااا بوجـــود

شلونك يالحبيب

بصراحه خوش بوست حق واحد طالع اجازه مثل حالتي

:)

قلت لي الحيا بالعروس هاا

تعال خلني اقول لك



اشوه انه الكويت صغيره وما ينخش فيها شي


اغلبنا سمع عن سالفة احد الاعراس اللي الحبيبه العروس تدخل بالاندروير ويلبسونها نفنوف العرس جدام الاوادم

هذا واحد

واللي مو سامع فيها يروح يسأل

هذا غير سالفة العرس الثاني اللي يايبين الكيكه على جسم ريال ومره اذا قصيت الكيكه صوب ماني قايل تطلع كريمه واذا صوب هم ماني قايل تطلع فراوله

!!

الحين خلك من العروس

قول يالله يحليلها عروس وتبي تستانس وترقص مافي باس اذا بس زوجها موجود او بعض محارمها

تعال شوف الصرعات الحين

ام المعرس وام العروس
صيدات يحليلهم يعني بنات عشرينيات

اللي مطلعه اغراءاتها يعني سلمى حايك

لا والبنات خو حدث ولا حرج

هالايام يقولون لك اول ما يدشون ربع المعرس الصاله

اينون البنات

المتحجبه ما تلبس حجابها وتقول محد يدري اني متحجبه

واللي تروح حق اخوانها الصغار وترقص معاهم جدام الشباب يعني شوفوني ترى يطلع مني

واللي كل شوي عند الديجي بليز حط لي اغنية دقني دقني

ونص اشياءها بالشارع

وعلووم يابو جود الله يستر علينا



طبعا ادري البنات الحين بيشبون علي

بس هذي الاشياء فعلا تصير بالواقع

يمكن ما تصير عندنا وعندكم يا خوات

بس انتو تروحون وتشوفون

وارجع اقول ان الكويت صغيره

ومافي شي ينخششش

:)


مشاري

ترى هم المساكين بالقطاع الحكومي يستاهلون والله

يعني عليهم بالعافيه اذا صج


صح انا اشتغل بالقطاع الخاص

بس هم اغلب اهلي بالقطاع الحكومي وترى رواتبهم جدا ضعيفه مقارنه برواتبنا

وهم فيهم اللي يتعبون

الحق ينقال ياخوي

هم هذول وراهم عيال وبيت ومسئوليه شلون يعيشون



وبس لحد يزعل من كلامي



بنات ديرتي ملح وقبله

بس عليهم عرات

ما يمنع

:)

Eng_Q8 said...

انا بصراحه اول مره ادري ان فيه جذي بالكويت

اوكي مصر ندري عنها بس اهني ماادري

اذا صارت صج هالسالفه اتوقع انا اول واحد راح يضرب عن الزواج

بروحي ضارب خلقه




واذا زاوا ال50% هذا دليل على تقاعس الحكومه عن الاصلاح بس انشالله اشاعه

3atreis said...

ههههه
كل شي يهون
ولاسالفة هالاجوديات اللي في المطار ., طاقة طريق بالطيارة وحالتك حاله بفستان ابيض : (

.,’
ياحلو الحيا

المهم حبينا نسلم عليك مشاري
ونمسيك بالخير :)

Aldenya said...

حسافة إطلعت إشاعة ":<
خصوصا وإنك تكرف كراف اليهد
ومحتاج لإهتمام يعادل إهتمام القطاع الخاص لموظفيه
:/

والعروس ماشفت هاللى تمسك المايك وتغنيله
بس
شفت يرقصون بس الموضع عادى
لانها قاعدة تسوى هالشي من فرحتها
وحق ريلها
اما البعض
" المبلتعين "
اللى يكونون خاليين من أي ذرة خوف ومستحى يبطون الجبد
:/

Outkasty said...

لا عااااااااد ..لاااا عااااد وأيضا لا عااد LOOOL
ما اتفقنا على هالبوست المتطرف

أولا : بنات "بلاد بررررة" من عمر واهما جذي.. ليس بالمستغرب عليهن

ثانيا : لا يزال هناك نمونة اللي يستحون و تتعكف جنها ربيانة

ثالثا : أنا بستقيل على هالخبر LOOOL

رابعا : ترى كاشخه وكاتبه بالعربي LOOOL

Tekana said...

عندنا العروس حدها تقوم ترقص بس بمصر لا ترقص اكثر من الرقاصه اللى يايبينها..تطلع فلوس البدله عدل

S-Q8 said...

LOL.. far7ana 2aweee!
tlageehom mesakeen makh6obeen min 9 sneen aw akthar... hathy 7alat'hom hnak
o ana ma9adeg el zyada hathy wala a9adeg ay shay ygolona.. khala9

tweety said...

ياااااااااااااااااااااربي
انت اشحارك !؟ خو اهي لي تيرعت إلا حق ريلها مو حق غريب مو شين
بعدين العرس حلو يصير فيه اكشن العروس ترقص والا المعرس يرقص عرسهم وكيفهم الله يهني سعيد بسعيدة

اشلون الزيادة اتصير حق المتقاعدين وموظفين الحكومة والقطاع الخاص لأ !!! عيال البطة السودة ! مالت اقول

The Voice Within said...

:D hehehe nas cool

Zain ashwa t6ali3 5balha 7azat il3irs, t36ih fikra 3an what is to come :p

Ilma3ashat<
5al yzidonhum wa3alaya! Bro7 flos'hum mafiha brika :p


Sha'3loooooni < f9alat


Yislamu :p

الاء سعود المجيبل said...

الف الصلاة والسلام عليك يا حبيييب الله محمممممممممممد

كلولولولولولولوش

;pPp


=====

ما اعتقد اشاعه بس لها شروط مثل الاولى...:)

charisma said...

ههههههههه
مشارى خل مصر على جنب
كل ديره ولها عاداتها

ماكو وجه مقارنه

واعراسنا
تلاقى اهى البنت العروس تبى هالشى يصير

مو اهلها

يعنى هالابنى اهم المنقز

وفعلا ماكو حيا قاعد ينقرض مع الاسف

ezain_kilah said...

لوووووووووووول
والرياييل بالله شدراهم بااللي يصير بعروسنا؟

تسك... تسك... تسك
يراعة رياييل ;p

الصريح said...

براعة حريم وانت الصاج

:)

في قناة اسمها افراح مادري زفاف تطلع على النيل سات يحطون فيها عروس لايف بمصر

لا تشوفها

على الاقل عروسنا فيها سنع
بس شوية مشاكل بين ام المعرس وام العروس
وخوات المعرس وخوات العروس
وطلبو اغنيه ووقفوها وحطو اغنيه خاصه بس حق خوات المادري منو وخوات المادري شنو
اخر شي طلاق

:)

SAJA.S said...

ويه عروس الحين تستحي
العروس قامت تصير خلط .. تبيها تستحي بعد
والمصريه من زمان هذه سالف عروسهم
اما عن الزياده
راضين خل يزيدون القطاع الحكومي بس عاد لا ينسون القطاع الخاص المساكين اللي يكرفون اللي ما يعرفون الاجازه الا من سنه لي سنه
اما الحكومه لاسبوع الياي انسى احد يداوم

Najmah said...

ايييي

شفت بعيووني الريال مستحي بالعرس
والعروس آخر جرأة

حلاة البنت بحياءها

صبا said...

الدنيا هذي تخلينا انشوف ونتعجب من وايد اشياء للاسف غريبه واللي ذكرته اهو واحدمن بين المئات اللي سمعته
احيانا نستوعبها واحيانا نسكت
كل مانستطيع فعله هو مشاهدتها

شكرا اخوي مشاري

سدرة العشـــاق said...

أنا أثني على كلام مناف ... شوف عيني بعد محد قايلي ...

ابييييييييييه شنو هذا عقر بقر حاشني

هاو من صجها تقوم تردح جدام الأوادم ميخالف جدام ريلج بسكات بينكم بين بعض جذي

الله لا يعاجبنا بس مو الكل في بعضهم من كثر الحيا شوي و تنجب على ويهها من كثر ما اهي منعكفة

الله يستر علينا و عليهم

تسلم

Q80MINI said...

مشاري شوفلنا اشاعة مني مناك عن القطاع الخاص
ماكو زيادة؟


اذا ماكو انت طلعلنا اشاعة خل نستانس شوية:)

J Daily said...

يامشاري لا يراعة ولا براعة

انا اشوف مافيها شي (:
--
والـ 50% سمعت فيها وايد (:

والحكومة ماتعرف إلا رقم 50؟
D;

Unknown said...

ReLaaaX : شفتي شلون طايحين عليكم :))

Unknown said...

Q8DOLL : والله فشلة عادي الزمن صار مقلوب
مشفوحة على الريل :))

Unknown said...

Anonymous : رقصى على اغنية شعبان اليديدة زينة

مبروك مقدما وعقبال البكاري

Unknown said...

الحجـــيّه : والله يالحجية نسمع سوالف يشيب منها الراس وشوفي حجي الناس اللى قاعدة تعلق وحكمي
:)

Unknown said...

الحارث بن همّام : من هالنحاية يعجبووووونك

Unknown said...

حمودي : السنة الياية راح تكون الاشاعات اكثر

Unknown said...

طائر بلا وطن : اول شى الله يعافيك على القهوة جنك تدري كنا اقري تعليقك واشرب قهوتي

بعدين يا عزيزى فى امور اساسية فى الزواج عمرنا ما شفنها بالعروس الحين قامت تطلع من متي العروس تقوم وترقص وتغني

Unknown said...

حسام بن ضرار : مثل ما قلت حركات بايخة من هالناس والصراحة صارت مصاخة

Unknown said...

Cr8ivia : الحجي ان في زيادة فووور شوور
:)

حلو حلو تقوم الريال بعد؟؟

Unknown said...

EarthQuaker : ترقص وتغني حق ريلها مو جدام الناس والحجي مال الديجي قاعد

Unknown said...

Q8i_Blogger : ماكو احد على نياته :))
بس انت تطوف بمزاجك :) عادي
واذا هالامور تفاجات منها ياما راح تشوف اكثر واكثر:)

Unknown said...

بو حامد: الحياء صار عملة نادرة

والزيادة يمكن تكون بمحلها بس محتاجة اصلاحات اقتصادية اخري

Unknown said...

فتى الجبل : صدقت ولكن للاسوء

مناف: سوالفك تودي بدااااااهية :))
بس هذا الصج والناس تزعل من الصج يا منووف

خل يزيدون الحكومة بس مو يقطونه على صخر احنا

Unknown said...

Eng_Q8 : لا تضرب ولا شى اشرط عليها لا تودرك جدام الاوادم بالعرس:))

Unknown said...

3atreis : شكرا اولا على السلام:)
واللى تطق درب بالطيارة قولي الله يعينها على الحر
:)

Unknown said...

Aldenya : الحكومة راح يزيدونهم بس ما يندري جم

بس القطاع الخاص اولى صدقينيي

Unknown said...

Very.Q8ya : لما اصيدكم تقولون متطرف:)) صح؟
ماشى
بس قولي الصج هذا الصج والا لا؟؟؟

Unknown said...

Tekana : من الحرة اللى فيهااا:)))

Unknown said...

Ni3Na3aH : الزيادة ياية ياية:)

بس صج 9 سنوات خطبة انفجر:))

Unknown said...

tweety : والله شقولج انتى عاد
:))
يعنى الحين بتفهمينى ما كو اوادم بالعرس
والامة والعيايز اللى قاعدين شوية حيا من الناس الكبار بالعمر؟؟؟؟

Unknown said...

The Voice Within : لوووووووووووول
اي والله خل الاستعداد يكون حامي بعد::)))

Unknown said...

Q8ya : لالالالا انتى من الحين مستعدة :))

مبرووووووك
منج المال والعيال اثنينهم
:))

Unknown said...

charisma : يعنى ماني فاهم البنات شفيهم صاروا جذى ؟؟؟ انتو حريم واخبر

Unknown said...

ezain_kilah :شلون ما ندري ندري افا عليج:))

Unknown said...

الجريح : خل ادورها يبيلها هذى ما تطوف:))

Unknown said...

Smile : عروووس خلط وين هذا بالكويت؟؟

Unknown said...

Najmah :وشهد شاهد من اهلها:)

Unknown said...

صبا : العفو اختي صبا بس هالامور بدأت شوي شوي تصير عادي وانا خايف اي اليوم وتصير العروس خلط وروح

Unknown said...

سدرة العشـــاق: مو ندري في جذى وجذى بس اللى قاعدة تردح هذى ما فكرت شيقولون عنها والا عن امها؟؟

Unknown said...

Q80MINI : ايدي على جتفك وسامع شي قوي قوي
ان الزيادة بتصير 50% من الراتب الاساسي

بس نطروا شوي لا تستعلون :))

Unknown said...

يعقووبوو : للناس فى ما تعشق مذاهب:)