الطموح و العمل والمثابرة والالتزام وقليل من المشاغبة تكون الحياة ناجحة

Friday, December 21, 2007

حوادث - خطاني السو







ودي أفهم منو مخلي هالتكاسي منتشرة بالشارع بهالطريقة



رايح الدوام حق شغله مهمة العصر


وطالع على الخط السريع


والا سيارة جدامي راعي السيارة داس بريك قوي لان جدامه تاكسي من هذيل اللى الحين تارسين الشارع



دايس الاخ بريك اقوي



حاولت أوخر ماكو فايدة طرف سيارتي ضرب بطرف سيارة الاخ اللى جدامي



وعينك ما تشوف الا النور



المتخلف راعي التاكسي ولا همه كمل ومشى وعادي ولا جنه له



السيارة اللى جدامي وقفت على التراب بالخط السريع


رجعت حق الريال


والا شايب


المهم الحمدالله ما صار فيه شى



ولكن السؤال الي متي هالتكاسي


لا من زين سواقتهم


ولا ماشين حسب القانون


وفوق هذا اللى نعرفه ان اغلب اصحاب هذه المكاتب من ضباط الداخلية


شوفوا لنا صرفة بدال اللعب باروح الناس


.........


أيضا من أسبوعين مضوا تقريبا


تلقيت خبر وفاة أحد الاقارب


الولد عمره 24 سنة


طالع من الديوانية


وراجع البيت


والا واحد سكران طايف الاشارة حمراء وداعمه


الولد أصغر أخوان


واخر سنة له بكلية الطب


ضاع من جيس أهله بسبة واحد طايش


الله يرحمه ويومه لا اعتراض


ولكن ما يحدث بسبب عدم الالتزام بالقانون شوفوا نتايجه



الله يحميكم ويكافيكم الشر

32 comments:

darkness said...

سلامات و خطاك السو و الحمد لله على سلامتك

و هذولي التكاسي ماني عارفهم سببهم اصلا كله خالين و يحوسون بالشوارع انا اشك انها خطه من الوكالات و الكراجات عشان تزيد الحوادث و نضطر نصلح السيارات

و بالنسبه للي توفا فربي يصبر قلب اميمته و ابيه و عسى الله يخلف عليهم و ياجرهم في مصيبتهم هذي

لا حول و لا قوة الا بالله
ان لله و ان اليه لراجعون

Catism القطويّة said...

حمدا للع على السلامة
خطاك السو

5roofa said...

سلااامااااات خطاك السوو واللاه مو خوش خبر

هذا تكسي يهون شوف الباصات الي يسوقون جنه راكبين فراري
بتتون و يلف على الامه ولا همه

والله تخيل مره انا نشياه بحارتي ولا لي شغل باحد ما اشوف ايا جب يميل علي
الا باص الاخ يداحرني بالشارع الا بمر
وانا عناد ما اطووف

لا تشوف شسوي داااس و شفط و خطرني

تخيل بااص ولا باص مدرسه يعني هالسواق الي يختارونهم مادري من وين مطلعينهم
استغفر الله

والله يرحمه عورت قلبي والله
الله يمسح على اهله و يصبر امه

صج الله يعينهم

salamz friend...

فراوله said...

مساالورد والجوري
خطاك السو ياخوي
الغالي
والحمدلله علي سلامتك
والحمدلله يات علي جذيه
وسالفة التكاسي هذا كلنا لا يعه جبودنا منهم
حسبي الله ونعم الوكيل
سلامات مره ثانيه
:)

S-Q8 said...

اول شي خطاك السو
و صح الكل يشتكي من هالتكاسي و الطريقة اللي يسوقون فيها

و بالنسبة للشاب اللي توفى فالله يرحمه و يصبر و يعين اهله.. و الله عورتلي قلبي
و هذا اللي كان سكران المفروض يتحاكم و ما يطوفوله اللي سواه

على العموم.. عيدك مبارك
و عساك من العايدين

امبراطـــورة اشعاري said...

صباح الخير اخووي مشااري..

كل عام وانت بخير وتسلم من الحوادث انشالله وخطاااك السوو والله يرحم الولد,,

والله يعينا على التكاسي وتخف عنا..

تقبل مروري مشاري وعيدك مبااارك :)

امبراطـــورة اشعاري said...

صباح الخير اخوي مشاري..

كل عام وانت بخير وخطاااك السوو يالغالي ماتشوف شر انشالله..

والله يرحم الولد ويعين اهله..

والله يعينا على التكاسي وتخف علينا :(

تقبل مروري يالغالي وعيدك مبارك :)

乂♥Not.ViRGo♥乂 said...

لو صار فيك شي جان قلت مااات محسوووود :))

الله يرحم الولد و يغمد روحه الجنة
:(

bo9ali7 said...

حمدلله على سلامتك
والله يرحم الولد
والله قمة الاستهتار من قبل الدولة

eShamiYa_RockS said...

سلاامات ما تشوف شر..
الحمد لله بالحديد ولا فيك

و قصة الولد الله يرحمه..قصة وحدة بين عشرات

الله يبعدنا عن كل شر

صحيح يضايقون .. بس احسها مثل اختبار لسياقتنا.. كلما "انجو" من حادث كادوا ان يكونواهم سببه .. احس اني
perfect
بالسياقة

:/ ماكو شغل

Ra-1 said...

الحمدلله على السلامة
حط بالك من التكاسي والوانيتات :/

magnoonah said...

خطاك السوو
وحمدلله على سلامتك وسلامة الريال العود


وتعيش وتاكل غيرها دام هالتكاسي تارسه الشارع والي يسوقونها على بالهم عايشين بديرتهم

اما الولد الله يرحمه ويغمد روحه الجنه وفاته كانت صدمه خصوصا انه الكل يمدح باخلاقه وانه طالب مجتهد بدراستهمثل ما سمعت وعلى وشك التخرج

الله يعين قلب امه

العرزالــــــه said...

خطاك السو يابوحمد وكل عام وانت بخير حبيبي

:))

78o8eYa said...

الحمدالله على السلامة
وخطاك السو

مطايير وميَنن يسوقون

دير بالك
وربي يحفظك ويردك سالم لأهلك

الحب said...

خطاك السو
الله يرحم الولد و يصبر قلب أهله

charisma said...

مساء الخير

انا لله وانا اليه راجعون
قطعنى قلبى على هالولد الة توفه يعرفونه عيال خالتى
الله يرحمه برحمته

وعلى هالتكاسى والله انك صاج
انتشراو بشكل كبيير وكل من هب ودب حطله تكاسى وناس ما اتعرف اتسوق تشتغل عليها
اى شى واولهم مسئولى
لوووول
مشكله

خطاك السو

الخيلاء said...

خطاك السو .. و انا كل يوم اتعامل مع اصحاب التكاسي و الباصات المتهورين في طريجي من و الى الدوام .. السياقه معاهم بنفس الشارع تستوجب الحذر .. كل واحد عباله بروحه بالشارع

layal said...

كل عام وانت بخير
وخطاك الشر ان شاء الله

حياتي هدف مو عبث said...

خطاك السو أخوي
والتكاسي مأساة المشكله جنه بروحه بالشاارع ويلف عليك يدوس عليك ويدعمك المهم يركب معاه واحد
وطبعاً لو تبي إطوف مستحييل يخليك تطووف
وبعد تلقاه يسوق وعيونه يمين ويسار يدور أحد يوصله
والباصات يطير جنه صاروخ ههه
وإذا كنت مستعيل إمش وراه يبطل لك طريج وقت الزحمه :p

سدرة العشـــاق said...

خطاك السو و حمدلله على سلامتك

بعد قلتها أصحاب التكاسي بالداخلية ... حاميها حراميها
--------

و عسى الله يرحمه و يغمد روحه الجنة إن شاء الله و يرحم موتانا

أبو شملان said...

هلا اخوى مشاري


هذا بركات السيد

ثابت المهنا

على نفسها جنت براقش said...

خطاك السو

انا هالتكاسى يخرعونى بالليل بليتاتهم الحمر اللى فوق

عين صلبى ما صلت على النبى
لوووول

Shather said...

الله يرحم موتاكم و موتانا و موتى المؤمنين ..

و خطاك السو

صدقت باللي قلته عن رواعي التواكسي ياهم باطين جبدي .. وانت تسوق بالشارع مره وحده تشوف واحد طالع عليك من شارع فرعي بكل ثقه و لا يشوف يمين و يسار و لا ينتظر .. بس خذوه فقلوه

فتحت المواجع يا مشاري ;\

الزين said...

سلامات يالشيخ

وخطاك السو

يغربل ابليسهم هالتكاسي محد سالم منهم

Anonymous said...

الله يرحمه برحمته ويدخبه فسيح جناته

اما التكاسي من جد لازم يشوفون لهم حل
انت شوف سيارة التكاسي تكون اخر موديل ومن كل جانت مصدومه ولا يسال على احد يصدم ويمشي


حلمي معي

smntomah.wordpress.com

strawberry said...

5a6ak elsoooo
aham shay ma 9ar fekk shay
ama showar3 eldera full men haltkasy ... mahma bnsolf bhalmo`9o3 ..we have nothing 2 do...keep going

strawberry said...

56ak elsooo
aham shay ma 9ar feek shay
ama shoar3 eldera full men haltkasy
o mahma nsolf fyy halmao`9oo3 ...we have nothing 2 do..keep going

ReLaaaX said...

خطاك السو وسلاااااماااات
الحمدلله بالسياره ولا فيك


--


ياقليبي الله ياجر اهله ويرحمه ويغمد روحه الجنه

Anonymous said...

الحمدلله على السلامة

وهذا اكتشاف جديد كنت احسب بس التكاسي الي بجدة متهورة

اثاريها في كل مكان

7osen said...

خطاك السو ياخوي وماتشوف شر إن شاءالله

والله إن الواحد يمشي بالشارع وأهو خايف
هالتاكسي هذي مشكلة كبيرة
والناس الدايخه واللى ماتلتزم بالقوانين شكثرها بالشارع

الله يستر الجميع إن شاءالله


وماتشوف شر
ودير بالك

Kuw_Son said...

سلاماااااااات

خطاك السو يا الحبيب ,,

و الحمدلله على السلامة ..

هذا ما ينفع وياه إلا هرن من أول الشارع إلين آخره .. و آخر شي إذا عندك زجاجة عطر مو متحسف عليها .. احذفها عليه جنك ما تدري و برد جبدك
:P

فتى الجبل said...

أولا خطاك السو
ثانيا اذا كان اللي حاميها حراميها
فشنو تتوقع حال الديرة؟
وبالتالي شنو تتوقع حال الطريج اللي اهوا جزء من الديرة؟