الطموح و العمل والمثابرة والالتزام وقليل من المشاغبة تكون الحياة ناجحة

Wednesday, January 02, 2008

ضابط المستقبل سكير



الخبر الاول كان في29 ديسمبر



الخبر نشر في الوطن بتاريخ 1-1-2008


يعني فهموني لنفترض ان انفصل قبلها باسبوع
بهالسرعة يردونه ؟ شنو هالواسطة ؟
بس السؤال الاخ راح يكمل واهو على هالحالة

اذا ضابط بيخلونه بهالصورة وهو الاخ سكير
منو بيحفظ الامن ؟؟


ــــــــــــــــــــــــــــــــــــــــــــــــــــــــــــــــــــــــــ
من أجمل المقاطع في قصيدة الجمهرة للشاعر حامد زيد

البارحة ثارت علي أرقاب و آوتني أرقاب,,,,,,,,,,
,,,,,,,,,,البارحة وياثقل دم البارح ويامحقره


أثر المصايب ماتجيك إلا من الناس القراب,,,,,,,,,,
,,,,,,,,,,وبهالزمن حتى الخوي اللي تثق فيه إحذره



هٌب ياوجه الحسد وشلون جمعهم وغاب,,,,,,,,,,
,,,,,,,,,,كيف السنين اللي عطتني بعثرتهم بعثره


ماكنت أحاتيهم صغير, عاد أحاتيهم شباب,,,,,,,,,,
,,,,,,,,,,الصاحب اللي مأذخره لليوم الأسود ما أذخره


أنا تجرعت الظما لين إحترق وجهي وذاب,,,,,,,,,,
,,,,,,,,,,أنا كسرت بخاطري قبل الصداقة تكسره

أنا خسرت اللي غيابه غير عن كل الغياب,,,,,,,,,,
,,,,,,,,,,أنا غفرت لعالم ماتستحق المغفرة


أنا أكثر إنسان تعلم من كثر ما أخطا وصاب,,,,,,,,,,
,,,,,,,,,,أنا آخر لسان يتكلم في زمان الثرثرة


أنا القصيد اللي فزع من دفتره مليون ناب,,,,,,,,,,
,,,,,,,,,,وأنا الوحيد اللي جمع مليون ناب بدفتره


شيٌبت بعقول العرب, هيبت روسٍ ماتهاب,,,,,,,,,,
,,,,,,,,,,جمهرة ناسٍ عمرهم مايعرفون الجمهرة


ماصرت ذيب إلا لأن اللي تحدوني ذياب,,,,,,,,,,
,,,,,,,,,,ماكنت أغيب إلا لأن العفو عند المقدرة








26 comments:

ButterFlier said...

ياخوي


ماشي قطاره

vancouver said...

كل عام وانت بخير مشاري




مو المشكلة العبط اللي يصير بهالاماكن الحساسة

المشكلة يكتبون المواضيع بالجرايد والناس تقرا وتضحك

يعني ديرة رقي مع بطيخ

Eng_Q8 said...

اهو بس سكيير

في بلاوي يالمشري اتصير اهناك خلنا ساكتين

مو ديره الطيخ شطلع غير البطيخ

الله يستر عليها

Anonymous said...

شنو كبتي؟
لوول

Peace said...

بما أن الجميع قد يخطئ فالجميع يستحق أن يُعطى فرصه ثانيه ، أي اذا أخطأ مره فليُعطى فرصه ثانيه مع تنبيهه على الخطأ ، فلعل هذا الموقف يُشعره بكبر حجم الخطأ و قد يُقلع عنه ( و هذا ما نتمناه ) و لكن اذا تكرر هذا الأمر فيجب أن يُتخذ اجراء اخر ، و لكن يجب تطبيق هذه السياسه على الجميع

Bu Jassem said...

الله يعطيك العافية موضوع وايد مهم وحساس توقعت فيه تعليقات اكثر عليه
لانه هذيل باجر الي بيصيرون امن الكويت وامانها
يغازل ويشرب وللحينه طالب
لما يصير عنده معاش شنو بيسوي ..اكيد بيشرب زقاير :)

الله يستر على الكويت

الخيلاء said...

الله المستعان

هذيل عيال الديره ودروع الوطن جذي .. باجر لي دخلوا البدون و الخليجين .. بتنترس الجرايد من هالاخبار و بتصير شي عادي ..الله خير حافظ

darkness said...

السلام عليكم و رحمة الله و بركاته

و كل عام و انت بخير اخوي مشاري و عساه سنة خير عليك و علينا


ردا لصديقتي الصدوق بيس

عفوا يا بيس هذولي ما عطوهم فرصه ثانيه هذولي توسطوا لهم

يعني مشوهم فوق القانون

و معنى هالشي انهم ما راح يهابون شي و راح يكررون فعلتهم لان واسطتهم واصله

و الحين حتى لو صادوهم مره ثانيه راح يتغاضون عنهم و ما راح يفصلونهم لانه بكل بساطه الواسطه اقوى من مطبقين القانون

انا معاج ان الفرصه الثانيه يمكن صح و الكل لازم يغفر للاخرين و ما نوسمهم بالخطأ

و ان كل الناس يخطئون

لكن الفرصه الثانيه تعطي من سلطه تقدر تطبيق القانون و لا توجد قوى خارجيه تمنعها من تطبيقه

مو سلطه تقول شي و تطبقه و يجيج واحد من بره يقول لهم تردونهم و ينكسر قرارهم و يردونهم

ادري امون عليج و ما راح تتضايقين مني

:)

و مشكور اخوي مشاري لسعة صدرك

Smile said...

ما شاء الله ماش اء الله .. بس وعدوا ان ما يسوون جذي سامحوهم ..
المفروض تعالجونهم .. لما يتعالجون صح ترجعونهم
!!!

someone_q8 said...

السلام عليكم

اخوي مشاري خل ناخذ الموضوع بشكل ثاني يعني
لو اتشوف ضابط خل انقول ملازم اول سكران ؟ شنو راح اتقول
واذا شفت طالب ضابط سكران شنو بتقول ؟
الفعل واحد سواء كان طالب او تخرج وشد النجمة !! والغلط غلط يعني لو فيه رادع للكل وتطبيق للقانون بشكل صحيح ( ايي خير ان شاء الله ) راح تلقى الانضباط والسلوك يتحسن للأفضل :)
لك مني كل تحية واحترام

Shaima'a Alkandari said...

الحين كل شي صار خربوطه يعني على اشياء مهمه الواسطه تدخل مادري ليش

الله يستر علينا وعلى الجميع

خلاص ماراح نغمض عيونا لان مافي احد بيحمينا

يبه كل واحد يحمي نفسه بنفسه لان الاغلبيه صاروا اي شي

Enter-Q8 said...

المشري و اللي يرحم و الدينك
راده على ضباط

تكفى واقولها للكل

راده على ضابط او 10 او 200

يا ريتها ضباط

ShamiYa_RockS said...

Vitamin WowW !
---
nice قصيدة

معبرة جدا عن الواقع



للأسف..

حياتي هدف مو عبث said...

في قانون صح بس ما في تطبيق لهذا القانون ولا حياة لمن تنادي
الله يستر علينا وعلى الكويت

فراوله said...

مساالخير والكرامة
عزيزي الغالي
بذمتك شنو تترجي من ناس جذيه تصرفاتهم
وهذا نهجهم بالحياة
لا وبعد يبونا نحس بالامان
صج لين قالوا اللي يعيش ياما
يشوف
واحنا قاعدين وراح نشوف
دمت ياصاحب القلم الشريف
:)

أبو شملان said...

حاميها حرامية يامعود


منبع الفساد بالديرة

من وزارةالداخلية



خلها على الله يا مشاري

Najmah said...

مصخرة =\


والقصيدة وايد حلوة

Anonymous said...

الداخلية مليانة صيع من راسها لكرياسها مو رادة عالسكر...المهم ذكرتوني بسالفة قبل 6 سنين واحد من كان لي صاحب طالب بالكلية كان يدق علي تالي الليل يتنسى ..مرة يبي هارديز مرة كاكاو سنكرز فكان يقولي قط الجيس من فوق سور الاكاديمية و امش عالساعة وحدة بالليل ...صرنا ارهابيين ومهربين بسبته ..اشوة محد طاح علينا ايامها والله يرحم ذيج الايام الحلوة

Kuw_Son said...

يا مشاري .. حاميها حراميها !!

الله يستر !

حامد زين كلامه طيب ..

خوش اختيار :)

الحجـــيّه said...

السلام عليكم جميعا


من أمن العقاب أساء الأدب


يا فرعون مين فرعنك قال ما لقيتش حد يردنى

Peace said...

هلا داركنس

أكيد ما ردوهم علشان وجهة نظري
و أكيد علشان الواسطه

لكن تعبنا من كثر ما نتكلم عن الواسطه و مشاكلها
على الاقل خلنعطي حلول بديله
بدل من التحلطم

و بعدين تبين تناقشيني عندج مدونه ناقشيني فيها
مو هني

يمكن اخونا مشاري ما يرضى
: )

الحارث بن همّام said...

استر على ما واجهت يا مشاري .. استر على الداخلية .. سامحهم



:)


إذا كان رب البيت للخمر شارباً
فشيمة اهل البيت السُكْر و الهبَلُ

بتصرف

فتى الجبل said...

الديرة بربسة

سدرة العشـــاق said...

يت على هذي ...

سليحط

darkness said...

:(

انا اسفه اخوي مشاري

صح يمكن ما ترضى

:(

و بيس خلاص ما راح اناقشج اهني

بس مو من حقج تطرديني من مدونه مو مدونتج

تبين تطرديني اطرديني بمدونتج

:p

يعقووبوو said...

المشكله مو بالخمر ولا الكبتي.. المشكله بالواسطة (:


وانا ماحب الشعر لكن حامد زيد شي ثاني (: