الطموح و العمل والمثابرة والالتزام وقليل من المشاغبة تكون الحياة ناجحة

Saturday, January 12, 2008

مذكرات عزوبي


صاحبنا عزوبي وما عنده مشكلة ان يتزوج ولكن شروطه عجيبة غريبة ومرتبط بالواقع السياسي الحاصل

شنو قال ؟ خل نشوف

أبيها بالعشق بدوية

وابيها بدفي المشاعر عيمية

وابيها بالوقفات حضرية

وابي لي من سافرنا تصير مسيحية

وابي لي تدينت لا تصير اخونجية

ولا من ربع الحجاب اللى بقوطية

ابيها سلفية

كيفي أنا عسر ويسر

ابيها تقري الجرايد يومية

وابيها تجتمع معاي بالعقل

وتجتمع معي يومية

وكل ما بغيت مع الربع السفر

تلتني من رقبتي وقالتلي مالك امل مولية

ريال ميخالف ريال

بس عندها اذا الحب يجمعني معاها

ما بي الرجولة وخلوها حقكم مالها محل فية

طلباتي صعبة يالاجواد ؟

انزين ابيها لضحكت تكون الاسنان لولية

وابيها لي بكت كل الندي يخجل من عيونها ليلية

وابي جنون الكون والا اقول جنون البشر بمعصمومة ونورية؟

والا مقارنة قطر ودبي فينا اللي مالها بالاعراب أي نية ؟

زوجني يالربع

الحقني يا بوحمود

والا يالسعدون

يا حشد وينكم

يا حدس مو تقولين نص الدين زوجني تراني خلصت موليه

سفر مع ليبراليين ما نبي

يخربوني وبسهراتهم تالي الليالي ما ليه

اقعد ابيتنا مجابل القناة الارضية

واطالع الشريع ونورية

واصفق الكف بالكف واقول اطول برج العالم تراه ينبني بعد بعد كيلوات من بوحدرية

تدرون شلون هونت يالربع وبقعد يمكن بعد الستين اخذلي فلبينية

29 comments:

MANAF said...

هذا رفيجك اذا تزوج انا ما اعرف شي

:))

خل ياخذله وحده مهجنه

اهل ابوها نياده

واهل امها من اسكوتلاند

..

على طاري نوريه

بالذمه

ما تشابه مدام ميري

مالت ستار اكاديمي

ميييي آآآآ اييييي

والله تشابهها

هي هي

乂♥Not.ViRGo♥乂 said...

آخرتها فلبينية :))))

على قولتهم :
بعد الصبر وطول العزوبه راح اتجوز كركوبه

عليك بالعافية هالكركووبة :)

enter-q8 said...

هههههههههههه

زواج سياسي

مالك شغل هالنوعية باكر تتزوج نسرة

الله يعينه

ويعينا

Fahad Al Askr said...

صاحبك لا ياخذ كويتية وخل يحط إعلان بالفيس بوك أسنع له

charisma said...

حتى فى هذى سياسه
:))
حاله
خل ياخذ فلبينيه ابرك له
هذا صاحبك مو مال زواج
:p

الخيلاء said...

لووول هذا حاله مستعصيه الله يعينكم عليه ..

eShamiYa_RockS said...

لوووول
وينا صاحبك؟ أنا هنيي!!
كل المواصفات عندي!!

Mohammad Al-Yousifi said...

قوله جم يملك؟

كل شي يصير بس يبيله بيزات

أبو شملان said...

ههههههههههههههههههههه


حسبي الله عليك يامشاري

انت من وين جمعت كل هاالناس حدس وحشد وليبراليين ونوريه


بس كسرت بالأمه

اخرتها فلبينيه :)

حياتي هدف مو عبث said...

أضحك الله سنك

بس أخرتها فلبينيه !! الله يستر علينا بس

ومواصفات عجيبه صراحه

:)

someone_q8 said...

السلام عليكم

والله ذكرتني بمثل كويتي قديم يقول : حصلت له ريل قالت عور :)))))

القصيدة حلوه بمعانيها وياريت في وحده بهالمواصفات وتبي اشلون اذا لقيتها مشاري قولي , هذا اذا فيه :)))))
مشكور وماتقصر وعساك عالقوة

الزين said...

وانا اقول يا مشاري

صاحبك هذا ما عنده سالفه موليه

واذا صج معزم خل يقدم طلبيه

جود الله ورحمته يلاقي له ينيه

تطابق المواصفات

وتعلمه ان الله حق ليلية

:)))

عجيييييييب البوست

صباحك عسل اخوي مشاري

Mamloo7a Q8ia said...

افااااا
بالاخير بياخذ فليبينيه عقب كل هالطلبات؟؟؟

فنر said...

... حيحيح هذا مرد كل واحد يتشرط
افضله وافضلنا فلبينيه

J Daily said...

احسنت الاختيار.
الفلبينيه صفقه رابحه (:

Anonymous said...

اوباما نصراني
ياليت تخف من التفلسف

Anonymous said...

يا سبحااان الله أبيييي واحد بنفس المواصفات اللي طالبها صاحبك بس الفرق اني ابيييه كويتي لأنا الكويتي أنفع
;P hehehehe

صبا said...

مسكين رفيجك انا اقول
لا يتزوج وايد احسن

سدرة العشـــاق said...

يحليله صام صام و فطر على بصلة

الله يوفق الجميع و ينولهم مرادهم إن شاء الله

:)

فتى الجبل said...

خوش
عيل صاحبك مو
عنصري

على نفسها جنت براقش said...

انصحه يصير راهب

Anonymous said...

nicely written wallah


tell him to order her on ebay or maybe amazon :P

Najmah said...

وكل ما بغيت مع الربع السفر

تلتني من رقبتي وقالتلي مالك امل مولية

اعجبتني :p

Unknown said...

مشكورين جميعا على التعليقات والا تبي تقدم على الطلب يرجي ارسال السيرة الذاتية


ام الاخ انانومس
نصراني ما راح اناسبه انا الله يهديك مو قلنا مشكلتنا ناخذ القشور ونخلي المضمون

الله الهادي ولد عمي

Kuw Son said...

لا لا لا أعترض ..

ما أبي وحدة لما بسافر مع الربع تقعدلي قعدة و تقول مالك أمل مو لية !!

الله يستر من شريكة المستقبل !!

Anonymous said...

LOOOL

عجيييييييييب

مسكين ! ليش كله الكويتية مشكلة ؟
:S

esTeKaNa said...

أنا اقول يقيم الليل ويدعي
شروطه هذي يبيلها قيام ليالي
والله كريم
:pP~

fghdfhg said...

لووول بوست روعه

تدري قاعده افكر اقول هالعزوربي الحين اذا حصل وحده بكل هالمواصفات ياترى بترضى فيه !!!!!

لوول مثل ما اهو عنده شروط مميزه اكيد اهي عندها بعد لوول
صدقني ماراح يتفق الا مع وحده عانس لول

صج بوستك فكاهي شوي بس يعرض قضيه خطيره بالمجتمع :)

والله يوفق رفيجك ويكمل نص دينه

ويسلمو على البوست

fghdfhg said...

لووول بوست روعه

تدري قاعده افكر اقول هالعزوربي الحين اذا حصل وحده بكل هالمواصفات ياترى بترضى فيه !!!!!

لوول مثل ما اهو عنده شروط مميزه اكيد اهي عندها بعد لوول
صدقني ماراح يتفق الا مع وحده عانس لول

صج بوستك فكاهي شوي بس يعرض قضيه خطيره بالمجتمع :)

والله يوفق رفيجك ويكمل نص دينه

ويسلمو على البوست