الطموح و العمل والمثابرة والالتزام وقليل من المشاغبة تكون الحياة ناجحة

Thursday, January 24, 2008

نهاية الاربعينية كانت علي يد صاحبنا العزوبي تزوجوا؟ شلون ومتي ووين ؟ تبون تعرفون ؟

تطمشوا

يوم الثلاثا اللى مضي

كنت في جلسة طرح الثقة

واطالع نورية

واصفق لها من كل قلبي

ومن التفاتة فيها شوية شطانة حركية

لمحت ذاك المزيون الطويل اللى رقص قلبي عليه وعليه

طاحت عيني بعيني ولا ادري رد والا ما رد عليه ؟

,,,,,,

يقول العزوبي سابقا

شفتها ويا ريت ما شفتها

ويها ما بين فوزية ( الدريع ) ونشمية ( ما ادري منو هذى)

وقلت يا ولد الحلال انطر يطلع التصويت واحشر نفسك مع هالامة

يمكن تعطيك ويه ولو انها كبيرة شوية

صوتوا نواب الامة

واشوف المزيونة تصقع اليباب في وجه بورمية

قلت بل هذى صج قوية

بس جرأتها تعجبني وشكلها هم ذكية

رحت لها وتقدمت وقلت

مزيونة الجلسة شرايج اقرب ونقعد سويه ؟

ردت : حياك يا بعد عنية

قلت : علي طول صج طلعتي خفيفة يالحجية

قالت : لا والله يا بعد روحي بس لساني حلو وما تطلع العيبة منه مولية

قلت: انجبرت والله وراس الصقر وسعدون والعمر وهذاك الاخونجي بولحية

قالت : وعوووه ومالت علي ماطريت طلعت تحب الاخونجية

قلت : لا يبه انا مع الليبرالية ؟

قالت : والكوبة مرتين يا اثول ياللى ما تعرف بالسياسة مو لية

قلت عيل يبه انا مع السلفية

قالت ذاك قبل اليوم امتنعوا يا نظر عينية

قلت : انتي مع منو

قالت وصرخت ووقفت انا مع نوريه

قلت : يبه انا فراش التربية اخذيني واذا تبين فوق البيعة استقالتي اعتبريها منسية

شكلج حنونة وطيبة وبنت عايلة كروية !

قالت : جنك تدري اموت في رونالدو واحب برشلونة واطالع القادسية شوية


قلت يا بعد عمري بعد قدساوية؟

تدرين شلون الملاج طريجه دعووووم مالها اى تفكير موولية

انتهت

31 comments:

على نفسها جنت براقش said...

حبيت اغنى بهالمناسبه

قمر تشنها يا محلى زيش البنية
سألت عنها قالوا لى خليجية

:)

شكلج حنونة وطيبة وبنت عايلة كروية !
قالت : جنك تدري اموت في رونالدو
واحب برشلونة واطالع القادسية شوية


خيال
خرافة
خطير
خوش شى
:)

Q80 Blogger said...

هههههه


ما لقى غير هل حجيه؟

تره البنات بالديره مو شويه !!

خل ياخذ وحده ماتعرف بالسياسه .. قوطيه

احسنله .. باجر تزعجه بساولف المجلس الرديه

وتناشبه على كل مباراة اذا اقلبت مدريده

خله على بنات هل يومين إلا حدهم مكياج وحجاب بو تفاخيه

اشيبي بحريم البوشيه ؟؟؟


ويعطيك العافيه :)

someone_q8 said...

السلام عليكم

الله يهني سعيد بسعيده :)))))

Um eL5aiR said...

:)
حلووووة!

مع اني ما احب الشعر..

بس يا زين الخفيف اللطيف الظريف ..

كثر منه..

Mohammad Al-Yousifi said...

لا تضيع الصقلة

شنو س و ص؟


ما فهمتك يا مو مبهور

:)

سدرة العشـــاق said...

عليك سعيد و مبارك

كللللووووووش

منه المال و منها العيال

فيني طرب

ويامعيريس عين الله تراك القمر و النجوم تمشي وراك
مباركين عرس الاثنين ليلة ربيع عين و قمره و اللي جمع بين قلبين الله يطول بعمره

طبعا اللي جمع بينهم نورية و يا زينها من بنية

:)

عثماني said...

بالمبارك

بالمبارك

:)

Ra-1 said...

LOL!
شسالفة :p

Sn3a said...

لا جد خوووش بوست
لووول
يونس الكلام

حتى بمجلس الامه قصص الغرام تنزرع

فتى الجبل said...

يابوا عيال والا توهم؟

Anonymous said...

مبروك يقولون عطوك ترقية وصرت مدير!! صج؟
تستاهل يا بوعبدالله

اخوك بوعزووز

العرزالــــــه said...

على راسي يابوعبيد

بوست ولا اروع ولا احلى الله الله الله الله

eShamiYa_RockS said...

خوش قصة
اهم شي اني تخليتهم ..اهوا بجريمبة و اهيا بعباية اللي فوق الراس و شوي متبتبة

ReLaaaX said...

عالبركة .. زين زين الحمدلله
;p


يحليلهم والله الله يتمم

PinkOcean said...

:)
7ata el 3'azal in ur blog Syasa lol

nice post yeslamo

5roofa said...

لووول امبي يهبل الحواار

صج صج يونس

انا فراش التربية
حبيتها هالجمله

يعطيك العافيه خيو

salamz....

حياتي هدف مو عبث said...

هههههههه

عجييييب :)

على البركه

;p

فريج سعود said...

يبا لاهي مع الشريع ولا مع نورية
ياية الجلسة تصيّد بالغشم الحجية

Eng_Q8 said...

تستاهل دام انها قدساويه

salfa3ajeeba said...

yah yah yaaaaah ya hala o mar7aba

ishlonik o'7oy mishari,

shino halibda3 sa7 ilsaaaaaanik o
3sak dom mestanis ya rab o fe ilnehaya agool ohh ya ilazrag:)

فراوله said...

مساالورد والجوري
مساخف الطينه
اللي محتاجينها بهاليومين
اخوي العزيز
دامها
قدساويه
عيل بنحطها بالعين والرمش عليها
شويه
:)
دمت ياصاحب القلم الشريف
:)

الخيلاء said...

هههههه

مبرووك انحلت عقدتهم على يد نوريه :)


بس اهم شي اليباب شكلها يببت مستانسه بردة نوريه و شوفه المزيون لول

kuwaitya_7saweya said...

لوووووووووووووووووول
وناسه حده حلو
Q8i_Blogger
ماقصر كملها
لووووووووووووووووووووول
يعطيكم العافيه

Najmah said...

لوووووووووول

بالمباااارك

:)))

qesat_5ayal said...

عجوز بتاع كلو

:)

ANGEL HEART said...

وااو والله روعه

ياحظها بهـالعاشق السيده

:)

tweety said...

محد قال لنا إن في ناس يوروحون الجلسات لأسباب غير سياسية
أو لأهداف غير وطنية
وما خبرنا المجلس يشجع على الرومانسية
جان من زمان رايحين وبدال لا نصيد فراش التربية انصيد شي أكبر اشويه
:ppppppppppppppppppp


إنت يا شقول ليش ما تمر تسلم بالله.. كبر راسك ؟

Anonymous said...

الله يهنيه عرف يختـــــــــــــار صج خوش بنية اقصد حجية :P

5roofa said...

الاخ العزيز مشاري ماره اطمن

غاط عنا فتره انشالله المانع خيير

طمنا علييك

salamz dear...

Anoni said...

very nice :)

ButterFlier said...

Wainik Int ?