الطموح و العمل والمثابرة والالتزام وقليل من المشاغبة تكون الحياة ناجحة

Sunday, March 02, 2008

انا والغلاء والصراخ


UPDATE

كنت أشتري البرد من العربان بما يعادل دينار ونص والعدد كان 13 او 12 حبة اليوم نفس العدد السعر جم تتوقعون؟؟؟
2650 دينارين وستمائة وخمسين فلس يعني نسبة الزيادة 100%
مالت على كي دي دي
مال اسوي برد فيمتو وابيعه علي 50 فلس واطلع بالمشروع


دخلت الجمعية
بدون مبالغة
تقريبا من منتجين الى أربع منتجات منها حليب أطفال غير متوفر !! ليش طبعا ما تدري

كرتون الخيار الكويتي يتراوح سعرا عادة من ربع دينار الي حد اقصي نقول 900 فلس
امس اشتريه والا سعره 1240 ؟؟؟

طبعا ليش وهو منتج محلي ما ادري؟؟

وطبعا من الامور اللي ضحكتني أعلان كي دي دي
وتلقونه بالشوارع حسافة ما صورته مكتوب عليه
(( عشرة عمر )) الصراحة ضحكني

حسيت ان الشرك قاعدة تقول تكفون اشتروا ميخالف 50 فلس زيادة عادي

الغريب ان كي دي دي منتج كويتي تم رفع سعره داخل الكويت
وفي السعودية سعره نفس ما اهو ؟؟

الحكومة ركضة ترفع الرواتب بدون ما تكسر ظهر التجار وتلزمهم بتخفيض الاسعار وخصوصا الاسعار للمنتجات المحلية
وتزيد رواتبنا علشان تزيد أرباح التجار

يالله الله كريم
بس الله يعافيكم لا تقطعون الحفاظات لان ما فينا حيل نرد اليهال علي أيام الخياش واذا تبون تقطعونها
بلغوني علشان ما اقط خيشة العيش

الصراخ سالفته على السريع أن مرة تفاجأت من سعر منتج وقالت هذا كان بدينار شلون صار دينارين
رد فقير المحاسب ده سعره الجديد يا مدام
والاخ ما بغي الا هدومه جنة الاخت تحسب قاعدة تحاجي وزير التجارة

فمان الله وانا أقول الله يرحم أيام الاخ اللى بالفيديو




22 comments:

PearL said...

اي والله يا مشاري

كل شي صاير غالي بشكل مو طبيعي

الفرابيشينو من ستاربكس اول كنت اشتريه ب 1,450
الحين اشتريه ب دينارين 2,450

هذا اكثر شي باط جبدي

وبما ان الجمعية مو علي
فمو حاسة بأسعارها

بس الديرة كلها صايرة نار

sologa-bologa said...

أول شي الحمدلله على السلامة

وثاني شي

تذكر قصة نوط بوألف ديناار
بس يقولك هالطولة

والله يستر

Q80 Blogger said...

لا وازيدك

حتى تكه .. آي لايكت سبايسي
ارفعو اسعارهم عن وقت هل الدعايه
هههههه

صراحه يوعتني :)



بس شنو خيار بدينار وربع ....... وين قاعدين !!!!!!!!!!

Anonymous said...

الهم كايلنا وطايلكم

والحكومات فالحين يزيدون في الرواتب
وكل ماتزيد ... زادت الأسعار

من حليب لعيش للدياي للبيض
والبترول

وكل من يا رفع السعر

أعتقد البيبسي الوحيد الي مارفع سعره
شكلهم هم أكثر وطنيه من باقي المنتجات


ومن وين يايب هالدعايه
آخر مره شفتها في منتصف الثمانينات


والله المستعان

Salah said...

هل من حق الحكومة تحديد نسبة الربح؟

اذا كان كذلك فيجب على الحكومة تحديد نسبة ربح البنوك لانهم ذبحوا الناس أكثر من بقية التجار.

Kuw_Son said...

تكفة مشاري لا تييبون طاري الجمعيات لوعتوا جبودنا .. ماني متزوج بطلت !!

الواحد يفكر يعيش و لا يسكن ولا يوكل هاليهال ولا حنة الزوجة و طلباتها !!!

الله المستعان !!

آخرتها بهاجر الظاهر !

كل شي بالديرة صار
spicy !!

الحجـــيّه said...

السلام عليكم جميعا
خل نتفق ان الغلاء مكتسح العالم كله
ونتفق ان البعض وظف هذه الازمه ليشبع جشعه على حساب المستهلكين
السؤال أشلون ُنلقن المستغلين درس بالاخلاق والقيم
خل نتفق ونقاطع كل منتج استغل الازمه ورفع الاسعار بشكل خيالي
ولو حتى يوم واحد حتى يعرفون اشلون يحترمون المستهلك
ولا يستغفلونه

بعثرة مشاعر said...

اي والله
الله يرحم أيامه

أما اعلان كيديدي صج والله ضحكنا
أمس شفت اعلانه بالشوارع
جنه يقولون تهون عليكم العشره
;P


بس جايده الحفاظات

Anonymous said...

التجار يحكمون في الكويت
وما يوطوطون في السعودية

مفارقة اليس كذلك ؟

هل فكرتم لماذا ؟

الاجابة في غاية البساطة والسهولة

ButterFlier said...

miss u

kuwaitya_7saweya said...

اييييييييييييه
خلها على الله
شنقول بعد حكم القوي على الضعيف
الاكل والشرب يهون على الاقل منه فايده
اللي قاهرني وباط جبد جبدي
تذكرة السينما
تكفه 3 دنانير على فلم مدته الاصليه 2 وشي
واحنا بس نشوف منه 1 ونص
3 دنانير
من صجهم
والله مااروح اشتريه دي في دي من الهندي احسن
شطاري عليك هالدعايه
لاشوف دعاية سامسونج
جسوم وسبيجه
لوووووووووووووووول

اي وانشالله بعون الله الكاس اليوم قدساوي

فتى الجبل said...

المنتجات المعروضة بالجمعية صايرة تبط الجبد
المفروض انهم يعرضون كل المنتجات الغالية والرخيصة والمستهلك اهوا يختار شنو بياخذ
مو احسن من ان احنا نضطر نروح الجمعية بعدين نمر على مركز سلطان نكمل منه اللي نقصنا بالجمعية
والمشكلة ان اللي نشتريه من مركز سلطان ما يدش برقم المساهم
ولما قلت حق مدير الجمعية جذي قاللي يصير خير وليما يومك ماشفت هالخير

Big Pearls said...

waaain ayam awal illi il 10 kd kanat itsawi sheqel bil jam3eya:/

someone_q8 said...

السلام عليكم

هذا ولا شيء من اللي بتقوله
يايتك الضرايب غير زيادة الاسعار
الله المستعان

Anonymous said...

حيا الله أخوي مشاري لك وحشة :)


بالنسبة لغلاء الأسعار أقول وبالله التوفيق :) ( ما نبيهاااااااااااااا)بضاعتكم (ما نبيها) البوق أشكره( ما نبيها - ما يخالف عشان القافية - )

والله يا اخوي مشاري والزملاء محد حادكم على كي دي دي

وهاكم هالموقع للمقاطعة : http://nationalkuwait.com/vb/showthread.php?t=20744


تحياتي بس كونوا ايجابيين وقاطعوا ولقنوا هالتجار الجشعين درس يأدبهم .

فراوله said...

مساالورد والجوري
اخوي العزيز
اول شي الحمدلله علي السلامة
وانشاءالله كانت رحلة سعيده باذن الله
:)
وثاني شي
سالفة الغلا اللي صايره بالديره
شنقول غير حسبي الله ونعم الوكيل
تحياتي لك
:)

Anonymous said...

بيان هام عن موضوع الحكم القضائي القاضي بعدم أحقية البنوك برفع قيمة الفوائد والرجوع لما تم الاتفاق عليه في يوم التعاقد ، وكذلك توضيح عما ستقوم به البنوك للالتفاف على تطبيق هذا الحكم بالشكل الصحيح بما سيعود بالضرر الكبير على المقترضين والمال العام ، بالإضافة إلى صور من الأحكام الصادرة بهذا الشأن .



كل ذلك على الموقع الالكتروني
www.chakbom.com



الرجاء المساعدة في نشر البيان على المنتديات والمدونات والرسائل القصيره لتعم الفائدة على الجميع ، وذلك لان الصحف والمحطات الفضائية رفضت نشر البيان لارتباطها بمصالح إعلانية مع البنوك .

salman almulla said...

ربي يزيدك من فضله آمين


مقالة جميلة وعميقة رغم سلاستها

سهل ممتنع يامشاري

:)

تذكرت موقف حصل لاحد حكماء التابعين، يو حقه الناس يشتكون من ارتفاع اسعار اللحم لأن التجار اتفقو وقتها يرفعون سعره، فقال لهم ارخصوه بالترك

احنا مشكلتنا اننا مو قادرين نوحد كلمتنا ونسكب فيهم، يعني شبيصير اذا اتخذنا قرار بالامتناع عن شراء السلع اللي زياداتها مو مبررة وفوق الحد الطبيعي

طائر بلا وطن said...

بس عاد اتعب على الخيشة الناعمة
LOL

شر البلية ما يضحك

عاد توصل انهم يساومون الإنسان على ضناه؟

|:| DUBAI |:| said...

الخير عدنا و عندكم

: )

J Daily said...

انا حسيت بالغلاء لما رحت اشتري ككاو جوليان
كان 1.500
الحين1.900
--
عشرت عمر عندياها...
بغيت احطها في بوستي اليديد ولكن بما انك اثرت الموضوع بحطها
عندك (:

http://img81.imageshack.us/img81/7947/kddgr1.jpg

هذيان said...

أين وزارة التجارة
أين لجنة مكافحة الغلاء

بأختصار أين القرارات الحكومية

أن كان يا مشاري غلاء الأسعار كانت على السالحة السياسية منذ سنة2004
ومذ كان الطويل وزير التجارة هل لم تستطيع الحكومة أيجاد حل