الطموح و العمل والمثابرة والالتزام وقليل من المشاغبة تكون الحياة ناجحة

Sunday, March 09, 2008

شتبون؟؟ و أحمد المليفي



لا أعرف مالذي يريده بما يقوم فيه الحلوين عدنان عبدالصمد
والاخ خلف دميثير ؟؟؟؟

الاخوان يصعدان الوضع ويأزمانه في وقت نحن أحوج فيه الى الراحة
ناس تبي تسوي المجتمع طائفين سنة وشيعة ولكن أقولكم حامض على بوزكم
لان فعلا في ناس لله الحمد لى الحين عندهم عقل واللى تسونه ما هو الا دليل تفاهتكم وكرهكم لوطنكم

ــــــــــــــــــــــــــــــــــ

طبعا بعدما أنتهت مواضيع التنمية ووجدنا حلول لمشاكلنا المتلتلة

بدءنا اليوم بحل مشكلة عظيمة وسوف تضع الكويت في مصاف الدول

وهي مشكلة لو لم يتم حلها سيزيد الاحتباس الحراري

الا وهي مشكلة الدواوين

يعني لو أحد يقرأ العنواين من بره الكويت
بالضبط اللى راح يقوله هذيل ما عندهم مشاكل
ـــــــــــــــــــــــــــــــــــ

لو رجعنا لعبدالصمد لوجدنا ان بعد ان قامت الدنيا ولم تقعد عليه
وبعدما ساد بعض الهدوء
هو قام بنكش الغنم بطرف عصاته ويأتي مجعجعا أن الاخ يبي يستجوب رئيس الوزراء
اللى الناس كلها تدري تلقائية سيظهر اعلان عدم التعاون وبالتالي حل المجلس

قمت أشك فيك أكثر يا سيد عدنان

أما خلف دميثير وسامحني بغيت أحطلك صورة بس ما لقيت وحدة مع اللحية
الا ان الناس تعرف منو أنت وتعرف أنك قرقاشة فيا أخي ليش ما تحط لسانك بحلجك وتسكت

فواللي يرحم والديكم فكونا لان مشاكلنا وايد وانتو شكلكم فاضين وانا اتمني يطلع قانون يحد أعمار النواب من سنة 30 لي 45

لانكم شكلكم خرفتوا بسرعة

البلد غرقانة والناس تلفت

واحنا ما بين دميثير وعبدالصمد

والخمسين من بعيد تلمع وترتعد

ما بين عقلاء المجلس ومجانين تركض

كلنا نقول يا كويت الله يعينج فاللى ابتليتي فيه من ولد

اذا كانوا هذيل نوابج
لا بالله ما قبضنا أبد


شكر: أشكر النائب أحمد المليفي علي الرسالة الطيبة الذي أرسلها وتأكد يا بو أنس بأننا في المدونات نعلم الشرفاء في المجلس أمثالكم والشباب يعلمون بأنك من القلة المحترمة التي نفتقدها اليوم





13 comments:

Q8DOLL said...

باختصااار يا مشاري
ملينا
ملينا ملينااااااااااا

الاخوان مالاحظوا ان امن الديره مهدد؟
ليش سالفت البلاغات عن القنابل هنا وهناك مو لافته نظرهم؟

مُحَسّدْ said...

أسأنا للديموقراطية

هل نستحقها ؟ لا ادري

kila ma6goog said...

مسرحية

الطارق said...

تصدق يا اخوي انا هالسالفة بكبرها ماني بالعها الشباب غلطوا ( اقصد عبد الصمد ولاري ) خلاص في قضاء وفي اهامات وفي براءة او ادانه ليش نطولها وهي قصيره ؟!

على اية حال اشوف ان في اشياء مفيده وايد نقدر نسويها وعني شخصيا ما احب انجرف ورى الاحداث بهالطريقة وهذا لا يعني اني لا اتفاعل معاها بطبيعة الحال .


تحياتي

Eng_Q8 said...

كل شي مكشوف

فتى الجبل said...

لا عدنان ولا دميثير
الحكومة اهيا اللي تبي ان الكويت واهلها يحترقون بنار القبلية والطائفية

مهما يقولون said...

حسافتج يا كويت وحسافة تاريخك

الوضع جدا خطير والنواب كل يغني على ليلاة والحكومة متخسبقة ماتدري شتسوي

Peace said...

خالف تعرف

Barrak said...

انا مع محسّد

Awrad said...

والله يا مشاري !

مابي اتشاءم
ولا من طبعي بس ..
وصلنا مرحلـــة مانعرف صاحبنا
من عدونا .. معقوله كل هذيله
كانوا عايشين بينا مثل الحيايه السامه ولا ندري ..؟

لي هالدرجه كرامه الكويت و اسمها و الولاء لها
أمر هان عليهم و بانت ونواياهم المشينه و كل من يالله نفسي
ويزايدون و يكابرون و عندهم اسمهم و بريقه بالاعلام فوق اعتبار الولاء للوطن

ما اقول الا ياربي سترك و الطف فينا
وبهالديره و احفظها من كل شر و حاقد

:

مشكور اخوي .. بس انا مع " محسد " والله هالديمقراطيه .. بدت تصير نقمه علينا

Shaima'a Alkandari said...

الله كريم ياخوي وستفرج ان شاءالله

فراوله said...

مساالخير والكرامه
اخي العزيزي
الطيور طارت بأرزاقها
واحنا قاعدين نتفرج
والياي الله يستر منه
تحياتي
يا صاحب
القلم الشريف
:)

Enter-Q8 said...

المشري
لا تعور راسك
انت تكفى طالع الاسماء اللي حطيتها
على ما اظن حلاوة الكرسي عفوا الروح بدت تطلع
كروت انحرقت مع بداية الدوائر الخمس القادمه
ما تدققش

مجلس الامة كله ما عنده اغلبية و متخوف الا حبايبك الاخوان
مو لقوتهم و لكن لتنظيمهم فقط

فا راح تشوف افلام وايد مع نهاية موسوم مجلس الامة

الا من رحم ربي

و امانة توصل هالرسالة لأبو انس
قوله
تسلم شواربك
دايما بروحك لما تقول الحق
لما قلت بستجوب وزير الداخلية بدؤ يتهربون
و لما قلت الصج عن الحكومة و رئيس الوزراء بدؤ يتهربون
يا بو أنس ما قلت الا الصج

أجل إدعائت الاغلبية انها حكومة اصلاحية
و كل يوم استجواب
و حكومة مو عارفه تمشي البلد و تتخبط