الطموح و العمل والمثابرة والالتزام وقليل من المشاغبة تكون الحياة ناجحة

Friday, April 04, 2008

تخلف


لنفترض أن اللى قاعد يصير صح

تكتلات قبلية

العوازم يرشحون نوابهم

العتبان يرشوحون نوابهم

العجمان نفس الشي

والقبائل الاخري كذلك
شنو ذنب المرشح اللى فخذ قبيلته ضعيف ولكن عنده الكفاءة والقدرة على التمثيل الفاعل ؟ !

ــــــــــــــ

الشيعة يسوون تكتلات
تجمع التوجهات حسب الطائفة
يعني الحساوية بصوب
والعيم بصوب
والبحارنة بصوب
والحسبة كبيرة
التكتل على أساس الطائفة يخدم فئة وحدة فقط بدون ما يخدم المصلحة العامة للوطن

السنة على نفس الشاكلة
يتجمعون علي مجموعات

قد تكون التجمعات الاسلامية والتجمعات الليبرالية هي الافضل للسبب واحد لأنها تجتمع لهدف موحد وليس روابط حسب الانتماء العائلي

لنفترض ان نجح كل شخص تدعمه قبيلته او عائلته واختفت كفاءة الشخص شكل المجلس شنو يكون ؟؟

الله يعين

19 comments:

Salah said...

التجمعات الاسلامية اما سنية أو شيعية

يعني ما حلينا المشكلة

والتجمعات اللبرالية

لا وجود لها بين الشيعة

ولا وجود لها بين البدو

يعني هم ما حلينا المشكلة

Shaima said...

مساء الخير
و الله يا اخ مشاري اشوف سالفت الدوائر الخمس انقلبت علينا بآثار سلبية اكثر من ما توقعناها ايجابيه
كانت الفكرة من وراها الحد من شراء الاصوات و التغلب على الطائفية و القبليه
بس للأسف اللي قاعدين نشوفه عكس هالشي التكتلات القبلية و الطائفية زااااادت عن حدها و اللي قاعد نشوفه شي يكدر
الوضع بالبلد من سيء الى اسوأو الكل يخدم مصلحته اما الشخصية او مصلحت التكتل الذي ينتمي اليه او قبيلته او حزبه
و مصلحت الديرة من يسعى لها ؟؟؟!!!!!!!!!!! مصلحت الكويت من بفكر فيها
الكل يخدم القضايا اللي تهمه و القضايا السطحية اما القضايا اللي تهم الكويت و تهم مستقبلها محد قاعد يفكر فيها لللأسف

:::ShoSho::: said...

Very True..

Q8i Blogger said...

صح كلامك

Shaima'a Alkandari said...

تدري ياخوي

انا ضد هالشغلات اللى ذكرتها

عاد ذاك اليوم قاعده اسولف مع واحد يصير لنا وعن اللى مرشحين نفسهم فسألت سؤال فلان شلونه زين ولا خيطي بيطي ويخدم بلده صج ولا بس حجى

فقالى بغض النظر اهو زين ولا لأ المهم اهو من لحمى ودمي فاكيد بصوته يعني ماراح اصوت حق واحد مو من اهلي ونازل ضد اللى من جماعتي
حزتها كلى علامات استفهام وتعجب فقلت اوكى بس اذا مايستاهل مايصير نرشحه لانه صوتنا امانه وبنتحاسب عليه يوم القيامه
فقالى قل خيرا او اصمت


وبعدين اذا الانسان مو كفو ليش نختاره
لازم ندرس كل شي قبل التصويت


عشان جذي بخلي صوتي حق نفسي وماراح ارشح احد

Faisal said...

هذا الموجود كل ماتطقها عويه

وان حطيت حيل ماراح يعجب احد لان الاغلبيه من الاعضاء والمرشحين يدرون لو مايصير هالشي ماراح يفوزون
بالذات في الصوب البدوي والقبائلي

ومطول الغيبات جاب الغنايم

Kuwait said...

اي والله تخلف ..
بس هذا الواقع وهذا الي صاير ولا بيتغير لا بدوائر 5 ولا بدائره وحده ..
تقبل مروري ..
kuwait

kila ma6goog said...

عادي , قازرة

White Wings said...

احسن شي الأحزاب
والا اشرايك؟

5roofa said...

اكره هالشي اكره اكره اكرررررررررررره

اكره انه كل شخص يشاخي حق اصله و فصله و قبيلته اكره الشي من صججج

مشكور و صج الله يعين

salamzdear...

باغي الشهادة said...

التجمع على فكرة ومبدأ هو أساس العمل الديمقراطي والمدني، وما تنحل مشاكل حكومتنا الهزيلة الهشة إلا بأغلبية برلمانية منتخبة تمثل توجهات وأفكار تتشكل منها الحكومة

يعقووبوو said...

الحل بالاحزاب

Enter-Q8 said...

المشري تدري شنو المصيبة

ان حتى هالقبائل ترى مو كل واحد فيهم يخدم قبيلته بعد
ههههههههههههه

Enter-Q8 said...

نسيت اقولك دش شوف صاحبنا بالدوائر الخمس

اللي يقول ما راح يحيد عن القبيلة

و يعتذر من التيارات

Eng_Q8 said...

تخلف

someone_q8 said...

السلام عليكم
والله محد ماكلها الا هالارض الكويت
دولة عدد سكانها توه صاير مليون بالضبط وفيها اكثر من حزب و اكثر من تكتل وقبايل لاهيه بالفرعيات , ولا حياة لمن تنادي , لكن هم انقول ما ننتخب الا الافضل والاصلح والاهم من هذا انه يخاف ربه بكل شيء
قواك الله اخوي مشاري

PearL said...

راح يكون المجلس حاله حال اللي طاف واللي قلبه واللي قلبه

كل ماله ومستواه بالحضيض

moowa6en said...

يا مشاري ..

مثلما يولى عليكم تكونون

Peace said...

الله يحفظ هالديره