الطموح و العمل والمثابرة والالتزام وقليل من المشاغبة تكون الحياة ناجحة

Tuesday, May 20, 2008




ما حصل في الانتخابات محزن ومقرف ولم نستفد من تقسيمة الدوائر سوي خروج جمال العمر وخسارة عبدالله معيوف كما قلت في تاريخ 03 أغسطس 2007 تكلمت في المدونة عن احتمالات النجاح للمرشحين اللى له خلق يلقي نظرة

click


أبرز ما حصل في الانتخابات

الدائرة الاولي

سنة شيعة – طائفية حتي النخاع يعني خسارة فادحة للديمقراطية والوطنية


الدائرة الثانية


دائرة علاقات عامة ناس مالها شغل بالتحالف تصوت لشخص النائب مثل محمد الصقر
ناس مالها شغل بالسلفية والتوجه السلفي تصوت على أساس عائلي لخالد سلطان بن عيسي
نوعا ما تظل أفضل من الدائرة الاولي ولكن كما سمعنا ولم نتأكد أن هناك أموال تحركت في شراء الاصوات عيني عينك والكلام عن صليبخات اللى قالوا ما تنباع !!


الدائرة الثالثة

أتوقع هي الافضل وكانت ضربة السعدون يوم نحس بالنسبة له كنت أتأمل فوز رولا دشتي لآنها ما زالت الوحيدة المقنعة ولكن لى ما نطلع من الفكر أن ( كلامها لبناني ) يصير خير وربكم يستر علينا , طبعا كنت أتمني ومني عيني وروحي أشوف ناصر الصانع أوت ليس سببا في حدس ولكن الشخص نفسه خلاص أستهلك والرسالة كانت واضحة علشان يحرم ينزل مرة ثانية

طبعا ملح الدائرة منو ؟ واللى كسر التوقعات

بعد ما يبيليه أحمد المليفي

وللامانة
صالح الملا ( فوز بتكتل عائلي يغلب الاقتناع الفكري ) بناء على تركة صالح الفضالة

طبعا ولا ننسي جمول قالوله باي باي وراحت عليه

الرابعة
ما اأقدر أتكلم أخاف انطق , جذي دائرة؟ 6 من قبيلة وأربعه من قبيلة ثانية بل بل ولا فلم 300
المطران الصراحة مو فزعة الا ناوين نية
!!ولا عزاء للجهراء

الخامسة
العوازم حافظهم الله احتلفوا الساعة 8 يعني تسكر الباب واحتفلوا لان يدرون ان الفرعيات خالصة
التزااااااااااااام كبير وعمياني ما عدا عصام الا شفط على الدنيا ودش شلون ما ادري
وراح فيها الا سعدون حماد

الانتخابات بشكل عام كانت مخزية وفاشلة وما تبشر بتنمية وتطوير واذا كمل هالمجلس على خير يكون رب العالمين يبي يرحمنا من الشتات

اهداء


17 comments:

PearL said...

بصراحة

نتيجة الانتخابات شكلت صدمة بالنسبة لي
سببت لي احبااااااط

حسيت ان الديرة راحت

خلاص ماكو أمل


لا ويبونها بعد دائرة وحدة

عشان صج نروح فيها
الله يستر بس

kila ma6goog said...

ننتظر و نشوف

doduwa said...

9ara7a madri laish kanaw yaboonha 5 :/ .. 3abalhum 7arb el-6a2efa/elgabeela elfayza ehya elly etwa9el akbar 3adad :S

lazem esawoonha 50 da2ra ..
kel da2era et6alle3 na2eb wa7ed >>
mathalan mishref ebroo7ha da2erah,
el3dailya ebroo7ha da2ra,
o eljahra o el3arthya o elfardoos o elfarwniya da2ra wa7da,
o eld3ya o eldasma o elman9oorya da2ra wa7da .. :P
(respect to all)

the tooth.fairy said...

لوووول

ضحكتني على تعليقك على الدائرتين الرابعة والخامسة


بس مثل ما قلت النتائج مو صدمة

يعني تبي تحل مجلس و ترد تصوت ما يمدي يصير وعي لدى الناخبين؛ وهني اتكلم بصفة خاصة عن الناخبات و الشباب اللي توهم قدروا يصوتون

ف النتيجة لن تكون كما نريد


انا اتمنى يطعنون بالثالثة ويردون التصويت الصراحة ! خل نفتك من ناصر الصانع اللي يقعد على أعصابي

عيل ٤٠٪ من الشعب مو امصوت !!

the tooth.fairy said...

نسيت أقول ان رجعت بالأرشيف وقريت تحليلك اللي اب ٨/٢٠٠٧

I was amazed.

Good job !

ManalQ8 said...

بنظري
ماكانت النتائج سيئة للغاية

وانا مع مطقوق

ننتظر ونشوف

SolaimaN said...

مشاري

من اليوم ورايح انا راح اعلق على البوستات من العنوان

وماراح اقرى الباجي

:)

متوقع اللي بتقوله بالضبط،، الا في نتيجه بو انس

بصراحه هذا اللي توقعته

،،

اما رولا ،،اسمحلي،، اختلف معاك جدا

لا ينقصنا مزيد من العنصريه والطائفية

فتى الجبل said...

قناعتي ان التغيير ما راح يصير بين يوم وليلة
خاصة ان اوضاعنا السيئة تربى عليها ثلاثة اجيال
والقناعة الثانية ان بدون تعاون الحكومة لتطبيق الدستور والقانون ما راح يتغير شي

someone_q8 said...

السلام عليكم
اخوي مشاري , عندي معلومة اكيدة عن الدائرة الرابعة وهي ان 25 الف ناخب لم يذهبوا الى التصويت , تدري ليش لانهم عارفين ان القبلية اهيه اللي راح اتفوز
شفت المسخرة ؟؟؟؟؟؟
لا انحكم على الظاهر بالنسبة للمرشحين خل نتأمل خير وهذه بالاخير قناعة الشعب فيهم , و الترقب افضله على الحكم , مع ان في رأيي الخاص قاعد اشوف سحابة رمادية يمكن يمكن من وراها مطر

Shaima'a Alkandari said...

:)

:)

تدري كل اللى اقوله صبوووووحه خطبها نصيييب أأوووووووووووه خطبها نصيب




الله يكتب اللى فيه الخير للكويت يامشاري

Kuw_Son said...

قعدت أطق رقب مع نشيد الكويت الطربي .. صبوحة خطبها نصيب !

The Voice Within said...

شيين فاقعين مرارتي
عبد الصمد و لاري! بس الشرهة مو عليهم

و السعدون و الصانع لي متى؟ بعرف ليش ما يحشمون روحهم و تاريخهم

أما الأولى و الرابعة و الخامسة فكفيت و وفيت :p

يسلمووو

Eng_Q8 said...

هذا اختيار الشعب يالمشري

magnoonah said...

مالي بالسياسه

بس لما قعدت عالنتايج

خصوصا بدائرتي الي انت خايف تنطق منها
(وما عاش الي يفكر صوبك منهم)

يعني فعلا شي غير متوقع وصدمه
ومالنا غير نقول هذا اختيار الشعب وهذه ارادتهم
ومن هالشي لازم نجرب ونشوف نتايج قراراتنا


واتمنى بكل الحالات انه الله يكتب لنا الخير بهالمجلس ويكون لمصلحة البلد ومصلحتنا

سدرة العشـــاق said...

من شاف الويوه الودرة اللي بالمجلس ما يتريا منهم شي

الله يرحم حال الديرة و يحفظها من كل شر

مُحَسّدْ said...

يكفي نتائجها المخيبة للآمال فضلا عن الممارسات المتخلفة فيها

فراوله said...

مساالخير والكرامه
عزيزي
اللي بالجدر يطلعه الملاس
يا خبر بفلوس
بكره يصر ببلاش
:))