بداية لا أنكر أني مليت من التدوين
ليس لسبب بل بالعكس استفادتي العظمي كانت من التدوين ومن الافكار الموجودة وعلى معرفة ما يدور من افكار مختلفة
ارتبطت بالصحافة بمقال شبه يومي وقد أكون من القلة اللي صرحت عن شخصيتها في التدوين وخارجه
طبعا ما انسي بو سلمي والطارق اللى خذوا نفس المنحي وخصوصا بعد مقابلة الوشيحي
على العموم احس نفسي صرت كسول تدوين ولكن هذا اللى طلع معاى هاليومين حسب ما اتابع
ظاهر حريم ورياييل
في ظاهرة غريبة صارله فترة منتشرة وخصوصا قبل الانتخابات
الاصرار على الزج بالحريم في كل شى
وقبل لا احد يهاجم
انا مع ان يكون في حريم تمسك منصب
ومع ان في وحدة عندها الكفاءة تنجح بالمجلس
ولكن لا تصير المسألة ماصخة
كل شى صار ان لازم مراة تكون فيه
اللى قاعد اشوفه ان في تبادل ادوار بين الرياييل والحريم
والمطلوب هو التنسيق
فاعذورني اللى قاعدين تقولونه وتطالبون فيه اكثر من المتوقع وبسببه قاعدين نتفاجئ بمشاكل اجتماعية جديدة
أحوال
هاليومين كل ما ادش مدونة او اقرا جريدة القى تحلطم وحالي من حالكم بس نتحلطم
هل اللى قاعد يصير متعمد علشان نمل ونخيس من الحر مرة وحدة وخصوصا الغبار اللى يانا الله خير
يخلي النفسية بالعلالي فنقول ننطم ونسكت وانا اولكم ونشوف شراح يسون مزايين الابل اقصد المجلس
الخال سواها
اوباما مرشح الحزب الديمقراطي يفوز بالانتخابات الحزبية -جميل
ولكن شنو راح يسوي الحين وهل يفوز
انا اتوقع ان ممكن يفوز
والسؤال لكم هل يفوز ام لا ؟
ما قبل الاخير
جميعنا نخطئ وهذا شي طبيعي وجميعنا نختلف بالرأي ولكن اللى يحصل عندنا
بكل بساطة اذا انت مو معاي فتكون ضدي
شوية رقي بالحوار وشوية تقبل حق الافكار المختلفة الامور تمشي
ولما اقول تقبل للافكار يعني تقبل للفكر اللى يطور ويساعد واللى يبتعد عن الامور الشخصية
عندها اتوقع ان راح نبدي ننصلح
ما قبل الاخير
جميعنا نخطئ وهذا شي طبيعي وجميعنا نختلف بالرأي ولكن اللى يحصل عندنا
بكل بساطة اذا انت مو معاي فتكون ضدي
شوية رقي بالحوار وشوية تقبل حق الافكار المختلفة الامور تمشي
ولما اقول تقبل للافكار يعني تقبل للفكر اللى يطور ويساعد واللى يبتعد عن الامور الشخصية
عندها اتوقع ان راح نبدي ننصلح
منتخبنا
الصراحة طرت من الفرحة يوم فاز المنتخب ولو ان عدم اقتناعي بلاعبينا كمستوي فني
ولكن كانت الروح الحماسية مغطية
انا يوم السبت انشالله بالملعب وراح اشربك واصفق واصفر وبالبس فنيلة المنتخب حتي لو خسارنين لانهم يستاهلون الدعم
18 comments:
انا اقول ماكين الفايز
والازرق خل يراوينه مراجله على الامارات مو بس سوريا !!
ويعطيك العافيه
وحايشتني نفس حالتك التدوينيه
مو ملل بس مرات الواحد يكسل
ما نفقده هو احترام الاختلاف
انت مختلف معاي على عيني و راسي.. لكن لازم احترم وجهة نظرك .. و ما افكر بس بتغيير القناعات
مشكور على مرورك لمدونتي
السلام عليكم
المنتخب ؟؟
اخوي مشاري بالنسبة للمنتخب اعتقد يبيله عملية جذرية لاصلاح اوضاعه
الفكر !!
اللي قلته اهو الصح عاد تعال فجج باللي ما يقتنع ان الاختلاف بالرأي لا يفسد للود قضية
لك مني كل تحية واحترام
أوباما فاز علشان يفوز ماكين في إنتخابات الرئاسة
هذا إلي آنا شايفته
المشري تدري شنو سبب الخمول او حال الخمول اللي عامه التدوين
اننا بالفترة الاخيرة كنا نعيش حياة اكشن وايد
اما اللحين فالمرحة هي مرحلة الانتظار
صاحب السمو
حط حدود
و حط خطوط للفريقين
و باقي التطبيق منهم
و الكل بالانتظار
و الانتظار سيطول بسبب الاجازة كذلك
لذا نتثاوب وايد
اللى قاعد اشوفه ان في تبادل ادوار بين الرياييل والحريم
اخوي مشاري
اللي قاعد يصير انه
الزوج يهرب من المسئوليه و يطلع بره البيت
و الزوجه تقوم بدور الزوج
و الخادمه تقوم بدور الام
و الله يستر على مجتمعنا
عادي يا مشاري .. ما ردك تتعدى هالحالة :)
توني أشوف أهداف المنتخب
خوش أهداف :)
اوباما يفوز
هذي توقعاتي
والغبار عافس نفسيه الكل !!؟
الله يعينا
(1)
للأسف حطوها في اماكن علشان يخطؤنها بالأول لعجزها والأهم من هذا علشان إورون اللي بالخارج تره عندنا نساء الحكومة
(2)
يمكن في احد يبيك تنشغل بالتحلطم علشان يكمل بوقاته
صراحتا قمت احب الغبره لأنها تحميك من حر الشمس
(3)
مالك أمر الخال يفوز يمكن اكبر دوله بعد جنوب افريقيا العنصرية
(4)
لمن الواحد يكون جاهل من الصعب العيش معاه
(5)
المنتخب
بعثت رساله لخوي وأنا قاعد اشوف اللعب قلتله
كأنا في 1983
.......
مثل ما قلت لواعيب الكويت مو جيدين بس روح المدرب كانت لهم الدافع للفوز
طبعا المشجعين لهم الدور الرئيسي
.........................
احب اطرح شي يمكن في احد يوصل هالمعلومة للاعبين
يبيلهم لياقة
لو المدرب يشرط عليهم ان لا يمتلكون الكرة عندهم اكثر من 5 ثواني
يتعلمون شلون يسكنون
هذه مشكلة اللواعيب بالكويت
بسكت على التسريحات مالن الشعر والجيل
:) علشانك
التحلطم عادة كويتية اصيلة مهي دخيلة
:)
شربك
بس لا تبطل حلجك وايد
والبس نظارة زورو
عن لغبار
للاسف وضع الديرة يملل من كل شي
الدنيا اتلهى مشارى اذا الواحد قط ولا فج تلاقي انشغل ولا يحتاج يكسر
ويرجع لهالمكان
ما ادرى هالمكان الى يدشه ويتعايش مع ناسه ما يقدر يوخر عنه
حتى لو طال الغياب هذاراى الشخصى ما ادرى عنكم
:)
وعساك على القوه
مشاري
انت ما تقول لي وينك فيه؟
وبعدبن وش الي غاصبك على مر السياسه حتى تبلعها...عندك حلات الفنون جابلها ودلعها وتنطعها
ودي ابدي من حدر
اولا الطمباخيه بكبرها ماينفع فيها عمليات التجميل اهرمت وتجعدت وفشت وارتخت
نبي طمباخيه يديده مشدود عودها
الثانيه
كلمن بقلبه شقى الليله وانا بقلبي شقى الكرسي
الثالثه
الامريكا عنصرين من راسهم الي ساسهم رئيس ملون نوووووووو ويييييه
الرابعه
تعال عندي وشوف الفنون ووسع صدرك
الخامسه
هااااااااووو مادريت ان بهالديره كل شي هبه الحين هبة الحريم ...واللله يستر من الي ياي
وسلامتك وتعيش
طنش تعش وتنتعش ..تفكر واتحاتي تبتلش
مشاري ياخوي حاله الكل يمر فيها عادي
امممممم صح لاحظت سالفت التملل من بعض البلوقات والنكد
يبه خلونا نحمد ربنا على جونا هذا ونتخيل ان احنا بلندن والدنيا حلوه وجونا بدييييييييع
والمنتخب امممم حلوه اقوالهم تصدق
وشنو شنو اي مشكلتنا ان احنا مانتقبل اراء الاخرين وهذا عيبنا
لازم نحترم الرأي الثاني وكل شخص له فكر خاص فيه ووجهة نظر تختلف عن الباجيييين
انا بااااااااااااااك
عوده من جديد
صار فيني حساسيه من الغبار :(
يالتعبان ولهان عليك
أكتب و متعنا
Post a Comment