الطموح و العمل والمثابرة والالتزام وقليل من المشاغبة تكون الحياة ناجحة

Saturday, October 04, 2008

تحديث تامر حسني - أسوأ خدمة بالكويت ويا شين زين

تحديث؟؟؟؟؟؟


اللى صار بحلفة تامر حسني امس ؟ لو في دولة ثانية يمكن يكون عادي

يا بختك يا وزير الاعلام يالك الاستجواب على الطاير
فجج الحين
الصراحة البنات عندنا مفقورين عنبو داركم ما عسي تشوفون واحد مملوح ؟ طلع اللى طمرتوا عليه

رجاء الشباب التالية اسماءهم لا يطلعون لمدة 48 يوم

حاكي عقالي
از يو لايك
مقهور
كاركوتا
وكاسك يا وطن
شباب رجاء الوعد خشاشي خايف عليكم ؟





بووليد الحبيب مشكورا ضبطني بهالصورة اللى تعبر عن مشاعر الغضب على شين على قولة بوضرار

















اشتراك الانترنت عندي تابع حق شركة زين

يا عسي ماكو زين

وحاط الراوتر مالهم اللى يعني يكون مضبطينه


وانا واحد بالفواتير محترم زيادة عن اللزوم
يعني تخيلوا دافع من شهر طاف لي شهر 11 يعني المفروض احصل خدمة سنعة


تخيلوا بس مجرد تخيل أنك تقعد تشتغل وفجأة ؟

ينقطع عليك الكونكشن

مو مرة ولا مرتين
بعطلة العيد مو أقل من 3 الي اربع مرات
باليوم

يعني الحين يا زين يا زفت الطين

خيركم حق بره شكثره وبارين خلق الله

مكالمات بين الدول على نفس الشبكة بسعر المكالمة المحلية

وخدمات بالهبل فجأة طلعت بعد ما ياكم غول الاتصالات الثالثة

يا اخوان عيب عليكم والله عطو الناس خدمة سنعه والا سكروا الشركة وروحوا خدموا الناس برة الديرة

تري والله احنا اولي ندفع وما نمش بالطوفة

غيرنا لاعبين لعب فيكم وتقولون لهم حاضر عمي

القهر كل ما اتصلت فيهم كل واحد يعطيك اجابة شكل
واحد يقولك طف الجهاز وشغله
والثاني يقول عندنا تطوير شهالتطوير اللي ما طلع الا بالعيد

احتريت ؟
هالبوست كتبته وانا حزين بدون انترنت

55 comments:

منطلقة بطموحي said...

احسن انترنت بالكويت فاستلكو :)
صدقني ..
خلك من انترنت زين
:)

abu eldestor said...

الله يعينك بس
زين من زمان قلنا عنها زينها لبره
أما بديرتنا المفروض يسمونها شين

والموت يعشق فجأه مثلي..والموت مثلي لايحب الإنتظار said...

العزيز مشاري

فعلا كان في تطوير بالشبكة خلال فترة العيد... خلك من زين واشتراكهم ...اذا تبي اشتراك بالبيت عندك فاست تلكو..اما اذا تبي شي عملي وتستخدمة وين ماتروح يمدحون الوطنية صراحة...

او اقولك انطر فيفا يمكن يسوون خدمة انترنت :)

ودمتم بخير وسلام

حسام بن ضرار said...

عرفت ليش اكتب عنهم و انتوا تقولون لي متحامل عليهم؟

من هالخدمه الزفت

بالاضافه انك تتفق معاهم على سعر معين لحدمة الانترنت

و عقب اسبوعين يزيدونه بدون لا يقولون لك

مبين اللي قاعد يسعر الخدمات عندهم حده نحيس بالفطره

ma6goog said...

همم مادري شقول

3bady said...

طوووول بالك :))

انا عن نفسي استخدم كيمس رخييص و مافي اي ماشكل و اذا صارت مشكلة تلقاهم اول ناس يحلونها :))

اما على طاري التلفون و خطوطهم ما ادري والله جوف الاتصالات الثالثة يمكن زينه او غير خطك وطنية

الله يعينك اخوي :)

EXzombie said...

عيل لو تدري شنو يسوون من خدمات للمجتمع بتطق على راسك، بالاردن يسوون برامج شبابية، و دورات تدريب و تطوير، و مسابقات على مستوى المملكة، و احنا ربعنا جلحان ملحان، مكالمات موحدة في كل الدول ما عدى الكويت، و المكالمات اسعارها رمزية مقارنة بالكويت، و بعدين اكبر حرمنة اهي انه المكالمات محسوبة علينا بالكويت سواء انا المتصل او المستقبل للاتصال، و اخر شي يقولون لنا ما يعجبنا العجب

Purplecious said...

اي والله اي والله اي والله

مع اني مدحتهم ببوست على العروض اللي عطزني اياها سوني يا دهينه لا تنكتين

و عقبها بلشوا بالحركات الارعه

أنا الاي قو من نص رمضان و هو مادري شسالفته
ادق عليهم يقولون لي من متى؟ اقولهم و الله جم يوم (لاحظ اني صبرت عليهم يومين جود يتسنعون) قالولي سوي جذي طفي الجهاز و جربيه على جهاز ثاني
مــــــــــاكو فايده
اخرتها قالولي بنقدم شكوى للدعم الفني و يدقون عليج عقب 4 ايام
!!!!!!!!!
نطرنا 4 ايام ما دقوا!! شلت شلايلي و وديت لابتوبي بكبره لهم
و لما شغلته عندهم اشتغل!!!!!! هااااااو
تقولي اي كان فيه مشكله و صلحناها
انزين انا لما دقيت ما قالولي ان فيه مشكله.. سألتهم شنو سالفه الاي قو؟؟ قالولي سلامتج ما فيه شي
!!!!!!!!

اقولك سالفه ثانية؟؟

دفعت حق الاي قو بالانترنت و لأن كان خربان و ما يشتغل ما طلعتلي صفحة الفاتوره اني دفعت بس البنك دزلي مسج ان انخصم من حسابي
طبعت كشف الحساب و كتبت شكوى و ليلحين ما دقوا علي و و يدزون لي مسجات دفعي الفاتوره اللي عليج و لا نقطع الخط
!!!!!!!!

ما أقول الا حسبي الله و نعم الوكيل

JiBLa CiTY said...

من آمرك؟
قال محد نهاني

المواصلات والحكومة ساكتين لهم ومستانسين

واذا غاب الرقيب العب ياشين

خطوط مجانية ومكالمات مجانية وخدمات مجانية لكبار المسئولين وكل الزين لهم اكيد ماراح يحسون بشي من الشين
:)

حسبي الله ونعم الوكيل

الوطنية غسلنا ايدنا منها بعد
وهي اللي كنا حاطين عليها الأمل

مالنا الا بفيفا واتمنى مايخيب الظن فيها

الله كريم

مالك الا سيناو
:)))

Enter-Q8 said...

الحال من بعضه يالزميل قمت اتحسف على كوالتي يا زين كوالتي
تصدق ادق على 107
اقولها اختي مو راضي يشبك على اشتراك السوبر مثل ما يسمونه
تقولي اوكي جرب الاشتراك الثاني
رفعت ضغطي
قلت لها اجل ليش مشترك بالسوبر
تقولي انا قاعده اسهلك الامر علشان تشبك و بس
بذمتك مو مال العقال يتقطع على ظهرهم
قلت لها عطيني المشرف مالكم
قالت بيقولك نفس الكلام
قلت لها ابي اكلمه انتي شكو

قلت لها انا ادفع 27 دينار حق شنو
مو علشان اخذ اشتراك سريع يقولي اي
بس الاخت مو قصدها قلت خلك من الاخت
انا اسالك بترد لي فلوسي مالت هالايام
انطم و سكت
تتوقع شنو الرد
يقول بنبلغ الفنيين و يردون عليك بعد اربع ايام عمل
لاحظ اربع ايام عمل
شهالخبال
ياشين
لا خو الحمله يايه يايه
عليهم
بعد اللحين الحريم مو يحبونهم بعد
خوش خوش

Cat said...

yes

they suck big time

ZooZ "3grbgr" said...

انا جربت اشتراك فاست تلكو واااااايد زين وموظفينهم روعة وما تنلطع على الخط على ما يردون

وعندي راوتر الوطنية اذا بغيت اطلع وايد مستانسة منه كنت استخدمه لمدة شهرين يوميا ماخذه لابتوبي الدوام شزينه

الله يعينك عاد انا ما اتحمل اكون نوت كونكتد احب احس اني اونلاين طول الوقت

someone_q8 said...

السلام عليكم
طول بالك يالمشري وانطر كلها جم شهر وراح اتشوف الخدمات السنعة تطلع فجأة من شين و الوطنية وكل هذا عشان الاتصالات الثالثة
خالي :)

kuwaitawy said...

الله يعينك عليهم :)

Enter-Q8 said...

خدمات طيط
شيك على ايميلك

marshmallows said...

انا كانت اشحلاتها عندي و كل مااحد تحلطم
استغرب لان مافيها شي تشبك و كل شي اوكي
بس الحين بعطلت العيد مادري اشبلاها تفصل فصلة قهر الي ماترد تشبك الا عقب ربع ساعه نص ساعه

terkwaz said...

ظحكتني انا بالساعه تفصل ثلاث مرات @@

ومادري شنو سر طفو الكمبيوتر؟!

Anonymous said...

In Spain they have a word for it.

It's called 'mierda.'

شـقـــــران said...

العزيز مشاري

عيدك مبارك



خبري بالمتنقلة منذ سنة 99

فالوطنية أفضل منها بكثير من الخدمات



تحياتي لك

محـــــارة said...

شوف خيو مشاري أنا من تجربه صار لي جم سنه غير فاست تليكو دي اس ال لاتحط الباجي حجي فاضي

تبارك الله مابي أحسدهم خدمتهم عال العال وووايد مميزه تبارك الله عمرها ما انقطعت إلا جم يوم لما احترق برج التحرير أعتقد لأن مكاتبهم اهناك وبظرف يومين حطو سيرفر يديد ومشو عملائهم

أروع منهم ماكو .. لكن إذا تبي متحرك بصراحه أنا بعدي ماجربت ولا شركه كافي بالبيت مابي اربع وعشرين ساعه خل اشوف العالم الخارجي شوي

.........

بسالفة زين وعلى قولتك شين ترى مسخره وبوق عندنا الموبايلات بالكويت الدوله الوحيده الي يندق عليك ولا ادق انت الي تدفع شكو بالله ؟؟ وشكو لما تيني مكالمه من برا انا هما ادفع شهالمسخره .. ولا يفوتك بوقت الزحمة جنه بليون ماجنا ماوصلنا ولا مليون ومو كلنا يستخدم نفس الشركه تهنق وتعلق والمسجات شوي لو توصلها بيدك راح توصل اسرع منهم

والله ما أبالغ لك انا عندي خط سعودي جوال والله مايمدنيني لما اكون بالسعوديه اسوي سند إلا مدزوزه وشوف الخدمه الصوت وماكو مصري يدش لك بالخط ولا داق على وحده يرد عليك بالغلط واحد مسخرة لخطوط جنا تونا رادين عقب التحرير

أنا انطر بس تفج الاتصالات الثالثه الي اهيه نفسها خطوط السعوديه بشتري منهم خط وخدماتهم روعه أسألني وخل زين تنقع عمرها بماي وملح

مُحَسّدْ said...

مكره اخاك لا بطل

ابو لطيف said...

كلنا نذم خدمات الشركة
ومازلنا مشتركين
وندفع فلوس

وطالما مدخولهم يزيد ما ينقص
خدماتهم راح تنقص ما تزيد

هذي اهي المعادلة الكويتية في كل مكان تقريبا الا من رحم ربي

والله المستعان

`~MnO YeNSa! ~` said...

انا امس
ينييت
ودقيت عليهم


قالولي الساعة 12

تشتغل

يا ربي الناس عطلة
و اذا فيه عطل تداركوه
قبل

:(
حتى انا عصبت

دلة said...

Zain
Qualitynet

مال من يراويهم الشغل العدل
في عدم البوق ومعاملة الاوادم سنع
وين اللي يراوينا فيهم البديل وييييييييييييييين! ـ

Smile said...

خل اقولك سالفتي
قبل كم شهر انا وزوجي قررنا نغير خطوط تلفوناتنا من الوطنيه لي زين وفعلا راح زوجي وشرالنا خطين متشابهين بس رقم واحد غير والخطين باسمه
الله يسلمك كل شهر انا ادش على موقع الشركه وادفع مكالماتي مع انه مكالماتي مو وايد بالنسبه لغيري تقريبا من 25 الى 30 د.ك
واحنا مسوين خدمة ويانا
يعني المفروض مكالماتي اقل من جذي لاني ما ستخدم وايد التلفون الا للضروره
السالفه تييلك الحين
زوجي من اول ما شرا الخط ما دفع ولا مره مكالماته واكتشفنا انني كل ما ادفع مكالماتي يوصله مسج يشكرونه على تسديد فواتيره وطبعا يوصل المسج بعد انا لما ادفع مكالماتي
اشلون صرت ادفع مكالماتي ومكالمته ما ادري
؟؟؟؟!!!!!!!

ويوم دقيت عليهم قرق علي لما قال بس وما فهمت ولاااااااااا شي

Miss-Q8 said...

اشتركت واير لس و ريحت راسي
و إذا أبي شي متنقل مالي إلا الوطنية
أما زين .. ابعد عن الشر و غنيلوا

الله يعينك على ما ابتلاك *_*

qesat_5ayal said...

شركة زين
:\

الواحد يطر منهم طرارة عشان يتسنع شغله

أنا جربت ولا زلت بنفس معاناة شو تايم للدي اس ال
كل يوم وترك داقة عليهم
وكل أعذارهم حفظتها
:\





تامر حسني
واي حر حر من الفشلة
شفتها عالتلفزيون
فشلتنا

محـــــارة said...

لووول مت ضحك عليها تصدق عيني تحب الشر :) ماكنت حاطه على الحفله حطيت عليها شوي ولا أشوف نبيل شعيل مطلع المندثر والمغبر ياشمس وادي بأيدك

قلت لاااا ماكو شغل ابي شيء هادي .. قلبت ورحت ورديت جان ارد واحط ولا أشوف الطايره الهبله ااااابيه شكو وعلى شنو ومن زينه

تامر حسني مملوح !!!!! وووويع هذا مملوع متفخ عمره وحالته حاله وبلأخر ماينبلع جنه خيشة عيش

أعتقد الحصان مادري البغل الشارد اكرمكم الله مو كويتيه صبغتها مع شعرها ونقزتها توحي لي أنها مو كويتيه ولو أن الكويتيات صاروا يعورون الراس بقلة ادبهم وباللبسهم الي يفشل

منساع طالعه ششوف شخلي وربي صايرة أردى من الصبيان اخز منبهره بالمنظر نص الفخذ وطاير وخفيف وقواطي على الراس وترص رص وماربك به أعلم

أشكال مادري من وين يايه الله يستر عليهم ولا يبلانا .. ومايجلطني إلا لما يكون معاه ثور ساحبته وياها وهيه بهالمنظر !!!! صج وين الرجوله مايغار

Purplecious said...

لووووووووووووووووول الحمدلله و الشكر

من زينه عاد تامر!!؟


لو راغب علامه أفهم

رامي عياش ماألووووووومهم

هههههههههه

بس هذا شيــــــــن

استغفر الله


و الشباب المملوحين اشمعنى 48 ساعه بس؟؟

كويــتي لايــعه كبــده said...

الملقوفه (الحمد لله والشكر) ما حصلت اللي يربيها (الحمد لله والشكر) او على الاقل من ينام بمردانها على لمة رجل غريب والاخلاق الردية (عسى الله لا يبلينا ولا يبليكم)

وبعدين ليش بس ربعنا اللي نصحتهم ما يطلعون؟
يعني هم حلوين وحنا لأ !؟
:)


اما شين فنحن ندفع لهم بنك مو فلوس وما نملك الحق بطلب خدمة على مستوى ما ندفع

أرحب بالشركة الثالثة من كل قلبي
وأتمنى لها كل النجاح على حساب "شين"!
ء

حياتي هدف مو عبث said...

الفيديو ما يشتغل

:P

As YoU LiKE said...

العن خيرها المصرية نطت عليه نط .. زين ماذبحته ..

انا ماطلعت ولا راح اطلع ..

اما كاسك اختفى المسكين ماقام يبين .. مادري رجع ولا لأ !

marshmallows said...

لوووول اي انا شفتها بس كله بصوب وويه تامر حسني بصووب
على فكره ترى البنت موكويتيه
و اليوم بالغلط حطيت افضل قناة فلاش ولا مختب الحبيب و يايب محامي و حالته حاله لا و المحامي يقول الي سوته عقوبته سجن 6 سنين لنها سوت فعل فاضح في مكان عام ومادري اشقال رفع ضغطي
وعليه ياهل لمته خلوها تستانس امداك سويت برنامج وحالتك حاله انا كنت منصدمه من الي سوته البنت بس الحين عقب الي شفته من السلمان الغثيث صفيت معاها قلبا وقالبا

a7La eNG said...

LOL ..

ابي اللي راكض وراها
منو
@@

وخزياه فشلته على الهوا مباشر

ركضتها هبلة
سوري عالكلمة بس بس الركضة هبلة
هههههههههههههههههههههه

:P

هل ردوا البيت مع بعض عقب سواد الويه
؟؟


انزين .. انا احس كل السالفة
ان الريال اللي معاها
عد لها
1
2

و اهيا انطلقت قبل 3

يعني غشاشة
بس و الا وينه عنها يوم قامت

استغفر الله ضحكت ضحك
الله لا يحسر فينا بس

.
.
.

شين من حست بترقبنا للقلبة عليها
قامت تبوقنا اشكره

يعني ادفع فاتورة الشهر
يعطلون العملية 3 اسابيع فما فوق

ايك تهديد غير لبق
عميلنا

قبل عزيزي العميل راحت ايام المعزة الظاهر

ترد تدفع لانه ما وصلت لهم الفلوس

بعدين يقولون لك
OPps
واصلتنا بس السستم معطل تنفيذها
@@

و يصير عندهم دبل المطلوب
لغاية في نفسهم


انا بصراحة شايلة عليهم وايد
و ما احب اشيل فا مشكور خليتني افضفض
:D

هذيان said...

اتهقى الحين التحالف شنو راح يقولون



جريدة الوطن باعثه هالبنت عشان تأزم الساحة السياسية


يجوز

راعيها said...

يا مشاري خلك على كيمز و بس ... هي أفضل شبكه بالكويت

حياتي هدف مو عبث said...

من هاليهال اللي اتعلق بمغني ولا ممثل

سواء كانت كويتية ولا مصرية

الله يهديها ويستر عليها

لكن سبحان الله الكويتين يدورون السوالف

لاحظت الاغلب وقف يبي يشووف

:P

والصرااخ اشدعوه !

راكبة قطاار الموت

;pP

. . . ساخر كويتي said...

فعلا مثل ما قالت اخت :الموت يعشق فجأة
افضل خدمة هي لفاست تلكو في الاشتراك في خدمة انترنت

اما زين فهي عين عذاري
تسقي البعيد وساحبة على القريب من قلب

اما عن الخدمات والاسعار والفواتير فهي بكل جدارة ماهي زينة ابدا ابدا
ويندى لها الحاجبين مع بعض :)

بس شاطرين اذا خلصواالمكالمة مع العميل ( بدون حل لمشكلته )
""هل ترغب باي خدمة اخرى !!!!"" من صجهم
ومن بعدها يقولون لك ""زين تشكر اتصالكم ""

طيروا زين

تحياتي

Barrak said...

تهقى منو احلى انا والا تامر حسني

لكن السؤال اللي يفرض نفسه
ليش مالموّا نبيل شعيل


؟؟؟؟

الفنان said...

يا ابن الحلال

والله هذي شركة بعد
احسن اسم لها
مثل ما تفضلت
شين

اي والله شي

نهب سحب فلوس ولا خدمات ولا شي

شوف السعودية وين وصلوا

يقولك موبايلي
60% خصم على المكالمات المحلية والدولية
واحنا رافعين السعر

انا يا جماعه هذا الشهر صارلي شي غريب

دفت 25 من الفاتورة
بعد 4 ايام زاتد 12 دينار الفاتوره

يااا ما مداها

رحت دفعت 30

بعد اسبوع ولا وايده 20
والله انقهرت بس شتقول

الشكوة لله
ملزوم ادفع واستعمل التلفون


ومثل ما قالولك الشباب
النت فصله من عندهم خل يولون

واخذ من فاست تلكو

Anonymous said...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية :

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - الطاقة المتجددة كبديل للطاقة النووية. فالطاقة النووية لها محاذيرها وهذا ماسوف نشرحه بالتفصيل.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

Aurous said...

ترى البنت الي نطت على تامر حسني مو من بناتنا.. للتنويه فقط ;p

وزين من زمان حرامية وقاصين علينا..نص ارباحهم طالعة من الكويت وخدمتهم زفت!

حسام بن ضرار said...

ها

إستلم

بعد لهم ويه يصرحون مع خدمات السلقلق مالتهم

http://www.alwasat.com.kw/Default.aspx?MgDid=80356&pageId=43

العــــمـــــر: «زيــــن» طـــــوّرت شبــــكـــتـــها فــــي جــميــــع مــــناطق الكــــويـــت

صكوا على مسيلمه الكذاب

ولد الديرة said...

تامر حسني مملوح؟

الله يبشرك بالخير

عيل عبدالله بالخير شنو

شوف حجي

لو تطلع بطل سينالكو عتيج مدفون من 55 سنة

تلبسه كبوس و تقضبه ميكرفون راح يطبون عليه العالم

الله يحفظ عيالنا من هالفضاوة الشينة

Kuwait said...

لوووووووووووووول ..
زين ما شاف الزين بعين والله :\
ما يشبعون جذب وبوق صايرين مثل جهنم "يوم نقول لجهنم هل إمتلأتي فتقول هل من مزيد " ..
سؤال على التحديث الحين تآمر حسني حلو ؟؟
والله ان ما شاف الحلا :\

THE BOSS said...

انا مستخدم نظامهم القديم هواوي بو تسع صار مشترك فيه من اول ما حطوه وكل شوي يا معلق يا فاصل
وعطني ولعه

THE BOSS said...

لحظه نسيت اعلق على موضوع تامر يا عيني شنو هذا تامر على شاي و الا قهوه قصدي حسني و صراحه انا معاهم زين يسوون و بعدين اشفيهم البنات مشاحيف على اليسوى و اللي ما يسوى المهم مشهور
جيكر معصب وقاعد ينتقد
:)
وعطني ولعه

Eng_Q8 said...

وانا اشوف بالمطار دخلوني قاعة التشريفات ونحشوني :p

ButterFlier said...

أنا اطلع عادي ولا ؟

بنت أحمد said...

ماقصروا الربع بالنسبة لموضوع تامر كفوا ووفوا

وبالنسبة لزين شكل سيئاتها تطلع تدريجياً أشوى اني ماقرب منها

الله يكون بالعون

وضبط لك اشتراك كويس مانبي نشتاق لك

دمت بود وصحة وعافية وسعادة

دوم بانتظار جديدك

ReLaaaX said...

لا صارت حاجتك عند شين قوله ياعمي شينان :p


شنسوي ياوخيي والله هذا الموجود .. وكل من متحلف فيهم وبيحولون على الشركة اليديدة


بس بيني وبينك مااتوقع ان كلهم قد كلمتهم .. نروح نروح ومردنا حق هالشين!

ShLaLaT said...

لووووووووووووووووووول

في احد قالك ان تحلطمك خف طينه ؟؟
:)


الصور معبررره الصراحه

وسالفه تامر
لوووووووول الله يعينه الوزير

بس من صجك مزيون ؟؟؟
عااااااااادي يعني
;p

بس البنات مشاااااافيح بعضهم طبعا
;p

Mishari said...

اعذورني يا جماعة الخير

الاشتراك كان تعبان وانا اسف انى ما راح ارد عليكم

بس الرد

حق ButterFlier

انت اطلع اولا عزوبي
ثاني شى انت تخوف الشباب اللى قلت عنهم الفين وطيبين وانت شري بو طير :))

Anonymous said...

صدقت يا استاذي
انا اكثر وحدة اعاني من زين
على فكرة مسوين عرض بالسعودية وشوف سعر الدقيقة عندهم بجم؟ والمكالمات الدولية الواردة عندهم ببلاش
بس احنا ربعنا يبوقون من مخابينا ويسنعون روحهم بالدول الثانية :)

ومشكلة الايقو لوول لا تعليق عبالي بس عندي :p
وباخر جم يوم من الشهر يبدى الانترنت يصير بطيء عشان يجبرونا ندفع ... عيب هالاسلوب صراحة؟؟ خل يخلص الشهر وبعدين سووا اللي تبونه اذا ما دفعنا

gaFsHa ;p said...

انا اشتراكي وطنيه
ممتاز ^^

اقعد شهرين 3 اشهر مادفع عادي مايقطعون
و يعطوني فوقه مده 10 يقولون دفعي
لووول و انا بهالفتره ادفع
و
و بس مرتين انقطع عني مره قاعدين يسوون السيرفر و قالوا بالجريده و دزوا مسجات و المره الثانيه لما الكيبل احترق مادري اشسالفته

و ساعات ينقطع مني اذا ما دفعت و طولت بالدفع <<< هذا الشي مني مو منهم لول اذا فلست مادفع الا لما احصل فلوس مني و لا مني خخخخخخ